တမန်တော်ဝတ္ထု 2:42 - ခေတ်သစ်​မြန်မာ သမ္မာကျမ်း

⁴² ထို​ယုံကြည်သူများ​သည် တမန်တော်တို့​၏ သွန်သင်မှု​ကို​ခံယူခြင်း၊ မိတ်သဟာယဖွဲ့ခြင်း၊ မုန့်​ကို​ဖဲ့ခြင်း​နှင့် ဆုတောင်းခြင်း​တို့​ကို အမြဲ​ဆောင်ရွက်ကြ၏။

Common Language Bible

⁴² ထို​သူ​တို့​သည်​တ​မန်​တော်​တို့​၏​ဆုံး​မ​သြ​ဝါ​ဒ ကို​ခံ​ယူ​ခြင်း၊ စု​ပေါင်း​နေ​ထိုင်​စား​သောက်​ခြင်း၊ ပွဲ တော်​မင်္ဂ​လာ​ဝင်​ခြင်း၊ အ​တူ​တ​ကွ​ဆု​တောင်း​ပတ္ထ​နာ ပြု​ခြင်း​တို့​ဖြင့်​အ​ချိန်​ကို​ကုန်​လွန်​စေ​ကြ​၏။

Garrad Bible

⁴² တ မန် တော် တို့ ဒေ သ နာ ပေး ခြင်း၊ ပေါင်း သင်း ဆက် ဆံ ခြင်း၊ မုန့် ကို ဖဲ့ ခြင်း၊ ပ ဌ နာ ပြု ခြင်း များ ကို ထို သူ တို့ စွဲ မြဲ လျက် နေ ကြ ၏။

Judson Bible

⁴² ထို​သူ​များ​သည် တ​မန်​တော်​တို့၏ ဆုံး​မ​ဩ​ဝါ​ဒ​ကို​ခံ​ခြင်း၊ အ​ပေါင်း​အ​သင်း​ဖွဲ့​ခြင်း၊ မုန့်​ကို​ဖဲ့​ခြင်း၊ ပ​တ္ထ​နာ​ပြု​ခြင်း​တို့​ကို အ​မြဲ​ဆောင်​ရွက်၍ နေ​ကြ၏။

မြန်​​​မာ့​​​စံ​​​မီ​​​သမ္မာ​​​ကျမ်း​​

⁴² ထို​သူ​တို့​သည် တမန်တော်​တို့​၏​သွန်သင်​ချက်​ကို​ခံယူ​ခြင်း၊ မုန့်​ဖဲ့​ခြင်း၊ မိတ်သဟာယ​ဖွဲ့​ခြင်း​နှင့် ဆုတောင်း​ခြင်း​အမှု​တို့​ကို အစဉ်တစိုက်​ပြု​ကြ​၏။

တမန်တော်ဝတ္ထု 2:42 Referencias Cruzadas

လုကာ 24:30

ထို့နောက် သူတို့​နှင့်အတူ စားပွဲ​တွင်​ထိုင်တော်မူ​ပြီးလျှင် မုန့်​ကို​ယူ​၍ ကျေးဇူးတော်​ကို ချီးမွမ်းတော်မူ၏။ မုန့်​ကို​လည်း ဖဲ့​၍ သူတို့​အား ပေးတော်မူ၏။

လုကာ 24:35

ထို​သူတို့​နှစ်ဦး​သည်လည်း လမ်း​၌ တွေ့ကြုံခဲ့သည့်​အကြောင်း​နှင့် မုန့်​ကို​ဖဲ့​စဉ်တွင် ယေရှု​ဖြစ်တော်မူကြောင်း သိရပုံ​ကို ပြောပြကြ၏။

တမန်တော်ဝတ္ထု 1:14

ထို​သူတို့​အားလုံး​သည် မယ်တော်​မာရိ​အပါအဝင် အမျိုးသမီး​တစ်စု၊ ယေရှု​၏​ညီတော်များ​နှင့် တစ်စိတ်တစ်ဝမ်းတည်း​ဖြင့် အဆက်မပြတ်​ဆုတောင်း​လျက် နေကြ၏။

