ဗျာ​ဒိတ် 2:2 - ခေတ်သစ်​မြန်မာ သမ္မာကျမ်း

² သင်​၏​လုပ်ဆောင်မှု၊ သင်​၏​ကြိုးပမ်း​အားထုတ်မှု​နှင့် သင်​၏​သည်းခံမှုတို့​ကို ငါ​သိ၏။ သင်​သည် ဆိုးညစ်သူများ​ကို လက်မခံ​ကြောင်း​ကိုလည်း ငါ​သိ၏။ တမန်တော်​မဟုတ်ဘဲ တမန်တော်​ဖြစ်​ယောင်ဆောင်သော​သူတို့​ကို ပိုင်းခြား​စစ်ဆေး​၍ အတုအယောင်များ​ဖြစ်သည်​ဟု ဖော်ထုတ်​နိုင်ကြောင်း​ကိုလည်း ငါ​သိ၏။

Common Language Bible

² သင်​ပြု​သော​အ​မှု​ကို​ငါ​သိ​၏။ သင်​မည်​မျှ ကြိုး​ပမ်း​လုပ်​ဆောင်​သည်၊ မည်​မျှ​ရဲ​ရင့်​သည်၊ မည် မျှ​ခံ​နိုင်​ရည်​ရှိ​သည်​ကို​ငါ​သိ​၏။ သင်​သည်​ဆိုး ညစ်​သူ​တို့​ကို​သည်း​မ​ခံ​နိုင်​ကြောင်း၊ တ​မန် တော်​မ​ဟုတ်​ဘဲ​လျက် မိ​မိ​တို့​ကိုယ်​ကို​တ​မန် တော်​ဟု​ခေါ်​ဆို​ကြ​သူ​တို့​အား​စစ်​ဆေး​၍ လူ​လိမ်​များ​ဖြစ်​သည်​ကို​သိ​ရှိ​ကြောင်း​ငါ သိ​၏။-

Garrad Bible

² သင့် အ ကျင့် အ ကြံ များ ကိုလည်း ကောင်း၊ ကြိုး စား ခြင်း နှင့် တည် ကြည် ခြင်း ကိုလည်း ကောင်း၊ လူ ဆိုး တို့ ကို သည်း မ ခံ နိုင် သည့် အ ပြင်၊ တ မန် တော် မ ဟုတ် ဘဲ တ မန် တော် ဟု ကိုယ် ကို ခေါ် သော သူ တို့ အား စစ် ဆေး၍ မ မှန် ကြောင်း တွေ့ မြင် သည် ကို လည်း ကောင်း၊

Judson Bible

² သင်​သည် မ​တ​ရား​သော​သူ​တို့​ကို လက်​မ​ခံ​နိုင်​ကြောင်း​ကို​လည်း​ကောင်း၊ တ​မန်​တော်​မ​ဟုတ်​ဘဲ၊ တ​မန်​တော် ဖြစ်​ယောင်​ဆောင်​သော​သူ​တို့​ကို စစ်​ဆေး၍ လှည့်​ဖြား​သော​သူ​ဖြစ်​သည်​ဟု သိ​ကြောင်း​ကို​လည်း​ကောင်း၊-

မြန်​​​မာ့​​​စံ​​​မီ​​​သမ္မာ​​​ကျမ်း​​

² သင်​၏​လုပ်ဆောင်​မှု​များ​မှစ၍ သင်​၏​ကြိုးပမ်း​အားထုတ်​မှု​နှင့် သည်းခံ​မှု​တို့​ကိုငါ​သိ​၏။ သင်​သည် ဆိုးယုတ်​သော​သူ​တို့​ကို လက်​မ​ခံ​နိုင်​ကြောင်း​နှင့် မိမိတို့ကိုယ်ကို တမန်တော်​ဟု​ခေါ်ဆို​ကြ​သော်လည်း တမန်တော်​မ​ဟုတ်​သော​သူ​တို့​ကို စမ်းသပ်​စစ်ဆေး​၍ သူ​တို့​သည် လိမ်လည်​သော​သူ​များ​ဖြစ်​ကြ​သည်​ဟု သင်​တွေ့ရှိ​ကြောင်း​ကို​လည်း ငါ​သိ​၏။

