ရှင်ယောဟန် 3:5 - ခေတ်သစ်​မြန်မာ သမ္မာကျမ်း

⁵ ယေရှု​က “သင့်​အား ငါ​အမှန်​ဆို၏။ ရေ​ဖြင့်​လည်းကောင်း၊ ဝိညာဉ်တော်​ဖြင့်​လည်းကောင်း အသစ်တစ်ဖန်​မွေးဖွားခြင်း မခံရသောသူ​သည် ဘုရားသခင်​၏ နိုင်ငံတော်​သို့ မဝင်နိုင်။

Common Language Bible

⁵ သ​ခင်​ယေ​ရှု​က ``အ​မှန်​အ​ကန်​သင့်​အား​ငါ ဆို​သည်​ကား၊ ရေ​နှင့်​ဝိညာဉ်​တော်​အား​ဖြင့်​မွေး ဖွား​လာ​သူ​မ​ဟုတ်​လျှင် အ​ဘယ်​သူ​မျှ​ဘု​ရား သ​ခင်​၏​နိုင်​ငံ​တော်​သို့​မ​ဝင်​ရ။-

Garrad Bible

⁵ ယေရှုက ငါဧကန်အမှန်ဆိုသည်ကား၊ ရေနှင့်ဝိညာဉ်တော်အားဖြင့်မဖွားလျှင် ဘုရားသခင့်နိုင်ငံတော်သို့ မည်သူမျှဝင်နိုင်သည်မဟုတ်။

Judson Bible

⁵ ယေ​ရှု​က​လည်း၊ ရေ​နှင့် ဝိ​ညာဉ်​တော် မ​မွေး​သော​သူ​မည်​သည်​ကား၊ ဘု​ရား​သ​ခင်၏​နိုင်​ငံ​တော်​သို့ မ​ဝင်​ရ​ဟု ငါ​အ​မှန်​အ​ကန်​ဆို၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

⁵ ယေရှု​က“သင့်​အား ငါ​အမှန်အကန်​ဆို​မည်။ လူ​သည် ရေ​နှင့်​ဝိညာဉ်​တော်​အားဖြင့် မွေးဖွား​ခြင်း​ကို​မ​ခံ​လျှင် ဘုရားသခင်​၏​နိုင်ငံ​တော်​သို့​မ​ဝင်​နိုင်။

မြန်မာ

⁵ ယေ​ရှု​က​လည်း၊ ရေ​နှင့် ဝိ​ညာဉ်​တော် မ​မွေး​သော​သူ​မည်​သည်​ကား၊ ဘု​ရား​သ​ခင်၏​နိုင်​ငံ​တော်​သို့ မ​ဝင်​ရ​ဟု ငါ​အ​မှန်​အ​ကန်​ဆို၏။-

ရှင်ယောဟန် 3:5 Referencias Cruzadas

မဿဲ 18:3

“ငါ​အမှန်​ဆိုရ​လျှင် သင်တို့​သည် ပြောင်းလဲ​၍ ကလေးငယ်​ကဲ့သို့ မဖြစ်​လျှင် ကောင်းကင်​နိုင်ငံတော်​သို့ မည်သည့်​အခါမျှ ဝင်ရ​လိမ့်မည်​မဟုတ်။

မဿဲ 19:24

ထပ်မံ​၍ ငါ​ပြောမည်။ ချမ်းသာသော​သူ​သည် ဘုရားသခင်​၏​နိုင်ငံတော်​ထဲသို့ ဝင်​ရန်​ထက် ကုလားအုတ်​သည် အပ်နဖားပေါက်​ထဲသို့ လျှိုဝင်​ရန် ပို၍​လွယ်ကူသည်” ဟု မိန့်တော်မူ၏။

မဿဲ 21:31

ထို​သား​နှစ်ဦးတို့​တွင် မည်သူ​သည် ဖခင်​စကား​ကို နားထောင်သနည်း” ဟု မေးတော်မူ၏။ တပည့်တော်တို့​က “သားကြီး ဖြစ်ပါသည်” ဟု ဖြေကြ၏။ ယေရှု​က သူတို့​အား “ငါ​အမှန်​ဆိုရ​လျှင် အကျင့်ပျက်သော​အခွန်ကောက်သူများ​နှင့် ပြည့်တန်ဆာများ​သည် ဘုရားသခင်​၏ နိုင်ငံတော်​သို့ သင်တို့​ထက်​အလျင် ဝင်ကြ​လိမ့်မည်။

