တမန်တော်ဝတ္ထု 14:23 - ခေတ်သစ်​မြန်မာ သမ္မာကျမ်း

²³ အသင်းတော်​တိုင်း​တွင် အကြီးအကဲများ​ကို​ခန့်ထားကြ၏။ ထို့နောက် အစာရှောင်​ဆုတောင်း​၍ ထို​အကြီးအကဲများ​ကို သူတို့​ယုံကြည်သော သခင်ဘုရား​ထံ အပ်နှံကြ၏။

Common Language Bible

²³ ပေါ​လု​နှင့်​ဗာ​န​ဗ​တို့​သည်​အ​သင်း​တော်​တိုင်း ၌ အ​သင်း​တော်​လူ​ကြီး​များ​ကို​ခန့်​ထား​ကြ​၏။ ထို​နောက်​ဆု​တောင်း​ပတ္ထ​နာ​ပြု​၍​အ​စာ​ရှောင် ပြီး​လျှင် အ​သင်း​တော်​ဝင်​တို့​ယုံ​ကြည်​ကြ သည့်​သ​ခင်​ဘု​ရား​၏​လက်​တော်​သို့​ထို​သူ တို့​ကို​အပ်​ကြ​၏။-

Garrad Bible

²³ အ သင်း တော် တိုင်း တွင် ဥ က္က ဋ္ဌ များ ကို ခန့် ထား၍ အ စာ ရှောင် ခြင်း၊ တောင်း လျှောက် ခြင်း ပြု လျက် ယုံ ကြည် ရင်း အ ရှင် ဘု ရား ထံ အပ် ကြ၏။

Judson Bible

²³ အ​သင်း​တော်​များ​တို့၌ သင်း​အုပ်​တို့​ကို ခန့်​ထား၍၊ အ​စာ​ရှောင်​လျက်​ဆု​တောင်း​ပ​တ္ထ​နာ ပြု​ပြီး​လျှင်၊ သင်း​ဝင်​သူ​တို့​ယုံ​ကြည်​သော သ​ခင်​ဘု​ရား၏​လက်​တော်​သို့ ထို​အ​သင်း​တော်​တို့​ကို အပ်​နှံ​ကြ၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

²³ အသင်းတော်​တိုင်း​တွင်​လည်း သူ​တို့​အတွက် အသင်းတော်​အကြီးအကဲ​များ​ကို​ခန့်ထား​၍ အစာရှောင်​လျက် ဆုတောင်း​ကြ​ကာ သူ​တို့​ယုံကြည်​သော​သခင်​ဘုရား​ထံသို့ သူ​တို့​ကို​အပ်နှံ​ကြ​၏။

တမန်တော်ဝတ္ထု 14:23 Referencias Cruzadas

မဿဲ 17:21

သို့သော် ဆုတောင်းခြင်း​နှင့် အစာရှောင်ခြင်း​အားဖြင့်​သာလျှင် ဤ​နတ်ဆိုးမျိုး​ကို နှင်ထုတ်နိုင်သည်” ဟု မိန့်တော်မူ၏။

ရှင်မာကု 3:14

ထို​သူတို့​ထဲမှ ဆယ့်နှစ်ဦး​ကို ရွေးချယ်​၍ တမန်တော်များ​ဟု သတ်မှတ်​ခေါ်ဝေါ်တော်မူ၏။ ထို့နောက် သူတို့​အား “ငါ့​အနား​တွင် ရှိနေ​စေရန် သင်တို့​ကို ငါ​ရွေးချယ်ခန့်ထား၏။ တရားဟော​ရန်အတွက် သင်တို့​ကို ငါ​စေလွှတ်မည်။ နတ်ဆိုး​နှင်ထုတ်နိုင်သော​အခွင့်အာဏာ​ကိုလည်း ငါ​ပေးမည်” ဟု မိန့်တော်မူ၏။

