တမန်တော်ဝတ္ထု 14:26 - ခေတ်သစ်​မြန်မာ သမ္မာကျမ်း

²⁶ ထို​အတ္တလိမြို့​မှ​တစ်ဆင့် ရွက်လွှင့်​၍ အန္တိအုတ်မြို့​သို့ ပြန်သွားကြ၏။ ထို​အန္တိအုတ်မြို့​သည် ယခု​ဆောင်ရွက်​ပြီးစီးသွားသော​အမှု​အတွက် ဘုရားသခင်​၏​ကျေးဇူးတော်​၌ အပ်နှံခဲ့သော မြို့​ဖြစ်၏။

Common Language Bible

²⁶ အန္တိ​အုတ်​မြို့​သို့​သင်္ဘော​လွှင့်​ကြ​၏။ ထို​မြို့​ကား ယ​ခု​မိ​မိ​တို့​ဆောင်​ရွက်​ပြီး​စီး​သွား​သည့် အ​မှု​တော်​အ​တွက် ဘု​ရား​သ​ခင်​၏​ကျေး​ဇူး တော်​သို့​အပ်​နှံ​၍​စေ​လွှတ်​သော​မြို့​ပင်​ဖြစ် သ​တည်း။

Garrad Bible

²⁶ ထို မြို့ မှ ဆောင် ရွက် ပြီး ဖြစ် သော အ မှု တော် အ လို့ ငှာ ဘု ရား သ ခင့် ကျေး ဇူး တော် သို့ အပ် လိုက် ရင်း အ န္တိ အုတ် မြို့ ရောက် သင်္ဘော စီး ကြ၏။

Judson Bible

²⁶ ထို​မြို့​မှ သင်္ဘော​စီး၍​လွှင့်​သ​ဖြင့်၊ မိ​မိ​တို့ ဆောင်​ရွက်​ခဲ့​ပြီး​သော အ​မှု​အ​လို​ငှာ ဘု​ရား​သ​ခင်၏ ကျေး​ဇူး​တော်​သို့​အပ်​နှံ၍ စေ​လွှတ်​သော အ​န္တိ​အုတ်​မြို့​သို့ ရောက်​လာ​ကြ၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

²⁶ ထို​မြို့​မှ​တစ်ဆင့် ရွက်လွှင့်​ကာ ယခု သူ​တို့​ဆောင်ရွက်​ပြီးစီး​သွား​သော​အမှု​တော်​အတွက် ဘုရားသခင်​၏​ကျေးဇူး​တော်​၌​အပ်နှံ​ခြင်း​ခံ​ခဲ့​ရာ​အန္တိအုတ်​မြို့​သို့ ပြန်​သွား​ကြ​၏။

တမန်တော်ဝတ္ထု 14:26 Referencias Cruzadas

တမန်တော်ဝတ္ထု 11:19

သတေဖန်​သေဆုံး​ပြီးနောက် ဖြစ်ပေါ်လာသည့် ညှဉ်းပန်းနှိပ်စက်ခြင်း​ကြောင့် ကွဲလွင့်ပျံ့နှံ့သွားကြသော​သူများ​သည် ဖိုနီးရှားပြည်၊ ဆိုက်ပရပ်ကျွန်း​နှင့် ဆီးရီးယားပြည်​ရှိ​အန္တိအုတ်မြို့​ထိတိုင် ရောက်သွားကြ​ပြီး ဂျူးလူမျိုးတို့​ကိုသာ ဘုရားသခင်​၏​နှုတ်ကပတ်တရား​ကို ဟောပြောကြ၏။

တမန်တော်ဝတ္ထု 11:20

သို့သော် ထို​သူတို့​အထဲ​တွင် ဆိုက်ပရပ်ကျွန်း​နှင့် ကုရေနေမြို့သား​တချို့​ပါရှိ​၍ အန္တိအုတ်မြို့​သို့​သွားကြ​ပြီးလျှင် ဂရိစကား​ပြောသော​လူတို့​အား သခင်​ယေရှု​အကြောင်း​ကို ဟောပြောကြလေ၏။

တမန်တော်ဝတ္ထု 11:23

ဗာနဗ​ရောက်လာပြီး ဘုရားသခင်​၏​ကျေးဇူးတော်​ကို မြင်တွေ့ရ​သောအခါ ဝမ်းမြောက်​ပျော်ရွှင်​၍ ထို​သူတို့​အားလုံး​ကို ခိုင်မြဲသော​စိတ်နှလုံး​ဖြင့် ယေရှု​ခရစ်တော်​အား ဆက်လက်​ဆည်းကပ်​ရန် တိုက်တွန်းလေ၏။

