တမန်တော်ဝတ္ထု 2:47 - ခေတ်သစ်​မြန်မာ သမ္မာကျမ်း

⁴⁷ ဘုရားသခင်​ကို ချီးမွမ်း​၍ လူအပေါင်းတို့​၏​ရှေ့တွင် မျက်နှာရကြ၏။ သခင်ဘုရား​သည် ကယ်တင်ခြင်း​ခံရသော​သူတို့​၏​အရေအတွက်​ကို နေ့စဉ်​နှင့်အမျှ တိုးပွားစေတော်မူ၏။

Common Language Bible

⁴⁷ သူ​တို့​သည်​ဘု​ရား​သ​ခင်​၏​ကျေး​ဇူး​တော်​ကို ချီး​မွမ်း​လျက် လူ​အ​ပေါင်း​တို့​၏​ရှေ့​တွင်​မျက်​နှာ ပွင့်​လန်း​လျက်​ရှိ​ကြ​၏။ သ​ခင်​ဘု​ရား​သည်​ကယ် တင်​ခြင်း​ခံ​ရ​သူ​အ​ရေ​အ​တွက်​ကို နေ့​စဉ်​နေ့ တိုင်း​တိုး​ပွား​စေ​တော်​မူ​၏။

Garrad Bible

⁴⁷ ဘု ရား သ ခင် ၏ ဂုဏ် တော် ကို ချီး မွမ်း ၍ ပြည် သူ ပြည် သား အ ပေါင်း တို့ ရှေ့ မျက် နှာ သာ ရ ကြ၏။ အ ရှင် ဘု ရား လည်း ကယ် တင် တော် မူ ရာ ရောက် လျက် နေ သူ တို့ ကို တစ် နေ့ နောက် တစ် နေ့ ထပ် သွင်း တော် မူ ၏။

Judson Bible

⁴⁷ ဘု​ရား​သ​ခင်​ကို​လည်း ချီး​မွမ်း၍ လူ​အ​ပေါင်း​တို့​ရှေ့​မှာ မျက်​နှာ​ပွင့်​လန်း​ခြင်း အ​ခွင့်​ကို​ရ​ကြ၏။ ကယ်​တင်​ခြင်း​သို့ ရောက်​သော​သူ​တို့​ကို​လည်း နေ့​စဉ်​မ​ပြတ် သ​ခင်​ဘု​ရား​သည် သင်း​ဝင်​စေ​တော်​မူ၏။

မြန်​​​မာ့​​​စံ​​​မီ​​​သမ္မာ​​​ကျမ်း​​

⁴⁷ ဘုရားသခင်​ကို​ချီးမွမ်း​လျက် လူ​အပေါင်း​တို့​ရှေ့တွင် မျက်နှာရ​ကြ​၏။ သခင်​ဘုရား​သည်​လည်း ကယ်တင်​ခြင်း​ခံရ​သော​သူ​တို့​၏​အရေအတွက်​ကို နေ့​စဉ်​နှင့်အမျှ​တိုးပွား​စေ​တော်မူ​၏။

တမန်တော်ဝတ္ထု 2:47 Referencias Cruzadas

လုကာ 19:48

သို့ရာတွင် လူထု​တစ်ရပ်လုံး​က ယေရှု​မိန့်တော်မူသည့် စကားတော်​တိုင်း​ကို တစိုက်မတ်မတ်​နားထောင်​လျက်​ရှိ​သောကြောင့် လုပ်ဆောင်ခွင့်​ကို မတွေ့နိုင်ကြပေ။

လုကာ 2:52

ယေရှု​သည်လည်း ခန္ဓာ​ကာယ​နှင့် ဉာဏ်ပညာ​ဖွံ့ဖြိုး​၍ ဘုရားသခင်​ရှေ့၊ လူတို့​ရှေ့​တွင် မျက်နှာရတော်မူ၏။

တမန်တော်ဝတ္ထု 11:21

သခင်ဘုရား​၏​တန်ခိုးတော်​သည် ထို​သူတို့​နှင့်အတူ ရှိ​သဖြင့် မြောက်မြားစွာသော​လူတို့​သည် ယုံကြည်လာကြပြီး သခင်ဘုရား​ထံသို့ ပြောင်းလဲလာကြ၏။

တမန်တော်ဝတ္ထု 11:24

ဗာနဗ​သည် သူတော်ကောင်း​ဖြစ်​၍ သန့်ရှင်းသော​ဝိညာဉ်တော်​နှင့် ယုံကြည်ခြင်း​တို့​ဖြင့် ပြည့်ဝသော​သူ​ဖြစ်၏။ ထို့ကြောင့် မြောက်မြားစွာသော​လူတို့​သည် သခင်ဘုရား​ထံသို့ ပြောင်းလဲလာကြ၏။

