တမန်တော်ဝတ္ထု 5:31 - ခေတ်သစ်​မြန်မာ သမ္မာကျမ်း

³¹ အစ္စရေးလူမျိုးများ​အား နောင်တရ​၍ အပြစ်တရား​မှ​လွှတ်​စေရန် ဘုရားသခင်​သည် ထို​အရှင်​အား ခေါင်းဆောင်​နှင့် ကယ်တင်ရှင်​အဖြစ် မိမိ​၏​လက်ယာတော်ဘက်​၌ ချီးမြောက်တော်မူပြီ။

Common Language Bible

³¹ ဣ​သ​ရေ​လ​အ​မျိုး​သား​တို့​သည်​နောင်​တ​ရ ၍ မိ​မိ​တို့​အ​ပြစ်​များ​မှ​ပြေ​လွတ်​စိမ့်​သော​ငှာ ဘု​ရား​သ​ခင်​သည်​ထို​သ​ခင်​အား​မိ​မိ​၏ လက်​ယာ​တော်​ဘက်​တွင်​စံ​ပယ်​စေ​၍ ဦး​စီး ခေါင်း​ဆောင်​အ​ဖြစ်​နှင့်​ကယ်​တင်​ရှင်​အ​ဖြစ် ချီး​မြှင့်​တော်​မူ​၏။-

Garrad Bible

³¹ ဣ သ ရေ လ လူ မျိုး အား နောင် တ ရ ခွင့် နှင့် အ ပြစ် ပြေ လွတ် ခွင့် ကို သ နား စေ ရန်၊ မင်း အ ဖြစ်၊ ကယ် တင် ရှင် အ ဖြစ်၊ ညာ လက် ရုံး တော် ဖြင့် ချီး မြှောက် တော် မူ ပြီ။

Judson Bible

³¹ ဣ​သ​ရေ​လ​လူ​တို့​အား နောင်​တ​တ​ရား​နှင့် အ​ပြစ်​လွှတ်​ခြင်း​အ​ခွင့်​ကို ပေး​စေ​ခြင်း​ငှာ၊ ထို​သူ​ကို အ​စိုး​ရ​သော အ​ရှင်​အ​ရာ၌​လည်း​ကောင်း၊ ကယ်​တင်​သော သ​ခင်​အ​ရာ၌​လည်း​ကောင်း၊ ဘု​ရား​သ​ခင်​ခန့်​ထား၍ မိ​မိ​လက်​ယာ​လက်​တော်​နှင့် ချီး​မြှင့်​တော်​မူ​ပြီ။-

မြန်​​​မာ့​​​စံ​​​မီ​​​သမ္မာ​​​ကျမ်း​​

³¹ ဘုရားသခင်​သည် အစ္စရေး​လူမျိုး​တို့​အား နောင်တရ​ခြင်း​နှင့်​အပြစ်​များ​ခွင့်လွှတ်​ခြင်း​ကျေးဇူး​ကို ပေး​သနား​တော်မူ​ရန် ထို​အရှင်​ကို စိုးပိုင်​သော​အရှင်​နှင့် ကယ်တင်ရှင်​အဖြစ် မိမိ​လက်ယာ​တော်​ဘက်​၌ ချီးမြှောက်​တော်မူ​၏။

တမန်တော်ဝတ္ထု 5:31 Referencias Cruzadas

မဿဲ 1:21

သူ​သည် သားယောက်ျား​ကို မွေးဖွား​လိမ့်မည်။ ထို​သား​သည် မိမိ​လူမျိုးတို့​ကို သူတို့​၏ အပြစ်များ​မှ ကယ်တင်မည့်​သူ ဖြစ်​သောကြောင့် သူ့​ကို ယေရှု​ဟူ၍ မှည့်ခေါ်​ရမည်” ဟု ဆိုလေ၏။

မဿဲ 28:18

ထိုအခါ ယေရှု​သည် တပည့်တော်တို့​ထံ ချဉ်းကပ်တော်မူ​၍ “ငါ့​ခမည်းတော်​သည် ကောင်းကင်​နှင့် မြေကြီး​ပေါ်၌ ရှိသမျှသော အခွင့်အာဏာ​အားလုံး​ကို ငါ့​ထံ အပ်နှင်းတော်မူပြီ။