လုကာ 2:37

ရှစ်ဆယ့်​လေးနှစ်​တိုင်တိုင် မုဆိုးမ​ဘဝ​နှင့် အသက်ရှင်နေသူ​ဖြစ်၏။ ထို​အမျိုးသမီး​သည် ဗိမာန်တော်​အတွင်း​၌ နေ့​ရော​ည​ပါ ဘုရားဝတ်ပြု၊ ဆုတောင်း၊ အစာရှောင်​လျက် နေ၏။

လုကာ 23:46

ထို့နောက် ယေရှု​သည် ကျယ်လောင်သော​အသံ​ဖြင့် “အို အဖ… အကျွန်ုပ်​၏​စိတ်ဝိညာဉ်​ကို အဖ​၏​လက်တော်​သို့ အပ်ပါ၏” ဟု ဆို​လျက် အသက်​ချုပ်တော်မူ၏။

တမန်တော်ဝတ္ထု 1:24

ထိုမှ​တစ်ဖန် သူတို့​က “အို သခင်ဘုရား… သခင်​သည် လူအပေါင်းတို့​၏​စိတ်နှလုံး​ကို သိမြင်တော်မူ၏။ ယုဒ​သည် မိမိ​နှင့်​ထိုက်သော​နေရာ​သို့ သွား​ရန် တမန်တော်​ရာထူး​ကို စွန့်လွှတ်သွားလေပြီ။ ထို့ကြောင့် ဤ​အမှုတော်​လုပ်ငန်း​နှင့် သူ​၏​တာဝန်​ကို ဆက်ခံ​ရန် သခင်ဘုရား​သည် ဤ​သူ​နှစ်ဦး​ထဲမှ မည်သူ့​ကို ရွေးချယ်တော်မူကြောင်း ဖော်ပြတော်မူပါ” ဟု ဆုတောင်းကြ၏။

တမန်တော်ဝတ္ထု 11:30

ထိုသို့​ဆုံးဖြတ်ခဲ့သည့်​အတိုင်း ထို​ထောက်ပံ့ငွေ​ကို ဗာနဗ​နှင့် ရှောလု​မှ​တစ်ဆင့် အသင်းတော်​အကြီးအကဲများ​ထံသို့ ပို့လိုက်ကြ၏။

တမန်တော်ဝတ္ထု 14:26

ထို​အတ္တလိမြို့​မှ​တစ်ဆင့် ရွက်လွှင့်​၍ အန္တိအုတ်မြို့​သို့ ပြန်သွားကြ၏။ ထို​အန္တိအုတ်မြို့​သည် ယခု​ဆောင်ရွက်​ပြီးစီးသွားသော​အမှု​အတွက် ဘုရားသခင်​၏​ကျေးဇူးတော်​၌ အပ်နှံခဲ့သော မြို့​ဖြစ်၏။

တမန်တော်ဝတ္ထု 15:23

ထို​သူတို့​နှင့်အတူ ပေးလိုက်သော​စာ​တွင် သင်တို့​၏​ညီအစ်ကိုများ​ဖြစ်သည့် တမန်တော်များ​နှင့် အသင်းတော်​အကြီးအကဲများ​သည် အန္တိအုတ်မြို့၊ ဆီးရီးယားပြည်​နှင့် ဆီလီဆီးယားပြည်​ရှိ လူမျိုးခြား​ယုံကြည်သူများ​အား နှုတ်ခွန်းဆက်သလိုက်ပါ၏။

တမန်တော်ဝတ္ထု 15:4

ဂျေရုဆလင်မြို့​သို့ ရောက်​သောအခါ အသင်းတော်၊ တမန်တော်များ​နှင့် အသင်းတော်​အကြီးအကဲများ​က လက်ခံကြိုဆိုကြ၏။ ပေါလု​နှင့် ဗာနဗ​တို့​သည် မိမိတို့​အားဖြင့် ဘုရားသခင်​ပြုတော်မူသည့်​အမှု​အားလုံး​ကို ပြန်ပြောပြကြ၏။