တမန်တော်ဝတ္ထု 13:48

ဤ​စကား​ကို လူမျိုးခြားများ​ကြားကြ​သောအခါ ဝမ်းမြောက်​၍ သခင်ဘုရား​၏​နှုတ်ကပတ်​တရားတော်​ကို ချီးမွမ်းကြ၏။ ထာဝရ​အသက်​ရ​ရန် ဘုရားသခင်​ရွေးချယ်တော်မူသောသူ​ရှိသမျှတို့​သည် ယုံကြည်သက်ဝင်လာကြ၏။

တမန်တော်ဝတ္ထု 14:1

ဣကောနိမြို့​တွင်​လည်း ပေါလု​နှင့် ဗာနဗ​တို့​သည် ဂျူးဝတ်ပြုဆောင်​သို့ ဝင်​၍ ဟောပြော​သဖြင့် ဂျူးလူမျိုး​နှင့်​ဂရိလူမျိုး အမြောက်အမြား​သည် ယုံကြည်သက်ဝင်လာကြ၏။

တမန်တော်ဝတ္ထု 14:21

သူတို့​သည် ဒေရဗေမြို့​တွင် သတင်းကောင်း​ကို ဟောပြော​၍ တပည့်တော်​များစွာ မွေးထုတ်​ပြီးနောက် လုတ္တရမြို့၊ ဣကောနိမြို့​နှင့် ပိသိဒိပြည်​ရှိ​အန္တိအုတ်မြို့​သို့ လှည့်ပြန်ကြ၏။

တမန်တော်ဝတ္ထု 16:5

ထိုသို့ဖြင့် အသင်းတော်များ​သည် ယုံကြည်ခြင်း​၌ ခိုင်မာကြ​၍ နေ့စဉ် လူဦးရေ​တိုးပွားလေ၏။

တမန်တော်ဝတ္ထု 17:12

ထိုသို့​အားဖြင့် ဂျူးလူမျိုး​များစွာတို့​သည် ယုံကြည်​သက်ဝင်လာကြ၏။ ဂုဏ်သရေရှိ​ဂရိ​အမျိုးသား၊ အမျိုးသမီးတို့​သည်လည်း ယုံကြည်​သက်ဝင်လာကြ၏။

တမန်တော်ဝတ္ထု 2:39

ထို​ကတိတော်​သည် သင်တို့​မှ​စ၍ သင်တို့​၏​သားသမီးများ​နှင့် ကျွန်ုပ်တို့​၏​ဘုရားသခင် ထာဝရဘုရား​ခေါ်တော်မူသည့် အဝေး​၌ ရှိသော​သူ​အပေါင်းတို့​အတွက် ဖြစ်သည်” ဟု ဟောပြောလေ၏။

တမန်တော်ဝတ္ထု 2:41

ပေတရု​၏​ဟောပြော​သွန်သင်ချက်​ကို လက်ခံယုံကြည်သော​သူတို့​သည် နှစ်ခြင်းမင်္ဂလာ​ခံယူကြ​သဖြင့် ထို​နေ့​၌ ယုံကြည်သည့်​လူဦးရေ​သုံးထောင်​ခန့် တိုးပွားလာ၏။

တမန်တော်ဝတ္ထု 4:21

တရားလွှတ်တော်​အဖွဲ့ဝင်တို့​သည်လည်း တမန်တော်တို့​ကို ထပ်မံ​ခြိမ်းခြောက်​သတိပေး​၍ လွှတ်လိုက်ကြ၏။ လူ​အပေါင်းတို့​သည် ဖြစ်ပျက်ခဲ့သော​အရာ​အတွက် ဘုရားသခင်​ကို ချီးမွမ်းကြ​သောကြောင့် တရားလွှတ်တော်​အဖွဲ့ဝင်တို့​သည် တမန်တော်တို့​အား ပြစ်ဒဏ်ပေး​ရန် နည်းလမ်း​ရှာမတွေ့ကြပေ။

တမန်တော်ဝတ္ထု 4:33

သခင်​ယေရှု​၏​ရှင်ပြန်​ထမြောက်တော်မူခြင်း​ကို တမန်တော်တို့​သည် ကြီးမြတ်သော​တန်ခိုး​နှင့် သက်သေခံကြ​သဖြင့် ဘုရားသခင်​၏​ကြီးမြတ်သော​ကျေးဇူးတော်​သည်လည်း သူတို့​အပေါ်​တွင် ရှိလေ၏။

