ဗျာ​ဒိတ် 2:7 - ခေတ်သစ်​မြန်မာ သမ္မာကျမ်း

⁷ ဝိညာဉ်တော်​သည် အသင်းတော်တို့​အား မိန့်တော်မူသော​စကား​ကို နား​ရှိသောသူ​သည် ကြား​၍ နားလည်ပါစေ။ ငါ​သည် အောင်မြင်သော​သူတို့​ကို ဘုရားသခင်​၏ ပရဒိသုဘုံ​၌​ရှိသော အသက်ပင်​၏​အသီး​ကို စားခွင့်​ပေးမည်။

Common Language Bible

⁷ ``အ​သင်း​တော်​တို့​အား​ဝိညာဉ်​တော်​မိန့်​တော်​မူ သော​စ​ကား​များ​ကို​ကြား​တတ်​သော​နား​ရှိ သူ​တို့​ကြား​ပါ​စေ။ ``အောင်​မြင်​သော​သူ​အား​ဘုရား​သခင်​၏​ဥ​ယျာဉ် တော်​ရှိ​အ​သက်​ပင်​၏​အ​သီး​ကို​စား​ခွင့်​ငါ ပေး​မည်။

Garrad Bible

⁷ အ သင်း တော် တို့ အား ဝိ ညာ ဥ် တော် ဆင့် ဆို ရာ ကို နား ရှိ သူ ကြား နာ စေ။ အောင် မြင် သူ့ အား ဘု ရား သ ခင်၏ ဥ ယျာဉ် တော် ရှိ အ သက် ပင်၏ အ သီး စား ခွင့် ကို ငါ သ နား မည် ဟု မိန့် တော် မူ ကြောင်း တည်း။

Judson Bible

⁷ ဝိ​ညာဉ်​တော်​သည် အ​သင်း​တော်​တို့​အား အ​ဘယ်​သို့ မိန့်​တော်​မူ​သည်​ကို၊ နား​ရှိ​သော​သူ​မည်​သည်​ကား ကြား​ပါ​စေ။ အ​ကြင်​သူ​သည် အောင်​မြင်၏။ ထို​သူ​သည် ငါ၏​ဘု​ရား​သ​ခင် ပ​ရ​ဒိ​သု​ဥ​ယျာဉ်၌ ရှိ​သော အ​သက်​ပင်၏​အ​သီး​ကို စား​စေ​ခြင်း​ငှာ ငါအ​ခွင့်​ပေး​မည်။

မြန်​​​မာ့​​​စံ​​​မီ​​​သမ္မာ​​​ကျမ်း​​

⁷ ဝိညာဉ်​တော်​က အသင်းတော်​များ​အား မိန့်​တော်မူ​သော​အရာ​ကို နား​ရှိ​သော​သူ​သည် ကြား​ပါစေ။ အောင်မြင်​သော​သူ​အား ဘုရားသခင်​၏​ပရဒိသု​ဘုံ​၌​ရှိ​သော အသက်​ပင်​၏​အသီး​ကို ငါ​စား​ခွင့်​ပေး​မည်။

ဗျာ​ဒိတ် 2:7 Referencias Cruzadas

မဿဲ 11:15

နား​ရှိသောသူ​သည် ကြား​၍ နားလည်ပါစေ။

မဿဲ 13:43

ဖြောင့်မတ်သော​သူတို့​မှာမူ ခမည်းတော်​၏​နိုင်ငံတော်​တွင် နေ​ကဲ့သို့ တောက်ပ​လိမ့်မည်။ နား​ရှိသောသူ​သည် ကြား​၍ နားလည်ပါစေ။

မဿဲ 13:9

နား​ရှိသောသူ​သည် ကြား​၍ နားလည်ပါစေ” ဟူ၍ ဖြစ်၏။

ရှင်မာကု 4:9

ထို့နောက် ကိုယ်တော်​က “နား​ရှိသောသူ​သည် ကြား​၍ နားလည်ပါစေ” ဟု မိန့်တော်မူ၏။

ရှင်မာကု 7:15

လူ​၏​ပြင်ပ​မှ လာ​၍ လူ​အတွင်း​သို့ ဝင်သော​အရာ​သည် လူ​ကို မညစ်ညမ်းစေပါ။ သို့သော် လူ့​စိတ်နှလုံး​မှ ထွက်လာသော​အရာများ​သည်သာ လူ​ကို ညစ်ညမ်းစေ၏။