တမန်တော်ဝတ္ထု 11:23

ဗာနဗ​ရောက်လာပြီး ဘုရားသခင်​၏​ကျေးဇူးတော်​ကို မြင်တွေ့ရ​သောအခါ ဝမ်းမြောက်​ပျော်ရွှင်​၍ ထို​သူတို့​အားလုံး​ကို ခိုင်မြဲသော​စိတ်နှလုံး​ဖြင့် ယေရှု​ခရစ်တော်​အား ဆက်လက်​ဆည်းကပ်​ရန် တိုက်တွန်းလေ၏။

တမန်တော်ဝတ္ထု 14:22

သူတို့​က “ကျွန်ုပ်တို့​သည် ဆင်းရဲဒုက္ခ​များစွာ​ခံရခြင်း​အားဖြင့် ဘုရားသခင်​၏​နိုင်ငံတော်​သို့ ဝင်ရောက်ကြရမည်” ဟု ဆို​လျက် ထို​မြို့များ​ရှိ တပည့်တော်တို့​၏ စိတ်​ကို ကြံ့ခိုင်​စေကြ၏။ ယုံကြည်ခြင်း​တွင်လည်း ဆက်လက်​ရပ်တည်​ရန် ခွန်အားပေးကြ၏။

တမန်တော်ဝတ္ထု 2:46

ထို​သူတို့​သည် နေ့စဉ် ဗိမာန်တော်​၌ အတူတကွ ဝတ်ပြုကိုးကွယ်ခြင်း၊ အိမ်များ​၌ မုန့်​ကို​ဖဲ့ခြင်း၊ ဝမ်းမြောက်သော​စိတ်​နှင့် ရက်ရောသော​စိတ်တို့​ဖြင့် မိမိတို့​၏​အစာ​ကို စားသုံးကြခြင်း စသည်တို့​ကို​ပြုလုပ်ကြ၏။

တမန်တော်ဝတ္ထု 20:11

ထို့နောက် ပေါလု​သည် အပေါ်​သို့​ပြန်တက်​၍ မုန့်​ကို​ချိုးဖဲ့​လျက် သူတို့​နှင့်အတူ စားကြ၏။ သူ​သည်​လည်း အရုဏ်တက်ချိန်​ထိတိုင်အောင် စကားဝိုင်းဖွဲ့​ပြီးမှ ထွက်ခွာသွားလေ၏။

တမန်တော်ဝတ္ထု 20:7

ရက်သတ္တပတ်​၏​ပထမနေ့​ရက်​၌ ကျွန်ုပ်တို့​သည် မုန့်​ကို​ချိုးဖဲ့​ရန် အတူတကွ​စုဝေးကြ၏။ ပေါလု​သည် နောက်​တစ်ရက်​တွင် ထို​မြို့​မှ ထွက်ခွာ​ရန် ရည်ရွယ်ထား​သောကြောင့် ညသန်းခေါင်​အချိန်​ထိ တရားတော်​ကို ဟောပြော​လျက်​နေ၏။

တမန်တော်ဝတ္ထု 4:23

ပေတရု​နှင့်​ယောဟန်​တို့​သည် လွတ်လာ​ပြီးနောက် အခြား​ယုံကြည်သူများ​ထံသို့ သွား​၍ မိမိတို့​အား ယဇ်ပုရောဟိတ်​ခေါင်းဆောင်များ​နှင့် အကြီးအကဲတို့​ပြောခဲ့သမျှတို့​ကို ပြန်ပြောပြကြ၏။

တမန်တော်ဝတ္ထု 4:31

ထိုသို့ ဆုတောင်း​ပြီးနောက် စုရုံးနေသော​နေရာ​သည် တုန်ခါ​လျက် ထို​သူ​အားလုံးတို့​သည် သန့်ရှင်းသော​ဝိညာဉ်တော်​နှင့် ပြည့်ဝ​သဖြင့် ဘုရားသခင်​၏​နှုတ်ကပတ်​တရားတော်​ကို ရဲရင့်​စွာ ဟောပြောကြ၏။

တမန်တော်ဝတ္ထု 6:4

ကျွန်ုပ်တို့​သည် ဆုတောင်းခြင်း​နှင့် နှုတ်ကပတ်​တရားတော်​ဟောပြောခြင်း​အမှုတို့​ကို အစဉ်တစိုက်​ပြုကြမည်” ဟု ပြောလေ၏။

ရော​မ 12:12

မျှော်လင့်​လျက် ဝမ်းမြောက်ကြလော့။ ဆင်းရဲဒုက္ခ​ရောက်​သောအခါ​၌ သည်းခံ​၍ မပျက်မကွက်​ဆုတောင်းကြလော့။

