တမန်တော်ဝတ္ထု 5:4 - ခေတ်သစ်​မြန်မာ သမ္မာကျမ်း

⁴ ထို​မြေ​ကို မရောင်းဘဲ​ရှိစဉ် သင်​ပိုင်သည်​မဟုတ်လော။ မရောင်းဘဲ​ထား​လျှင်လည်း သင်​၏​ဥစ္စာ​ပင်​ဖြစ်သည် မဟုတ်လော။ ထို​မြေ​ကို ရောင်းချ​ပြီးလျှင်​လည်း ရရှိသော​ငွေ​ကို သင်​အလိုရှိသည့်​အတိုင်း ပြုနိုင်သည်​မဟုတ်လော။ သို့သော်လည်း သင်​၏​စိတ်နှလုံး​ထဲ၌ ဤ​မကောင်းမှု​ကို အဘယ်ကြောင့် ကြံစည်ရသနည်း။ သင်​သည် ငါတို့​ကို လှည့်စားသည်​မဟုတ်။ ဘုရားသခင်​ကို လှည့်စားပြီ” ဟု ဆိုလေ၏။

Common Language Bible

⁴ သင်​သည်​ထို​လယ်​ကို​မ​ရောင်း​ချ​မီ​က​ပိုင်​ဆိုင် သည်​မ​ဟုတ်​လော။ ရောင်း​ချ​ပြီး​သော​အ​ခါ ၌​လည်း မြေ​ဖိုး​ငွေ​ကို​ပိုင်​သည်​မ​ဟုတ်​လော။ သို့ ပါ​လျက်​အ​ဘယ်​ကြောင့်​ဤ​သို့​သော​အ​ကြံ အ​စည်​ကို​ပြု​ပါ​သ​နည်း။ သင်​သည်​လူ​ကို လှည့်​စား​သည်​မ​ဟုတ်။ ဘု​ရား​သ​ခင်​ကို​လှည့် စား​လေ​ပြီ'' ဟု​ဆို​၏။-

Garrad Bible

⁴ လက် ဝယ် မြေ ရှိ စဉ် ကိုယ် ပိုင် မ ဟုတ် လော၊ ရောင်း ပြီး နောက် ရ ငွေ လည်း ကိုယ့် ပ စ္စည်း မ ဟုတ် လော။ သို့ ဖြစ် လျက် သင့် စိတ် တွင် အ ဘယ့် ကြောင့် ဤ သို့ ကြံ စည် သ နည်း။ သင် သည် လူ ကို သာ မ ဟုတ်၊ ဘု ရား သ ခင် ကို မု သာ ပြော လေ ပြီ ဟု ဆို ၏။

Judson Bible

⁴ ထို​မြေ​ရှိ​စဉ်​တွင် ကိုယ်​ပိုင်​သည် မ​ဟုတ်​လော။ ရောင်း၍​ရ​သော အ​ဖိုး​သည် ကိုယ်​ဥ​စ္စာ​ဖြစ်​သည် မ​ဟုတ်​လော။ အ​ဘယ်​ကြောင့် ဤ​သို့​ကြံ​စည်​သ​နည်း။ လူ​ကို​သာ မု​သား​ပြော​ပြီ​မ​ဟုတ်၊ ဘု​ရား​သ​ခင်​ကို​လည်း မု​သား​ပြော​ပြီ​ဟု ပေ​တ​ရု​ဆို၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ ထို​မြေ​သည် သင့်​လက်​ထဲ၌​ရှိ​စဉ် သင်​ပိုင်​သည်​မ​ဟုတ်​လော။ ရောင်း​ပြီး​သောအခါ​၌​လည်း ရရှိ​သော​ငွေ​ကို သင်​အလိုရှိ​သည့်​အတိုင်း ပြု​နိုင်​သည်​မ​ဟုတ်​လော။ သို့ဖြစ်ပါလျက်နှင့် သင့်​စိတ်နှလုံး​ထဲ၌ ဤ​အမှု​ကို အဘယ်ကြောင့်​ကြံစည်​ရ​သနည်း။ သင်​သည် လူ​ကို​လိမ်ညာ​သည်​မ​ဟုတ်​ဘဲ ဘုရားသခင်​ကို​လိမ်ညာ​လေ​ပြီ”​ဟု ဆို​၏။