မဿဲ 28:19

ထို့ကြောင့် သင်တို့​သွား​၍ လူမျိုး​အပေါင်းတို့​ကို ငါ့​တပည့် ဖြစ်စေကြလော့။ ခမည်းတော်၊ သားတော်​နှင့် သန့်ရှင်းသော​ဝိညာဉ်တော်​တို့​၏​အမည်​နာမ​၌ သူတို့​ကို နှစ်ခြင်းမင်္ဂလာ​ပေးကြလော့။

မဿဲ 3:11

အပြစ်​အတွက် နောင်တရ​၍ ဘုရားသခင်​ထံသို့ ပြန်လာသောသူတို့​ကို ငါ​သည် ရေ​၌ နှစ်ခြင်းမင်္ဂလာ​ပေး၏။ သို့သော်လည်း ငါ့​ထက်​ကြီးမြတ်သော​အရှင်​သည် မကြာမီ​ကြွလာမည်။ ငါ​သည် ထို​အရှင်​၏​ဖိနပ်​ကို​မျှ သယ်ဆောင်​ရန် မထိုက်တန်ပါ။ ထို​အရှင်​သည် သင်တို့​ကို သန့်ရှင်းသော​ဝိညာဉ်တော်​၌​လည်းကောင်း၊ မီး​၌​လည်းကောင်း နှစ်ခြင်းမင်္ဂလာ​ပေးတော်မူ​လိမ့်မည်။

မဿဲ 5:20

သင်တို့​၏ ဖြောင့်မတ်ခြင်း​သည် ကျမ်းတတ်ဆရာများ​နှင့် ဖာရိရှဲတို့​၏ ဖြောင့်မတ်ခြင်း​ထက် မသာ​လျှင် သင်တို့​သည် ကောင်းကင်​နိုင်ငံတော်​ထဲသို့ မည်သည့်အခါမျှ ဝင်ရောက်နိုင်​လိမ့်မည်​မဟုတ်​ဟု ငါ​သတိပေး၏။

ရှင်မာကု 10:14

ယေရှု​သည် ထို​အခြင်းအရာ​ကို မြင်​သောအခါ တပည့်တော်တို့​ကို အမျက်တော်ထွက်​၍ “ကလေးငယ်များ ငါ့​ထံ​လာပါစေ။ သူတို့​ကို မတားကြနှင့်။ ဘုရားသခင်​၏​နိုင်ငံတော်​သည် ထိုသို့သော​သူတို့​၏ နိုင်ငံတော်​ဖြစ်၏။

ရှင်မာကု 16:16

ယုံကြည်​၍ နှစ်ခြင်းမင်္ဂလာ ခံယူသော​သူတို့​သည် ကယ်တင်တော်မူ​ခံရမည်။ သို့သော် ယုံကြည်​ရန် ငြင်းဆိုသော​သူတို့​သည် အပြစ်စီရင်တော်မူ​ခံရမည်။

ရှင်မာကု 9:47

သင်​၏ မျက်စိ​သည် သင့်​ကို အပြစ်​ကျူးလွန်စေ​ပါက ထို​မျက်စိ​ကို ထုတ်ပစ်လော့။ မျက်စိ​အစုံ​နှင့် ငရဲ​ထဲသို့ ချခံရခြင်း​ထက် မျက်စိ​တစ်ဖက်​နှင့် ဘုရားသခင်​၏ နိုင်ငံတော်​သို့ ဝင်ရခြင်း​သည် ပို၍ ကောင်း၏။

လုကာ 13:24

ယေရှု​က “ကျဉ်းမြောင်းသော​တံခါး​ကို ဝင်​နိုင်ရန် ကြိုးစားအားထုတ်ကြလော့။ သင်တို့​အား ငါ​ပြောဆိုသည်​မှာ များစွာသော​လူတို့​သည် ဝင်​နိုင်ရန် ကြိုးပမ်းကြ​သော်လည်း မတတ်နိုင်ကြပေ။

လုကာ 13:3

ထိုသို့​မဟုတ်ပါ။ သင်တို့​အား ငါ​ပြောဆိုသည်​မှာ သင်တို့​သည်လည်း နောင်တ​မရ​လျှင် ထို​နည်းတူ​ပျက်စီးကြ​လိမ့်မည်။

