တမန်တော်ဝတ္ထု 20:16 - ခေတ်သစ်​မြန်မာ သမ္မာကျမ်း

¹⁶ ပေါလု​သည် အာရှပြည်​တွင် အချိန်​မကုန်ဆုံးစေလို​သဖြင့် ဧဖက်မြို့​ကို​ဖြတ်​၍ ရွက်လွှင့်​ရန် စိတ်ဆုံးဖြတ်ထားပြီးဖြစ်၏။ ဖြစ်နိုင်မည်​ဆိုပါက ပင်တေကုတ္တေပွဲ​နေ့​အမှီ ဂျေရုဆလင်မြို့​သို့​ရောက်ရှိ​ရန် သူ​သည် စိတ်ပြင်းပြ​လျက်​နေ၏။

Common Language Bible

¹⁶ ပေါ​လု​သည်​အာ​ရှ​နယ်​တွင်​အ​ချိန်​မ​ကုန်​စေ လို​သ​ဖြင့် ဧ​ဖက်​မြို့​အ​နီး​မှ​ဖြတ်​၍​သင်္ဘော လွှင့်​ရန်​စိတ်​ပိုင်း​ဖြတ်​ထား​၏။ ဖြစ်​နိုင်​ပါ​က ပင်​တေ​ကုတ္တေ​ပွဲ​တော်​အ​မီ​ယေ​ရု​ရှ​လင်​မြို့ သို့​ရောက်​ရှိ​ရန် သူ​သည်​အ​လျင်​အ​မြန်​ခ​ရီး ပြု​လျက်​နေ​၏။

Judson Bible

¹⁶ ပေါ​လု​သည် ပင်​တေ​ကု​တ္တေ​ပွဲ​နေ့​မ​လွန်​မီ ယေ​ရု​ရှ​လင်​မြို့​သို့ ရောက်​နိုင်​လျှင်​ရောက်​ခြင်း​ငှာ ကြိုး​စား​သည်​ဖြစ်၍ အာ​ရှိ​ပြည်၌ တာ​ရှည်​စွာ​မ​နေ​လို​သ​ဖြင့် ဧ​ဖက်​မြို့​မှာ မ​ဆိုက်​ဘဲ လွှင့်​သွား​မည်​ဟု စိတ်​ပြဋ္ဌာန်း​လျက်​ရှိ​နှင့်​သ​တည်း။

မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁶ ဤသို့​ခရီး​ပြု​ခြင်းမှာ ပေါလု​သည် အာရှ​ပြည်​တွင် အချိန်​မ​ကုန်​စေရန် ဧဖက်​မြို့​၌​မ​ဆိုက်​ဘဲ​ရွက်လွှင့်​သွား​မည်​ဟု ဆုံးဖြတ်​ထား​သောကြောင့်​ဖြစ်​၏။ သူ​သည် ဖြစ်နိုင်​လျှင် ပင်တေကုတ္တေ​ပွဲ​နေ့​တွင် ဂျေရုဆလင်​မြို့​သို့​ရောက်​လို​သည်​ဖြစ်၍ ခရီး​ကို​လျင်မြန်​စွာ​ပြု​နေ​၏။

တမန်တော်ဝတ္ထု 20:16 Referencias Cruzadas

တမန်တော်ဝတ္ထု 12:13

ပေတရု​သည် ခန်းမ​တံခါး​ကို ခေါက်​ရာ ရောဒေ​အမည်​ရှိ အိမ်အကူ​အမျိုးသမီးငယ်​တစ်ယောက်​သည် တံခါး​ဖွင့်​ရန် ရောက်လာ၏။

တမန်တော်ဝတ္ထု 16:6

သန့်ရှင်းသော​ဝိညာဉ်တော်​သည် သူတို့​အား အာရှပြည်​၌ နှုတ်ကပတ်​တရားတော်​ကို​ဟောပြော​ရန် တားမြစ်​သဖြင့် ဖြူဂိပြည်​နှင့် ဂလာတိပြည်​ကို ဖြတ်သွားကြ၏။

တမန်တော်ဝတ္ထု 18:19

ဧဖက်မြို့​သို့ ရောက်​သောအခါ ဂျူးဝတ်ပြုဆောင်​သို့ သွား​၍ ဂျူးတို့​နှင့် တရား​ဆွေးနွေးလေ၏။

တမန်တော်ဝတ္ထု 18:21

“ဘုရားသခင်​၏​အလိုတော်​ရှိ​လျှင် သင်တို့​ဆီသို့ ပြန်လာမည်” ဟု ဆို၏။ ထို့နောက် သူတို့​အား နှုတ်ဆက်​ပြီးလျှင် ပြစ်ကိလ​နှင့် အာကုလ​တို့​ကို ဧဖက်မြို့​၌ ထားခဲ့​၍ ရွက်လွှင့်လေ၏။

တမန်တော်ဝတ္ထု 19:1

အာပေါလု​သည် ကောရိန္သုမြို့​၌ ရှိနေ​စဉ် ပေါလု​သည် ကုန်းတွင်းပိုင်း​မြို့များ​ကို ဖြတ်၍ ဧဖက်မြို့​သို့ ရောက်လာ၏။ ထို​မြို့​၌ တပည့်တော်​တချို့​ကို တွေ့​လျှင်