တမန်တော်ဝတ္ထု 11:26

ရှောလု​ကို တွေ့​သောအခါ အန္တိအုတ်မြို့​သို့ ခေါ်ဆောင်လာ၏။ ထို​မြို့​၌ တစ်နှစ်ပတ်လုံး အသင်းတော်​နှင့်​တွေ့ဆုံစည်းဝေး​၍ လူ​များစွာ​ကို သွန်သင်ပေးလေ၏။ တပည့်တော်များ​သည် ခရစ်ယာန်​ဟု အန္တိအုတ်မြို့​တွင် ပထမဦးဆုံး​ခေါ်ဝေါ်ခြင်း ခံကြရ၏။

တမန်တော်ဝတ္ထု 11:27

ထို​အချိန်​တွင် ပရောဖက်များ​သည် ဂျေရုဆလင်မြို့​မှ အန္တိအုတ်မြို့​သို့ ဆင်းလာကြ၏။

တမန်တော်ဝတ္ထု 14:19

သို့သော် အန္တိအုတ်မြို့​နှင့် ဣကောနိမြို့​မှ ဂျူးများ​ရောက်လာ​၍ လူထု​ကို သိမ်းသွင်း​ပြီးလျှင် ပေါလု​အား ကျောက်ခဲ​နှင့်​ပေါက်​ကာ သေပြီ​အထင်​ဖြင့် မြို့​ပြင်​သို့​ဆွဲထုတ်ကြ၏။

တမန်တော်ဝတ္ထု 14:21

သူတို့​သည် ဒေရဗေမြို့​တွင် သတင်းကောင်း​ကို ဟောပြော​၍ တပည့်တော်​များစွာ မွေးထုတ်​ပြီးနောက် လုတ္တရမြို့၊ ဣကောနိမြို့​နှင့် ပိသိဒိပြည်​ရှိ​အန္တိအုတ်မြို့​သို့ လှည့်ပြန်ကြ၏။

တမန်တော်ဝတ္ထု 14:23

အသင်းတော်​တိုင်း​တွင် အကြီးအကဲများ​ကို​ခန့်ထားကြ၏။ ထို့နောက် အစာရှောင်​ဆုတောင်း​၍ ထို​အကြီးအကဲများ​ကို သူတို့​ယုံကြည်သော သခင်ဘုရား​ထံ အပ်နှံကြ၏။

တမန်တော်ဝတ္ထု 15:22

ထို့နောက် တမန်တော်များ၊ အသင်းတော်​အကြီးအကဲများ​နှင့် အသင်းတော်​တစ်ခုလုံး​သည် သူတို့​အထဲ​မှ လူများ​ကို​ရွေးချယ်​၍ ပေါလု၊ ဗာနဗ​တို့​နှင့်အတူ ဆီးရီးယားပြည်​ရှိ​အန္တိအုတ်မြို့​သို့ စေလွှတ်​ရန် ဆုံးဖြတ်ကြ၏။ ထို​သူတို့​မှာ ယုံကြည်သူများ​ထဲမှ ခေါင်းဆောင်​ဖြစ်သော​ဗာရှဗ​ခေါ် ယုဒ​နှင့် သိလ​တို့​ဖြစ်ကြ၏။

တမန်တော်ဝတ္ထု 15:30

ဤသို့ဖြင့် သူတို့​ကို လွှတ်လိုက်​သောအခါ သူတို့​သည် အန္တိအုတ်မြို့​သို့ သွား​၍ ယုံကြည်သူတို့​ကို စုဝေးစေပြီး​လျှင် စာလွှာ​ကို ပေးအပ်ကြ၏။

တမန်တော်ဝတ္ထု 15:40

ပေါလု​သည်လည်း သိလ​ကို​ခေါ်​၍ ထွက်ခွာ​စဉ် ယုံကြည်သူများ​သည် ပေါလု​အား သခင်ဘုရား​၏​ကျေးဇူးတော်​သို့ အပ်နှံကြ၏။

တမန်တော်ဝတ္ထု 20:32

သို့ဖြစ်၍ ယခု ကျွန်ုပ်​သည် သင်တို့​အား ဘုရားသခင်​ထံတော်​သို့​လည်းကောင်း၊ ကိုယ်တော်​၏ ကျေးဇူးတော်​နှင့်ဆိုင်သော တရားတော်​သို့​လည်းကောင်း အပ်နှံပါ၏။ ထို​တရားတော်​သည် သင်တို့​ကို ဆောက်တည်​ပေးနိုင်စွမ်း​နှင့် သန့်ရှင်းစေတော်မူခြင်း​ခံရသော​လူအပေါင်းတို့​နှင့်အတူ သင်တို့​ကို အမွေ​ပေးနိုင်စွမ်း​ရှိ၏။