ရှင်မာကု 2:10

သို့သော် လူသား​သည် ဤ​လောက​တွင် အပြစ်​လွှတ်ပိုင်သော​အခွင့်အာဏာ​ရှိကြောင်း သင်တို့​ကို ငါ​သက်သေပြမည်” ဟု ဆို​ကာ လေဖြတ်သူ​အား

ရှင်မာကု 4:12

အဘယ်ကြောင့်ဆိုသော် ‘သူတို့​သည် ငါ​လုပ်ဆောင်သည့်​အရာ​ကို ကြည့်​လျက်နှင့်ပင် သဘောမပေါက်နိုင်ကြ။ ငါ​ပြောသည့်​စကား​ကို နားထောင်​လျက်နှင့်ပင် နားမလည်။ အကယ်၍ သူတို့​သည် သဘောပေါက်​၍ နားလည်​ပါက ငါ့​ထံသို့ ပြောင်းလဲ​၍ ခွင့်လွှတ်တော်မူခြင်း​ကို ခံရကြ​လိမ့်မည်’ ” ဟု မိန့်တော်မူ၏။

လုကာ 2:11

ယနေ့တွင် ဒါဝိဒ်​၏​မြို့​၌ သခင်​ခရစ်တော်​တည်းဟူသော ကယ်တင်ရှင်​သည် သင်တို့​အတွက် မွေးဖွားလာတော်မူပြီ။

လုကာ 24:47

ခရစ်တော်​၏​အမည်​နာမ​အားဖြင့် အပြစ်​လွတ်ခြင်းတရား​နှင့် နောင်တတရား​အကြောင်းတို့​ကို ဂျေရုဆလင်မြို့​မှစ၍ လူမျိုး​တကာတို့​အား ဟောပြော​ရမည်။

ရှင်ယောဟန် 4:42

ထို​သူတို့​က အမျိုးသမီး​အား “ယခု ငါတို့​ယုံကြည်ကြသည်​မှာ သင့်​စကား​ကြောင့်​မဟုတ်တော့ဘဲ ငါတို့​ကိုယ်တိုင် ကြားနာရ​သောကြောင့်​ဖြစ်၏။ ဤ​အရှင်​သည် ကမ္ဘာလောက​၏​ကယ်တင်ရှင် အမှန်​ဖြစ်ကြောင်း ယခု​ငါတို့​သိရပြီ” ဟု ဆိုကြ၏။

တမန်တော်ဝတ္ထု 11:18

ဤ​အကြောင်းအရာများ​ကို ထို​သူတို့​ကြားရ​သောအခါ ငြိမ်သက်သွားကြပြီး “ဤသို့​ဆို​လျှင် ဘုရားသခင်​သည် လူမျိုးခြားတို့​အား ထာဝရ​အသက်ရှင်​စေရန်​နောင်တရခြင်း​အခွင့်​ကို ပေးသနားတော်မူပြီ” ဟု ဆို​၍ ဘုရားသခင်​ကို ချီးမွမ်းကြ၏။

တမန်တော်ဝတ္ထု 13:23

ဘုရားသခင်​သည် ကတိပြုတော်မူသည့်​အတိုင်း ဒါဝိဒ်မင်း​၏​မျိုးဆက်​မှ အစ္စရေးလူမျိုး​အတွက် ယေရှု​ဟူသော​ကယ်တင်ရှင်​တစ်ပါး​ကို ပို့ဆောင်ပေးတော်မူ၏။

တမန်တော်ဝတ္ထု 2:33

ထိုသို့​ယေရှု​သည် ဘုရားသခင်​၏​လက်ယာတော်ဘက်​၌ ချီးမြှောက်တော်မူခြင်း​ခံရ၏။ ထို့နောက် ကတိထားတော်မူသည့် သန့်ရှင်းသော​ဝိညာဉ်တော်​ကို အဖဘုရား​ထံမှ ခံယူသည်​နှင့်အညီ၊ ထို​သခင်​သည် သင်တို့​မြင်တွေ့ကြားသိသည့်​အတိုင်း ဤ​သန့်ရှင်းသော​ဝိညာဉ်တော်​ကို သွန်းလောင်းတော်မူပြီ။

တမန်တော်ဝတ္ထု 2:36

ထို့ကြောင့် အစ္စရေးလူမျိုး​အပေါင်းတို့… လက်ဝါးကပ်တိုင်​ပေါ်တွင် သင်တို့​သတ်သော ထို​ယေရှု​ကို ဘုရားသခင်​သည် အရှင်သခင်​နှင့်​ခရစ်တော်​အရာ​၌ ခန့်ထားတော်မူသည်​ကို သေချာ​စွာ သိမှတ်ကြလော့” ဟူ၍ ဖြစ်၏။

