တမန်တော်ဝတ္ထု 20:24 - ခေတ်သစ်​မြန်မာ သမ္မာကျမ်း

²⁴ သို့ရာတွင် ဘုရားသခင်​၏​ကျေးဇူးတော်​နှင့်​ဆိုင်သည့် သတင်းကောင်း​ကို သက်သေခံ​ရန်​အတွက် သခင်​ယေရှု​ထံမှ လက်ခံရရှိ​သည့် အလုပ်​တာဝန်​နှင့် အမှုတော်​ကို ပြီးစီးနိုင်မည်​ဆိုလျှင် ကျွန်ုပ်​သည် မိမိ​အသက်​ကိုပင် မနှမြောပါ။

Common Language Bible

²⁴ သို့​သော်​ငါ့​အ​တွက်​သတ်​မှတ်​ထား​သည့်​အ​လုပ် တာ​ဝန်​ကို​လည်း​ကောင်း၊ သ​ခင်​ယေ​ရှု​ပေး​အပ် တော်​မူ​သည့်​အ​မှု​တော်​ကို​လည်း​ကောင်း၊ ပြီး​ဆုံး အောင်​ဆောင်​ရွက်​နိုင်​မှု​သာ​လျှင်​ပ​ဋ္ဌာ​န​ဖြစ် သ​ဖြင့် ငါ​သည်​မိ​မိ​၏​အ​သက်​ကို​နှ​မြော ခြင်း​မ​ရှိ။ ကိုယ်​တော်​ပေး​အပ်​တော်​မူ​သည့် အ​မှု​တော်​ကား ဘု​ရား​သ​ခင်​၏​ကျေး​ဇူး တော်​အ​ကြောင်း​သ​တင်း​ကောင်း​ကို​ကြေ​ညာ ရန်​ပင်​ဖြစ်​သ​တည်း။''

Garrad Bible

²⁴ သို့ သော် လည်း ဘု ရား သ ခင့် ကျေး ဇူး တော် ဆိုင် ရာ သ တင်း တော် မြတ် ကို သက် သေ ခံ ရန် အ ရှင် ယေ ရှု ထံ မှ ငါ ခံ ရ သော အ မှု နှင့် အ ငန်း အ တာ ကို ပြီး စီး အောင် ဆောင် ရွက် ခွင့် ရ လျှင် ငါ သည် ကိုယ့် အ သက် ကို ပ မာ ဏ မ ပြု၊ နှ မြော ခြင်း မ ရှိ။

Judson Bible

²⁴ သို့​ရာ​တွင် ဘု​ရား​သ​ခင်၏ ကျေး​ဇူး​တော်​နှင့်​ယှဉ်​သော ဧ​ဝံ​ဂေ​လိ​တ​ရား​ကို သက်​သေ​ခံ​စေ​ခြင်း​ငှာ၊ သ​ခင်​ယေ​ရှု၏​လက်​မှ ငါ​ခံ​ခဲ့​ပြီး​သော​ဓ​မ္မ​ဆ​ရာ အ​မှု​တည်း​ဟူ​သော ငါ​ဆောင်​ရွက်​ရ​သော​အ​မှု​ကို ဝမ်း​မြောက်​စွာ ပြီး​စီး​စေ​မည်​အ​ကြောင်း၊ ထို​ညှဉ်း​ဆဲ​ခြင်း​အ​မှု တစ်​စုံ​တစ်​ခု​ကို​မျှ ငါ​သည်​ပ​မာ​ဏ​မ​ပြု၊ ကိုယ်​အ​သက်​ကို​လည်း နှ​မြော​ခြင်း​မ​ရှိ၊-

