ကော​လော​သဲ 2:7 - ခေတ်သစ်​မြန်မာ သမ္မာကျမ်း

⁷ ကိုယ်တော်​ထံ၌ အမြစ်တွယ်​၍ တည်ဆောက်​ကာ သင်တို့​သင်ယူခဲ့ရသည့်​အတိုင်း ခိုင်မြဲ​စွာ ယုံကြည်​လျက် ကျေးဇူးတော်​ကို အလွန်​ချီးမွမ်းကြလော့။

Common Language Bible

⁷ သွန်​သင်​ခြင်း​ကို​ခံ​ရ​သည်​အ​တိုင်း​ကိုယ်​တော် ၌​နက်​နဲ​စွာ​အ​မြစ်​စွဲ​လျက်​ကိုယ်​တော်​အ​ပေါ်​၌ မိ​မိ​တို့​ဘ​ဝ​ကို​တည်​ဆောက်​ကာ​သင်​တို့​၏ ယုံ​ကြည်​ခြင်း​ကို​ပို​၍​ခိုင်​မြဲ​စေ​ကြ​လော့။ ကျေး​ဇူး​တော်​ကို​ချီး​မွမ်း​လျက်​နေ​ကြ​လော့။

Garrad Bible

⁷ တိုက် မြစ် ချ လျက်၊ အ တည် အ ဆောက် ခံ လျက် သင် ကြား ခဲ့ သည့် အ တိုင်း ယုံ ကြည် ခြင်း တ ရား၌ ခိုင် ခံ့ လျက် ကျေး ဇူး တော် ကို ကြွယ် ဝ စွာ ချီး မွမ်း လျက် ရှိ နေ ကြ လော့။

Judson Bible

⁷ ကျေး​ဇူး​တော်​ကို ချီး​မွမ်း​ခြင်း​နှင့်​တ​ကွ ယုံ​ကြည်​ခြင်း တိုး​ပွား​ပြည့်​စုံ​လျက်၊ ထို​သ​ခင်၌ ကျင်​လည်​ကြ​လော့။

မြန်​​​မာ့​​​စံ​​​မီ​​​သမ္မာ​​​ကျမ်း​​

⁷ ကိုယ်တော်​၌​အမြစ်တွယ်​၍ တည်ဆောက်​ခြင်း​ခံရ​ကာ သင်​တို့​သင်ယူ​ခဲ့​သည့်​အတိုင်း ယုံကြည်​ခြင်း​၌​တည်မြဲ​လျက် ကျေးဇူး​တော်​ချီးမွမ်း​ခြင်း​နှင့်​ပြည့်စုံ​ကြ​လော့။

ကော​လော​သဲ 2:7 Referencias Cruzadas

လုကာ 6:48

ထို​သူ​သည် နက်​စွာ​တူး​ကာ ခိုင်မာသော​အုတ်မြစ်​ကို ကျောက်ပေါ်​၌​ချ​၍ အိမ်​ဆောက်သော​သူ​နှင့် တူ၏။ ထို​အိမ်​ကို ခိုင်ခံ့​စွာ တည်ဆောက်ထား​သဖြင့် ရေကြီး​သောအခါ မြစ်ရေ​သည် အိမ်​ကို​ရိုက်ခတ်လာ​သော်လည်း မလှုပ်စေနိုင်ပါ။

ရော​မ 16:25

ကျွန်ုပ်​ဟောသော သတင်းကောင်း​၌​ဆိုထားသည့်​အတိုင်း သင်တို့​အား ခိုင်ခံ့မြဲမြံ​စေနိုင်တော်မူသော ဘုရားသခင်​သည်သာ ဘုန်းကြီးတော်မူ၏။ ယေရှု​ခရစ်တော်​အကြောင်း​ဖြစ်သော ဤ​သတင်းကောင်း​က ကာလ​ကြာမြင့်စွာ ကွယ်ဝှက်ထားသည့် ကိုယ်တော်​၏ လျှို့ဝှက်​နက်နဲသော​အကြံအစည်တော်​ကို လူမျိုးခြား​ဖြစ်သော သင်တို့​အား ဖော်ပြပေး၏။

