တမန်တော်ဝတ္ထု 22:4 - ခေတ်သစ်​မြန်မာ သမ္မာကျမ်း

⁴ ကျွန်ုပ်​သည် ခရစ်တော်​၏​တရားလမ်း​ကို လိုက်သော​သူတို့​အား အသေသတ်သည်​အထိ ညှဉ်းပန်းနှိပ်စက်​လျက် အမျိုးသား အမျိုးသမီးတို့​ကို ဖမ်းဆီး​၍ ထောင်​ထဲသို့ ပို့ခဲ့၏။

Common Language Bible

⁴ အ​ကျွန်ုပ်​သည်​ယေ​ရှု​၏​လမ်း​စဉ်​တော်​ကို​လိုက် လျှောက်​ကြ​သူ​များ​အား အ​သေ​သတ်​သည်​အ​ထိ ညှဉ်း​ဆဲ​နှိပ်​စက်​ခဲ့​ပါ​၏။ အ​မျိုး​သား၊ အ​မျိုး သ​မီး​များ​ကို​ဖမ်း​ဆီး​၍​ထောင်​ချ​ခဲ့​ပါ​၏။-

Garrad Bible

^4-5 ပ ရော ဟိတ် မင်း နှင့် လူ ကြီး အ ပေါင်း တို့ သိ မြင် သည့် အ တိုင်း မဂ် လမ်း တော် လိုက် သော ယောက်ျား၊ မိန်း မ တို့ ကို ချည် နှောင် ထောင် ချ ၍ အ သေ သတ် သည့် တိုင် အောင် ညှဉ်း ပန်း ခဲ့၏။ ထို မင်း တို့ ထံ မှ ငါ သည် ဒ မာ သက် မြို့ ရှိ လူ မျိုး ချင်း တို့ ထံ အ မိန့် စာ များ ရ ပြီး လျှင် ထို မြို့ နေ သူ တို့ ကို လည်း ယေ ရု ရှ လင် မြို့ သို့ ချုပ် နှောင် ခေါ် ယူ ဒဏ် ခတ် ခြင်း ငှာ၊

Judson Bible

⁴ ယောက်ျား​မိန်း​မ​တို့​ကို ချည်​နှောင်၍ ထောင်​ထဲ​မှာ လှောင်​ထား​လျက် အ​သေ​သတ်​ခြင်း​သို့ တိုင်​အောင်၊ ထို​ဘာ​သာ​ကို​ညှဉ်း​ဆဲ​ပါ​ပြီ။-

မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ အကျွန်ုပ်​သည် ဤ​လမ်းစဉ်​ကို​လိုက်​သော​သူ​တို့​အား အသေ​သတ်​သည်​အထိ ညှဉ်းဆဲ​ခဲ့​၍ ယောက်ျား၊ မိန်းမ​တို့​ကို ချည်နှောင်​လျက် ထောင်​ထဲသို့​ပို့​ခဲ့​ပါ​သည်။

တမန်တော်ဝတ္ထု 22:4 Referencias Cruzadas

တမန်တော်ဝတ္ထု 16:17

သူ​သည် ပေါလု​နှင့် ကျွန်ုပ်တို့​နောက်​သို့ လိုက်​၍ “ဤ​သူတို့​သည် အမြင့်မြတ်ဆုံးသော ဘုရားသခင်​၏​အစေအပါးများ​ဖြစ်ကြ​ပြီး သင်တို့​အား ကယ်တင်ခြင်းတရား​လမ်း​ကို ဟောပြော​ရန် ရောက်ရှိလာကြပြီ” ဟု အော်ဟစ်​ပြောဆိုလေ၏။

တမန်တော်ဝတ္ထု 18:26

သူ​သည် ဂျူးဝတ်ပြုဆောင်​တွင် ရဲရင့်​စွာ​ဟောပြော၏။ ပြစ်ကိလ​နှင့် အာကုလ​တို့​သည် သူ​ဟောပြောသော​စကား​ကို ကြား​သောအခါ သူ့​အား အိမ်​သို့ ဖိတ်ခေါ်​လျက် ဘုရားသခင်​၏​တရားလမ်း​ကို ပိုမို​လေးနက်​စွာ ရှင်းပြကြ၏။

တမန်တော်ဝတ္ထု 19:23

ထို​အချိန်​တွင် ခရစ်တော်​၏​တရားလမ်း​နှင့်​ပတ်သက်​၍ ကြီးမားသော ဆူပူလှုပ်ရှားမှု​တစ်ရပ် ပေါ်ပေါက်လာ၏။

