တမန်တော်ဝတ္ထု 18:2 - ခေတ်သစ်​မြန်မာ သမ္မာကျမ်း

² ထို​မြို့​၌ ပုန္တုပြည်သား၊ အာကုလ​ဟု​ခေါ်သော ဂျူး​တစ်ဦး​ကို တွေ့၏။ ကလောဒိမင်း​သည် ဂျူးလူမျိုး​အားလုံး​ကို ရောမ​မြို့​မှ ထွက်ခွာသွား​ရန် အမိန့်​ထုတ်ပြန်​သောကြောင့် ထို​သူ​သည် မကြာမီ​ကပင် အီတလီပြည်​မှ ဇနီး​ဖြစ်သူ ပြစ်ကိလ​နှင့် ရောက်လာခြင်း​ဖြစ်၏။ ပေါလု​သည် ထို​သူတို့​ကို တွေ့​ရန် သွား​၍

Common Language Bible

² ထို​မြို့​တွင်​ပုန္တု​ပြည်​သား​အာ​ကု​လ​နာ​မည်​ရှိ သော ယု​ဒ​အ​မျိုး​သား​တစ်​ယောက်​နှင့်​သူ​၏​ဇ​နီး ပြစ်​ကိ​လ​ကို​တွေ့​၏။ ယု​ဒ​အ​မျိုး​သား​အ​ပေါင်း တို့​ရော​မ​မြို့​မှ​ထွက်​ခွာ​သွား​ရန် က​လော​ဒိ​ဘု​ရင် အ​မိန့်​ထုတ်​ဆင့်​သ​ဖြင့် သူ​တို့​သည်​မ​ကြာ​မီ​က ပင်​ဣ​တ​လိ​ပြည်​မှ​ထွက်​ခွာ​လာ​ခဲ့​ကြ​သူ​များ ဖြစ်​၏။-

Garrad Bible

² ကော ရိ န္သု မြို့ သို့ ရောက် ရာ ရော မ မြို့ မှ ယု ဒ လူ မျိုး အ ပေါင်း တို့ ထွက် သွား ကြ စေ ဟု က လော ဒိ မင်း အ မိန့် တော် အ ရ ဣ တ လိ ပြည် မှ မ ကြာ မီ မ ယား ပြစ် ကိ လ နှင့် ရောက် လာ သော ပု န္တု ပြည် သား ယု ဒ လူ မျိုး အာ ကု လ ဆို သူ ကို တွေ့ ၍၊

Judson Bible

² ထို​အ​ခါ ယု​ဒ​လူ​အ​ပေါင်း​တို့​သည် ရော​မ​မြို့​မှ ထွက်​သွား​ရ​မည်​အ​ကြောင်း၊ က​လော​ဒိ​မင်း အ​မိန့်​တော်​ရှိ​သည်​ဖြစ်၍၊ ပု​န္တု​ပြည်​သား အာ​ကု​လ​အ​မည်​ရှိ​သော ယု​ဒ​လူ​တစ်​ယောက်​သည် ဣ​တ​လိ​ပြည်​မှ​လာ၍၊ မိ​မိ​မ​ယား ပြစ်​ကိ​လ​နှင့်​တ​ကွ မ​ကြာ​မ​မြင့်​မီ ရောက်​လာ​သည်​ကို ပေါ​လု​တွေ့​လျှင် သူ​တို့​ဆီ​သို့​ဝင်၍၊-

မြန်​​​မာ့​​​စံ​​​မီ​​​သမ္မာ​​​ကျမ်း​​

² ပုန္တု​ပြည်သား အာကုလ​အမည်​ရှိ​ဂျူး​လူမျိုး​တစ်​ဦး​နှင့်​တွေ့​လေ​၏။ ကလောဒိ​မင်း​သည် ဂျူး​လူမျိုး​အားလုံး ရောမ​မြို့​မှ ထွက်သွား​ရ​မည့်​အကြောင်း အမိန့်​ထုတ်ပြန်​သောကြောင့် သူ​သည် မိမိ​ဇနီး​ပြစ်ကိလ​နှင့်အတူ မကြာမီ​က အီတလီ​ပြည်​မှ ရောက်လာ​ခြင်း​ဖြစ်​၏။ ပေါလု​သည် သူ​တို့​ထံသို့​သွား​၍

တမန်တော်ဝတ္ထု 18:2 Referencias Cruzadas

တမန်တော်ဝတ္ထု 11:28

သူတို့​အထဲ​မှ အာဂဗု​အမည်​ရှိသော​သူ​သည် ထ​၍ ကမ္ဘာ​တစ်ဝန်းလုံး​တွင် ပြင်းထန်သော​အစာခေါင်းပါးခြင်း ဖြစ်​လိမ့်မည်​ဟု ဝိညာဉ်တော်​ဖွင့်ပြခြင်း​အားဖြင့် ကြိုဟောလေ၏။ ထို​အစာခေါင်းပါးခြင်း​သည် ကလောဒိမင်း​လက်ထက်​တွင် ဖြစ်ပွား၏။