မြန်​​​မာ့​​​စံ​​​မီ​​​သမ္မာ​​​ကျမ်း​​

²⁴ သို့ရာတွင် ငါ​သည် မိမိ​ပြေး​ရ​မည့်​တာ​ကို အဆုံး​တိုင်အောင်​ပြေး​၍ ဘုရားသခင်​၏​ကျေးဇူး​တော်​နှင့်ဆိုင်သည့် ကောင်းမြတ်​သော​သတင်း​ကို​သက်သေခံ​ရန် သခင်​ယေရှု​ထံမှ ငါ​ရရှိ​သော​အမှု​တော်​လုပ်ငန်း​ကို ပြီးမြောက်​စေ​နိုင်​ရန်​အတွက်​ဆိုလျှင် ငါ့​အသက်​ကို​ပင် ငါ​ပဓာန​မ​ထား​ပေ။

တမန်တော်ဝတ္ထု 20:24 Referencias Cruzadas

လုကာ 16:28

အဘယ်ကြောင့်ဆိုသော် ကျွန်ုပ်​တွင် ညီ​ငါးယောက်​ရှိ၏။ ဤ​ပြင်းထန်သော​ဝေဒနာ​ခံစားရသည့်​နေရာ​သို့ သူတို့​ရောက်မလာ​စေရန် လာဇရု​ကို သူတို့​ထံသို့ သွား​၍ သတိပေးစေလိုပါသည်’ ဟု တောင်းပန်​ပြောဆိုလေ၏။

ရှင်ယောဟန် 15:27

သင်တို့​သည်လည်း ငါ​အမှုတော်​လုပ်ငန်း စတင်​စဉ်​ကပင် ငါ​နှင့်အတူ ရှိနေခဲ့​သောကြောင့် ငါ့​အကြောင်း​ကို သက်သေခံကြ​ရမည်။

ရှင်ယောဟန် 17:4

အကျွန်ုပ်​သည် ကိုယ်တော်​မှာကြားတော်မူ​သမျှတို့​ကို ပြီးမြောက်စေ​၍ ဤ​လောက​တွင် ကိုယ်တော်​၏​ဘုန်းတော်​ကို ထင်ရှားစေပါပြီ။

တမန်တော်ဝတ္ထု 1:17

ယုဒ​သည် ငါတို့​အဖွဲ့ဝင်​ဖြစ်​၍ ဤ​သာသနာ​လုပ်ငန်း​အတွက် ခန့်အပ်ခံရသူ​လည်း ဖြစ်၏။

တမန်တော်ဝတ္ထု 11:23

ဗာနဗ​ရောက်လာပြီး ဘုရားသခင်​၏​ကျေးဇူးတော်​ကို မြင်တွေ့ရ​သောအခါ ဝမ်းမြောက်​ပျော်ရွှင်​၍ ထို​သူတို့​အားလုံး​ကို ခိုင်မြဲသော​စိတ်နှလုံး​ဖြင့် ယေရှု​ခရစ်တော်​အား ဆက်လက်​ဆည်းကပ်​ရန် တိုက်တွန်းလေ၏။

တမန်တော်ဝတ္ထု 13:25

မိမိ​လုပ်ငန်း ပြီးမြောက်ချိန်​နီး​သောအခါ ယောဟန်​က ‘သင်တို့​သည် ငါ့​အား​မည်သူ​ဖြစ်သည်​ဟု ထင်မြင်ကြသနည်း။ ငါ​သည် ထို​အရှင်​မဟုတ်ပါ။ ထို​အရှင်​သည် ငါ့​နောက်​တွင် ကြွလာ​လိမ့်မည်။ ငါ​သည် ထို​အရှင်​၏​ခြေတော်​မှ ဖိနပ်ကြိုး​ကို ဖြေပေး​ရန်​ပင် မထိုက်တန်ပါ’ ဟု ဆိုလေ၏။

တမန်တော်ဝတ္ထု 14:3

သူတို့​သည် အချိန်​ကြာမြင့်​စွာ​နေ​၍ သခင်ဘုရား​၏​အကြောင်း​ကို ရဲရင့်​စွာ​ဟောပြောကြ၏။ သခင်ဘုရား​သည် နိမိတ်​လက္ခဏာများ​နှင့် အံ့ဖွယ်​ဖြစ်ရပ်များ​ကို သူတို့​အား ပြုခွင့်​ပေးခြင်း​ဖြင့် မိမိ​၏​ကျေးဇူးတော်​နှင့်ဆိုင်သော နှုတ်ကပတ်​တရားတော်​မှန်ကန်​ကြောင်း သက်သေပြတော်မူ၏။

