ISAIAH 2:2 - BUKUIT NE TILIL

² Kimitu eng’ betusiek che bo let, tulwetab gotab Jehovah eng’ tulonok barak, ak kitorori kosiir tulonok che mengechen; ak tun itendenjin oloto bororiosiek tugul.

Bukuit Ne Tilil

² Kimitu eng' peetuusyek che po let, tulweetap kootap Kamuktaindet ne Toroor eng' tuloonook parak, ak kitoroori kosiir tuloonook che mengeechen; ak tuun pwaanjin olooto pororyosyek tugul.

BUKUIT NE TILIIL Sireet ne Dutero Kanon

² Kimitu eng' peetuusyek che po let, tulweetap kootap Kamuktaindet ne Toroor eng' tuloonook parak, ak kitoroori kosiir tuloonook che mengeechen; ak tuun pwaanjin olooto pororyosyek tugul.

ISAIAH 2:2 Referencias Cruzadas

TAUNET 49:1

Ak kiiguur Jakobo werikyik, kolenji, Oyumgei tugul, si kobiit aboruok tuguk che tun bwanjinok eng’ betusiek che bo let.

Kitabuutap JOB 19:25

Ago angen ale sobei Katiagindennyu, Ak tun tonone ng’ony eng’ betut ne bo let:

TIENWOGIKAL 102:23

Kiyai kimnatennyu konyalul eng’ oret; Kitil betusiekyuk konwagitu.

TIENWOGIKAL 2:8

Soma, si agonin bororiosiek koek boroteng’ung’, Ak agonin tabanwekab ng’ony kobunjin.

TIENWOGIKAL 22:27

Ibwati Jehovah tabanwek tugul che bo ng’ony ak koweekyigei inendet: Tun kutung’jinin inye ortinwek tugul che bo bororiosiek.

TIENWOGIKAL 22:28

Amu bo Jehovah laitornatet: Ak inendet bounindetab bororiosiek.

TIENWOGIKAL 48:2

Mi tulwetab Sion ole kararan, ole toogunot, inendet boiboindab ng’ony komugul, Ne tokyingei murot ne bo katam, Nganasetab Laitoriat ne o.

TIENWOGIKAL 68:17

Karisiekab Kamuktaindet ko elfusiek tiptem, agot elfusiek ak elfusiek: Mi Kiptaiyat kwenunywa, eng’ Sinai, eng’ ole tilil.

TIENWOGIKAL 72:8

Laitorani inendet koboch nyanjet agoi nyanjet age, Ak koboch Ainet agoi ole bochin ng’ony.

TIENWOGIKAL 86:9

Tun bwanei bororiosiek tugul che kiiyae Ak kogutung’so eng’ taing’ung’, ee Kiptaiyat; Ak kotoror ichek kaineng’ung’.

TIENWOGIKAL 87:1

Mi lumeiywondennyi tulonok che tililen.

TIENWOGIKAL 87:2

Chamei Jehovah kurgotikab Sion Kosiir meng’otosiek tugul che bo Jakobo.

ISAIAH 11:10

Ak cheng’ei bororiosiek eng’ betunoto tigitiotab Jesii, ne tononi koegu songolietab bik; ak egu torornatet ole imuung’e.

ISAIAH 25:6

Ak tun yachin Jehovah ne bo lugosiek bororiosiek tugul, eng’ tulwoni igorta ne bo tuguk che akwaen, igortab divaik che kigotebi keny, ne bo tuguk che akwaen, che nyiitotin mwanik, ne bo divaik che kororon che kigotebi keny.

ISAIAH 27:13

Ak tun kiguutei iriaget ne o eng’ betunoto; ak tun bwanei che ki negit kolusyo eng’ emetab Asuria, koboto che kigetimda eng’ emetab Misri; ak tun ilosu Jehovah eng’ tulwet ne tilil eng’ Jerusalem.

ISAIAH 30:29

Onyoru tiendo ko u eng’ kemout ye kiyaei igorta ne tilil; ak kagasetab ge ne bo muguleldo, ko u ye ibei chito ndurerut si kwo tulwetab Jehovah, agoi Ruandetab Israel.

ISAIAH 49:6

ee, mwaei kole, Kiy ne ming’in iegu otwogindennyu, si kobiit ing’eet bororiosiek che bo Jakobo, ak iweech che kigirib che bo Israel: agonin kogeny iegu lapkeiyetab Bororiosiek, si kobiit iegu yetunennyu agoi tabanwekab ng’ony.

ISAIAH 56:5

kole, Agochini ichek kabwatet ak kainet eng’ gonnyu ak eng’ irimoikyuk, kosiir werik ak tibik; agochini kainet ne bo koigeny, ne magiistoi.