တမန်တော်ဝတ္ထု 15:6

တမန်တော်များ​နှင့် အသင်းတော်​အကြီးအကဲများ​သည် ဤ​အမှုကိစ္စ​နှင့်​စပ်လျဉ်း​၍ ဆွေးနွေး​သုံးသပ်​ရန် စည်းဝေးကြ၏။

တမန်တော်ဝတ္ထု 20:17

မိလက်မြို့​သို့ ရောက်​သောအခါ ပေါလု​သည် လူလွှတ်​၍ ဧဖက်မြို့​ရှိ အသင်းတော်​အကြီးအကဲများ​ကို မိမိ​ထံ​လာရောက်​တွေ့ဆုံ​ရန် ဖိတ်ခေါ်လေ၏။

တမန်တော်ဝတ္ထု 20:32

သို့ဖြစ်၍ ယခု ကျွန်ုပ်​သည် သင်တို့​အား ဘုရားသခင်​ထံတော်​သို့​လည်းကောင်း၊ ကိုယ်တော်​၏ ကျေးဇူးတော်​နှင့်ဆိုင်သော တရားတော်​သို့​လည်းကောင်း အပ်နှံပါ၏။ ထို​တရားတော်​သည် သင်တို့​ကို ဆောက်တည်​ပေးနိုင်စွမ်း​နှင့် သန့်ရှင်းစေတော်မူခြင်း​ခံရသော​လူအပေါင်းတို့​နှင့်အတူ သင်တို့​ကို အမွေ​ပေးနိုင်စွမ်း​ရှိ၏။

၂ ကော 8:19

ထို့ပြင် ကျွန်ုပ်တို့​ကောက်ခံ​ဆောင်ရွက်နေသော အလှူငွေ​ကို သယ်ယူပို့ဆောင်ပေးသည့်​အမှု​၌ ကျွန်ုပ်တို့​နှင့်အတူ ခရီးပြု​ရန် အသင်းတော်များ​၏ ရွေးချယ်​ခန့်ထားခြင်း​ခံရသူ​လည်း ဖြစ်၏။ ဤ​အလှူငွေ​ကောက်သည့်​အမှု​မှာ ဘုရားသခင်​၏ ဘုန်းတော်​ကို ထင်ရှား​စေရန်​နှင့် ကျွန်ုပ်တို့​၏ စေတနာစိတ်​ကို ပြ​ရန်​ဖြစ်၏။

၁ တိ 5:1

အသက်ကြီးသော​အမျိုးသားများ​ကို မဆူပူ​မကြိမ်းမောင်းဘဲ မိမိ​ဖခင်​ကဲ့သို့ အကြံပြု တိုက်တွန်းလော့။ အသက်ငယ်သော​အမျိုးသားများ​ကို မိမိ​ညီများ​ကဲ့သို့ ဆက်ဆံလော့။

၁ တိ 5:22

အသင်းတော်​ခေါင်းဆောင်​တစ်ဦး​ကို လက်တင်​မင်္ဂလာပေး​၍ ခန့်အပ်​ရာတွင် မည်သည့်​အခါမျှ အလျင်စလို​မလုပ်နှင့်။ အခြား​သူတို့ အပြစ်ကျူးလွန်ရာ​တွင် မပါဝင်နှင့်။ မိမိ​ကိုယ်ကိုယ် ဖြူစင်သန့်ရှင်း​စေလော့။

၂ တိ 1:12

ထို​အကြောင်း​ကြောင့် ဤ​ဆင်းရဲဒုက္ခ​ကို ခံစားနေရ၏။ သို့သော်လည်း ကျွန်ုပ်​မရှက်ပါ။ အဘယ်ကြောင့်ဆိုသော် ကျွန်ုပ်​သည် မိမိ​ယုံကြည်သော​အရှင်​ကို သိ​ပြီး ကိုယ်တော်​ထံ၌ မိမိ​အပ်ထားသော​အရာ​ကိုလည်း ထို​နေ့ရက်​တိုင်အောင် ကိုယ်တော်​စောင့်ထိန်းတော်မူမည်​ဟု စိတ်ချ​သောကြောင့်​ဖြစ်၏။