တမန်တော်ဝတ္ထု 15:7

များစွာ​ငြင်းခုံ​ဆွေးနွေးကြ​ပြီးနောက် ပေတရု​သည်​ထ​၍ “ညီအစ်ကိုတို့… ကျွန်ုပ်​ဟောပြောသော သတင်းကောင်း​ကို လူမျိုးခြားတို့​ကြား​၍ ယုံကြည်​နိုင်ရန် ဘုရားသခင်​သည် အစောပိုင်း​ကာလ​တွင် သင်တို့​အထဲ​မှ ကျွန်ုပ်​ကို ရွေးချယ်တော်မူကြောင်း သင်တို့​သိကြ၏။

တမန်တော်ဝတ္ထု 18:5

သိလ​နှင့် တိမောသေ​တို့​သည် မာကေဒေါနိပြည်​မှ ရောက်လာကြ​သောအခါ ပေါလု​သည် တရားဟောပြောခြင်း​အမှု​ကိုသာ ဆောင်ရွက်​လျက် ယေရှု​သည် ခရစ်တော်​ဖြစ်ကြောင်း​ကို ဂျူးတို့​အား သက်သေခံ​၍ ဟောပြောလေ၏။

တမန်တော်ဝတ္ထု 20:21

နောင်တရ​၍ ဘုရားသခင်​ထံတော်​သို့ ပြန်လာကြ​စေရန်​နှင့် ကျွန်ုပ်တို့​၏​သခင်​ယေရှု​ကို ယုံကြည်​စေရန် ဂျူးလူမျိုးများ​နှင့် ဂရိလူမျိုးများ​ကို လေးနက်စွာ ဟောပြောခဲ့၏။

တမန်တော်ဝတ္ထု 20:23

သို့သော် ကျွန်ုပ်​သည် အကျဉ်းချ​ခံရ​၍ ညှဉ်းပန်းနှိပ်စက်ခြင်း ခံရမည်​ဖြစ်ကြောင်း သန့်ရှင်းသော​ဝိညာဉ်တော်​သည် မြို့တိုင်း​တွင် သက်သေခံ​ဖော်ပြတော်မူ၏။

တမန်တော်ဝတ္ထု 20:32

သို့ဖြစ်၍ ယခု ကျွန်ုပ်​သည် သင်တို့​အား ဘုရားသခင်​ထံတော်​သို့​လည်းကောင်း၊ ကိုယ်တော်​၏ ကျေးဇူးတော်​နှင့်ဆိုင်သော တရားတော်​သို့​လည်းကောင်း အပ်နှံပါ၏။ ထို​တရားတော်​သည် သင်တို့​ကို ဆောက်တည်​ပေးနိုင်စွမ်း​နှင့် သန့်ရှင်းစေတော်မူခြင်း​ခံရသော​လူအပေါင်းတို့​နှင့်အတူ သင်တို့​ကို အမွေ​ပေးနိုင်စွမ်း​ရှိ၏။

တမန်တော်ဝတ္ထု 21:13

သို့ရာတွင် ပေါလု​က “သင်တို့​သည် ငိုကြွေး​လျက် ကျွန်ုပ်​စိတ်နှလုံး​ကို ပူဆွေးဝမ်းနည်း​စေ​ရန် အဘယ်ကြောင့် ပြုကြသနည်း။ ကျွန်ုပ်​သည် ဂျေရုဆလင်မြို့​၌ ထောင်ကျခံ​ရန်​မျှ​သာမက သခင်​ယေရှု​၏​အမည်​နာမ​အတွက် အသေခံ​ရန်ပင် အသင့်​ရှိပါ၏” ဟု ပြန်ပြောလေ၏။

