တမန်တော်ဝတ္ထု 8:40 - ခေတ်သစ်​မြန်မာ သမ္မာကျမ်း

⁴⁰ ဖိလိပ္ပု​မှာမူ အာဇုတ်မြို့​၌ ရောက်ရှိနေပြီး ထို​မြို့​မှ ဆီဇာရီးယားမြို့​တိုင်အောင် မြို့​အသီးသီး​သို့ ဝင်ထွက်​၍ သတင်းကောင်း​ကို ဟောပြောလေ၏။

Common Language Bible

⁴⁰ ဖိ​လိပ္ပု​သည်​အာ​ဇုတ်​မြို့​သို့​မိ​မိ​ရောက်​ရှိ​နေ သည်​ကို​သိ​ရ​၏။ ထို​နောက်​သူ​သည်​ကဲ​သ​ရိ မြို့​သို့​သွား​၏။ လမ်း​ခ​ရီး​တွင်​တစ်​မြို့​ပြီး တစ်​မြို့​သို့​ဝင်​၍​သ​တင်း​ကောင်း​ကို​ဟော ပြော​ကြေ​ညာ​လေ​သည်။

Garrad Bible

⁴⁰ ဖိ လိ ပ္ပု သည် အာ ဇုတ် မြို့ တွင် ပေါ် လာ၍ ထို မြို့ မှ ကဲ သ ရိ မြို့ တိုင် လျှောက် သွား လျက် မြို့ ရွာ ရှိ သ မျှ၌ သ တင်း တော် မြတ် ကို ကြား ပြော လေ၏။

Judson Bible

⁴⁰ ဖိ​လိ​ပ္ပု​သည်​လည်း အာ​ဇုတ်​မြို့၌ ပေါ်​လာ၍၊ ထို​မြို့​မှ ကဲ​သ​ရိ​မြို့​တိုင်​အောင် မြို့​ရွာ​အ​စဉ်​အ​တိုင်း​လျှောက်​သွား၍ ဧ​ဝံ​ဂေ​လိ​တ​ရား​ကို ဟော​လေ၏။

မြန်​​​မာ့​​​စံ​​​မီ​​​သမ္မာ​​​ကျမ်း​​

⁴⁰ ဖိလိပ္ပု​မူကား အာဇုတ်​မြို့​၌​ပေါ်လာ​၍ ဆီဇာရီးယား​မြို့​သို့​ရောက်​သည့်​တိုင်အောင် မြို့​ရွာ​အားလုံး​တို့​ကို​လှည့်လည်​၍ ကောင်းမြတ်​သော​သတင်း​ကို​ဟောပြော​လေ​၏။

တမန်တော်ဝတ္ထု 8:40 Referencias Cruzadas

တမန်တော်ဝတ္ထု 10:1

ဆီဇာရီးယားမြို့​၌ ကော်နေလိ​အမည်​ရှိသော​သူ တစ်ယောက်​ရှိ၏။ သူ​သည် အီတလီတပ်​ဟု ခေါ်သော​တပ်​တွင် လူ​တစ်ရာ​ကို​အုပ်ချုပ်သည့် ရောမ​တပ်မှူး​တစ်ဦး​ဖြစ်၏။

တမန်တော်ဝတ္ထု 10:24

နောက်​တစ်နေ့​တွင် ဆီဇာရီးယားမြို့​သို့ ရောက်ရှိလာကြ၏။ ကော်နေလိ​သည် မိမိ​ဆွေမျိုးများ​နှင့် ရင်းနှီးသော​မိတ်ဆွေများ​အား စုဝေး​စေပြီး ပေတရု​တို့​ကို စောင့်မျှော်​လျက်​နေလေ၏။

တမန်တော်ဝတ္ထု 11:11

ထို​ခဏချင်း​တွင် ဆီဇာရီးယားမြို့​မှ ကျွန်ုပ်​ထံသို့ စေလွှတ်ခံရသော လူ​သုံးဦး​သည် ကျွန်ုပ်တို့​နေထိုင်သော​အိမ်​သို့ ရောက်လာကြ၏။

တမန်တော်ဝတ္ထု 12:19

ဟေရုဒ်မင်း​သည် ပေတရု​ကို ရှာ​၍​မတွေ့​သောအခါ အစောင့်များ​ကို စစ်ဆေးပြီး​မှ သေဒဏ်​ပေး​ရန် အမိန့်ချ၏။ ထို့နောက် သူ​သည် ယုဒပြည်​မှ ဆီဇာရီးယားမြို့​သို့​ဆင်းသွား​၍ ထို​မြို့​တွင်​နေလေ၏။

တမန်တော်ဝတ္ထု 18:22

ဆီဇာရီးယားမြို့​သို့ ရောက်​သောအခါ ဂျေရုဆလင်မြို့​သို့​တက်​၍ အသင်းတော်​ကို​နှုတ်ဆက်ပြီး​လျှင် အန္တိအုတ်မြို့​သို့ ဆင်းသွား၏။

တမန်တော်ဝတ္ထု 21:16

ဆီဇာရီးယားမြို့​မှ တပည့်တော်​တချို့​သည်လည်း ကျွန်ုပ်တို့​နှင့်အတူ လိုက်ပါလာကြပြီး သူတို့​က တပည့်တော်​ဟောင်း​တစ်ဦး​ဖြစ်သော ဆိုက်ပရပ်ကျွန်း​သား မနာသုန်​၏​အိမ်​သို့ တည်းခို​ရန် ခေါ်သွားကြ၏။

