တမန်တော်ဝတ္ထု 25:11 - ခေတ်သစ်​မြန်မာ သမ္မာကျမ်း

¹¹ အကယ်​၍ အကျွန်ုပ်​သည် ပြစ်မှား​ပြီး သေဒဏ်​ခံထိုက်သော​ပြစ်မှု​တစ်စုံတစ်ခု​ကျူးလွန်ခဲ့​ပါက သေဒဏ်ပေးခံရမည်​ကို မငြင်းဆိုပါ။ သို့ရာတွင် အကျွန်ုပ်​အပေါ် ဤ​သူတို့​စွပ်စွဲသော​အရာများ တစ်စုံတစ်ခု​မျှ မဟုတ်မှန်​လျှင် မည်သူ​မျှ​အကျွန်ုပ်​အား သူတို့​လက်​သို့ အပ်ခွင့်မရှိပါ။ ဆီဇာဘုရင်​ထံ​၌ အကျွန်ုပ်​အယူခံဝင်ပါ၏” ဟု ဖြေကြား၏။

Common Language Bible

¹¹ အ​ကယ်​၍​တ​ရား​ဥ​ပ​ဒေ​ကို​ချိုး​ဖောက်​ကာ သေ​ဒဏ်​ခံ​ထိုက်​သော​အ​ပြစ်​ကို​ကူး​လွန်​မိ လျှင် အ​ကျွန်ုပ်​အား​အ​သက်​ချမ်း​သာ​ခွင့်​ပေး ရန်​တောင်း​ခံ​မည်​မ​ဟုတ်​ပါ။ သို့​သော်​ထို​သူ တို့​စွပ်​စွဲ​ချက်​များ​သည်​အ​ခြေ​အ​မြစ်​မ​ရှိ ပါ​လျှင် မည်​သူ​မျှ​အ​ကျွန်ုပ်​အား​သူ​တို့​၏ လက်​သို့​ပေး​အပ်​နိုင်​မည်​မ​ဟုတ်​ပါ။ အ​ကျွန်ုပ် သည်​ဧ​က​ရာဇ်​ဘု​ရင်​ထံ​အ​ယူ​ခံ​ပါ​၏'' ဟု လျှောက်​၏။

Garrad Bible

¹¹ သေ ဒဏ် ခံ ထိုက် သော၊ ပြစ် မှု ပြု ကျင့် ခဲ့ သော မ တ ရား သူ ဖြစ် လျှင်၊ အ သက် ချမ်း သာ ခွင့် တောင်း မည် မ ဟုတ် ပါ။ ဤ သူ တို့ စွဲ ဆို ချက် တစ် စုံ တစ် ရာ မ မှန် လျှင် မူ ကား သူ တို့ လက် သို့ မည် သူ မျှ လွှဲ အပ် ခွင့် မ ရှိ ပါ။ ကဲ သာ မင်း ထံ အ ယူ တော် ခံ ပါ မည် ဟု လျှောက် လေ၏။

Judson Bible

¹¹ အ​ကျွန်ုပ်​ပြစ်​မှား၍ သေ​ထိုက်​သော​အ​ပြစ်​ကို ပြု​မိ​သည်​မှန်​လျှင်၊ သေ​ဘေး​ကို အ​ကျွန်ုပ်​မ​ရှောင်​ပါ။ ထို​သူ​တို့​တင်​သော​အ​ပြစ် တစ်​စုံ​တစ်​ခု​မျှ မ​မှန်​လျှင်၊ သူ​တို့​လက်​သို့ အ​ကျွန်ုပ်​ကို အ​ဘယ်​သူ​မျှ မ​စွန့်​မ​အပ်​ရ​ပါ။ ကဲ​သာ​ဘု​ရင်၏ အ​ယူ​တော်​ကို​ခံ​ပါ​မည်​ဟု လျှောက်​ဆို၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ အကယ်၍ အကျွန်ုပ်​သည်​ပြစ်မှား​ပြီး သေဒဏ်​ခံထိုက်​သော​အပြစ်​တစ်စုံတစ်ခု​ကို ပြု​မိ​ခဲ့​ပါက သေ​ရ​မည်​ကို အကျွန်ုပ်​မ​ငြင်း​ပါ။ သို့သော် အကျွန်ုပ်​ကို ဤ​သူ​တို့​စွပ်စွဲ​နေ​သော​အရာ​များ​သည် တစ်စုံတစ်ခု​မျှ မ​ဟုတ်​မ​မှန်​လျှင် မည်သူမျှ အကျွန်ုပ်​ကို သူ​တို့​လက်​သို့ မ​အပ်​နိုင်​ပါ။ အကျွန်ုပ်​သည် ဆီဇာ​ဧကရာဇ်​ထံ အယူခံဝင်​ပါ​မည်”​ဟု လျှောက်​လေ​၏။

တမန်တော်ဝတ္ထု 25:11 Referencias Cruzadas

တမန်တော်ဝတ္ထု 16:37

သို့သော် ပေါလု​က ရဲအရာရှိတို့​အား “သူတို့​သည် ရောမနိုင်ငံသား​ဖြစ်သော အကျွန်ုပ်တို့​ကို မစစ်ဆေးဘဲ လူထု​ပရိသတ်တို့​ရှေ့​တွင် ရိုက်နှက်​၍ အကျဉ်းချထားခဲ့ကြ၏။ ယခု​တွင် သူတို့​သည် အကျွန်ုပ်တို့​အား တိတ်တဆိတ်​လွှတ်မည်လော။ ထိုသို့​မပြုသင့်။ သူတို့​ကိုယ်တိုင်​လာ​၍ အကျွန်ုပ်တို့​ကို ထောင်​မှ​ထုတ်ပါစေ” ဟု ပြော၏။