တမန်တော်ဝတ္ထု 4:4

သို့သော်လည်း တရားစကား​ကို ကြားသော​လူ​များစွာတို့​သည် ယုံကြည်လာကြပြီး ယခင်​ယုံကြည်သော​သူများ​အပါအဝင် အမျိုးသား​အရေအတွက် ငါးထောင်​ခန့်​အထိ ရှိလာ၏။

တမန်တော်ဝတ္ထု 6:1

ထို​နေ့ရက်များ​၌ ယုံကြည်သူများ​အရေအတွက်​တိုးလာ၏။ ထိုအခါ ဂရိစကား​ပြောသော​ဂျူးတို့​က မိမိတို့​၏​မုဆိုးမများ​သည် နေ့စဉ်​ဝေသော​အစားအစာများ​ကို မရကြောင်း ဟေဗြဲ​စကားပြောသော​ဂျူးတို့​အား အပြစ်တင်ကြ၏။

တမန်တော်ဝတ္ထု 6:7

ဘုရားသခင်​၏​နှုတ်ကပတ်​တရားတော်​သည် ဆက်လက်​ပြန့်ပွား​သဖြင့် တပည့်တော်တို့​၏​အရေအတွက်​သည် ဂျေရုဆလင်မြို့​၌ အလွန်​တိုးပွား​၍ ယဇ်ပုရောဟိတ်​အများအပြား​သည်လည်း ယုံကြည်သက်ဝင်ကြ၏။

တမန်တော်ဝတ္ထု 9:31

ထို့နောက် ယုဒပြည်၊ ဂါလိလဲပြည်​နှင့် ရှမာရိပြည်​တစ်လျှောက်​၌ အသင်းတော်​သည် ငြိမ်းချမ်း​၍ တည်တံ့ခိုင်မြဲ​လာ၏။ သခင်ဘုရား​ကို ကြောက်ရွံ့ခြင်း​နှင့် သန့်ရှင်းသော​ဝိညာဉ်တော်​၏​နှစ်သိမ့်အားပေးခြင်း​တို့​ဖြင့် ရှင်သန်​၍ အသင်းသား​အရေအတွက်​သည်လည်း တိုးပွားလာ၏။

တမန်တော်ဝတ္ထု 9:35

လုဒ္ဒမြို့​နှင့် ရှာရုန်ဒေသ​ရှိ​လူများ​သည်လည်း အဲနေ​ကို မြင်​၍ သခင်ဘုရား​ထံတော်​သို့ ပြောင်းလဲလာကြ၏။

ရော​မ 14:18

ဤသို့သော စိတ်ထား​ဖြင့် ခရစ်တော်​ကို အစေခံသောသူ​အား ဘုရားသခင်​နှစ်သက်တော်မူ၏။ လူတို့​ကလည်း ချီးမွမ်းကြ၏။

ရော​မ 8:30

ထိုသို့ ဘုရားသခင်​သည် မိမိ​ရွေးကောက်ထားသော​သူတို့​ကို ခေါ်တော်မူ၏။ ခေါ်တော်မူ​ပြီးနောက် ဖြောင့်မတ်သည်​ဟု သတ်မှတ်တော်မူ၏။ ဖြောင့်မတ်သည်​ဟု သတ်မှတ်တော်မူ​ပြီးနောက် ဘုန်းအသရေ​ကို ပေးတော်မူ၏။

ရော​မ 9:27

အစ္စရေးလူမျိုးများ​နှင့် ပတ်သက်၍ ပရောဖက်​ဟေရှာယ​က “အစ္စရေးလူမျိုးတို့​သည် ပင်လယ်ကမ်းခြေ​ရှိ သဲပွင့်​နှင့်အမျှ များပြား​သော်လည်း လူနည်းစု​သာ ကယ်တင်ခြင်း​ခံရ​လိမ့်မည်။

၁ ကော 1:18

လက်ဝါးကပ်တိုင်​နှင့်ဆိုင်သော သတင်းစကား​သည် ပျက်စီးမည့်​သူတို့​အတွက် မိုက်မဲသော​သတင်းစကား​ဖြစ်၏။ ကယ်တင်ခြင်း​ခံရသည့် ကျွန်ုပ်တို့​အတွက်​မှာမူ ဘုရားသခင်​၏ တန်ခိုးတော်​ဖြစ်၏။