ကော​လော​သဲ 2:4 - ခေတ်သစ်​မြန်မာ သမ္မာကျမ်း

⁴ ဤ​အကြောင်း​ကို သင်တို့​အား ပြောရခြင်း​မှာ မည်သူ​မျှ သင်တို့​ကို ဖြားယောင်းသော​စကား​ဖြင့် မလှည့်ဖြား​စေရန် ဖြစ်၏။

Common Language Bible

⁴ သို့​ဖြစ်​၍​မည်​မျှ​ပင်​ယုတ္တိ​ရှိ​ဟန်​တူ​သော မှား​ယွင်း​သည့်​အ​ကြောင်း​ပြ​ချက်​များ​ဖြင့် အ​ဘယ်​သူ​မျှ​သင်​တို့​အား​မ​လှည့်​စား​စေ နှင့်။-

Garrad Bible

⁴ သင် တို့ ကို မည် သူ မျှ သွေး ဆောင် သော စ ကား ဖြင့် လှည့် စား၍ မ ရ စေ ခြင်း ငှာ ဤ သို့ ငါ ဆို၏။

Judson Bible

⁴ အ​ဘယ်​မည်​သော​သူ​မျှ ဖြား​ယောင်း​သော စ​ကား​အား​ဖြင့် သင်​တို့​ကို မ​လှည့်​ဖြား​စေ​ခြင်း​ငှာ၊ ဤ​စ​ကား​ကို ငါ​ပြော​ဆို၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ မည်သူမျှ သင်​တို့​ကို ဖြားယောင်း​သော​စကား​ဖြင့် မ​လှည့်စား​စေရန် ဤသို့ ငါ​ပြောဆို​၏။

ကော​လော​သဲ 2:4 Referencias Cruzadas

မဿဲ 24:24

အဘယ်ကြောင့်ဆိုသော် ခရစ်တော်​အတုအယောင်များ​နှင့် ပရောဖက် အတုအယောင်များ ပေါ်လာ​လိမ့်မည်​ဖြစ်​သောကြောင့်ပင်။ ထို​သူတို့​သည် ဖြစ်နိုင်​လျှင် ဘုရားသခင်​ရွေးချယ်ထားသော​သူများ​ကိုပင် လှည့်ဖြား​ရန် နိမိတ်​လက္ခဏာကြီးများ​နှင့် အံ့ဖွယ်​ဖြစ်ရပ်များ​ကို ပြကြ​လိမ့်မည်။

မဿဲ 24:4

ယေရှု​က “သင်တို့​ကို မည်သူမျှ မလှည့်ဖြား​စေရန် သတိပြုကြလော့။

ရှင်မာကု 13:22

ခရစ်တော်​အတုအယောင်များ​နှင့် ပရောဖက်​အတုအယောင်များ ပေါ်လာ​လိမ့်မည်။ ထို​သူတို့​သည် ဖြစ်နိုင်​ပါက ဘုရားသခင်​ရွေးချယ်ထားသော​သူများ​ကိုပင် လှည့်ဖြား​ရန် နိမိတ်​လက္ခဏာများ​နှင့် အံ့ဖွယ်​ဖြစ်ရပ်များ​ကို ပြုကြ​လိမ့်မည်။

တမန်တော်ဝတ္ထု 20:30

လွဲမှားစေသော​အရာများ​ကို ပြောဆို​၍ တပည့်တော်များ​အား သူတို့​နောက်သို့ လိုက်​စေရန် ဆွဲခေါ်သွားမည့်​လူတို့​သည် သင်တို့​အထဲမှ​လည်း ပေါ်ပေါက်လာ​လိမ့်မည်။

၁ ကော 2:4

ကျွန်ုပ်​၏​သတင်းစကား​နှင့် ကျွန်ုပ်​၏ ဟောပြောချက်တို့​မှာ အလွန်​ရိုးစင်း၏။ ကျွန်ုပ်​သည် ဖြားယောင်းသော ပညာ​စကားတို့​ဖြင့် မပြောဆိုဘဲ သန့်ရှင်းသော​ဝိညာဉ်တော်​နှင့် တန်ခိုးတော်​တို့​၏ သက်သေ​အထောက်အထား​အားဖြင့်​သာ ပြောဆို၏။

၂ ကော 11:3

သို့သော် ဧဝ​သည် မြွေ​၏ ပရိယာယ်​ဖြင့် လှည့်ဖြားခံရ​သကဲ့သို့ သင်တို့​၏​စိတ်နှလုံး​သည်လည်း ခရစ်တော်​အား ရိုးသား​ဖြူစင်​စွာ ကိုးကွယ်ရာ​မှ သွေဖည်စေခြင်း​ခံရမည်​ကို ကျွန်ုပ်​စိုးရိမ်၏။

