တမန်တော်ဝတ္ထု 19:22 - ခေတ်သစ်​မြန်မာ သမ္မာကျမ်း

²² သူ​သည် မိမိ​အား ကူညီဆောင်ရွက်ပေးသူ တိမောသေ​နှင့် ဧရတ္တု​ကို မာကေဒေါနိပြည်​သို့ စေလွှတ်​၍ အာရှပြည်​၌ ကာလ​အနည်းငယ်​ဆက်နေလေ၏။

Common Language Bible

²² သူ​သည်​မိ​မိ​၏​လက်​ထောက်​နှစ်​ယောက်​ဖြစ် သည့်​တိ​မော​သေ​နှင့်​ဧ​ရတ္တု​တို့​ကို​မာ​ကေ ဒေါ​နိ​ပြည်​သို့​စေ​လွှတ်​လိုက်​၏။ မိ​မိ​မူ​ကား အာရှ​ပြည်​တွင်​ကာ​လ​အ​နည်း​ငယ်​နေ​၏။

Garrad Bible

²² လက် ထောက် များ အ နက် တိ မော သေ နှင့် ဧ ရ တ္တု နှစ် ပါး ကို မာ ကေ ဒေါ နိ ပြည် သို့ လွှတ် လိုက် ပြီး လျှင် အာ ရှိ ပြည် တွင်း ဆိုင်း လျက် နေ လေ၏။

Judson Bible

²² မိ​မိ​အား​လုပ်​ကျွေး​သော သူ​နှစ်​ယောက်၊ တိ​မော​သေ​နှင့် ဧ​ရ​တ္တု​တို့​ကို မာ​ကေ​ဒေါ​နိ​ပြည်​သို့ စေ​လွှတ်​ပြီး​မှ မိ​မိ​သည် အာ​ရှိ​ပြည်၌ ခ​ဏ​နေ​သေး၏။

မြန်​​​မာ့​​​စံ​​​မီ​​​သမ္မာ​​​ကျမ်း​​

²² ထို့ကြောင့် သူ​သည် မိမိ​ကို​ကူညီ​ဆောင်ရွက်​ပေး​သူ​များ​ထဲမှ တိမောသေ​နှင့်​ဧရတ္တု​တို့​နှစ်​ဦး​ကို မာကေဒေါနိ​ပြည်​သို့​စေလွှတ်​၍ သူ​ကိုယ်တိုင်​သည် အာရှ​ပြည်​တွင် ခေတ္တ​နေ​ခဲ့​၏။

တမန်တော်ဝတ္ထု 19:22 Referencias Cruzadas

တမန်တော်ဝတ္ထု 13:5

ရှာလမိမြို့​သို့ ရောက်​သောအခါ ဂျူးဝတ်ပြုဆောင်များ​တွင် ဘုရားသခင်​၏​နှုတ်ကပတ်​တရားတော်​ကို ဟောပြောကြ၏။ ယောဟန်မာကု​သည်လည်း သူတို့​၏​လက်ထောက်​အဖြစ် ပါရှိလေ၏။

တမန်တော်ဝတ္ထု 16:1

ပေါလု​သည် ဒေရဗေမြို့​နှင့် လုတ္တရမြို့​သို့ ရောက်လာ၏။ လုတ္တရမြို့​တွင် တိမောသေ​ဟု ခေါ်သော တပည့်တော်​တစ်ဦး​ရှိ၏။ သူ​၏​မိခင်​သည် ယုံကြည်သူ ဂျူး​အမျိုးသမီး​ဖြစ်ပြီး ဖခင်​မှာ ဂရိ​အမျိုးသား​ဖြစ်၏။

တမန်တော်ဝတ္ထု 16:3

ပေါလု​သည် တိမောသေ​ကို မိမိ​နှင့်အတူ လိုက်ပါစေလို​သဖြင့် သူတို့​မထွက်ခွာ​မီ သူ့​အား အရေပြားလှီးခြင်း​မင်္ဂလာ​ကို ပေးလေ၏။ အဘယ်ကြောင့်ဆိုသော် ထို​နယ်​ရှိ ဂျူးလူမျိုးများ​က သူ​၏​ဖခင်​မှာ ဂရိလူမျိုး​ဖြစ်ကြောင်း​ကို သိကြ​သောကြောင့်​ဖြစ်၏။