ISAIAH 56:7

amutu ichek kobwa tulwennyu ne tilil, ak agochi koboiboitu eng’ gonnyu ne bo saet; kitaachei kagochinoikwak che kibeelei ak tiseiywekwak, eng’ kaptisisiennyu: amu kiguure gonnyu gotab saet ne bo bororiosiek tugul.

ISAIAH 60:3

Ak kobwanji bororiosiek lapkeiyeng’ung’, ak kobwanji laitorinik kaluunetab choruneng’ung’.

ISAIAH 65:11

Ago okwek che ometoi Jehovah, che outie tulwennyu ne tilil, che ochobe meset agobo Kelunet, ak che onyiityini Kagesunet divaik che kigiburuch:

ISAIAH 66:20

Ak komut tupchosiekwok tugul komong’une bororiosiek tugul koek kagochinet eng’ Jehovah, kobunu mbartanyisiek, ak karisiek, ak tirbonok, ak eng’ nyumbusiek, ak eng’ moek che chepcheben che bo tambesik, kobwa tulwennyu ne tilil Jerusalem, mwaei Jehovah, ko u ye ibu lagokab Israel kagochinenywa eng’ teret ne tilil konyo gotab Jehovah.

ISAIAH 66:23

Ak tun bwanei bik tugul koloswa eng’ tainnyu koboch ye kaleel arawet agoi koleel age, ak koboch sabato age agoi sabato age, mwaei Jehovah.

JEREMIA 16:19

Ee Jehovah, kimnatennyu, ak ko irimennyu, ak ole amwechini eng’ betutab nyalildanyu, bwanjinin bororiosiek kobunu tabanwek che bo ng’ony, ak komwa kole, Ma nam kiy kwanisiekyok kobate lembechek, tangoita ak tuguk che matinyei kelunet.

JEREMIA 23:20

Maweeksei neregekab Jehovah, agoi koyai koges, agoi koyai magutikab muguleldanyi kosulda: oguitosi ng’olyondonito komie eng’ betusiek che bo let.

JEREMIA 26:18

Kimaoten Mikaia Morastindet eng’ betusiekab Hesekia laitoriatab Juda; ak king’alalji bik tugul che bo Juda kolenji, Kamwa Jehovah ne bo lugosiek ko u ni kole: Kibati Sion ko u ye kibati mbaret, ak koek Jerusalem karurugutik, ak koigei tulwetab got komoswek che tororen che bo osnet.

JEREMIA 3:17

Tun kuure ichek Jerusalem eng’ betusiechoto, ng’echeretab laitornatet ne bo Jehovah, ak koyumjigei bororiosiek tugul, koyumjigei kainetab Jehovah, eng’ Jerusalem: ama kobendote uuindab mugulelwekwak che yaachen.

JEREMIA 30:24

Mamweeksei neregek che ng’wonen che bo Jehovah agoi koyai koges, agoi koyai magutikab muguleldanyi kosulda: oguitosi ng’olyondonito eng’ betusiek che bo let.

JEREMIA 31:12

Ak kobwa kotien eng’ ole toror eng’ Sion, ak koroot koba tugul ole mi mieindab Jehovah, ole mi bek, ak divaik, ak mwanik, ak ole mi arekab kechir ak moek: ak koigei sobonwekwak mbaret ne kibisi; ama koarogendos kogeny agot kitigin.

JEREMIA 48:47

Ago aweechi kogeny luulenikab Moab eng’ betusiek che bo let, mwaei Jehovah. Te noto anyun kiruogetab Moab.

JEREMIA 49:39

Ago aweechi kogeny luulenikab Elam eng’ betusiek che bo let, mwaei Jehovah.

JEREMIA 51:44

Aruokyini Bel eng’ Babulon, ak amoong’u eng’ kutinnyi kit ne kigolugui; ama korootei bororiosiek ko u beek kobendi oldanyi kogeny: ee, luulei irimetab Babulon.

EZEKIEL 38:16

ak obwa obarge ak bikyuk Israel, ko u boldet ne tuchei emet; amutun eng’ betusiek che bo let obwa obarge ak emennyu, si kobiit konaa bororiosiek, ye tun aegu ne itabanat eng’ inye, ee Gog, eng’ tainywa.

EZEKIEL 40:2

Kiimutwa eng’ ng’ang’utikab Kamuktaindet anyo emetab Israel ak kondea tulwet ne koi mising’, ole kimi itondab teeksetab nganaset eng’ murot ne bo tai.