ဂ​လာ​တိ 2:4

ဤ​အရေပြားလှီးခြင်း​ကိစ္စ ပေါ်လာရခြင်း​မှာ ယုံကြည်သူ​အတုအယောင်များ​ကြောင့် ဖြစ်၏။ ထို​သူတို့​သည် ကျွန်ုပ်တို့​အား ယေရှု​ခရစ်တော်​ပေးသော လွတ်လပ်ခွင့်​ကို စုံစမ်း​ပြီး ဖယ်ရှား​လို​သဖြင့် အစည်းအဝေး​ထဲသို့ လျှို့ဝှက်​စွာ ဝင်လာကြ၏။ ကျွန်ုပ်တို့​အား ပညတ်တရား​လက်အောက်​တွင် ကျွန်ခံ​စေနိုင်ရန်​အတွက် ဂျူး​ဓလေ့ထုံးတမ်းများ​ကို အတင်းအကျပ် လိုက်နာ​စေလိုကြ၏။

ဧ​ဖက် 4:14

ထိုအခါ ကျွန်ုပ်တို့​သည် မရင့်ကျက်သေးသော ကလေးသူငယ်များ​ကဲ့သို့ ဖြစ်တော့မည် မဟုတ်ပေ။ လှေ​သည် လှိုင်းလေတို့​၌ လွန့်လူးနေ​သကဲ့သို့ ကျွန်ုပ်တို့​သည် ပရိယာယ်​ဖြင့် လမ်းလွဲ​စေရန် လှည့်ဖြားတတ်သော သူတို့​၏ အမျိုးမျိုးသော သွန်သင်မှု​နောက်သို့ ပါသွားမည် မဟုတ်ပေ။

ဧ​ဖက် 4:17

ထို့ကြောင့် ဘုရားသခင်​ကို မသိသော​လူမျိုးခြားများ​ကဲ့သို့ မနေထိုင်ကြ​ရန် သခင်ဘုရား​၏ အခွင့်အာဏာ​ဖြင့် သင်တို့​ကို ကျွန်ုပ် သတိပေး​လို၏။ ထို​သူတို့​၏ တွေးခေါ်ကြံဆမှု​သည် အကျိုး​မရှိပေ။

ဧ​ဖက် 5:6

အချည်းနှီးသော စကားများ​ဖြင့် မည်သူမျှ သင်တို့​ကို မလှည့်ဖြားစေနှင့်။ ထိုသို့သော အပြစ်များ​ကြောင့် မနာခံသော​သူတို့​အပေါ် ဘုရားသခင်​၏ အမျက်တော် ကျရောက်၏။

ကော​လော​သဲ 2:18

မိမိကိုယ်ကိုယ် နှိမ့်ချပြခြင်း​နှင့် ကောင်းကင်တမန်များ​ကို ကိုးကွယ်ခြင်းတို့​ကို အတင်းအကျပ်​ပြုစေသော​သူ တစ်စုံတစ်ယောက်​ကိုမျှ သင်တို့​၏ ဆု​ကို လုယူခွင့် မပေးနှင့်။ ထိုသို့သော​သူတို့​သည် မိမိတို့​မြင်ရသော အထူး​ရူပါရုံများ​ကြောင့် အခြား​သူတို့​ထက် သာလွန်သည်​ဟု မှတ်ယူ​၍ လူ့​အတွေးအခေါ်​ဖြင့် အကြောင်းမဲ့ ဘဝင်မြင့်တတ်ကြ၏။

ကော​လော​သဲ 2:8

ခရစ်တော်​၏ တရား​ကို အခြေမခံဘဲ လောကီ​အခြေခံ​မူ​နှင့် လူ့​ဓလေ့ထုံးတမ်း​ကို အခြေခံသည့် အတွေးအခေါ်​နှင့် အနှစ်သာရ​မရှိသော လှည့်ဖြားမှုတို့​ဖြင့် မည်သူ​က​မျှ သင်တို့​ကို မသိမ်းသွင်း​နိုင်စေရန် သတိပြုကြလော့။

၂ တိ 2:16

ဘုရားတရား​မဲ့သော စကား​ကို ရှောင်ကြဉ်လော့။ အဘယ်ကြောင့်ဆိုသော် ထို​စကား​သည် လူတို့​အား ဘုရားတရား​နှင့် ပို၍ ဝေးကွာစေ​သောကြောင့်​ဖြစ်၏။

