တမန်တော်ဝတ္ထု 3:22 - ခေတ်သစ်​မြန်မာ သမ္မာကျမ်း

²² မောရှေ​က ‘သင်တို့​၏​ဘုရားသခင် ထာဝရဘုရား​သည် သင်တို့​၏​အမျိုး​ထဲမှ ငါ​ကဲ့သို့သော ပရောဖက်​တစ်ပါး​ကို သင်တို့​အတွက် ပေါ်ထွန်းစေတော်မူ​လိမ့်မည်။ ထို​ပရောဖက်​ပြောသမျှ​ကို သင်တို့​သည် နားထောင်ကြ​ရမည်။

Common Language Bible

²² မော​ရှေ​က`သင်​တို့​၏​ဘု​ရား​သ​ခင်​ထာ​ဝ​ရ ဘု​ရား​သည် ငါ့​ကို​စေ​လွှတ်​တော်​မူ​သည့်​နည်း တူ ပ​ရော​ဖက်​တစ်​ပါး​ကို​လည်း​သင်​တို့​ထံ သို့​စေ​လွှတ်​တော်​မူ​လိမ့်​မည်။ ထို​အ​ရှင်​သည် သင်​တို့​အ​မျိုး​သား​ထဲ​မှ​ဖြစ်​လိမ့်​မည်။ ထို အ​ရှင်​ဟော​ပြော​သ​မျှ​သော​စ​ကား​တို့​ကို သင်​တို့​သည်​နာ​ယူ​ကြ​ရ​မည်။-

Garrad Bible

²² မော ရှေ က ထာ ဝ ရ ဘု ရား သ ခင် သည် သင် တို့ ဆွေ မျိုး သား ချင်း အ နက် ပ ရော ဖက် တစ် ပါး ကို ငါ ကဲ့ သို့ ပေါ် ထွန်း စေ တော် မူ မည်။ ထို ပ ရော ဖက် ဟော သ မျှ ကို သင် တို့ နာ ယူ ကြ ရ မည်။

Judson Bible

²² ငါ​တို့​ဘိုး​ဘေး​များ​တို့​အား​လည်း မော​ရှေ​က၊ သင်​တို့၏​ဘု​ရား​သ​ခင် ထာ​ဝ​ရ​ဘု​ရား​သည်၊ သင်​တို့​အ​မျိုး​သား​ချင်း​တို့​အ​ထဲ၌ ငါ​နှင့်​တူ​သော ပ​ရော​ဖက်​တစ်​ပါး​ကို သင်​တို့​အ​ဖို့​ပေါ်​ထွန်း​စေ​တော်​မူ​မည်။ ထို​ပ​ရော​ဖက် ဟော​ပြော​သော​အ​ရာ​တို့​ကို သင်​တို့​သည် နား​ထောင်​ရ​ကြ​မည်။-

မြန်​​​မာ့​​​စံ​​​မီ​​​သမ္မာ​​​ကျမ်း​​

²² မောရှေ​က​လည်း ‘သင်​တို့​၏​ဘုရားသခင်​ထာဝရ​ဘုရား​သည် သင်​တို့​၏​ညီအစ်ကို​များ​ထဲမှ ငါ​နှင့်​တူ​သော​ပရောဖက်​တစ်​ပါး​ကို သင်​တို့​အတွက်​ပေါ်ထွန်း​စေ​တော်မူ​လိမ့်မည်။ သင်​တို့​အား ထို​သူ​ပြော​သမျှ​တို့​ကို သင်​တို့​နားထောင်​ကြ​ရ​မည်။

တမန်တော်ဝတ္ထု 3:22 Referencias Cruzadas

မဿဲ 21:11

လူထု​ပရိသတ်များ​က “ဤ​သူ​သည် ဂါလိလဲပြည် နာဇရက်မြို့​မှ ပရောဖက်၊ ယေရှု​ဖြစ်သည်” ဟု ဖြေဆိုကြ၏။

လုကာ 13:33

သို့သော်လည်း ငါ​သည် ယနေ့၊ မနက်ဖြန်​နှင့် နောက်​တစ်နေ့​တွင် ခရီး​ဆက်သွားရမည်။ အဘယ်ကြောင့်ဆိုသော် ပရောဖက်​သည် ဂျေရုဆလင်မြို့​မှလွဲ၍ အခြား​နေရာ​၌ အသေခံ​ရန်​မဖြစ်နိုင်​သောကြောင့် ဖြစ်၏’

လုကာ 24:19

ထိုအခါ ယေရှု​က “မည်သည့်​အကြောင်းအရာများ ဖြစ်သနည်း” ဟု မေးတော်မူ၏။ ထို​သူတို့​က “နာဇရက်မြို့သား​ယေရှု​ဆိုသော​သူ​၏​အကြောင်းအရာများ​ဖြစ်၏။ ထို​သူ​သည် ဘုရား​ရှေ့၊ လူ​ရှေ့​တွင် အံ့ဖွယ်တန်ခိုး​လက္ခဏာ​ကို​ပြု​၍ နှုတ်သတ္တိ​ရှိသော ပရောဖက်​တစ်ပါး​ဖြစ်၏။

ရှင်ယောဟန် 1:17

အဘယ်ကြောင့်ဆိုသော် ဘုရားသခင်​သည် ပညတ်တရား​ကို မောရှေ​အားဖြင့် ပေးတော်မူ​သောကြောင့်​ဖြစ်၏။ သို့သော် ကျေးဇူးတရား​နှင့် သစ္စာတရား​ကို ယေရှု​ခရစ်တော်​အားဖြင့် ပေးတော်မူ၏။