၁ ကော 10:21

သင်တို့​သည် သခင်ဘုရား​၏ ခွက်​ကို သောက်​လျှင် နတ်ဆိုးတို့​၏ ခွက်​ကို သောက်​၍ မရပေ။ သင်တို့​သည် သခင်ဘုရား​၏​စားပွဲ​၌ စား​လျှင် နတ်ဆိုးတို့​၏ စားပွဲ​၌ စား​၍ မရပေ။

၁ ကော 11:2

သင်တို့​သည် ကျွန်ုပ်​ကို အစဉ်​သတိရ​၍ ကျွန်ုပ်​လက်ဆင့်ကမ်းခဲ့သော သွန်သင်ချက်များ​ကို လိုက်နာကြ​သောကြောင့် သင်တို့​ကို ကျွန်ုပ်​ချီးမွမ်း၏။

၁ ကော 14:6

ညီအစ်ကို​မောင်နှမတို့… ကျွန်ုပ်​သည် သင်တို့​ထံသို့ လာ​၍ သင်တို့​နားမလည်သော အခြား​ဘာသာစကား​ဖြင့် ပြောဆို​သော်လည်း ဗျာဒိတ်တော်​ဖွင့်ပြခြင်း၊ အသိပညာ​မျှဝေခြင်း၊ ပရောဖက်ပြုခြင်း၊ သင်ကြားခြင်းတို့​ဖြင့် မပြောဆို​လျှင် သင်တို့​အတွက် မည်သည့်​အကျိုး​ရှိမည်နည်း။

ဂ​လာ​တိ 1:6

ခရစ်တော်​၏ ကျေးဇူးတော်​ကို ခံစား​စေရန် သင်တို့​ကို ခေါ်တော်မူသော ဘုရားသခင်​အား သင်တို့​သည် လျင်မြန်​စွာ စွန့်ပယ်​၍ အခြား​သတင်းကောင်း​ကို လက်ခံကြ​သောကြောင့် ကျွန်ုပ်​အံ့ဩရ၏။

ဧ​ဖက် 2:20

သင်တို့​သည် တမန်တော်များ​နှင့် ပရောဖက်များ​၏ အုတ်မြစ်​ပေါ်တွင် တည်ဆောက်သော အဆောက်အအုံ​ကဲ့သို့ ဖြစ်ကြပြီး ယေရှု​ခရစ်တော်​ကိုယ်တိုင်​သည် ထောင့်ချုပ်ကျောက် ဖြစ်တော်မူ၏။

ဧ​ဖက် 6:18

အမျိုးမျိုးသော ဆုတောင်းခြင်း​နှင့် အသနားခံခြင်းတို့​ဖြင့် ဝိညာဉ်တော် ညွှန်ကြားတော်မူသည့်​အတိုင်း အချိန်အခါ​တိုင်း​တွင် ဆုတောင်းကြလော့။ ထိုသို့ ဆုတောင်း​နိုင်ရန် နိုးနိုးကြားကြား နေ​၍ ယုံကြည်သူ​အပေါင်းတို့​အတွက် ဇွဲမလျှော့ဘဲ ဆုတောင်းကြလော့။

ဖိ​လိပ္ပိ 1:5

အဘယ်ကြောင့်ဆိုသော် သင်တို့​သည် ခရစ်တော်​၏ သတင်းကောင်း​ကို လက်ခံယုံကြည်သည့်​နေ့​မှစ၍ ယခု​အချိန်​တိုင်အောင် ထို​သတင်းကောင်း​ကို ပျံ့နှံ့စေ​ရာတွင် ကျွန်ုပ်​နှင့်အတူ ပါဝင်​ဆောင်ရွက်ခဲ့​သောကြောင့် ဖြစ်၏။

ကော​လော​သဲ 1:23

သို့ရာတွင် သင်တို့​သည် သတင်းကောင်း​ကို ကြားနာ​စဉ်က ရရှိသော မျှော်လင့်ခြင်း​မှ မရွေ့လျားဘဲ ကြံ့ကြံ့ခိုင် ရပ်တည်​လျက် ဆက်​၍ ယုံကြည်ရမည်။ ထို​သတင်းကောင်း​ကို မိုးကောင်းကင်​အောက်​၌ ရှိသော သတ္တဝါ​အားလုံး​ကို ဟောပြောနေသည်​ဖြစ်၍ ကျွန်ုပ်​ပေါလု​သည် ထို​သတင်းကောင်း​ကို ဟောပြောသော အမှုဆောင်​ဖြစ်လာ၏။