တမန်တော်ဝတ္ထု 22:21

ထိုအခါ သခင်ဘုရား​က ‘သွားလော့။ ငါ​သည် သင့်​ကို ရပ်ဝေးရှိ​လူမျိုးခြားတို့​ထံသို့ စေလွှတ်မည်’ ဟူ၍ မိန့်တော်မူသည်” ဟု ပြောလေ၏။

တမန်တော်ဝတ္ထု 9:15

သို့သော် သခင်ဘုရား​က “သွားလော့။ ထို​သူ​သည် လူမျိုးခြားများ၊ ဘုရင်များ​နှင့် အစ္စရေးလူမျိုးတို့​ရှေ့​တွင် ငါ့​အကြောင်း​ကို ပြောကြား​ရန် ငါ​ရွေးကောက်ထားသော တန်ဆာပလာ​ဖြစ်၏။

ရော​မ 11:6

ထိုသို့ ဘုရားသခင်​သည် ထို​သူတို့​အား ကျေးဇူးတော်​ကို အခြေခံ​၍ ရွေးကောက်တော်မူ၏။ သူတို့​၏ အကျင့်​ကို အခြေခံ​၍ ရွေးကောက်တော်မူသည်​မဟုတ်။ လူ့​အကျင့်​ကို အခြေခံ​၍ ရွေးကောက်တော်မူ​လျှင် ဘုရားသခင်​၏ ကျေးဇူးတော်​သည် အစစ်အမှန်​မဟုတ်တော့ပေ။

ရော​မ 4:4

အလုပ်​လုပ်သောသူ​၏ လုပ်အားခ​မှာ ကျေးဇူးပြုခြင်း​ခံရသည့်​အနေဖြင့် ရသည်​မဟုတ်။ ထို​သူ ရထိုက်သော​လုပ်အားခ​ဖြစ်၏။

၁ ကော 15:58

ထို့ကြောင့် ချစ်သော ညီအစ်ကို​မောင်နှမတို့… မြဲမြံ​စွာ ရပ်တည်​၍ မရွေ့လျား​မပြောင်းလဲကြနှင့်။ ဘုရားသခင်​အတွက် သင်တို့ လုပ်ဆောင်​သမျှ​သည် အချည်းနှီး​မဖြစ်ကြောင်း သင်တို့​သိကြသည့်​အတိုင်း ဘုရားသခင်​အတွက် အစဉ်အမြဲ စိတ်အားထက်သန်​စွာ လုပ်ဆောင်ကြလော့။

၂ ကော 12:10

သို့ဖြစ်၍ ခရစ်တော်​အတွက်​ကြောင့် ခံရသော အားနည်းခြင်း၊ ကဲ့ရဲ့ခြင်း၊ ကျပ်တည်းခြင်း၊ ညှဉ်းပန်းနှိပ်စက်ခြင်း​နှင့် ခက်ခဲခြင်းတို့​ကို ကျွန်ုပ်​ကျေနပ်၏။ အဘယ်ကြောင့်ဆိုသော် ကျွန်ုပ်​သည် အားနည်း​သောအခါ ခရစ်တော်​၏​တန်ခိုး​အားဖြင့် အားကြီး​လျက်​ရှိ​သောကြောင့်​ဖြစ်၏။

၂ ကော 4:1

ထို့ကြောင့် ကျွန်ုပ်တို့​သည် ဘုရားသခင်​၏ ကရုဏာတော်​ကို ခံစားရသည်​နှင့်အညီ ဤ​အမှုတော်​ကို ဆောင်ရွက်ရ​သောကြောင့် စိတ်ပျက်​အားလျော့ခြင်း​မရှိကြပေ။

၂ ကော 4:12

ထိုသို့ ကျွန်ုပ်တို့​သည် သေဘေး​နှင့် ရင်ဆိုင်ရ​သော်လည်း ဤ​အရာ​သည် သင်တို့​အတွက် ထာဝရ​အသက်​ကို ရရှိ​စေ၏။