တမန်တော်ဝတ္ထု 18:5

သိလ​နှင့် တိမောသေ​တို့​သည် မာကေဒေါနိပြည်​မှ ရောက်လာကြ​သောအခါ ပေါလု​သည် တရားဟောပြောခြင်း​အမှု​ကိုသာ ဆောင်ရွက်​လျက် ယေရှု​သည် ခရစ်တော်​ဖြစ်ကြောင်း​ကို ဂျူးတို့​အား သက်သေခံ​၍ ဟောပြောလေ၏။

တမန်တော်ဝတ္ထု 19:10

ထိုသို့ နှစ်နှစ်​တိုင်တိုင် ဆွေးနွေး​ပြောဆို​ရာ အာရှပြည်​တွင် နေထိုင်ကြသော ဂျူးလူမျိုး​နှင့် ဂရိလူမျိုးများ​အားလုံးတို့​သည် သခင်ဘုရား​၏​နှုတ်ကပတ်​တရားတော်​ကို ကြားနာကြရ၏။

တမန်တော်ဝတ္ထု 19:21

ဤအရာများ ဖြစ်ပျက်​ပြီးနောက် ပေါလု​သည် ဝိညာဉ်တော်​အားဖြင့် မာကေဒေါနိပြည်​နှင့် အခါယပြည်​တစ်လျှောက်​သွား​ပြီးလျှင် ဂျေရုဆလင်မြို့​သို့ သွား​ရန် ဆုံးဖြတ်၏။ ထို့နောက် ပေါလု​က “ထို​မြို့​သို့​သွားပြီး​လျှင် ငါ​သည် ရောမမြို့​သို့​လည်း သွားရမည်” ဟု ပြောလေ၏။

တမန်တော်ဝတ္ထု 19:29

တစ်မြို့လုံး​ဝရုန်းသုန်းကား​ဖြစ်​လျက် လူတို့​သည် ပေါလု​၏​ခရီးသွားဖော်များ​ဖြစ်ကြသော မာကေဒေါနိပြည်သား ဂါယု​နှင့် အာရိတ္တာခု​တို့​ကို ဖမ်းဆီး​ပြီး​လျှင် ဇာတ်ရုံ​ထဲသို့ တစ်ဟုန်ထိုး​ပြေးဝင်သွားကြ၏။

တမန်တော်ဝတ္ထု 20:1

ထို​ရုန်းရင်းဆန်ခတ်​ပြုခြင်း​အမှု ပြီးဆုံးသွား​သောအခါ ပေါလု​သည် တပည့်တော်များ​ကို ခေါ်​၍ အားပေးစကား​ပြောဆိုကာ နှုတ်ဆက်ပြီး မာကေဒေါနိပြည်​သို့ ထွက်ခွာသွားလေ၏။

တမန်တော်ဝတ္ထု 20:34

ကျွန်ုပ်​နှင့် လုပ်ဖော်ကိုင်ဖက်များ​၏​လိုအပ်သော​အရာများ​အတွက် ကျွန်ုပ်​ကိုယ်တိုင် အလုပ်​လုပ်​၍ ထောက်ပံ့နိုင်ခဲ့သည်​ကို သင်တို့​သိကြ၏။

ရော​မ 16:23

ကျွန်ုပ်​နှင့် အသင်းသား​အပေါင်းတို့​ကို ဧည့်ခံသော အိမ်ရှင်​ဂါယု​သည် သင်တို့​ကို နှုတ်ဆက်လိုက်ပါ၏။ မြို့တော်​ဘဏ္ဍာထိန်း​ဧရတ္တု​နှင့် ကျွန်ုပ်တို့​၏​ညီ ကွာတု​တို့​သည် သင်တို့​ကို နှုတ်ဆက်လိုက်ပါ၏။