ဗျာ​ဒိတ် 2:2 Referencias Cruzadas

မဿဲ 7:23

ထိုအခါ ငါ​သည် သူတို့​အား ‘အို မတရားမှု​ပြုသောသူတို့… သင်တို့​ကို မည်သည့်အခါ​ကမျှ ငါ​မသိခဲ့။ ငါ့​ထံမှ ထွက်သွားကြ’ ဟု ပြောမည်။

ရှင်ယောဟန် 6:6

ကိုယ်တော်​သည် မိမိ​မည်သို့ လုပ်ဆောင်မည်​ကို သိနှင့်တော်မူ​သော်လည်း ဖိလိပ္ပု​ကို စမ်းသပ်​ရန် ထိုသို့ မေးတော်မူခြင်း​ဖြစ်၏။

ဂ​လာ​တိ 1:7

အမှန်​တွင်မူ အခြား​သတင်းကောင်း​ဟူ၍ မရှိပါ။ အချို့​က သင်တို့​ကို စိတ်ရှုပ်ထွေးစေ​၍ ခရစ်တော်​၏ သတင်းကောင်း​ကို မှောက်လှန်​လိုခြင်း​သာ ဖြစ်၏။

ဧ​ဖက် 4:14

ထိုအခါ ကျွန်ုပ်တို့​သည် မရင့်ကျက်သေးသော ကလေးသူငယ်များ​ကဲ့သို့ ဖြစ်တော့မည် မဟုတ်ပေ။ လှေ​သည် လှိုင်းလေတို့​၌ လွန့်လူးနေ​သကဲ့သို့ ကျွန်ုပ်တို့​သည် ပရိယာယ်​ဖြင့် လမ်းလွဲ​စေရန် လှည့်ဖြားတတ်သော သူတို့​၏ အမျိုးမျိုးသော သွန်သင်မှု​နောက်သို့ ပါသွားမည် မဟုတ်ပေ။

၁ သက် 5:21

သို့သော် အရာ​အားလုံး​ကို မှန်​မ​မှန် စစ်ဆေး​ပြီး ကောင်းမွန်သည့် အရာတို့​ကို လက်ခံကြလော့။

၂ တိ 2:19

သို့ရာတွင် ဘုရားသခင်​ချထားတော်မူသည့် ခိုင်မာသော​အုတ်မြစ်​သည် ခိုင်ခံ့​မြဲမြံပြီး ဤ​အုတ်မြစ်​ပေါ်တွင် “ဘုရားသခင်​သည် မိမိ​လူတို့​ကို သိတော်မူ၏” ဟူ၍​လည်းကောင်း၊ “ဘုရားသခင်​၏​လူ​ဖြစ်ကြောင်း ဝန်ခံသောသူတို့​သည် မကောင်းမှု​ကို စွန့်ရမည်” ဟူ၍​လည်းကောင်း တံဆိပ်ခတ်​ရေးထိုးထား၏။

ဟေ​ဗြဲ 6:10

အဘယ်ကြောင့်ဆိုသော် ဘုရားသခင်​သည် မဖြောင့်မတ်သော​အရှင် မဟုတ်။ ဘုရားသခင်​သည် သင်တို့​ပြုသော​အမှု​ကို​လည်းကောင်း၊ ယုံကြည်သူတို့​ကို ယခင်​က အစေခံ​သကဲ့သို့ ယခု​ဆက်လက် အစေခံရာ​တွင် ထားသော​သင်တို့​၏ ချစ်ခြင်းမေတ္တာ​ကို​လည်းကောင်း အသိအမှတ်​မပြုဘဲ နေတော်မူမည်​မဟုတ်။