တမန်တော်ဝတ္ထု 19:21

ဤအရာများ ဖြစ်ပျက်​ပြီးနောက် ပေါလု​သည် ဝိညာဉ်တော်​အားဖြင့် မာကေဒေါနိပြည်​နှင့် အခါယပြည်​တစ်လျှောက်​သွား​ပြီးလျှင် ဂျေရုဆလင်မြို့​သို့ သွား​ရန် ဆုံးဖြတ်၏။ ထို့နောက် ပေါလု​က “ထို​မြို့​သို့​သွားပြီး​လျှင် ငါ​သည် ရောမမြို့​သို့​လည်း သွားရမည်” ဟု ပြောလေ၏။

တမန်တော်ဝတ္ထု 2:1

ပင်တေကုတ္တေပွဲနေ့​ရောက်​သောအခါ ယုံကြည်သူ​အပေါင်းတို့​သည် တစ်နေရာတည်း​တွင် အတူတကွ စုဝေးနေကြ၏။

တမန်တော်ဝတ္ထု 20:13

ကျွန်ုပ်တို့​သည် သင်္ဘော​ပေါ်သို့ ဦးစွာ​တက်​ပြီးလျှင် ပေါလု​ကို ခေါ်တင်​ရမည့် အဿုမြို့​သို့ ရွက်လွှင့်ကြ၏။ သူ​သည် ထို​မြို့​သို့ ကုန်းလမ်း​ခရီး​ဖြင့် သွား​ရန် ဆုံးဖြတ်ထား​သောကြောင့် ဤသို့ စီစဉ်ခဲ့ခြင်း​ဖြစ်၏။

တမန်တော်ဝတ္ထု 20:18

ထို​သူတို့ ရောက်လာကြ​သောအခါ ပေါလု​က “ကျွန်ုပ်​သည် အာရှပြည်​တွင် ပထမဦးဆုံး​ရောက်သည့်​နေ့​မှစ၍ သင်တို့​နှင့် ရှိနေသော အချိန်တိုင်း​တွင် မည်သို့​ပြုမူ​နေထိုင်သည်​ကို သင်တို့​သိကြပါ၏။

တမန်တော်ဝတ္ထု 20:22

ယခု ကျွန်ုပ်​သည် သန့်ရှင်းသော​ဝိညာဉ်တော်​နိုးဆော်တော်မူသည့်​အတိုင်း ဂျေရုဆလင်မြို့​သို့ သွားမည်။ ထို​မြို့​၌ မည်သို့​ဖြစ်ပျက်မည်​ကို ကျွန်ုပ်​မသိ။

တမန်တော်ဝတ္ထု 20:4

ဗေရိမြို့သား​ဖြစ်သော ပုရု​၏​သား သောပတရု၊ သက်သာလောနိတ်မြို့သားများ​ဖြစ်ကြသော အာရိတ္တာခု​နှင့် သေကုန္ဒု၊ ဒေရဗေမြို့သား​ဖြစ်သော ဂါယု၊ တိမောသေ၊ အာရှပြည်​သားများ​ဖြစ်ကြသော တုခိတ်​နှင့် တရောဖိမ်​တို့​သည် ပေါလု​နှင့်အတူ လိုက်ပါသွားကြ၏။

တမန်တော်ဝတ္ထု 20:6

ကျွန်ုပ်တို့​သည် တဆေးမဲ့​မုန့်ပွဲတော်​ရက်များ ပြီးသည့်​နောက် ဖိလိပ္ပိမြို့​မှ သင်္ဘော​စီး​၍ ငါးရက်​ကြာလျှင် တရောမြို့​သို့ ဆိုက်ရောက်ကြ၏။ ထို​မြို့​တွင် ခုနစ်ရက်​နေထိုင်ကြ၏။

တမန်တော်ဝတ္ထု 21:4

ထို​နေရာ​တွင် ကျွန်ုပ်တို့​သည် တပည့်တော်​တချို့​ကို ရှာတွေ့​သဖြင့် သူတို့​နှင့်အတူ ခုနစ်ရက်​နေကြ၏။ သူတို့​က သန့်ရှင်းသော​ဝိညာဉ်တော်​ဖွင့်ပြခြင်း​အားဖြင့် ပေါလု​ကို ဂျေရုဆလင်မြို့​သို့ မသွား​ရန်​ပြောကြ၏။

တမန်တော်ဝတ္ထု 24:17

ယခု​နှစ်ပေါင်းများစွာ​ကြာ​ပြီးနောက် အကျွန်ုပ်​သည် မိမိ​လူမျိုး​ထဲမှ ဆင်းရဲနွမ်းပါးသော​သူတို့​အား ပေးကမ်းစွန့်ကြဲ​ရန်​နှင့် ဘုရားသခင်​အား ပူဇော်စရာများ​လှူဒါန်း​ရန် ဂျေရုဆလင်မြို့​သို့ ပြန်လာပါ၏။

၁ ကော 16:8

ဤ​အတောအတွင်း ပင်တေကုတ္တေပွဲနေ့​တိုင်အောင် ဧဖက်မြို့​တွင် ကျွန်ုပ်​နေပါမည်။