၂ ကော 5:8

ကျွန်ုပ်တို့​သည် စိတ်ချ​ယုံကြည်မှု​ရှိ​၍ ဤ​ကိုယ်ခန္ဓာ​ကို စွန့်ခွာ​ပြီးလျှင် သခင်ဘုရား​နှင့် အတူ​နေထိုင်​ရန် လိုလားကြ၏။

၂ ကော 7:4

ကျွန်ုပ်​သည် သင်တို့​ကို အလွန်​ယုံကြည်စိတ်ချ​၍ သင်တို့​အတွက် ဂုဏ်ယူ၏။ ကျွန်ုပ်​သည် နှစ်သိမ့်မှု​ကို အပြည့်အဝ​ရရှိ​သဖြင့် ဆင်းရဲဒုက္ခ​အမျိုးမျိုး​နှင့် ရင်ဆိုင်ရ​သော်လည်း ဝမ်းမြောက်​လျက်​ရှိ၏။

ဂ​လာ​တိ 1:1

လူတို့​၏ အခွင့်အာဏာ​ဖြင့် မဟုတ်၊ ကြားခံလူ​အားဖြင့်​လည်း မဟုတ်၊ ယေရှု​ခရစ်တော်​နှင့် ထို​သခင်​ကို သေခြင်း​မှ ရှင်ပြန်​ထမြောက်စေတော်မူသည့် ခမည်းတော်​ဘုရားသခင်​အားဖြင့် တမန်တော်​အဖြစ် ခန့်အပ်ခံရသူ​ဖြစ်သော ကျွန်ုပ်​ပေါလု စာရေးလိုက်ပါ၏။

ဧ​ဖက် 1:6

ထို့ကြောင့် ချစ်တော်မူသော သားတော်​အားဖြင့် ကျွန်ုပ်တို့​ကို ရက်ရော​စွာ ပေးသနားတော်မူသည့် ဘုန်းကြီးသော​ကျေးဇူးတော်​အတွက် ကျွန်ုပ်တို့​သည် ဘုရားသခင်​ကို ချီးမွမ်းကြရမည်​ဖြစ်၏။

ဧ​ဖက် 3:13

သို့ဖြစ်၍ သင်တို့​အတွက် ကျွန်ုပ် ခံရသော ဆင်းရဲ​ဒုက္ခ​ကြောင့် စိတ်ပျက်​အားလျော့ခြင်း မရှိကြ​ရန် ကျွန်ုပ် တောင်းပန်​လို၏။ ထို​အရာများ​အတွက် သင်တို့ ဂုဏ်ယူ​သင့်၏။

ဖိ​လိပ္ပိ 2:17

သင်တို့​၏ ယုံကြည်ခြင်း​ကြောင့် ကျွန်ုပ်​သည် မိမိ​ကိုယ်ကိုယ် ဘုရားသခင်​အား ပူဇော်ပြီး မိမိ​အသက်​ကို သွန်းလောင်းရာ​ပူဇော်စရာ​ကဲ့သို့ သွန်းလောင်းရမည်​ဆို​လျှင်ပင် ဝမ်းမြောက်၏။ သင်တို့​အားလုံး​နှင့်အတူ ကျွန်ုပ်​ဝမ်းမြောက်၏။

ဖိ​လိပ္ပိ 2:30

အဘယ်ကြောင့်ဆိုသော် သူ​သည် ကျွန်ုပ်​အား သင်တို့​မပေးနိုင်သည့် အကူအညီ​ကို ပေး​ရန် မိမိ​အသက်​ကို စွန့်စား​ကာ ခရစ်တော်​၏ အမှုတော်​အတွက် သေလုနီးပါး​ဖြစ်ခဲ့​သောကြောင့် ဖြစ်၏။