၁ ကော 1:8

ကျွန်ုပ်တို့​၏​သခင် ယေရှု​ခရစ်တော် ပြန်လည်​ကြွလာတော်မူမည့်​နေ့​တွင် သင်တို့​၌ အပြစ်​ကင်းနေ​စေရန်​အတွက် ကိုယ်တော်​သည် သင်တို့​ကို အဆုံး​တိုင်အောင် ခိုင်ခံ့မြဲမြံ​စေတော်မူ​လိမ့်မည်။

၁ ကော 15:58

ထို့ကြောင့် ချစ်သော ညီအစ်ကို​မောင်နှမတို့… မြဲမြံ​စွာ ရပ်တည်​၍ မရွေ့လျား​မပြောင်းလဲကြနှင့်။ ဘုရားသခင်​အတွက် သင်တို့ လုပ်ဆောင်​သမျှ​သည် အချည်းနှီး​မဖြစ်ကြောင်း သင်တို့​သိကြသည့်​အတိုင်း ဘုရားသခင်​အတွက် အစဉ်အမြဲ စိတ်အားထက်သန်​စွာ လုပ်ဆောင်ကြလော့။

၂ ကော 1:21

စင်စစ် ကျွန်ုပ်တို့​နှင့် သင်တို့​ကို ခရစ်တော်​၌ မြဲမြံ​စွာ ရပ်တည်​စေ​၍ ဘိသိက်​ပေးတော်မူသော​အရှင်​သည် ဘုရားသခင်​ဖြစ်တော်မူ၏။

ဧ​ဖက် 3:17

သင်တို့​၏ ယုံကြည်ခြင်း​ကြောင့် ခရစ်တော်​သည် သင်တို့​၏​နှလုံးသား​ထဲ၌ ကိန်းဝပ်တော်မူ​ရန် ကျွန်ုပ် ဆုတောင်း၏။ သင်တို့​သည် မေတ္တာတော်​၌ အမြစ်တွယ်​၍ တည်နေ​သဖြင့်

ဧ​ဖက် 4:21

ယေရှု​၌ သမ္မာတရား ရှိသည့်​အတိုင်း သင်တို့​သည် ခရစ်တော်​အကြောင်း​ကို အမှန်​ပင် ကြားသိရပြီး ကိုယ်တော်​၏ အကြောင်း​ကို သင်ယူခဲ့ပြီ ဖြစ်၏။

ဧ​ဖက် 5:20

ကျွန်ုပ်တို့​သခင် ယေရှု​ခရစ်တော်​၏ အမည်​နာမတော်​ကို အမှီပြု​၍ အရာ​အားလုံး​အတွက် ခမည်းတော်​ဘုရားသခင်​အား အစဉ် ကျေးဇူးတင်ကြလော့။

ကော​လော​သဲ 1:23

သို့ရာတွင် သင်တို့​သည် သတင်းကောင်း​ကို ကြားနာ​စဉ်က ရရှိသော မျှော်လင့်ခြင်း​မှ မရွေ့လျားဘဲ ကြံ့ကြံ့ခိုင် ရပ်တည်​လျက် ဆက်​၍ ယုံကြည်ရမည်။ ထို​သတင်းကောင်း​ကို မိုးကောင်းကင်​အောက်​၌ ရှိသော သတ္တဝါ​အားလုံး​ကို ဟောပြောနေသည်​ဖြစ်၍ ကျွန်ုပ်​ပေါလု​သည် ထို​သတင်းကောင်း​ကို ဟောပြောသော အမှုဆောင်​ဖြစ်လာ၏။

ကော​လော​သဲ 3:17

အပြောအဆို​အားဖြင့်​ဖြစ်စေ၊ အပြုအမူ​အားဖြင့်​ဖြစ်စေ ပြုလေသမျှတို့​တွင် သခင်​ယေရှု​၏ နာမတော်​ကို ထောက်​၍ ပြုကြလော့။ ထို​သခင်​ကို အကြောင်းပြု​၍ အဖ​ဘုရားသခင်​ကို ကျေးဇူးတင်ကြလော့။

၁ သက် 5:18

မည်သည့်​အခြေအနေ​၌ပင် ဖြစ်စေ ဘုရားသခင်​ကို ကျေးဇူးတင်ကြလော့။ ယေရှု​ခရစ်တော်​နှင့် တပေါင်းတစည်းတည်း​ဖြစ်သော သင်တို့​သည် ဤသို့​ပြုရန် ဘုရားသခင်​အလိုတော်​ရှိ၏။