ရှင်ယောဟန် 12:46

ငါ့​ကို ယုံကြည်သော​သူ​တိုင်း အမှောင်​၌ မနေ​စေရန် ငါ​သည် အလင်း​အဖြစ် ဤ​လောက​သို့ ကြွလာပြီ။

ရှင်ယောဟန် 5:24

သင်တို့​အား ငါ​အမှန်​ဆို၏။ ငါ့​စကား​ကို နားထောင်​၍ ငါ့​ကို စေလွှတ်တော်မူသော​ဘုရား​ကို ယုံကြည်သော​သူ​သည် ထာဝရ​အသက်​ကို ရ၏။ ထို​သူ​သည် ပြစ်ဒဏ်​စီရင်ခြင်း​မခံရဘဲ သေခြင်း​မှ အသက်ရှင်ခြင်း​သို့ ကူးပြောင်းရသော​သူ​ဖြစ်၏။

ရှင်ယောဟန် 8:12

တစ်ဖန် ယေရှု​က လူတို့​အား “ငါ​သည် လောက​၏ အလင်း​ဖြစ်၏။ ငါ့​နောက်သို့ လိုက်သော​သူ​သည် အသက်​၏​အလင်း​ကို ရရှိ​၍ အမှောင်ထု​ထဲ​တွင် သွားလာရမည်​မဟုတ်” ဟု မိန့်တော်မူ၏။

တမန်တော်ဝတ္ထု 7:37

ထို​မောရှေ​မှာ ‘ဘုရားသခင် ထာဝရဘုရား​သည် သင်တို့​၏​အမျိုး​ထဲမှ ငါ​ကဲ့သို့သော ပရောဖက်​တစ်ပါး​ကို သင်တို့​အတွက် ပေါ်ထွန်းစေတော်မူ​လိမ့်မည်’ ဟု အစ္စရေးလူမျိုးတို့​အား ပြောခဲ့သူ​ဖြစ်၏။

ရော​မ 8:3

လူ့​ဗီဇစိတ်​၏ အားနည်းမှု​ကြောင့် မောရှေ​၏ ပညတ်တရား​သည် ကျွန်ုပ်တို့​ကို မကယ်နိုင်ပေ။ ထို့ကြောင့် ဘုရားသခင်​သည် မိမိ​သားတော်​ကို လူ့​ဗီဇစိတ်​ရှိသည့် လူ့​ကိုယ်ခန္ဓာ​ထဲသို့ စေလွှတ်တော်မူခြင်း​အားဖြင့် ပညတ်တရား​မတတ်နိုင်သော​အမှု​ကို ဖြေရှင်းပေးတော်မူ၏။ ဘုရားသခင်​သည် သားတော်​ကို ယဇ်​အဖြစ် ပူဇော်ခြင်း​အားဖြင့် လူ့​ဗီဇစိတ်​အတွင်း သက်ဝင်လှုပ်ရှားနေသော အပြစ်တရား​ကို အဆုံးသတ်တော်မူ၏။

ရော​မ 9:5

အာဗြဟံ၊ ဣဇာက်​နှင့် ယာကုပ်​တို့​သည် သူတို့​၏ ဘိုးဘေးများ​ဖြစ်၏။ ခရစ်တော်​ကိုယ်တိုင်​သည်လည်း လူသား​အနေဖြင့် သူတို့​၏ အမျိုး​ဖြစ်၏။ ခရစ်တော်​သည် အရာခပ်သိမ်း​ကို အုပ်စိုး​၍ ထာဝရ​မင်္ဂလာရှိသော ဘုရားသခင်​လည်း ဖြစ်တော်မူ၏။ အာမင်။

ဂ​လာ​တိ 4:4

သို့သော် အချိန်​စေ့​သောအခါ ဘုရားသခင်​သည် မိမိ​သားတော်​ကို စေလွှတ်တော်မူ၏။ ထို​သားတော်​သည် အမျိုးသမီး​တစ်ဦး​ထံမှ မွေးဖွားလာတော်မူပြီး ပညတ်တရား​၏ လက်အောက်ခံ​အဖြစ် နေထိုင်တော်မူ၏။

ဟေ​ဗြဲ 2:1

ထို့ကြောင့် ကျွန်ုပ်တို့​သည် လမ်းမှား​မရောက်​ရန် ကြားနာရသည့်​တရား​ကို စွဲမြဲ​စွာ ဆုပ်ကိုင်ထား​ကြရမည်။

ဟေ​ဗြဲ 5:9

ကိုယ်တော်​သည် ပြီးပြည့်စုံ​လာသည့်​အတွက် မိမိ​ကို နာခံ​သူအပေါင်းတို့​အား ထာဝရ​ကယ်တင်ခြင်း​ကို ပေးတော်မူသော​အရှင်​ဖြစ်လာ၏။

ဗျာ​ဒိတ် 1:1

ဤ​စာစောင်​သည် ယေရှု​ခရစ်တော်​၏ ဗျာဒိတ်တော်​ဖြစ်၏။ ဤ​ဗျာဒိတ်တော်​မှာ ဘုရားသခင်​က မိမိ​၏ အစေခံများ​အား မကြာမီ​ဖြစ်ပျက်ရမည့်​အရာ​ကို ဖော်ပြ​ရန် ယေရှု​ခရစ်တော်​ထံ ပေးအပ်တော်မူသော​ဗျာဒိတ်တော်​ဖြစ်၏။ ထို့ကြောင့် ခရစ်တော်​သည် ထို​ဗျာဒိတ်တော်​ကို မိမိ​၏​အစေခံ​ယောဟန်​အား ဖွင့်ပြ​ရန် ကောင်းကင်တမန်​ကို စေလွှတ်တော်မူ၏။