ကော​လော​သဲ 1:24

ယခု​အခါ ကျွန်ုပ်​သည် သင်တို့​အတွက် ဆင်းရဲဒုက္ခ​ခံရသည်​ကို ဝမ်းမြောက်​၍ ခရစ်တော်​ကိုယ်စား ဆင်းရဲဒုက္ခ​ခံ​ကာ ကြွင်းကျန်​နေသေးသော ဆင်းရဲဒုက္ခ​ကို ကိုယ်တော်​၏ ကိုယ်ခန္ဓာ​ဖြစ်သော အသင်းတော်​အတွက် ကျွန်ုပ်​၏ ခန္ဓာ​သွေးသား​ဖြင့် ဖြည့်ဆည်းနေ၏။

၁ သက် 2:2

ကျွန်ုပ်တို့​သည် ဖိလိပ္ပိမြို့​၌ ဒုက္ခ​ဆင်းရဲခြင်း​နှင့် ညှဉ်းပန်း​နှိပ်စက်ခြင်း​များ​ကို ခံခဲ့ကြောင်း သင်တို့​သိကြ၏။ သို့သော်လည်း ဘုရားသခင် ကူညီမစတော်မူ​သောကြောင့် ပြင်းထန်သည့် ဆန့်ကျင်​တိုက်ခိုက်မှု​ကြား​ကပင် ကိုယ်တော်​၏ သတင်းကောင်း​ကို သင်တို့​ထံ ရဲဝံ့​စွာ ဟောပြောခဲ့ကြ၏။

၁ သက် 3:3

ထို့ပြင် ဤ​ဆင်းရဲ​ဒုက္ခများ​ကြောင့် သင်တို့​တစ်ဦး​တစ်ယောက်​မျှ ယိမ်းယိုင်​မသွား​စေရန် ဖြစ်၏။ ထို​ဆင်းရဲ​ဒုက္ခများ တွေ့ကြုံရခြင်း​သည် ဘုရားသခင်​၏ အလိုတော်​အရ​ဖြစ်ကြောင်း သင်တို့​သိကြ၏။

၂ တိ 1:12

ထို​အကြောင်း​ကြောင့် ဤ​ဆင်းရဲဒုက္ခ​ကို ခံစားနေရ၏။ သို့သော်လည်း ကျွန်ုပ်​မရှက်ပါ။ အဘယ်ကြောင့်ဆိုသော် ကျွန်ုပ်​သည် မိမိ​ယုံကြည်သော​အရှင်​ကို သိ​ပြီး ကိုယ်တော်​ထံ၌ မိမိ​အပ်ထားသော​အရာ​ကိုလည်း ထို​နေ့ရက်​တိုင်အောင် ကိုယ်တော်​စောင့်ထိန်းတော်မူမည်​ဟု စိတ်ချ​သောကြောင့်​ဖြစ်၏။

၂ တိ 3:11

အန္တိအုတ်မြို့၊ ဣကောနိမြို့၊ လုတ္တရမြို့​တို့​တွင် ကျွန်ုပ်​မည်သို့​ညှဉ်းပန်းနှိပ်စက် ခံရ​၍ ဆင်းရဲဒုက္ခ​ကြုံခဲ့ရသည်​ကိုလည်း သင်​သိ၏။ သို့သော် သခင်ဘုရား​သည် ထို​ဆင်းရဲဒုက္ခ​အပေါင်း​မှ ကျွန်ုပ်​ကို ကယ်တင်တော်မူ၏။

၂ တိ 4:17

သို့သော်လည်း ကျွန်ုပ်​သည် လူမျိုးခြားတို့​အား သတင်းကောင်း​ကို ပြည့်စုံ​စွာ ဟောပြော​ရန်အတွက် သခင်ဘုရား​သည် ကျွန်ုပ်​ဘက်မှ ရပ်တည်​၍ ခွန်အားပေးတော်မူခဲ့၏။ ဤသို့ဖြင့် ကိုယ်တော်​သည် ကျွန်ုပ်​ကို ခြင်္သေ့​ခံတွင်း​မှ ကယ်နှုတ်တော်မူ၏။