တမန်တော်ဝတ္ထု 2:38

ပေတရု​က “သင်တို့​အပြစ်များ​ကို ခွင့်လွှတ်ခြင်း​ခံရ​ရန် နောင်တရ​လျက် ယေရှု​ခရစ်တော်​၏​အမည်​နာမ​၌ သင်တို့​အားလုံး နှစ်ခြင်းမင်္ဂလာ​ခံယူကြလော့။ ထိုသို့​ပြုလျှင် သင်တို့​သည် သန့်ရှင်းသော​ဝိညာဉ်တော်​တည်းဟူသော လက်ဆောင်​ကို လက်ခံရရှိ​လိမ့်မည်။

တမန်တော်ဝတ္ထု 3:15

သင်တို့​သည် အသက်​၏​အရှင်သခင်​ကို သတ်​၍ ဘုရားသခင်​သည် ထို​သခင်​ကို သေခြင်း​မှ ရှင်ပြန်​ထမြောက်စေတော်မူ၏။ ထိုသို့ ထမြောက်စေတော်မူသည်​ကို ငါတို့​သည် ကိုယ်တိုင်​မြင်တွေ့ကြ၏။

တမန်တော်ဝတ္ထု 3:19

ထို့ကြောင့် သင်တို့​၏​အပြစ်များ​ကို ဘုရားသခင် ဖြေလွှတ်တော်မူ​စေရန် နောင်တရ​၍ ပြောင်းလဲကြလော့။

တမန်တော်ဝတ္ထု 3:26

သင်တို့​တစ်ဦးချင်းစီ​တိုင်း​သည် အပြစ်ဒုစရိုက်​လမ်းများ​မှ ပြန်လှည့်လာခြင်း​ဖြင့် ဘုရားသခင်​သည် သင်တို့​အား ကောင်းချီး​ပေး​ရန် မိမိ​အစေခံ​အား ပေါ်ထွန်းစေတော်မူ​၍ သင်တို့​ထံသို့ ဦးစွာ​စေလွှတ်တော်မူသည်” ဟု ပြောလေ၏။

တမန်တော်ဝတ္ထု 4:11

ကျမ်းစာ​၌ ‘တိုက်ဆောက်သော​သင်တို့ ပယ်ထားသည့်​ကျောက်​သည် ထောင့်ချုပ်ကျောက်​ဖြစ်လာ၏’ ဟု ရည်ညွှန်းခံရသူ​မှာ ဤ​ယေရှု​ပင်​ဖြစ်၏။

၂ ကော 2:10

သင်တို့ ခွင့်လွှတ်သော​သူ​ကို ကျွန်ုပ်​လည်း ခွင့်လွှတ်၏။ ကျွန်ုပ်​သည် တစ်စုံတစ်ယောက်​ကို ခွင့်လွှတ်စရာ​ရှိ​၍ ခွင့်လွှတ်​လျှင် သင်တို့​အကျိုး​အတွက် ခရစ်တော်​၏​ရှေ့တော်​၌ ခွင့်လွှတ်၏။

ဧ​ဖက် 1:7

ဘုရားသခင်​၏ ကျေးဇူးတော် ကြွယ်ဝလှ​သဖြင့် ကျွန်ုပ်တို့​သည် သားတော်​နှင့် သားတော်​၏ အသွေးတော်​အားဖြင့် ရွေးနုတ်ခံကြရ၏။ ထို​ရွေးနုတ်ခြင်း​သည် အပြစ်​ခွင့်လွှတ်ခြင်း​ပင် ဖြစ်၏။

ဖိ​လိပ္ပိ 3:20

သို့သော် ကျွန်ုပ်တို့​သည် ကောင်းကင်​နိုင်ငံသားများ​ဖြစ်ကြပြီး ထို​ကောင်းကင်ဘုံ​မှ ကြွလာတော်မူမည့် ကယ်တင်ရှင် သခင်​ယေရှု​ခရစ်တော်​ကို စောင့်မျှော်နေကြ၏။

ကော​လော​သဲ 1:14

ကျွန်ုပ်တို့​သည်လည်း ထို​သားတော်​ပြုသော အမှု​ကြောင့် ရွေးနုတ်ခြင်း​ကို ခံစားရ​၍ အပြစ်​ခွင့်လွှတ်ခြင်း​ကို ခံရကြ၏။