တမန်တော်ဝတ္ထု 19:9

သို့သော် တချို့​သည် ယုံကြည်​ရန် ခေါင်းမာ​စွာ ငြင်းဆို​လျက် လူတို့​ရှေ့တွင် ထို​ခရစ်တော်​၏​တရားလမ်း​ကို ကဲ့ရဲ့​ပြောဆိုကြ၏။ ထို့ကြောင့် ပေါလု​သည် တပည့်တော်များ​နှင့်အတူ ထို​သူတို့​ထံမှ ထွက်ခွာပြီးလျှင် တုရန္နု​စာသင်ခန်းမ​၌ နေ့စဉ် ဆွေးနွေး​ပြောဆိုလေ၏။

တမန်တော်ဝတ္ထု 24:14

သို့ရာတွင် မှားယွင်းသော ဂိုဏ်းခွဲ​ဟု သူတို့​ခေါ်တတ်သော ခရစ်တော်​၏​တရားလမ်း​အတိုင်း အကျွန်ုပ်​သည် ဘိုးဘေးတို့​၏​ဘုရားသခင်​အား ကိုးကွယ်ကြောင်း​ကို အရှင့်​ထံ​၌ ဝန်ခံပါ၏။ အကျွန်ုပ်​သည် ပညတ်တရား​၌ ဖော်ပြထားသော​အကြောင်းအရာများ​နှင့် ပရောဖက်ကျမ်းများ​၌ ပါရှိ​သမျှတို့​ကို ယုံကြည်ပါ၏။

တမန်တော်ဝတ္ထု 7:58

ထို့နောက် သူ့​အား မြို့ပြင်​သို့ ထုတ်​ကာ ကျောက်ခဲ​နှင့်​ပေါက်ကြ၏။ သက်သေခံတို့​သည် မိမိတို့​၏​ဝတ်ရုံများ​ကို ချွတ်​ပြီး ရှောလု​ဟု ခေါ်သော လူငယ်​တစ်ဦး​၏​ခြေရင်း​၌ ပုံထားကြ၏။

တမန်တော်ဝတ္ထု 9:21

ကြားသော​သူ​အပေါင်းတို့​သည် အံ့အားသင့်​၍ “ဤ​သူ​သည် ဂျေရုဆလင်မြို့​ရှိ ယေရှု​၏​နောက်လိုက်များ​ကို ဖျက်ဆီးသူ​မဟုတ်လော။ ဤ​မြို့​တွင်လည်း ထို​သူတို့​ကို ဖမ်းဆီး​၍ ယဇ်ပုရောဟိတ်​ခေါင်းဆောင်များ​ထံ ပို့ဆောင်​ရန် ဤ​နေရာ​သို့ ရောက်လာသည်​မဟုတ်လော” ဟု ပြောဆိုကြ၏။

၁ ကော 15:9

ကျွန်ုပ်​သည် တမန်တော်​ထဲတွင် အသေးနုပ်ဆုံးသောသူ ဖြစ်၏။ ဘုရားသခင်​၏ အသင်းတော်​ကို ညှဉ်းပန်းနှိပ်စက်ခဲ့သူ​ဖြစ်​သောကြောင့် တမန်တော်​ဟု ပင် ခေါ်ဝေါ်ခြင်း​ကို မခံထိုက်ပါ။

ဂ​လာ​တိ 1:13

ယခင်​က ကျွန်ုပ်​သည် ဂျူးဘာသာဝင်​အဖြစ် နေထိုင်​အသက်ရှင်ခဲ့​စဉ်က ဘုရားသခင်​၏ အသင်းတော်​ကို ပြင်းထန်​စွာ ညှဉ်းဆဲ​ပြီး ဖျက်ဆီး​ရန် ကြိုးစားခဲ့သည်​ကို သင်တို့​ကြားသိကြ၏။

ဖိ​လိပ္ပိ 3:6

အသင်းတော်​ကို စိတ်အားထက်သန်​စွာ ညှဉ်းဆဲခဲ့သောသူ ဖြစ်၏။ ပညတ်တရား​ကို လိုက်နာ​၍ ဖြောင့်မတ်သည်​ဟု သတ်မှတ်ခံရမည်​ဆိုလျှင် ကျွန်ုပ်​သည် အပြစ်ဆိုဖွယ်​မရှိသူ ဖြစ်၏။

၂ ပေ 2:2

လူများစွာတို့​သည် ထို​သူတို့​၏ ကိလေသာ​လွန်ကြူးခြင်း​လမ်းစဉ်​နောက်သို့ လိုက်ကြ​လိမ့်မည်။ ထို​ဆရာ​အတုအယောင်များ​ကြောင့် သမ္မာတရား​လမ်း​သည် စော်ကား​ပြောဆိုခံရ​လိမ့်မည်။