ရှင်မာကု 7:16

နား​ရှိသောသူ​သည် ကြား​၍ နားလည်ပါစေ” ဟု မိန့်တော်မူ၏။

လုကာ 23:43

ထိုအခါ ယေရှု​က “သင့်​အား ငါ​အမှန်​ဆို၏။ ယနေ့ သင်​သည် ငါ​နှင့်အတူ ပရဒိသုဘုံ​တွင်​ရှိ​လိမ့်မည်” ဟု မိန့်တော်မူ၏။

လုကာ 8:8

တချို့​မှာ ကောင်းသော​မြေ​၌ ကျ​သဖြင့် အပင်ပေါက်​၍ စိုက်ပျိုးသည်​ထက် အဆ​တစ်ရာ တိုးပွား​၍ အသီး​သီးကြ၏” ဟူ၍ ဖြစ်၏။ ထိုသို့ မိန့်တော်မူပြီး​မှ “နား​ရှိသောသူ​သည် ကြား​၍ နားလည်ပါစေ” ဟု ကြွေးကြော်တော်မူ၏။

ရှင်ယောဟန် 16:33

ငါ့​ကြောင့် သင်တို့​ငြိမ်းချမ်းခြင်း​ရှိ​စေရန် ဤ​အကြောင်းအရာများ​ကို ငါ​ပြောပြီ။ ဤ​ကမ္ဘာလောက​၌ သင်တို့​သည် ဆင်းရဲဒုက္ခ​နှင့် ကြုံတွေ့ကြရ​လိမ့်မည်။ သို့သော် အားမငယ်ကြနှင့်။ ငါ​သည် ဤ​လောက​ကို အောင်ပြီ” ဟု မိန့်တော်မူ၏။

၁ ကော 2:10

သို့သော် ဘုရားသခင်​သည် ဤ​အရာများ​ကို ဝိညာဉ်တော်​အားဖြင့် ကျွန်ုပ်တို့​အား ဖော်ပြတော်မူ၏။ ဝိညာဉ်တော်​သည် အရာ​အားလုံး​ကို ဆန်းစစ်​၍ ဘုရားသခင်​၏ နက်နဲသော​လျှို့ဝှက်ချက်များ​ကိုပင် ကျွန်ုပ်တို့​အား ဖော်ပြပေးတော်မူ၏။

၁ ယော 2:13

ဖခင်တို့… သင်တို့​သည် အစဦး​ကပင်​ရှိတော်မူသော​အရှင်​ကို သိ​သောကြောင့် သင်တို့​ထံ ကျွန်ုပ်​စာရေးလိုက်၏။ လူငယ်တို့… သင်တို့​သည် မာရ်နတ်​ကို အောင်နိုင်​သောကြောင့် သင်တို့​ထံ ကျွန်ုပ်​စာရေးလိုက်၏။

ဗျာ​ဒိတ် 13:9

နား​ရှိသောသူ​သည် ကြား​၍ နားလည်ပါစေ။

ဗျာ​ဒိတ် 14:13

ထို့နောက် “ဤ​အရာ​ကို ရေးမှတ်ထားလော့။ ယခု​မှစ၍ သခင်ဘုရား​ကို သစ္စာရှိ​စွာ ယုံကြည်​လျက် သေလွန်သော​သူတို့​သည် မင်္ဂလာ​ရှိကြ၏” ဟု ကောင်းကင်ဘုံ​မှ ပြောဆိုသံ​ကို ကျွန်ုပ်​ကြားရ၏။ ဝိညာဉ်တော်​ကလည်း “မှန်ပေ၏။ သူတို့​ပြုခဲ့သော​အမှုများ​အတွက် ဆုပေးခံကြရ​သဖြင့် သူတို့​သည် ပင်ပန်း​ဆင်းရဲ​စွာ လုပ်ဆောင်ခြင်း​မှ အနားယူခွင့် ရကြ​လိမ့်မည်” ဟု မိန့်တော်မူ၏။