တမန်တော်ဝတ္ထု 18:14

ပေါလု​ပြန်လည်​ချေပပြောဆိုမည် အပြု​တွင် ဂါလျန်မင်း​က “အို ဂျူးလူမျိုးတို့… ဤ​ကိစ္စ​သည် ပြစ်မှုကျူးလွန်ခြင်း​အမှု သို့မဟုတ် ဆိုးညစ်သော​ပြစ်မှု တစ်ခု​ဖြစ်ခဲ့​လျှင် ငါ​သည် ဤ​အမှု​ကို လက်ခံ​ရန်​အကြောင်း​ရှိ၏။

တမန်တော်ဝတ္ထု 22:25

သူတို့​သည် သားရေကြိုး​နှင့် ချည်နှောင်ကြ​သောအခါ ပေါလု​က အနီး​၌​ရပ်နေသော​တပ်မှူး​တစ်ဦး​အား “သင်တို့​သည် ရောမနိုင်ငံသား​တစ်ဦး​ကို မစစ်ဆေးဘဲ ကျာပွတ်နှင့် ရိုက်သည်​မှာ ဥပဒေ​နှင့် ကိုက်ညီသလော” ဟု မေးလေ၏။

တမန်တော်ဝတ္ထု 25:10

သို့သော်​ပေါလု​က “အကျွန်ုပ်​သည် ဆီဇာဘုရင်​၏​တရားခွင်​တွင် အယူခံဝင်ထား​သဖြင့် ဤ​နေရာ​၌​သာ စစ်ဆေး​ခံသင့်ပါ၏။ အရှင်​ကောင်းစွာ​သိသည့်​အတိုင်း ဂျူးလူမျိုးတို့​ကို အကျွန်ုပ်​မပြစ်မှားခဲ့ပါ။

တမန်တော်ဝတ္ထု 25:12

ဖေတ္တုမင်း​သည် မိမိ​၏​အတိုင်ပင်ခံများ​နှင့် ဆွေးနွေးတိုင်ပင်​ပြီး​လျှင် “သင်​သည် ဆီဇာဘုရင်​ထံ၌​အယူခံဝင်​သဖြင့် သူ့​ထံသို့​သွားရမည်” ဟု ဆိုလေ၏။

တမန်တော်ဝတ္ထု 25:21

သို့ရာတွင် ပေါလု​က ဆီဇာဘုရင်​၏​အဆုံးအဖြတ်​ကို ခံယူ​လို၍ မိမိ​အား​အချုပ်ခန်း​တွင်​သာ​ထိန်းသိမ်းထား​ရန် တောင်းဆို​သောကြောင့် သူ့​ကို​ဆီဇာဘုရင်​ထံ​ပို့မည့်​အချိန်​အထိ ထိန်းသိမ်းထား​ရန် အမိန့်ပေးထားပါသည်” ဟု ဆိုလေ၏။

တမန်တော်ဝတ္ထု 25:25

သို့သော်လည်း သူ​သည် သေဒဏ်​ထိုက်သော​ပြစ်မှု တစ်စုံတစ်ခု​မျှ မကျူးလွန်ခဲ့သည်​ကို ကျွန်ုပ်​သိရပါ၏။ သူ​ကိုယ်တိုင် ဆီဇာဘုရင်​ထံ အယူခံဝင်​ရန်​တောင်းဆို​သဖြင့် သူ့​ကို ရောမမြို့​သို့ ပို့ပေး​ရန် အကျွန်ုပ်​ဆုံးဖြတ်ထားပါ၏။

တမန်တော်ဝတ္ထု 26:32

အဂြိပ္ပမင်းကြီး​ကလည်း ဖေတ္တုမင်း​အား “ဤ​သူ​သည်​ဆီဇာဘုရင်​ထံ အယူခံဝင်ခြင်း​မပြုခဲ့​ပါလျှင် လွှတ်ပေးနိုင်သည်” ဟု ဆိုလေ၏။

တမန်တော်ဝတ္ထု 28:19

သို့ရာတွင် ဂျူးလူမျိုးများ​က ကန့်ကွက်ကြ​သောအခါ ကျွန်ုပ်​သည်​ဆီဇာဘုရင်​ထံ မလွဲသာ​၍ အယူခံဝင်ရ၏။ ထိုသို့​အယူခံဝင်ရခြင်း​မှာ ကျွန်ုပ်​၏​လူမျိုး​ကို စွပ်စွဲ​ရန် အကြောင်း​တစ်စုံတစ်ရာ​ရှိ​၍ မဟုတ်ပါ။

၁ သက် 2:15

ဂျူးလူမျိုးတို့​သည် သခင်​ယေရှု​နှင့် ပရောဖက်များ​ကို သတ်​၍ ကျွန်ုပ်တို့​ကိုလည်း နှင်ထုတ်ကြ၏။ သူတို့​သည် ဘုရားသခင်​ကို မနှစ်မသက် ဖြစ်စေ​လျက် လူအပေါင်း​ကို ဆန့်ကျင်ကြ၏။