တမန်တော်ဝတ္ထု 19:8 - ခေတ်သစ်​မြန်မာ သမ္မာကျမ်း

⁸ ပေါလု​သည် သုံးလ​တိုင်တိုင် ဂျူးဝတ်ပြုဆောင်​တွင် ရဲရင့်စွာ​ဟောပြော​လျက် ဘုရားသခင်​၏​နိုင်ငံတော်​အကြောင်း​ကို ဆွေးနွေးဖလှယ်​ကာ ယုံကြည်လာစေ​ရန် ကြိုးစားအားထုတ်​လျက်​နေ၏။

Common Language Bible

⁸ ပေါ​လု​သည်​သုံး​လ​တိုင်​တိုင်​တ​ရား​ဇ​ရပ်​တွင် အ​ချေ​အ​တင်​ဆွေး​နွေး​ကာ​ဘု​ရား​သ​ခင်​၏ နိုင်​ငံ​တော်​အ​ကြောင်း လူ​တို့​နား​လည်​သ​ဘော ပေါက်​လာ​စေ​ရန်​မ​ကြောက်​မ​ရွံ့​ဘဲ​ဟော ပြော​၏။-

Garrad Bible

⁸ ထို နောက် ပေါ လု သည် ဓ မ္မာ ရုံ သို့ ဝင်၍ သုံး လ တိုင် တိုင် ဘု ရား သ ခင့် နိုင် ငံ တော် အ ကြောင်း သ ဘော ကျ ကြ စေ ရန် ရဲ ရင့် စွာ ဆွေး နွေး ဟော ပြော လေ၏။

Judson Bible

⁸ ထို​နောက်​မှ ပေါ​လု​သည် တ​ရား​ဇ​ရပ်​သို့​ဝင်၍ သုံး​လ​ပတ်​လုံး ဘု​ရား​သ​ခင်၏ နိုင်​ငံ​တော်​အ​ကြောင်း​များ​ကို ဆွေး​နွေး​နှီး​နှော၍ ဖြား​ယောင်း​သွေး​ဆောင်​သ​ဖြင့် ရဲ​ရင့်​စွာ ဟော​ပြော​လေ၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

⁸ ထို့နောက် ပေါလု​သည် ဝတ်ပြု​စည်းဝေး​ကျောင်း​သို့​ဝင်​၍ သုံး​လ​ပတ်လုံး ရဲရင့်​စွာ​ဟောပြော​လျက် ဘုရားသခင်​၏​နိုင်ငံ​တော်​အကြောင်း​ကို ဆွေးနွေး​ပြောဆို​ကာ လူ​တို့​ကို​စည်းရုံး​လေ​၏။

တမန်တော်ဝတ္ထု 19:8 Referencias Cruzadas

တမန်တော်ဝတ္ထု 1:3

အသေခံတော်မူ​ပြီးနောက် ယေရှု​သည် မိမိ​အသက်ရှင်​လျက်​ရှိကြောင်း ခိုင်မာသော​သက်သေ​အထောက်အထားများ​ဖြင့် ရက်ပေါင်း​လေးဆယ်​အတွင်း တမန်တော်တို့​အား ကိုယ်ထင်ပြ​၍ ဘုရားသခင်​၏​နိုင်ငံတော်​အကြောင်း​ကို ဟောပြောတော်မူ၏။

တမန်တော်ဝတ္ထု 13:14

သူတို့​သည် ပေရဂေမြို့​ကို​ဖြတ်သွား​၍ ပိသိဒိပြည်​ရှိ အန္တိအုတ်မြို့​သို့ ရောက်ကြ၏။ ဥပုသ်နေ့​တွင် ဂျူးဝတ်ပြုဆောင်​သို့​ဝင်​၍ ထိုင်ကြ၏။

တမန်တော်ဝတ္ထု 13:46

ထိုအခါ ပေါလု​နှင့် ဗာနဗ​တို့​သည် ရဲရင့်​စွာ ဟောပြောကြသည်​မှာ “ဘုရားသခင်​၏​နှုတ်ကပတ်​တရားတော်​ကို သင်တို့​ထံ​ဦးစွာ ဟောပြောရ၏။ သို့သော် ထို​အရာ​ကို​သင်တို့​သည် ငြင်းပယ်​၍ ထာဝရ​အသက်​သည် သင်တို့​နှင့်​မထိုက်တန်ကြောင်း မှတ်ယူ​ဆုံးဖြတ်​သောကြောင့် ယခု​ကျွန်ုပ်တို့​သည် လူမျိုးခြားများ​ဆီသို့ ဦးတည်ကြ၏။

တမန်တော်ဝတ္ထု 14:1

ဣကောနိမြို့​တွင်​လည်း ပေါလု​နှင့် ဗာနဗ​တို့​သည် ဂျူးဝတ်ပြုဆောင်​သို့ ဝင်​၍ ဟောပြော​သဖြင့် ဂျူးလူမျိုး​နှင့်​ဂရိလူမျိုး အမြောက်အမြား​သည် ယုံကြည်သက်ဝင်လာကြ၏။

တမန်တော်ဝတ္ထု 17:17

ထို့ကြောင့် သူ​သည် ဂျူးဝတ်ပြုဆောင်​တွင်​ရှိသော ဂျူးလူမျိုးများ​မှ​စ၍ ဘုရားသခင်​ကို​ကိုးကွယ်သော လူမျိုးခြားများ​နှင့် ဆွေးနွေး၏။ ထို့ပြင် ဈေးအရပ်​တွင် နေ့တိုင်း​ရှိနေကြသော​လူတို့​နှင့်လည်း နေ့စဉ်​ဆွေးနွေးလေ၏။

