2 PETERO 1:16 - BUKUIT NE TILIL

¹⁶ Amu kima kisub atindonik che kigichobei eng’ ng’omnatet, ye kingemwawok kimnatet ak nyonunetab Kiptaiyandennyo Jesu Kristo, kigi baorinik che kigigeer etunatennyi,

Bukuit Ne Tilil

¹⁶ Ma kisup atindonik che ki kichobei eng' ng'omnateet ye ki ngemwaiwok kimnateet ak nyonunetap Kiptaiyandennyo Jeso Kristo, ago ki kibaorinigap etunatennyi ne ki kigeer,

BUKUIT NE TILIIL Sireet ne Dutero Kanon

¹⁶ Ma kisup atindonik che ki kichobei eng' ng'omnateet ye ki ngemwaiwok kimnateet ak nyonunetap Kiptaiyandennyo Jeso Kristo, ago ki kibaorinigap etunatennyi ne ki kigeer,

2 PETERO 1:16 Referencias Cruzadas

MALAKI 3:2

Ago ng’o ne imuchi komuita eng’ betutab nyonunennyi? Ak ng’o ne tononi ye katook? Amu u inendet mat ne kitililisie, ak ko u sabunitab mwetik:

MALAKI 4:5

Ogeero, ayokwok maotiot Elija kotom konyo betut ne o ne imuisei ne bo Jehovah.

MATAYO 16:27

Amu tun nyonei Weritab chi eng’ lilindab Kwandanyi koboto malaikaisiekyik; ak koyaakyi anyun chi age tugul ko u boisionikyik.

MATAYO 16:28

Amwawok, iman, ale, Mi alak eng’ che tonondos eng’ yu, che machamjami meet matiny, kot kogeer konyonei Weritab chi eng’ bounatennyi.

MATAYO 17:1

Ak kingobata betusiek lo komut Jesu Petero, ak Jakobo, ak Johana ng’etab kam, kolany tulwet ne koi koba uwak ichegei:

MATAYO 24:27

Amu u ye mong’u kalyelet eng’ kong’asis, ak kegeerot agoi cherongo; egu ko u noto nyonunetab Weritab chi.

MATAYO 24:3

Ak ye kitebye ng’ony eng’ tulwetab Emitik, kobwanji inendet alamalyet komi inegei, ak kole, Mwawech, egu au tuguchu? Ak tun u nee kaborunetab nyonuneng’ung’, ak kagesunetab ng’ony?

MATAYO 28:18

Ak kinyonji Jesu ichek ak kong’alalji, kolenji, Kigegona kimnatet tugul eng’ kipsengwet ak ng’ony.

MARIKO 13:26

Eng’ sainoto kogeer anyun Weritab chi konyonei eng’ bolik koboto kimnatet ne o ak lilindo ne o.

MARIKO 14:62

Ak kile Jesu, A inendet: ak tun ogeere Weritab chi kotebyei eng’ eutab tai ne bo kamuktaet, konyonei eng’ bolik che bo kipsengwet.

LUKA 1:2

ko u ye kigogonech, che ki baorinik che kigeer koboch taunet, ak che ki kiboitinik che bo ng’olyot,

LUKA 9:43

Ak kikwong’io tugul agobo oindab Jehovah. Ago kingota kokwong’dos tugul agobo tuguk che kayai Jesu, kolenji alamalyennyi,

JOHANA 1:14

Ak kiek Ng’olyot borto, ak komeny kwenunnyo (ak kigigeer torornatennyi, torornatet ne u ne bo ne kigii inegei kobunu Kwanda), ko nyiitat mieindo ak imanit.

JOHANA 17:2

ko u ye kiigochi inendet kimnatet koboi bik tugul, si kobiit kogochi sobondab koigeny tugul che kiigochi inendet.

ROMANIK 1:4

ne kigimwaita kele Weritab Jehovah eng’ kimnatet, ko u tamirmiriet ne bo tililindo, eng’ ng’eetyetab che kibek; Jesu Kristo Kiptaiyandennyo,

1 KORINTOEK 1:17

Amu ma iyokwa Kristo abatisanis, ago aamda logoiywek che miach: ma eng’ ng’omnatet ne bo ng’alek, si ma kiyai kimurtoiyotab Kristo koek buch.