လုကာ 13:5

ထိုသို့​မဟုတ်ပါ။ သင်တို့​အား ငါ​ပြောဆိုသည်​မှာ သင်တို့​အားလုံး​သည်လည်း နောင်တ​မရ​လျှင် ထို​နည်းတူ ပျက်စီးကြ​လိမ့်မည်” ဟု မိန့်တော်မူ၏။

ရှင်ယောဟန် 1:13

ထို​သူတို့​သည် လူ့​သဘာဝ​အရ မွေးဖွားလာသူများ မဟုတ်။ သွေးသားဆန္ဒ​အရ မွေးဖွားလာသူများ မဟုတ်။ လူ့​အလိုဆန္ဒ​အရ မွေးဖွားလာသူများ မဟုတ်။ ဘုရားသခင်​က မွေးဖွားစေတော်မူသော​သူများ​ဖြစ်ကြ၏။

ရှင်ယောဟန် 3:3

ယေရှု​က “သင့်​အား ငါ​အမှန်​ဆို၏။ အသစ်တစ်ဖန်​မွေးဖွားခြင်း မခံရသောသူ​သည် ဘုရားသခင်​၏ နိုင်ငံတော်​ကို မမြင်နိုင်” ဟု မိန့်တော်မူ၏။

ရှင်ယောဟန် 3:4

နိကောဒင်​က “အသက်ကြီးသောသူ​သည် မည်သို့​လျှင် မွေးဖွားခြင်း​ခံနိုင်ပါမည်နည်း။ သူ​သည် မိခင်​ဝမ်းဗိုက်​ထဲ ပြန်လည်​ဝင်​၍ အသစ်တစ်ဖန်​မွေးဖွားခြင်း​ကို ခံနိုင်ပါမည်လော” ဟု မေးလျှောက်လေ၏။

တမန်တော်ဝတ္ထု 2:38

ပေတရု​က “သင်တို့​အပြစ်များ​ကို ခွင့်လွှတ်ခြင်း​ခံရ​ရန် နောင်တရ​လျက် ယေရှု​ခရစ်တော်​၏​အမည်​နာမ​၌ သင်တို့​အားလုံး နှစ်ခြင်းမင်္ဂလာ​ခံယူကြလော့။ ထိုသို့​ပြုလျှင် သင်တို့​သည် သန့်ရှင်းသော​ဝိညာဉ်တော်​တည်းဟူသော လက်ဆောင်​ကို လက်ခံရရှိ​လိမ့်မည်။

တမန်တော်ဝတ္ထု 3:19

ထို့ကြောင့် သင်တို့​၏​အပြစ်များ​ကို ဘုရားသခင် ဖြေလွှတ်တော်မူ​စေရန် နောင်တရ​၍ ပြောင်းလဲကြလော့။

ရော​မ 14:17

အဘယ်ကြောင့်ဆိုသော် ဘုရားသခင်​၏​နိုင်ငံတော်​တွင် စားသောက်ခြင်း​သည် အရေးမကြီးပေ။ သန့်ရှင်းသော​ဝိညာဉ်တော်​အားဖြင့် ရရှိသော ဖြောင့်မတ်ခြင်း၊ ငြိမ်းချမ်းခြင်း၊ ဝမ်းမြောက်ခြင်းတို့​သာ အရေးကြီး၏။

ရော​မ 8:2

အဘယ်ကြောင့်ဆိုသော် အသက်​ပေးပိုင်တော်မူသော ဝိညာဉ်တော်​၏ တရား​သည် ယေရှု​ခရစ်တော်​အားဖြင့် သင့်​ကို အပြစ်တရား​နှင့် သေခြင်းတရား​၏ လက်​မှ လွတ်မြောက်စေ​သောကြောင့် ဖြစ်၏။

၁ ကော 15:50

ညီအစ်ကို​မောင်နှမတို့… ကျွန်ုပ်​ဆိုလိုသည်​မှာ အသွေးအသား​ဖြင့်​ဖွဲ့စည်းထားသော​လူ့​ခန္ဓာ​သည် ဘုရားသခင်​၏ နိုင်ငံတော်​ကို အမွေ​မခံနိုင်ပေ။ ပုပ်ပျက်တတ်သော​အရာ​သည် မပုပ်ပျက်​နိုင်သော​အဖြစ်​ကို အမွေ​ဆက်ခံ​နိုင်မည်​မဟုတ်ပေ။