တမန်တော်ဝတ္ထု 21:8

နောက်​တစ်နေ့​တွင် ကျွန်ုပ်တို့​သည် ထို​မြို့​မှ ထွက်ခွာ​၍ ဆီဇာရီးယားမြို့​သို့ ရောက်ကြ၏။ ကျွေးမွေးခြင်း​အမှု​ကို ဆောင်ရွက်​ရန် ရွေးချယ်ခြင်း​ခံရသော​လူ​ခုနှစ်ဦး​အနက် တစ်ဦးဖြစ်သော၊ သတင်းကောင်း​ဟောပြောသူ ဖိလိပ္ပု​၏​အိမ်​သို့ ဝင်​၍ တည်းခိုကြ၏။

တမန်တော်ဝတ္ထု 23:23

တပ်မှူးကြီး​သည် တပ်မှူး​နှစ်ဦး​ကို ခေါ်​၍ “ည​ကိုးနာရီ​အချိန်​၌ ဆီဇာရီးယားမြို့​သို့​သွား​ရန် စစ်သား​နှစ်ရာ၊ မြင်းစီး​တပ်သား​ခုနစ်ဆယ်​နှင့် လှံကိုင်​တပ်သား​နှစ်ရာ​တို့​ကို အဆင်သင့်​ပြင်ဆင်ကြလော့။

တမန်တော်ဝတ္ထု 23:33

မြင်းစီးတပ်သားတို့​သည် ဆီဇာရီးယားမြို့​သို့​ရောက်​လျှင် စာ​ကို​ဘုရင်ခံ​ထံသို့​ပေးအပ်​၍ ပေါလု​ကိုလည်း သူ့​ထံသို့​အပ်နှံကြ၏။

တမန်တော်ဝတ္ထု 25:1

ဖေတ္တုမင်း​သည် ထို​ပြည်နယ်​သို့​ရောက်​၍ သုံးရက်​ကြာ​သောအခါ ဆီဇာရီးယားမြို့​မှ ဂျေရုဆလင်မြို့​သို့​သွားလေ၏။

တမန်တော်ဝတ္ထု 25:13

ထို့နောက် ရက်​အနည်းငယ်​ကြာ​သောအခါ အဂြိပ္ပမင်းကြီး​နှင့် ဗေရနိတ်​တို့​သည် ဖေတ္တုမင်း​ကို ကြိုဆို​နှုတ်ဆက်​ရန် ဆီဇာရီးယားမြို့​သို့​ရောက်လာကြ၏။

တမန်တော်ဝတ္ထု 25:4

ထိုအခါ ဖေတ္တုမင်း​က “ပေါလု​သည် ဆီဇာရီးယားမြို့​တွင် ထိန်းသိမ်း​ခံထားရ၏။ ငါ​သည်လည်း ထို​မြို့​သို့ မကြာမီ​ပြန်သွား​မည်။

တမန်တော်ဝတ္ထု 25:6

ဖေတ္တုမင်း​သည် သူတို့​ထံ​၌ ရှစ်ရက်၊ သို့မဟုတ် ဆယ်ရက်​ထက်​မပိုဘဲ နေပြီး​နောက် ဆီဇာရီးယားမြို့​သို့ ပြန်လေ၏။ နောက်​တစ်နေ့​တွင် တရားခွင်​၌​ထိုင်​လျက် ပေါလု​ကို​ခေါ်ဆောင်လာ​ရန် အမိန့်ပေးလေ၏။

တမန်တော်ဝတ္ထု 8:25

ပေတရု​နှင့် ယောဟန်​တို့​သည် သခင်ဘုရား​၏​နှုတ်ကပတ်​တရားတော်​အား သက်သေခံ​ဟောပြော​ပြီးသည့်နောက် ဂျေရုဆလင်မြို့​သို့ ပြန်သွားကြ​ကာ ရှမာရိရွာများ​၌ သတင်းကောင်း​ကို ဟောပြောကြ၏။

တမန်တော်ဝတ္ထု 9:30

ထို​အကြောင်း​ကို ယုံကြည်သူတို့ ကြားသိ​သောအခါ သူ့​အား ဆီဇာရီးယားမြို့​သို့ ခေါ်ဆောင်လာပြီး တာရှုမြို့​သို့ လွှတ်လိုက်ကြ၏။

ရော​မ 15:19

နိမိတ်​လက္ခဏာများ​နှင့် အံ့ဖွယ်​ဖြစ်ရပ်များ​၏ တန်ခိုး​ဖြင့်​လည်းကောင်း၊ ဘုရားသခင်​၏ ဝိညာဉ်တော်​အားဖြင့်​လည်းကောင်း ပြုတော်မူသော​အမှုတို့​မှလွဲ၍ မည်သည့်​အရာ​အတွက်​မျှ ကျွန်ုပ်​ဂုဏ်မယူဝံ့ပါ။ ဤ​နည်း​ဖြင့် ကျွန်ုပ်​သည် ခရစ်တော်​၏ သတင်းကောင်း​ကို ဂျေရုဆလင်မြို့​မှ ဣလုရိတ်ပြည်​အထိ ရောက်ရှိရာ အရပ်​ဒေသတို့​၌ အကုန်အစင်​ဟောပြောခဲ့၏။