ကော​လော​သဲ 4:2

ဘုရားသခင်​ကို ကျေးဇူးတင်​လျက် နိုးကြား​စွာ မပျက်မကွက် ဆုတောင်းကြလော့။

၂ တိ 3:14

သို့သော်လည်း မိမိ​သင်ယူပြီး ခိုင်မြဲ​စွာ ယုံကြည်သော​အရာများ​ကို ဆက်လက်​၍ ယုံကြည်လော့။ ထို​အရာတို့​ကို မည်သူ့​ထံမှ သင်ယူခဲ့သည်​ကို သင်​သိ၏။

ဟေ​ဗြဲ 10:25

စည်းဝေးခြင်း​ကို လူတချို့​လွှဲရှောင်​သကဲ့သို့ မလွှဲရှောင်ဘဲ အချင်းချင်း​အားပေး​တိုက်တွန်းကြလော့။ ကိုယ်တော်​ပြန်လည်ကြွလာမည့်​နေ့ရက်​သည် နီးကပ်လာသည်​ကို ထောက်​လျက် ပို​၍ တိုက်တွန်းကြလော့။

ဟေ​ဗြဲ 10:39

သို့ရာတွင် ကျွန်ုပ်တို့​သည် နောက်ပြန်လှည့်​၍ ပျက်စီးနေသူများ​မဟုတ်ဘဲ ယုံကြည်​၍ ကယ်တင်ခံရသော​သူများ​ဖြစ်ကြ၏။

၁ ယော 1:3

ကျွန်ုပ်တို့​မြင်ရ၊ ကြားရသော အရာများ​ကို သင်တို့​အား ပြောပြရခြင်း​မှာ သင်တို့​သည် ကျွန်ုပ်တို့​နှင့် မိတ်သဟာယဖွဲ့​စေရန် ဖြစ်၏။ ကျွန်ုပ်တို့​၏ မိတ်သဟာယဖွဲ့ခြင်း​မှာ ခမည်းတော်​နှင့်​လည်းကောင်း၊ သားတော် ယေရှု​ခရစ်တော်​နှင့်​လည်းကောင်း မိတ်သဟာယဖွဲ့ခြင်း​ဖြစ်၏။

၁ ယော 1:7

သို့ရာတွင် ဘုရားသခင်​သည် အလင်း​တွင် ရှိတော်မူ​သကဲ့သို့ ကျွန်ုပ်တို့​သည်လည်း အလင်း​တွင် ကျင်လည်ကြ​လျှင် အချင်းချင်း မိတ်သဟာယဖွဲ့ခြင်း​ရှိ​သဖြင့် သားတော်​ယေရှု​၏​အသွေးတော်​သည် ကျွန်ုပ်တို့​ကို အပြစ်​အားလုံး​မှ ကင်းစင်စေတော်မူ၏။

၁ ယော 2:19

ထို​သူတို့​သည် ကျွန်ုပ်တို့​ထံမှ ထွက်သွား​သော်လည်း ကျွန်ုပ်တို့​နှင့် အမှန်တကယ် မသက်ဆိုင်ကြ။ ကျွန်ုပ်တို့​နှင့်​သက်ဆိုင်​လျှင် ကျွန်ုပ်တို့​နှင့်အတူ နေရစ်​လိမ့်မည်။ သို့သော် ထိုသို့​ထွက်သွားခြင်း​ဖြင့် သူတို့​အားလုံး​သည် ကျွန်ုပ်တို့​နှင့် မသက်ဆိုင်ကြောင်း ပေါ်လွင်ထင်ရှား​လျက်​ရှိ၏။

ယု​ဒ 1:20

သို့သော် ချစ်ရသော​သူတို့… သင်တို့​သည် မိမိတို့​၏ အသန့်ရှင်းဆုံးသော​ယုံကြည်ခြင်း​၌ မိမိ​ကိုယ်ကိုယ် တည်ဆောက်​၍ သန့်ရှင်းသော​ဝိညာဉ်တော်​၏ လမ်းညွှန်မှု​ဖြင့် ဆုတောင်းလော့။