၁ ယော 4:1

ချစ်ရသော​သူတို့… ဝိညာဉ်တော်​အားဖြင့် ဟောပြောသည်​ဟု ပြောဆိုသူ​တိုင်း​ကို မယုံကြနှင့်။ ထို​ဝိညာဉ်တို့​သည် ဘုရားသခင်​ထံမှ လာသော​ဝိညာဉ်တော်​ဟုတ်မဟုတ်​ကို စမ်းသပ်ကြလော့။ အဘယ်ကြောင့်ဆိုသော် ပရောဖက်​အတုအယောင်​များစွာတို့​သည် ဤ​လောက​၌ ပေါ်လာကြ​သောကြောင့်​ဖြစ်၏။

ဗျာ​ဒိတ် 2:5

ထို့ကြောင့် သင်​ကျဆင်းသွားသည့်​အပိုင်း​ကို ဆင်ခြင်လော့။ နောင်တ​ရ​လျက် အစဦး​၌ ပြု​သကဲ့သို့ ပြုလော့။ ထိုသို့​နောင်တ​မရ​ပါက ငါ​သည် သင့်​ထံသို့​လာ​၍ သင့်​ဆီမီးတိုင်​ကို နေရာ​မှ ဖယ်ရှားမည်။

ဗျာ​ဒိတ် 2:6

သို့သော် သင်​၌ ကောင်းမွန်သည့် အချက်​တစ်ချက်​ရှိသေး၏။ နိကောလ​တပည့်များ​၏​အကျင့်တို့​ကို ငါ​မုန်း​သကဲ့သို့ သင်​လည်း​မုန်း၏။

ဗျာ​ဒိတ် 2:9

သင်​၏​ဒုက္ခဝေဒနာ​နှင့်​ဆင်းရဲခြင်း​ကို ငါ​သိ၏။ အမှန်စင်စစ် သင်​သည် ချမ်းသာ၏။ မိမိ​ကိုယ်​မိမိ ဂျူး​ဖြစ်သည်​ဟု ဆိုကြ​သော်လည်း ဂျူး​မဟုတ်ဘဲ စာတန်​၏​အသင်းဝင်များ​ဖြစ်ကြသော​သူတို့​က သင့်​အား အသရေဖျက်​ပြောဆိုသည်​ကို​လည်း ငါ​သိ၏။

ဗျာ​ဒိတ် 3:1

သာဒိမြို့​၌​ရှိသော အသင်းတော်​၏ ကောင်းကင်တမန်​ထံသို့ စာရေးလော့။ ဘုရားသခင်​၏ ဝိညာဉ်​ခုနစ်ပါး​နှင့် ကြယ်​ခုနစ်လုံး​ရှိသောသူ​က ဤသို့​မိန့်တော်မူ၏။ သင်​၏​အပြုအမူ​ကို ငါ​သိ၏။ သင်​သည် အသက်ရှင်သည်​ဟု နာမည်ခံထား​သော်လည်း သေ​လျက်​နေ၏။

ဗျာ​ဒိတ် 3:15

သင်​၏​လုပ်ဆောင်မှု​ကို ငါ​သိ၏။ သင်​သည် အအေး​လည်း​မဟုတ်။ အပူ​လည်း​မဟုတ်။ ငါ​သည် သင့်​အား အအေး၊ သို့မဟုတ် အပူ​ဖြစ်ရန် အလိုရှိ၏။

ဗျာ​ဒိတ် 3:8

သင်​၏​လုပ်ဆောင်မှု​ကို ငါ​သိ၏။ သင်​သည် အားနည်း​သော်လည်း ငါ​၏​သွန်သင်ချက်​ကို လိုက်နာ​၍ ငါ​၏​တပည့်တော်​ဖြစ်ကြောင်း​ကို မငြင်းပယ်ခဲ့။ ထို့ကြောင့် သင့်​ရှေ့​မှာ တံခါး​ကို ငါ​ဖွင့်ထားပြီ။ ထို​တံခါး​ကို မည်သူ​မျှ​မပိတ်နိုင်။