၂ တိ 2:2

အသိ​သက်သေ​များစွာ ရှေ့​၌ ကျွန်ုပ်​သွန်သင်သည့်​အရာများ​ကို သင်​ကြားသိရ၏။ ထို​အရာများ​ကို ယုံကြည်စိတ်ချရ​၍ သွန်သင်တတ်သော​သူတို့​အား လက်ဆင့်ကမ်းလော့။

တိ​တု 1:5

သင့်​ကို ကရေတေ​ကျွန်း​၌ ကျွန်ုပ်​ချန်ထားခဲ့ရခြင်း​မှာ ကျွန်ုပ်​ညွှန်ကြား​ထားသည့်​အတိုင်း မပြီးဆုံး​သေးသော ကိစ္စများ​ကို စီမံဆောင်ရွက်​ရန်​နှင့် မြို့တိုင်း​တွင် သင်းအုပ်များ​ကို ခန့်ထား​စေရန် ဖြစ်၏။

ယာ​ကုပ် 5:14

သင်တို့​တွင် အလွန်​နာမကျန်း​ဖြစ်သောသူ ရှိ​လျှင် အသင်းတော်​အကြီးအကဲများ​ကို ခေါ်စေ။ သူတို့​သည်လည်း သခင်ဘုရား​၏ နာမတော်​ကို အမှီပြု​၍ လူနာ​အား ဆီလိမ်း​ကာ ဆုတောင်းပေးကြစေ။

၁ ပေ 5:1

ထို့ကြောင့် ခရစ်တော်​၏​ဆင်းရဲဒုက္ခ​ကို မြင်တွေ့သည့်​သက်သေ​ဖြစ်သူ၊ ထင်ရှား​လာမည့် ကိုယ်တော်​၏ ဘုန်းအသရေ​ကို မျှဝေ​ခံစားသူ ကျွန်ုပ်​သည် အသင်းတော်​အကြီးအကဲ​တစ်ဦး​အနေ​ဖြင့် သင်တို့​ထဲမှ အသင်းတော်​အကြီးအကဲများ​ကို တိုက်တွန်း​နှိုးဆော်လိုက်၏။

၁ ပေ 5:10

သို့သော် ဘုရားသခင်​သည် သင်တို့​ကို ခရစ်တော်​နှင့် တပေါင်းတစည်းတည်း​ဖြစ်​စေလျက် မိမိ​၏​ထာဝရ​တည်သော​ဘုန်းအသရေတော်​ကို မျှဝေ​ခံစား​စေရန် ရွေးကောက်တော်မူ၏။ ထို​ကျေးဇူးတော်​အပေါင်း​၏​အရှင် ဘုရားသခင်​ကိုယ်တော်တိုင်​သည် ခဏတာ ဆင်းရဲဒုက္ခ​ခံပြီးသော သင်တို့​အား ပြီးပြည့်စုံစေ​၍ ကြံ့ကြံ့ခိုင် ရပ်တည်​မြဲမြံစေတော်မူ​လိမ့်မည်။

၂ ယော 1:1

အသက်ကြီးသူ​ဖြစ်သော ကျွန်ုပ်​ယောဟန်​သည် ကျွန်ုပ်​အမှန်တကယ်​ချစ်ခင်ရသည့် ရွေးကောက်တော်မူခြင်း​ခံရသော​အမျိုးသမီး​နှင့် သူ​၏ သားသမီးများ​ထံသို့ စာရေးလိုက်ပါ၏။ သင်တို့​ကို ကျွန်ုပ်​တစ်ဦးတည်း​သာမက သမ္မာတရား​ကို သိသောသူ​အပေါင်းတို့​ကလည်း ချစ်ခင်ကြ၏။

၃ ယော 1:1

အသက်ကြီးသူ​ဖြစ်သော ကျွန်ုပ်​ယောဟန်​သည် ကျွန်ုပ်​အမှန်တကယ်​ချစ်ခင်ရသည့် ဂါယု​ထံသို့ စာရေးလိုက်ပါ၏။