1 KORINTOEK 1:23

ago kiamdoi achek Kristo ne kigigartat, ne kanagutiet eng’ Yahudik, ak ko berberindo eng’ Bororiosiek;

1 KORINTOEK 1:7

si moletu eng’ konunet age tugul; ogeni ng’ang’utietab Kiptaiyandennyo Jesu Kristo.

1 KORINTOEK 2:1

Ak ye kianyonjok, tupchosiechu, ko kima anyo eng’ anyinyindab ng’alalet anan ne bo ng’omnatet, anyo aboruok ung’otietab Jehovah.

1 KORINTOEK 2:4

Ak ng’alalennyu ak ng’olyondennyu ne kiaamdoi ko kima ko ng’alekab kagaigaet che bo ng’omnatet, ago eng’ kaborunetab Tamirmiriet ak ne bo kamuktaet:

1 KORINTOEK 5:4

ye koyumge eng’ kainetab Kiptaiyandennyo Jesu, koboto tamirmiriennyu, ak kamuktaetab Kiptaiyandennyo Jesu,

2 KORINTOEK 2:17

Amu achek ko ma ki u che chang’, che boisie ng’olyotab Jehovah eng’ ng’alset: ago ki che boisiei eng’ oret ne matinyei ng’alset, ago ki bo Jehovah, ak eng’ taitab Jehovah, keng’alali eng’ Kristo.

2 KORINTOEK 4:2

ago kigeesie tuguk che ung’otin che bo kalilanet, ama kibendoti eng’ ng’alset, anan keboisie ng’olyotab Jehovah eng’ kaberberisiet; ago eng’ kabartaetab imanit, kiborjinige kabwatetab chi age tugul eng’ taitab Jehovah.

EPESOEK 4:14

si mata keegu lagok, che kitoortoi koba komosi ak komosi ak kiiboti eng’ usonet age tugul ne bo konetisiet, eng’ ng’alsetab bik, eng’ ng’omkong’natet, eng’ kaberberisiosiekab lelutiet;

PILIPIK 3:21

ne tun walei kileelit bortanyo ne bo nyerotiet, si kobiit kogergeit ak bortanyi ne bo lilindo, eng’ kamugonato imuchi koyai tuguk tugul kogas it inendet.

1 THESSALONIKEK 2:19

Amu tos nee kamang’unennyo, anan boiboiyennyo, anan kutwet ne bo torornatet? Tos ma okwek, eng’ taitab Kiptaiyandennyo Jesu eng’ nyonunennyi?

2 THESSALONIKEK 2:9

nyonunennyi konamegei ak boisietab Setani koboto kamuget tugul ak kaborunoik ak kwong’utik che bo lembech,

1 TIMOTEO 1:4

anan koepchi it atindonik ak tetutikab ibinwek che kigosiirto, che matinyei ole igesunegei, che ing’eeti teebutik, kosiir ripsetab boisietab Jehovah ne mi eng’ kayanet; kasomin nguno anyun ko u noto.

1 TIMOTEO 4:7

ago esie atindonik che bo tangoita che manamegei ak oretab Jehovah, che mwaei chebiosok. Ak igiilge eng’ kaiyweet ne kiywei Jehovah:

TITO 1:14

ama epchin it atindonikab Yahudik, ak ng’atutikab bik che istoegei imanit.

2 PETERO 2:3

Ak kocheng’jingei borotet eng’ okwek eng’ ng’alekab ng’alset amu kasenywa ne bo miat: che ma igaegei kiruogenywa koboch keny, ama ruei ng’emisienywa.

1 JOHANA 4:14

Ak kigegeer ak kebaoriani kele kiiyok Kwanda Werit konyo koek Yetindetab ng’ony.

JUDA 1:14

Ak kimaoten Enok agine, chito ne bo tisab koboch Adam, koamdochi bichu kole, Ogeero, kinyo Kiptaiyat koboto bikyik che tililen elfusiek ng’isiat,

NG'ANG'UTYET 1:7

Ogeero, nyonei koboto bolik; ak tun keerei inendet konda age tugul, koboto ichek che kiga toor inendet; ak koteiyo bororiosiek tugul che bo ng’ony amu inendet. Ee, u noto, Amen.