DANIEL 10:14

Kanyo anyun si kobiit aborun iguiye tuguk che tun bwanjin biguk eng’ betusiek che bo let: amu bo ng’ang’utiet betusiek che chang’.

DANIEL 2:28

ago mi Kamuktaindet kipsengwet ne ng’anyei ung’otik, ak kagoborji inendet laitoriat Nebukadnesar tuguk che tun biitu eng’ betusiek che bo let. Karuotitoeng’ung’ ak ng’ang’utik che kibwa meting’ung’ eng’ itogung’ung’ ko chu:

DANIEL 2:35

Kotonogis anyun tugul; karik, menet, sugunwet, feda, ak tahabu, ak koigei metetek che bo ruanyut ne kiborse; ak koib usonet, kot ko mata kenyorji ui: ak koek tulwet ne o kayato kotuei kanamwet, ak konyi emet komugul.

DANIEL 2:45

Ak ko u ye koigeer ile kogieb koita ne komi tulwet ama eng’ eunek, si kotuatui karnet, sugunwet, menet, feda, ak tahabu; kagoborji Kamuktaindet ne o, laitoriat, tuguk che tun biitu let: ak bo iman karuotitoet, ak kosuldoi kaweeksennyi.

HOSEA 3:5

ye ibata koweek lagokab Israel, ak kocheng’ Jehovah Kamuktaindenywa, ak Daudi laitoriandenywa; ak kobwanji Jehovah ak mieindanyi eng’ kaiyweisiet eng’ betusiek che bo let.

SEKARIA 14:10

Kiwalei emet tugul koigei Araba, koboch Geba agoi Rimon murot ne bo tai ne bo Jerusalem; ak kieeti, ak komeny oldanyi, koboch ormarichetab Benjamin, agoi komostab ormarichet ne bo tai, agoi ormarichetab luita, koboch teekset ne koi ne bo Hananel, agoi komoswekab laitoriat ole kitue sabibuk.

SEKARIA 14:9

Ak koek Jehovah laitoriatab ng’ony komugul: egu agenge Jehovah eng’ betunoto, ak koek agenge kainennyi.

SEKARIA 8:22

Ee, bwanei bik che chang’ ak bororiosiek che kimen kocheng’ Jehovah ne bo lugosiek eng’ Jerusalem, ak kosom chamet eng’ Jehovah.

SEKARIA 8:3

Mwaei Jehovah ko u ni kole: Kaaweekyige Sion, ak ameny kwenutab Jerusalem: ak keguure Jerusalem, Nganaset ne bo iman; ak keguure tulwetab Jehovah ne bo lugosiek, Tulwet ne tilil.

MALAKI 3:12

Ak koguurenok bororiosiek tugul bik che boiboi: amu oegu emet ne kichamei kot, mwaei Jehovah ne bo lugosiek.

KAITOSYEK 24:14

Keero, kawe nguno ole mi bikyuk: nyo anyun amwaun kit ne itoi bichu biguk eng’ betusiek che bo let.

POISYONIGAP CHE KIYOKTOI 2:17

Mwaei Jehovah kole, Tun eng’ betusiek che bo let, Arong’jini bik tugul Tamirmiriennyu, Ak komaoten werikwok ak tibikwok, Ak kogeer murenikwok ng’ang’utik, Ak koruotyi boisiekwok karuotitaosiek:

2 TIMOTEO 3:1

Ago nai ni ile bwanei eng’ betusiek che bo let egosiek che bichien.

HEBRANIK 1:2

ko ne kagong’alalwech eng’ betusiechu bo let, eng’ Werit, ne kigonde koek ne namei tuguk tugul, ak kiyai inendet ng’ony agine eng’ inendet;

2 PETERO 3:3

korok, ongen ole tun bwanei chombilik ak chombilisiet eng’ betusiek che bo let, che isubi magutikwak,

NG'ANG'UTYET 11:15

Ak kiguut malaikaiyatab tisab; ak kibiit kutuswek che eechen eng’ kipsengwet, ak kimwa kole, Kagobunji bounatetab ng’ony Kiptaiyandennyo, ak Kristo nenyi: ak kobou koigeny ak koigeny.

NG'ANG'UTYET 20:4

Ak kiageer ng’echerokab laitornatet, ak kitebe ichek, ak kigigochi ichek koruoch: ak kiageer sobonwekab ichek che kigitil metowek amu baornatetab Jesu, ak agobo ng’olyotab Jehovah, ak ichek che kima kolosu tiondo, anan kanamwennyi, ak che kimanyor berutiet eng’ togochikwak anan eng’ eunekwak; ak kisopcho ak kolaitoran koboto Kristo kenyisiek elfut.