၂ ကော 1:16

မာကေဒေါနိပြည်​သို့ အသွား​၌ ဦးစွာ တစ်ကြိမ်၊ အပြန်​၌ တစ်ကြိမ် ဝင်ရောက်​လည်ပတ်​ပြီးနောက် သင်တို့​၏​အကူအညီ​ဖြင့် ယုဒပြည်​သို့ သွား​ရန် စီစဉ်ထား၏။

၂ ကော 11:9

မာကေဒေါနိပြည်​မှ လာသော ညီအစ်ကိုတို့​သည် ကျွန်ုပ်​လိုအပ်သည့်​အရာများ​ကို ဖြည့်ဆည်းပေးကြ၏။ ထို့ကြောင့် ကျွန်ုပ်​သည် သင်တို့​နှင့်အတူ ရှိ​စဉ်​၌ တစ်စုံတစ်ရာ​လိုအပ်​လျှင် သင်တို့​အတွက် ဝန်ထုပ်ဝန်ပိုး​မဖြစ်စေခဲ့ပေ။ ကျွန်ုပ်​သည် သင်တို့​အတွက် မည်သို့​မျှ ဝန်ထုပ်ဝန်ပိုး​မဖြစ်​စေရန် မိမိ​ကိုယ်ကိုယ် သတိ​နှင့် နေခဲ့၏။ နောင်တွင်လည်း သတိ​နှင့် နေဦးမည်။

၂ ကော 2:13

သို့သော်လည်း ကျွန်ုပ်​၏​ညီ တိတု ရောက်မလာသေး​သောကြောင့် ကျွန်ုပ်​သည် စိတ်မသက်မသာ​ဖြစ်ရ၏။ ထို့ကြောင့် ထို​သူတို့​ကို နှုတ်ဆက်ပြီး​လျှင် တိတု​ကို ရှာ​ရန် မာကေဒေါနိပြည်​သို့ ထွက်သွားရ၏။

၂ ကော 8:1

ညီအစ်ကို​မောင်နှမတို့… မာကေဒေါနိပြည်​ရှိ အသင်းတော်များ​အား ဘုရားသခင်​ပြုတော်မူသော ကျေးဇူးတော်​အကြောင်း​ကို ကျွန်ုပ်တို့​သည် သင်တို့​အား သိစေလို၏။

၂ ကော 8:19

ထို့ပြင် ကျွန်ုပ်တို့​ကောက်ခံ​ဆောင်ရွက်နေသော အလှူငွေ​ကို သယ်ယူပို့ဆောင်ပေးသည့်​အမှု​၌ ကျွန်ုပ်တို့​နှင့်အတူ ခရီးပြု​ရန် အသင်းတော်များ​၏ ရွေးချယ်​ခန့်ထားခြင်း​ခံရသူ​လည်း ဖြစ်၏။ ဤ​အလှူငွေ​ကောက်သည့်​အမှု​မှာ ဘုရားသခင်​၏ ဘုန်းတော်​ကို ထင်ရှား​စေရန်​နှင့် ကျွန်ုပ်တို့​၏ စေတနာစိတ်​ကို ပြ​ရန်​ဖြစ်၏။

၁ သက် 1:8

အဘယ်ကြောင့်ဆိုသော် သခင်ဘုရား​၏ သတင်းကောင်း​သည် သင်တို့​ထံမှ မာကေဒေါနိပြည်၊ အခါယပြည်​သို့ ပျံ့သွားသည်​သာမက ဘုရားသခင်​ကို သင်တို့​ယုံကြည်သည့်​အကြောင်း​သည်လည်း နေရာတိုင်း​သို့ ပျံ့နှံ့သွား​သောကြောင့် ဖြစ်၏။ ထို့ကြောင့် သင်တို့​ယုံကြည်သည့်​အကြောင်း​နှင့် ပတ်သက်၍ မည်သည့်​အရာမျှ ကျွန်ုပ်တို့​ပြောစရာ​မရှိ။

၂ တိ 4:20

ဧရတ္တု​သည် ကောရိန္သုမြို့​တွင် နေရစ်ခဲ့၏။ တရောဖိမ်​မှာမူ နာမကျန်း​ဖြစ်​သောကြောင့် မိလက်မြို့​တွင် ကျွန်ုပ်​ချန်ထားခဲ့ရ၏။