တမန်တော်ဝတ္ထု 18:18

ပေါလု​သည် ကောရိန္သုမြို့​၌ ရက်ပေါင်း​များစွာ နေ​ပြီးနောက် ယုံကြည်သူတို့​အား နှုတ်ဆက်​ကာ ကင်ခြေမြို့​သို့ သွားလေ၏။ ပေါလု​သည် ယခင်က သစ္စာပြုထားခဲ့​သည် ဖြစ်​၍ ရွက်​မလွှင့်မီ ကင်ခြေမြို့​တွင် ဆံပင်ရိတ်လေ၏။ ထို့နောက် ပြစ်ကိလ၊ အာကုလ​တို့​နှင့်အတူ ဆီးရီးယားပြည်​သို့ ရွက်လွှင့်ကြ၏။

တမန်တော်ဝတ္ထု 18:26

သူ​သည် ဂျူးဝတ်ပြုဆောင်​တွင် ရဲရင့်​စွာ​ဟောပြော၏။ ပြစ်ကိလ​နှင့် အာကုလ​တို့​သည် သူ​ဟောပြောသော​စကား​ကို ကြား​သောအခါ သူ့​အား အိမ်​သို့ ဖိတ်ခေါ်​လျက် ဘုရားသခင်​၏​တရားလမ်း​ကို ပိုမို​လေးနက်​စွာ ရှင်းပြကြ၏။

တမန်တော်ဝတ္ထု 2:9

ငါတို့​တွင် ပါသိပြည်၊ မေဒိပြည်၊ ဧလံပြည်၊ မက်ဆိုပိုတေးမီးယားပြည်၊ ယုဒပြည်၊ ကပ္ပဒေါကိပြည်၊ ပုန္တုပြည်၊ အာရှပြည်၊

တမန်တော်ဝတ္ထု 27:1

ဖေတ္တုမင်း​သည် ကျွန်ုပ်တို့​ကို အီတလီ​သို့ သင်္ဘော​ဖြင့် ပို့​ရန် ဆုံးဖြတ်​ပြီးနောက် ထို​သူတို့​က ပေါလု​နှင့် အခြား​အကျဉ်းသား​တချို့​ကို ဩဂတ်စတပ်​နှင့်​ဆိုင်သော​တပ်​၏​တပ်မှူး၊ ယုလိ​အမည်​ရှိသော​သူ​ထံသို့ လွှဲပြောင်းကြ၏။

တမန်တော်ဝတ္ထု 27:6

ထို​မြို့​တွင် အီတလီ​သို့​ရွက်လွှင့်မည့် အလက်ဇန်းဒါး​သင်္ဘော​တစ်စင်း​ကို တပ်မှူး​သည်​တွေ့ရှိ​သဖြင့် ကျွန်ုပ်တို့​ကို ထို​သင်္ဘော​ပေါ်သို့ တက်စေ၏။

၁ ကော 16:19

အာရှပြည်​ရှိ အသင်းတော်များ​သည် သင်တို့​ကို နှုတ်ဆက်လိုက်ပါ၏။ အာကုလ​နှင့် ပြစ်ကိလ​တို့​မှစ၍ သူတို့​အိမ်​၌ စုဝေးကြသော​အသင်းတော်​သည် သခင်ဘုရား​ကို ထောက်​၍ သင်တို့​ကို လှိုက်လှဲစွာ နှုတ်ဆက်လိုက်ပါ၏။

၂ တိ 4:19

ပြစ်ကိလ၊ အာကုလ​တို့​နှင့်အတူ ဩနေသိဖော်​၏ အိမ်သူအိမ်သားတို့​ကို နှုတ်ဆက်ပေးလော့။

ဟေ​ဗြဲ 13:24

သင်တို့​၏ ခေါင်းဆောင်များ​နှင့် ယုံကြည်သူ​အပေါင်းတို့​ကို နှုတ်ဆက်ကြလော့။ အီတလီပြည်မှ လာသော​သူတို့​သည် သင်တို့​ကို နှုတ်ဆက်လိုက်ပါ၏။

၁ ပေ 1:1

ကျွန်ုပ်​သည် ယေရှု​ခရစ်တော်​၏ တမန်တော်​ပေတရု​ဖြစ်၏။ ပုန္တုပြည်၊ ဂလာတိပြည်၊ ကပ္ပဒေါကိပြည်၊ အာရှပြည်၊ ဗိသုနိပြည်​တို့​တွင် ကွဲလွင့်​ပျံ့နှံ့​လျက် ဧည့်သည်များ​အဖြစ် နေထိုင်ကြသည့် ဘုရားသခင်​ရွေးချယ်တော်မူသော လူများ​ထံသို့ ကျွန်ုပ်​စာရေးလိုက်၏။