တိ​တု 1:4

ကျွန်ုပ်​နှင့် ယုံကြည်ချက်​တူညီ​၍ ကျွန်ုပ်​၏ သား အရင်းအချာ​ကဲ့သို့ ဖြစ်သော တိတု​ထံသို့ ဤ​စာ​ကို ပို့လိုက်၏။ ကျွန်ုပ်တို့​၏ အဖ​ဘုရားသခင်​နှင့် ကယ်တင်ရှင်​ယေရှု​ခရစ်တော်​တို့​ထံမှ ကျေးဇူးတော်​နှင့် ငြိမ်းချမ်းခြင်း​သည် သင့်​အပေါ် သက်ရောက်ပါစေသော။

တိ​တု 2:10

ခိုးဝှက်ခြင်း​တို့ မပြုဘဲ သစ္စာရှိ​၍ ယုံကြည်​စိတ်ချရသူများ ဖြစ်​စေရန် တိုက်တွန်းလော့။ ဤသို့ဖြင့် ကျွန်ုပ်တို့​၏ ကယ်တင်ရှင်​ဘုရားသခင်​အကြောင်း သွန်သင်ချက်​များ​သည် ပို​၍ စိတ်ဝင်စား​ဖွယ် ဖြစ်လာ​လိမ့်မည်။

တိ​တု 2:13

တစ်ချိန်တည်း​မှာပင် ကျွန်ုပ်တို့​သည် ကြီးမြတ်သည့်​ဘုရားသခင်​ဖြစ်တော်မူသော ကယ်တင်ရှင် ယေရှု​ခရစ်တော် ဘုန်းအသရေ​နှင့် ကြွလာမည့် မင်္ဂလာ​ရက်မြတ်​ကို စောင့်မျှော်နေကြ၏။

ဟေ​ဗြဲ 12:2

ကျွန်ုပ်တို့​၏​ယုံကြည်ခြင်း​ကို စတင်​ဖြစ်တည်စေ​၍ ပြီးပြည့်စုံစေသော ယေရှု​၏​အကြောင်း​ကို အစဉ်​တွေးတော​ဆင်ခြင်ကြစို့။ ကိုယ်တော်​သည် မိမိ​ရှေ့​၌ရှိသော ဝမ်းမြောက်စရာ​အကြောင်း​ကြောင့် အရှက်​ကို မှတ်ယူတော်မမူဘဲ လက်ဝါးကပ်တိုင်​၏​ဝေဒနာ​ကို သည်းခံတော်မူ၏။ ယခု​တွင်မူ ဘုရားသခင်​၏ ရာဇပလ္လင် လက်ယာတော်​ဘက်​၌ ထိုင်တော်မူ၏။

ဟေ​ဗြဲ 2:10

ဘုရားသခင်​သည် အရာခပ်သိမ်း​ကို ဖန်ဆင်း​၍ အုပ်စိုးတော်မူသော​အရှင်​ဖြစ်တော်မူ၏။ ကိုယ်တော်​သည် သားသမီး​များစွာ​ကို ဘုန်းစည်းစိမ်​ခံစား​ရာသို့ ခေါ်ဆောင်လို​သောကြောင့် ထို​သူတို့​ကို ကယ်တင်​ရန် ယေရှု​အား ဆင်းရဲဒုက္ခ​ခံစားစေခြင်း​အားဖြင့် ပြီးပြည့်စုံသော​ကယ်တင်ရှင်​ဖြစ်စေသည်​မှာ သင့်လျော်ပေ၏။

၁ ပေ 3:22

ခရစ်တော်​သည် ကောင်းကင်ဘုံ​သို့ တက်ကြွတော်မူ​ပြီး ဘုရားသခင်​၏​လက်ယာတော်​ဘက်​၌ ထိုင်​လျက် ကောင်းကင်တမန်များ၊ အာဏာစက်များ၊ တန်ခိုးရှင်များ​ကို အုပ်စိုးတော်မူ၏။