၁ ကော 2:12

ကျွန်ုပ်တို့​သည် ဤ​လောက​၏​ဝိညာဉ်​ကို ရရှိကြသည်​မဟုတ်။ ဘုရားသခင်​ရက်ရော​စွာ​ပေးတော်မူသော​အရာ​ကို သိမြင်​နိုင်ရန်​အတွက် ဘုရားသခင်​ထံမှ​လာသော ဝိညာဉ်တော်​ကို ရရှိကြ၏။

၁ ကော 6:11

သင်တို့​ထဲမှ တချို့​သည် ယခင်​က ထိုကဲ့သို့သော​သူများ ဖြစ်ခဲ့ကြ၏။ သို့သော်လည်း ယခု​တွင် သခင်​ယေရှု​ခရစ်တော်​နှင့် ကျွန်ုပ်တို့​ဘုရားသခင်​၏ ဝိညာဉ်တော်​အားဖြင့် စင်ကြယ်ကြပြီ။ သန့်ရှင်းကြပြီ။ ဖြောင့်မတ်သောသူ​အဖြစ် သတ်မှတ်​ခံရကြပြီ။

ဂ​လာ​တိ 6:15

အရေပြားလှီးခြင်း​မင်္ဂလာ​ကို ခံယူသည်​ဖြစ်စေ၊ မခံယူဘဲနေသည်​ဖြစ်စေ အရေးမကြီးပေ။ အရေးကြီးသည့်​အချက်မှာ အသစ်​ဖန်ဆင်းခံရခြင်း ဖြစ်၏။

ဧ​ဖက် 5:26

ထိုသို့ အသက်ပေးတော်မူခြင်း​သည် ရေ​နှင့် နှုတ်ကပတ်တော်​ဖြင့် အသင်းတော်​ကို ဆေးကြော​၍ သန့်ရှင်း​စင်ကြယ်​ပြီးမှ

၁ ပေ 1:2

ထို​သူတို့​မှာ ခမည်းတော်​ဘုရားသခင်​၏ ကြိုတင်​သိမြင်သော​ဉာဏ်တော်​အရ ဝိညာဉ်တော်​၏ သန့်ရှင်းစေခြင်း​အားဖြင့် ရွေးချယ်တော်မူခြင်း​ခံထားရသူများ​ဖြစ်ကြ၏။ ဤသို့​ရွေးချယ်တော်မူခြင်း​မှာ ယေရှု​ခရစ်တော်​ကို သင်တို့​နာခံ​စေရန်​နှင့် သင်တို့​ကို အသွေးတော်​ဖြင့် ပက်ဖျန်း​၍ စင်ကြယ်​စေရန်​ဖြစ်၏။ ဘုရားသခင်​၏ ကျေးဇူးတော်​နှင့် ငြိမ်းချမ်းခြင်း​ကို သင်တို့​ကြွယ်ဝ​စွာ ခံစားရပါစေသော။

၁ ပေ 3:21

ဤ​အရာ​သည် ယခု​သင်တို့​ကို ကယ်တင်သည့်​နှစ်ခြင်းမင်္ဂလာ​ကို ပုံဆောင်၏။ နှစ်ခြင်း​မင်္ဂလာ​သည် ကိုယ်ခန္ဓာ​အညစ်အကြေး​ကို ဖယ်ရှားခြင်း​မဟုတ်။ ယေရှု​ခရစ်တော်​၏​ရှင်ပြန်ထမြောက်ခြင်း​မှ​တစ်ဆင့် ကယ်တင်တော်မူခြင်း​ခံရကြောင်း လိပ်ပြာသန့်​နိုင်ရန် ဘုရားသခင်​ထံ တောင်းလျှောက်ခြင်း​ဖြစ်၏။

၁ ယော 2:29

ကိုယ်တော်​သည် ဖြောင့်မတ်တော်မူကြောင်း​ကို သင်တို့​သိ​လျှင် ဖြောင့်မတ်​စွာ ပြုမူသော​သူတို့​သည် ကိုယ်တော်​ထံမှ ပေါက်ဖွားလာသော​သူ ဖြစ်သည်​ကို သင်တို့​သိကြ၏။

၁ ယော 5:1

ယေရှု​သည် ခရစ်တော်​ဖြစ်တော်မူကြောင်း​ကို ယုံကြည်သောသူ​တိုင်း​သည် ဘုရားသခင်​ထံမှ ဖြစ်ပွားလာသော​သူ​ဖြစ်ပြီး အဖ​ဘုရားသခင်​ကို​ချစ်သောသူ​တိုင်း​သည် အဖ​ဘုရားသခင်​၏​သားသမီးများ​ကိုလည်း ချစ်တတ်၏။