ရော​မ 15:19

နိမိတ်​လက္ခဏာများ​နှင့် အံ့ဖွယ်​ဖြစ်ရပ်များ​၏ တန်ခိုး​ဖြင့်​လည်းကောင်း၊ ဘုရားသခင်​၏ ဝိညာဉ်တော်​အားဖြင့်​လည်းကောင်း ပြုတော်မူသော​အမှုတို့​မှလွဲ၍ မည်သည့်​အရာ​အတွက်​မျှ ကျွန်ုပ်​ဂုဏ်မယူဝံ့ပါ။ ဤ​နည်း​ဖြင့် ကျွန်ုပ်​သည် ခရစ်တော်​၏ သတင်းကောင်း​ကို ဂျေရုဆလင်မြို့​မှ ဣလုရိတ်ပြည်​အထိ ရောက်ရှိရာ အရပ်​ဒေသတို့​၌ အကုန်အစင်​ဟောပြောခဲ့၏။

၂ ကော 1:12

ကျွန်ုပ်တို့ လိပ်ပြာသန့်​စွာ သက်သေခံသည့် ကြွားဝါစရာ​အကြောင်း​မှာ ကျွန်ုပ်တို့​သည် ဤ​လောက​၌ အထူး​သဖြင့် သင်တို့​ရှေ့​၌ လူ့ဉာဏ်​ကို အမှီ​မပြုဘဲ ဘုရားသခင်​၏ ကျေးဇူးတော်​ကို အမှီပြု​၍ ဘုရားသခင်​ထံမှ​လာသော ရိုးသား​ဖြူစင်ခြင်း​တို့ဖြင့် နေထိုင်ခဲ့ကြောင်း​ဖြစ်၏။

ဂ​လာ​တိ 2:11

အန္တိအုတ်မြို့​သို့ ပေတရု​ရောက်လာ​သောအခါ သူ​၏ လုပ်ရပ်​သည် အလွန်​မှားယွင်း​သောကြောင့် ကျွန်ုပ်​သည် သူ့​ကို မျက်နှာချင်းဆိုင်​၍ ဆုံးမခဲ့၏။

ကော​လော​သဲ 1:25

ဘုရားသခင်​၏ နှုတ်ကပတ်​တရားတော်​ကို သင်တို့​အား အပြည့်အစုံ​ဟောပြော​ရန် ကိုယ်တော်​သည် သင်တို့​အတွက် ကျွန်ုပ်​အား တာဝန်ပေး​၍ ခန့်ထားတော်မူ​သဖြင့် ကျွန်ုပ်​သည် အသင်းတော်​၏ အမှုဆောင်​ဖြစ်လာ၏။

ကော​လော​သဲ 1:28

ကျွန်ုပ်တို့​သည် လူတိုင်း​ကို ခရစ်တော်​နှင့် တပေါင်းတစည်းတည်း​ဖြစ်စေ​၍ ရင့်ကျက်သောသူများ​အဖြစ် ဘုရားသခင်​ထံ ဆက်သ​နိုင်ရန် လူတိုင်း​ကို သတိပေး​ဆုံးမ​ကာ ရှိသမျှသော​ဉာဏ်ပညာ​ဖြင့် လူတိုင်း​ကို သွန်သင်​လျက် ခရစ်တော်​အကြောင်း​ကို ဟောပြောကြ၏။

ကော​လော​သဲ 4:17

“သခင်ဘုရား ပေးအပ်တော်မူသော အမှုတော်​ကို ပြီးစီးအောင် ဆောင်ရွက်ပါ” ဟု အာခိပ္ပု​ကို ပြောကြလော့။

၂ တိ 4:2

အခွင့်အခါ​သင့်သည်​ဖြစ်စေ၊ မသင့်သည်​ဖြစ်စေ အဆင်သင့်​ဖြစ်​၍ နှုတ်ကပတ်​တရားတော်​ကို ဟောပြောလော့။ အလွန်​စိတ်ရှည်​စွာ သွန်သင်​၍ အပြစ်​ကို ဖော်ပြခြင်း၊ ဆုံးမခြင်း၊ အားပေး​တိုက်တွန်းခြင်း​တို့ကို ပြုလော့။