၂ ပေ 1:1

ကျွန်ုပ်​သည် ယေရှု​ခရစ်တော်​၏ အစေခံ​နှင့် တမန်တော် ရှိမုန်​ပေတရု​ဖြစ်၏။ ကျွန်ုပ်တို့​၏ ဘုရားသခင်​နှင့် ကယ်တင်ရှင်​ဖြစ်တော်မူသော ယေရှု​ခရစ်တော်​၏ ဖြောင့်မတ်ခြင်း​အားဖြင့် ကျွန်ုပ်တို့​၏​ယုံကြည်ခြင်း​ကဲ့သို့ တန်ဖိုး​ရှိသည့် ယုံကြည်ခြင်း​ကို လက်ခံရရှိသော​သူတို့​ထံသို့ ကျွန်ုပ်​စာရေးလိုက်၏။

၂ ပေ 1:11

ထို့နောက် ဘုရားသခင်​သည် သင်တို့​အား ကျွန်ုပ်တို့​၏ သခင်​နှင့် ကယ်တင်ရှင် ဖြစ်တော်မူသော ယေရှု​ခရစ်တော်​၏ ထာဝရ​နိုင်ငံတော်​ထဲသို့ ဝင်ရောက်ခွင့်​ကို အပြည့်အဝ​ပေးသနားတော်မူ​လိမ့်မည်။

၂ ပေ 2:20

ကျွန်ုပ်တို့​၏ သခင်​နှင့် ကယ်တင်ရှင် ယေရှု​ခရစ်တော်​ကို သိကျွမ်းခြင်း​ကြောင့် လောကီ​ညစ်ညမ်းမှု​မှ လွတ်ကင်း​ပြီးနောက် ထို​အရာ​နှင့် ပြန်လည်​ပတ်သက်မိ​သဖြင့် အနိုင်ယူ​စိုးမိုးခံရ​လျှင် ထို​သူတို့​၏ အခြေအနေ​သည် အစ​က​ထက် အဆုံး​တွင် ပိုမို​ဆိုးရွား၏။

၂ ပေ 3:18

ကျွန်ုပ်တို့​၏ သခင်​နှင့် ကယ်တင်ရှင် ယေရှု​ခရစ်တော်​ကို သိကျွမ်းခြင်း​၌​လည်းကောင်း၊ ကျေးဇူးတော်​၌​လည်းကောင်း ကြီးထွားကြလော့။ ကိုယ်တော်​သည် ယခု​မှစ၍ ထာဝရ​ကာလ​ပတ်လုံး ဘုန်းကြီးတော်မူပါစေသော။ အာမင်။ ရှင်ပေတရု​ဩဝါဒစာ​ဒုတိယစောင် ပြီးပါပြီ။

၁ ယော 4:14

ခမည်းတော်​သည် သားတော်​ကို ဤ​လောက​၏​ကယ်တင်ရှင်​ဖြစ်​ရန် စေလွှတ်တော်မူခဲ့သည်​ကို ကျွန်ုပ်တို့​မြင်​၍ သက်သေခံကြ၏။

ယု​ဒ 1:25

ကျွန်ုပ်တို့​၏​ကယ်တင်ရှင်၊ တစ်ဆူတည်းသော​ဘုရားသခင်​သည် ကျွန်ုပ်တို့​၏​သခင် ယေရှု​ခရစ်တော်​အားဖြင့် ယခင်​ကာလ​အစဉ်အဆက်၊ ယခု​ကာလ​နှင့် နောင်​ကာလ​အစဉ်အဆက် ဘုန်းအသရေတော်၊ ဘုန်းတန်ခိုးတော်၊ အစွမ်းသတ္တိ​နှင့် အာဏာစက်တို့​ရှိတော်မူပါစေသော။ အာမင်။ ရှင်ယုဒ​ဩဝါဒစာ ပြီးပါပြီ။

ဗျာ​ဒိတ် 1:5

ယေရှု​ခရစ်တော်​ထံမှ​လည်းကောင်း ကျေးဇူးတော်​နှင့် ငြိမ်းချမ်းခြင်း​သည် သင်တို့​အပေါ် သက်ရောက်​ပါစေသော။ ယေရှု​ခရစ်တော်​သည် သစ္စာရှိသော​သက်သေခံ၊ သေခြင်း​မှ အဦးဆုံး​ထမြောက်သောသူ၊ လောကီ​ဘုရင်တို့​၏​မင်း ဖြစ်တော်မူ၏။ ကိုယ်တော်​သည် ကျွန်ုပ်တို့​ကို ချစ်​၍ အသေခံတော်မူခြင်း​အားဖြင့် ကျွန်ုပ်တို့​ကို အပြစ်များ​မှ လွတ်မြောက်စေတော်မူ၏။