တိ​တု 1:3

ဘုရားသခင်​သည် အချိန်တန်​သောအခါ လူ​၏​ဟောပြောခြင်း​နည်း​ဖြင့် တရားတော်​ကို ထင်ရှားစေတော်မူ၏။ ကျွန်ုပ်​သည် ကယ်တင်ရှင်​ဘုရားသခင်​၏ အမိန့်တော်​ဖြင့် ဤ​တရားတော်​ကို ဟောပြော၏။

တိ​တု 2:11

အဘယ်ကြောင့်ဆိုသော် လူအပေါင်းတို့​ကို ကယ်တင်​ရန် ဘုရားသခင်​၏ ကျေးဇူးတော်​သည် ထင်ရှားလာ​သောကြောင့် ဖြစ်၏။

ဟေ​ဗြဲ 10:34

သင်တို့​သည် အကျဉ်းကျ​နေသူများ​အပေါ် စာနာစိတ်​ထားကြ၏။ ဥစ္စာပစ္စည်းများ​ကို အဓမ္မ​လုယူခံရ​သော်လည်း ဝမ်းမြောက်​စွာ လက်ခံကြ၏။ အဘယ်ကြောင့်ဆိုသော် သင်တို့​သည် ထို​အရာများ​ထက် ပိုမို​ကောင်းမြတ်ပြီး ထာဝရ​တည်မြဲသော​အရာများ​ကို ပိုင်ဆိုင်ထားသည်​ကို သိကြ​သောကြောင့်​ဖြစ်၏။

၁ ပေ 5:12

သစ္စာရှိသော​ညီအစ်ကို​ဟု ကျွန်ုပ်​မှတ်ယူသော သိလွာနု​၏​အကူအညီ​ဖြင့် သင်တို့​ထံ စာ​ကို အကျဉ်းချုံး​၍ ရေးလိုက်၏။ အကြောင်းအရာ​မှာ သင်တို့​အား တိုက်တွန်း​နှိုးဆော်​ရန်​နှင့် ကျွန်ုပ်​ရေးလိုက်သော​အရာတို့​သည် ဘုရားသခင်​၏ စစ်မှန်သော​ကျေးဇူးတော်​ဖြစ်ကြောင်း သက်သေခံ​ရန်​ဖြစ်၏။ ထို​ကျေးဇူးတော်​တွင် ခိုင်မြဲ​စွာ ရပ်တည်ကြလော့။

၁ ယော 3:16

ယေရှု​ခရစ်တော်​သည် ကျွန်ုပ်တို့​အတွက် မိမိ​အသက်​ကို စွန့်တော်မူသည့်​အမှု​ကို ထောက်​၍ မေတ္တာ​အကြောင်း​ကို ကျွန်ုပ်တို့​သိကြ၏။ ကျွန်ုပ်တို့​သည်လည်း မိမိ​ညီအစ်ကို​မောင်နှမ​ချင်း​အတွက် အသက်​ကို စွန့်​သင့်၏။

ဗျာ​ဒိတ် 12:11

ညီအစ်ကို​မောင်နှမတို့​သည် ထို​သူ​ကို သိုးသငယ်​၏ အသွေးတော်​ဖြင့်​လည်းကောင်း၊ မိမိတို့​သက်သေခံ​ဟောပြောသော​နှုတ်ကပတ်တော်​ဖြင့်​လည်းကောင်း အောင်နိုင်ခဲ့ကြ၏။ သူတို့​သည် အသေ​ခံရမည်​ဆိုလျှင်​ပင် မိမိတို့​၏​အသက်​ကို မနှမြောကြ။

ဗျာ​ဒိတ် 6:11

ထို့နောက် သူတို့​တစ်ဦးစီ​အား ဝတ်ရုံဖြူများ​ကို ပေးတော်မူ၏။ သူတို့​နည်းတူ အသတ်ခံရမည့် သူတို့​၏​အစေခံချင်း၊ သူတို့​၏​ညီအစ်ကို​မောင်နှမ​ချင်း အရေအတွက်​ပြည့်သည်​အထိ အနည်းငယ်​စောင့်ကြ​ရန် သူတို့​အား မိန့်တော်မူ၏။