ဗျာ​ဒိတ် 15:2

ထို့ပြင် မီး​နှင့်​ရောသည့် ဖန်​ပင်လယ်​နှင့် တူသော​အရာ​ကို ကျွန်ုပ်​မြင်ရပြန်၏။ သားရဲ​ကို​လည်းကောင်း၊ သူ​၏ ရုပ်တု​ကို​လည်းကောင်း၊ သူ​၏ အမည်​ကို ကိုယ်စားပြုသော​ကိန်းဂဏန်း​ကို​လည်းကောင်း အောင်နိုင်သော​သူတို့​သည် ဘုရားသခင် ပေးအပ်သော စောင်း​ကို ကိုင်ဆောင်​၍ ထို​ဖန်ပင်လယ်​ဘေးတွင် ရပ်နေကြ၏။

ဗျာ​ဒိတ် 2:11

ဝိညာဉ်တော်​သည် အသင်းတော်တို့​အား မိန့်တော်မူသော​စကားကို နား​ရှိသောသူ​သည် ကြား​၍ နားလည်ပါစေ။ အောင်မြင်သော​သူ​သည် ဒုတိယ​သေခြင်း​ဝေဒနာ​ကို ခံစားရမည်​မဟုတ်။

ဗျာ​ဒိတ် 2:17

ဝိညာဉ်တော်​သည် အသင်းတော်တို့​အား မိန့်တော်မူသော​စကား​ကို နား​ရှိသောသူ​သည် ကြား​၍ နားလည်ပါစေ။ ငါ​သည် အောင်မြင်သော​သူ​အား ဝှက်ထားသော​မန္နမုန့်​ကို​ပေးမည်။ ဖြူသော​ကျောက်​တစ်လုံး​ကိုလည်း​ပေးမည်။ ထို​ကျောက်​ပေါ်တွင် နာမည်​အသစ်​ကို ရေးထွင်းထား​ပြီး ထို​ကျောက်​ကို လက်ခံသည့်​သူ​မှ​လွဲ​၍ မည်သူ​မျှ ထို​နာမည်​သစ်​ကို မသိရ။

ဗျာ​ဒိတ် 21:7

အောင်မြင်သော​သူ​သည် ဤ​အရာများ​ကို အမွေခံရ​လိမ့်မည်။ ငါ​သည် သူ​၏​ဘုရားသခင်​ဖြစ်မည်။ သူတို့​သည် ငါ​၏​သားသမီးများ​ဖြစ်ကြ​လိမ့်မည်။

ဗျာ​ဒိတ် 22:14

မိမိတို့​၏ ဝတ်ရုံများ​ကို လျှော်ဖွပ်သော​သူတို့​သည် မင်္ဂလာ​ရှိကြ၏။ ထို​သူတို့​သည် မြို့တံခါးများ​မှ မြို့​ထဲသို့ ဝင်​၍ အသက်ပင်​၏ အသီး​ကို စားခွင့်​ရ​လိမ့်မည်။

ဗျာ​ဒိတ် 22:17

ဝိညာဉ်တော်​နှင့် သတို့သမီးတို့​က “ကြွပါ” ဟု ဖိတ်ခေါ်ကြ၏။ ကြားသောသူ​တိုင်း​ကလည်း “ကြွပါ” ဟု ဖိတ်ခေါ်​ပါစေ။ ရေငတ်သောသူ​သည် လာပါစေ။ အလိုရှိသောသူ​သည် အသက်ရေ​ကို အခမဲ့ ယူပါစေ။

ဗျာ​ဒိတ် 22:2

မြို့​၏ လမ်းမကြီး​အလယ်​သို့ စီးဆင်း၏။ မြစ်​တစ်ဖက်တစ်ချက်​၌ အသီး​ဆယ့်နှစ်မျိုး​ဖြင့် လစဉ်​အသီးသီးသော အသက်ပင်​ရှိ၏။ ထို​အပင်​၏ အရွက်တို့​မှာ လူအပေါင်းတို့​၏ အနာရောဂါများ​ကို ကျန်းမာ​စေရန်​အတွက်​ဖြစ်၏။