၂ သက် 2:17

သင်တို့​ကို နှစ်သိမ့်တော်မူ​ပြီး ကောင်းသော​အမှု​နှင့် ကောင်းသော​စကားတို့​ကို သင်တို့​ပြုမူ​ပြောဆို​ရန် ခွန်အားပေးတော်မူပါစေသော။

ဟေ​ဗြဲ 13:15

ထို့ကြောင့် ကျွန်ုပ်တို့​သည် ယေရှု​ပြုခဲ့သော​အမှုတော်​အားဖြင့် ဘုရားသခင်​၏ နာမတော်​ကို ဝန်ခံ​လျက် ဘုရားသခင်​အား ချီးမွမ်းခြင်း​ယဇ်​ကို အစဉ်​ပူဇော်ကြပါစို့။

ဟေ​ဗြဲ 13:9

ထူးဆန်းသည့် အယူဝါဒ​အမျိုးမျိုး ဆွဲဆောင်ရာ နောက်​သို့ မလိုက်ကြနှင့်။ စိတ်နှလုံး​ကို ခိုင်ခံ့မြဲမြံ​စေရာ​တွင် အစားအစာ​အားဖြင့် မဟုတ်ဘဲ ဘုရားသခင်​၏ ကျေးဇူးတော်​အားဖြင့် ခိုင်ခံ့မြဲမြံစေ​လျှင် အကျိုး​ရှိ၏။ အစားအစာ​နှင့် ပတ်သက်သော​ပညတ်များ​ကို လိုက်နာသော​သူတို့​မှာမူ မည်သည့်​အကျိုး​ကို​မျှ မရရှိ။

၁ ပေ 5:10

သို့သော် ဘုရားသခင်​သည် သင်တို့​ကို ခရစ်တော်​နှင့် တပေါင်းတစည်းတည်း​ဖြစ်​စေလျက် မိမိ​၏​ထာဝရ​တည်သော​ဘုန်းအသရေတော်​ကို မျှဝေ​ခံစား​စေရန် ရွေးကောက်တော်မူ၏။ ထို​ကျေးဇူးတော်​အပေါင်း​၏​အရှင် ဘုရားသခင်​ကိုယ်တော်တိုင်​သည် ခဏတာ ဆင်းရဲဒုက္ခ​ခံပြီးသော သင်တို့​အား ပြီးပြည့်စုံစေ​၍ ကြံ့ကြံ့ခိုင် ရပ်တည်​မြဲမြံစေတော်မူ​လိမ့်မည်။

ယု​ဒ 1:12

သူတို့​သည် သင်တို့​၏ ချစ်ခြင်းမေတ္တာ​ပွဲ​တွင် သင်တို့​နှင့်အတူ စားသောက်​သောအခါ မရှက်ကြောက်ဘဲ ကိုယ့်​အဖို့​သာ ဂရုစိုက်​၍ ပွဲ​၌ အန္တရာယ်​ရှိသော​ငုတ်ချွန်များ ဖြစ်ကြ၏။ သူတို့​သည် လေတိုက်​၍ လွင့်သည့် မိုးရေ​မပါသော တိမ်များ​နှင့်​တူ၏။ အမြစ်​မှ ဆွဲနှုတ်ခံရ​၍ နှစ်ခါပြန်​သေရသော အသီး​မသီးသည့်​ဆောင်းဦး​သစ်ပင်​နှင့်​တူ၏။

ယု​ဒ 1:20

သို့သော် ချစ်ရသော​သူတို့… သင်တို့​သည် မိမိတို့​၏ အသန့်ရှင်းဆုံးသော​ယုံကြည်ခြင်း​၌ မိမိ​ကိုယ်ကိုယ် တည်ဆောက်​၍ သန့်ရှင်းသော​ဝိညာဉ်တော်​၏ လမ်းညွှန်မှု​ဖြင့် ဆုတောင်းလော့။

ယု​ဒ 1:24

သင်တို့​အား အပြစ်နွံ​ထဲသို့ လဲကျခြင်း​မှ ကင်းဝေးစေနိုင်ပြီး အပြစ်​ကင်းစင်​လျက် ရွှင်လန်း​ဝမ်းမြောက်သော​စိတ်​နှင့် မိမိ​ဘုန်းအသရေတော်​ရှေ့သို့ ဝင်ရောက်စေနိုင်သည့်