တမန်တော်ဝတ္ထု 18:19

ဧဖက်မြို့​သို့ ရောက်​သောအခါ ဂျူးဝတ်ပြုဆောင်​သို့ သွား​၍ ဂျူးတို့​နှင့် တရား​ဆွေးနွေးလေ၏။

တမန်တော်ဝတ္ထု 18:26

သူ​သည် ဂျူးဝတ်ပြုဆောင်​တွင် ရဲရင့်​စွာ​ဟောပြော၏။ ပြစ်ကိလ​နှင့် အာကုလ​တို့​သည် သူ​ဟောပြောသော​စကား​ကို ကြား​သောအခါ သူ့​အား အိမ်​သို့ ဖိတ်ခေါ်​လျက် ဘုရားသခင်​၏​တရားလမ်း​ကို ပိုမို​လေးနက်​စွာ ရှင်းပြကြ၏။

တမန်တော်ဝတ္ထု 18:4

ပေါလု​သည် ဥပုသ်နေ့​တိုင်း ဂျူးဝတ်ပြုဆောင်​၌ တရား​ဆွေးနွေး​၍ ဂျူးလူမျိုးများ​နှင့် ဂရိလူမျိုးများ ယုံကြည်လာ​ရန် စည်းရုံး​လျက်​နေ၏။

တမန်တော်ဝတ္ထု 19:10

ထိုသို့ နှစ်နှစ်​တိုင်တိုင် ဆွေးနွေး​ပြောဆို​ရာ အာရှပြည်​တွင် နေထိုင်ကြသော ဂျူးလူမျိုး​နှင့် ဂရိလူမျိုးများ​အားလုံးတို့​သည် သခင်ဘုရား​၏​နှုတ်ကပတ်​တရားတော်​ကို ကြားနာကြရ၏။

တမန်တော်ဝတ္ထု 19:7

သူတို့​သည် စုစုပေါင်း​ဆယ့်နှစ်ယောက်​ခန့် ရှိကြ၏။

တမန်တော်ဝတ္ထု 19:9

သို့သော် တချို့​သည် ယုံကြည်​ရန် ခေါင်းမာ​စွာ ငြင်းဆို​လျက် လူတို့​ရှေ့တွင် ထို​ခရစ်တော်​၏​တရားလမ်း​ကို ကဲ့ရဲ့​ပြောဆိုကြ၏။ ထို့ကြောင့် ပေါလု​သည် တပည့်တော်များ​နှင့်အတူ ထို​သူတို့​ထံမှ ထွက်ခွာပြီးလျှင် တုရန္နု​စာသင်ခန်းမ​၌ နေ့စဉ် ဆွေးနွေး​ပြောဆိုလေ၏။

တမန်တော်ဝတ္ထု 20:31

ထို့ကြောင့် သတိ​နှင့်​နေကြလော့။ ကျွန်ုပ်​သည် သုံးနှစ်တာ​ပတ်လုံး နေထိုင်ခဲ့သည်​တွင် နေ့ည​မပြတ် မျက်ရည်ကျ​လျက် သင်တို့​အား တိုက်တွန်း​နိုးဆော်ခဲ့သည်​ကို သတိရကြလော့။

တမန်တော်ဝတ္ထု 28:23

ထို့နောက် သူတို့​သည် ပေါလု​နှင့်​တွေ့ဆုံ​ရန် ရက်ချိန်း​ရွေး​ကြ၏။ ချိန်းသည့်​နေ့​ရောက်သော် သူတို့​သည် လူပေါင်း​များစွာ​နှင့်တကွ ပေါလု​တည်းခိုရာ​နေရာ​သို့​ရောက်လာကြ၏။ ပေါလု​သည် နံနက်​အချိန်​မှ ည​အချိန်​တိုင်အောင် ထို​သူတို့​အား ဘုရားသခင်​၏​နိုင်ငံတော်​အကြောင်း​ကို​ရှင်းပြ​လျက် သက်သေခံလေ၏။ မောရှေ​၏​ပညတ်တရား​နှင့် ပရောဖက်ကျမ်းများ​ကိုလည်း ကိုးကား​၍ ယေရှု​အကြောင်း​ကို လက်ခံယုံကြည်​လာရန် ကြိုးစား​ဟောပြောလေ၏။

ယု​ဒ 1:3

ချစ်ရသော​သူတို့… ကျွန်ုပ်တို့​အားလုံး လက်ခံ​ယုံကြည်သော​ကယ်တင်ခြင်း​အကြောင်း​ကို သင်တို့​ထံ ရေး​ရန် ကျွန်ုပ်​အလွန်​စိတ်အားထက်သန်၏။ သို့သော် ယုံကြည်သောသူ​အပေါင်းတို့​အား တစ်ကြိမ်တည်း​နှင့်​အပြီး ကိုယ်တော်​ပေးအပ်တော်မူသော​ယုံကြည်ခြင်း​တရား​အတွက် ခုခံ​တိုက်ခိုက်ကြလော့​ဟူ၍ သင်တို့​အား စာရေး​တိုက်တွန်း​ရန် လိုအပ်​လာ၏။