တမန်တော်ဝတ္ထု 5:4 Referencias Cruzadas

လုကာ 10:16

ထို့နောက် တပည့်တော်တို့​အား “သင်တို့​၏​စကား​ကို နားထောင်သော​သူ​သည် ငါ့​စကား​ကို နားထောင်၏။ သင်တို့​ကို ငြင်းပယ်သော​သူ​သည် ငါ့​ကို ငြင်းပယ်၏။ ငါ့​ကို ငြင်းပယ်သော​သူ​သည် ငါ့​ကို​စေလွှတ်တော်မူသော​အရှင်​ကို ငြင်းပယ်ပြီ” ဟု မိန့်တော်မူ၏။

တမန်တော်ဝတ္ထု 5:3

ပေတရု​က “အာနနိ… သင်​သည် အဘယ်ကြောင့် စာတန်​အား သင်​၏​စိတ်နှလုံး​ထဲ​၌ အုပ်စိုးခွင့်​ပေးသနည်း။ သင်​သည် မြေ​ရောင်းရသော​ငွေ​တချို့​ကို ယူထား​၍ သန့်ရှင်းသော​ဝိညာဉ်တော်​ကို လှည့်စားပြီ။

တမန်တော်ဝတ္ထု 5:9

ထိုအခါ ပေတရု​က သူ့​အား “သင်တို့​နှစ်ဦးစလုံး​သည် အဘယ်ကြောင့် ထာဝရဘုရား​၏​ဝိညာဉ်တော်​ကို လှည့်စား​ရန် သဘောတူ​၍ ပူးပေါင်း​ကြံစည်ကြသနည်း။ ကြည့်လော့။ သင်​၏​ခင်ပွန်း​ကို သင်္ဂြိုဟ်သော​သူတို့​သည် တံခါး​နား​တွင် ရောက်နေကြပြီ​ဖြစ်၍ သူတို့​သည် သင့်​ကိုလည်း သယ်ဆောင်ကြ​လိမ့်မည်” ဟု ဆို၏။

၁ ကော 8:8

သို့သော် အစားအစာ​ဖြင့် ဘုရားသခင်​၏ နှစ်သက်​လက်ခံမှု​ကို ရသည်​မဟုတ်ပေ။ ကျွန်ုပ်တို့​မစားဘဲ​နေလျှင် လည်း အရှုံး​မရှိပါ။ စား​လျှင်လည်း အမြတ်​မရှိပါ။

၁ သက် 4:8

ထို့ကြောင့် ဤ​ညွှန်ကြားချက်များ​ကို ငြင်းပယ်သော သူတို့​သည် လူ​ကို ငြင်းပယ်သည်​မဟုတ်ဘဲ သင်တို့​အတွက် သန့်ရှင်းသော​ဝိညာဉ်တော်​ကို ပေးတော်မူသော ဘုရားသခင်​ကို ငြင်းပယ်၏။

ဖိ​လေ​မုန် 1:14

သို့သော် သင်​၏ ခွင့်ပြုချက်​မရဘဲ မည်သည့်​အရာ​ကိုမျှ ကျွန်ုပ်​မပြုလိုပါ။ သို့မှသာ သင်​ပေးသော​အကူအညီ​သည် အတင်းအကျပ်​စေခိုင်း​၍ ကူညီရခြင်းမျိုး​မဟုတ်ဘဲ ဆန္ဒ​အရ​ကူညီခြင်း ဖြစ်​လိမ့်မည်။

ယာ​ကုပ် 1:15

ထို​မကောင်းသော​တပ်မက်မှု​သည် သန္ဓေတည်​၍ အပြစ်​ကို မွေးဖွား၏။ ထို​အပြစ်​သည် ကြီးထွားလာ​သောအခါ သေခြင်း​ကို ဖြစ်ပေါ်စေ၏။