၂ တိ 3:13

ဆိုးညစ်သော​သူများ​နှင့် ယောင်ဆောင်​လှည့်ဖြားသူများ​သည် သူတစ်ပါး​ကို လှည့်ဖြား​ပြီး ကိုယ်တိုင်​လည်း လှည့်ဖြားခံရ​လျက် ဆိုးသည်​ထက် ပို​၍ ဆိုးလာ​လိမ့်မည်။

၁ ယော 2:18

သားသမီးတို့… ဤ​ကာလ​သည် နောက်ဆုံးသော​ကာလ​ဖြစ်၏။ ခရစ်တော်​၏​ရန်သူ ရောက်လာကြောင်း​ကို သင်တို့​ကြားသည့်​အတိုင်း ယခု​ပင် ခရစ်တော်​၏​ရန်သူ​များစွာ ရောက်လာကြပြီ။ ထို့ကြောင့် ဤ​ကာလ​သည် နောက်ဆုံးသော​ကာလ​ဖြစ်ကြောင်း ကျွန်ုပ်တို့​သိကြ၏။

၁ ယော 2:26

သင်တို့​အား လမ်းလွဲ​စေရန် ကြိုးစားနေသော​သူများ​အကြောင်း​ကို သင်တို့​ထံ ကျွန်ုပ်​ရေးလိုက်၏။

၁ ယော 4:1

ချစ်ရသော​သူတို့… ဝိညာဉ်တော်​အားဖြင့် ဟောပြောသည်​ဟု ပြောဆိုသူ​တိုင်း​ကို မယုံကြနှင့်။ ထို​ဝိညာဉ်တို့​သည် ဘုရားသခင်​ထံမှ လာသော​ဝိညာဉ်တော်​ဟုတ်မဟုတ်​ကို စမ်းသပ်ကြလော့။ အဘယ်ကြောင့်ဆိုသော် ပရောဖက်​အတုအယောင်​များစွာတို့​သည် ဤ​လောက​၌ ပေါ်လာကြ​သောကြောင့်​ဖြစ်၏။

၂ ယော 1:7

ယေရှု​ခရစ်တော်​သည် လူသား​အဖြစ် ကြွလာတော်မူသည်​ကို ဝန်မခံသော​လှည့်ဖြားသူ​များစွာ​သည် ဤ​လောက​၌ ပေါ်လာ​သဖြင့် ဤ​အကြောင်းအရာ​ကို ကျွန်ုပ်​ပြောရခြင်း​ဖြစ်၏။ ထိုသို့သော​သူ​သည် လှည့်ဖြားသူ​ဖြစ်၏။ ခရစ်တော်​၏​ရန်သူ​လည်း ဖြစ်၏။

ဗျာ​ဒိတ် 12:9

ထို​နဂါး​သည် တစ်ကမ္ဘာလုံး​ကို လှည့်ဖြားသည့် မာရ်နတ်၊ သို့မဟုတ် စာတန် ဟု​ခေါ်သော ရှေးမြွေဟောင်း​ဖြစ်ပြီး သူ​၏ တမန်များ​နှင့်အတူ ကမ္ဘာမြေ​ပေါ်သို့ ပစ်ချခံခဲ့ရ၏။

ဗျာ​ဒိတ် 13:8

အသေ​သတ်ခြင်း​ခံရသော သိုးသငယ်တော်​၏ အသက်​စာစောင်​၌ ကမ္ဘာဦး​အစ​ကပင် အမည်​စာရင်း​ပါသောသူများ​မှလွဲ၍ ကမ္ဘာလောက​၌ နေထိုင်ကြသောသူ​အပေါင်းတို့​သည် ထို​သားရဲ​ကို ကိုးကွယ်ကြ​လိမ့်မည်။

ဗျာ​ဒိတ် 20:3

နှစ်ပေါင်း​တစ်ထောင်​ကုန်ဆုံးသည်​အထိ လူမျိုးများ​ကို ထပ်မံ​မလှည့်ဖြားနိုင်တော့​ရန် သူ့​ကို တွင်းနက်ကြီး​ထဲသို့ ပစ်ချ​၍ ပိတ်လှောင်​ကာ တံဆိပ်ခတ်လေ၏။ နှစ်ပေါင်း​တစ်ထောင် ကုန်ဆုံးချိန်​တွင် သူ့​ကို ခေတ္တ​မျှ လွှတ်ထား​ရမည်။

ဗျာ​ဒိတ် 20:8

သူ​သည် ကမ္ဘာ့​အရပ်​လေးမျက်နှာ​၌ ရှိသော လူမျိုးများ​ဖြစ်ကြသည့် ဂေါဂ​နှင့် မာဂေါဂ​တို့​ကို လှည့်ဖြား​ရန်​နှင့် စစ်ပွဲ​အတွက် စုဝေး​ရန် ထွက်သွား​လိမ့်မည်။ သူတို့​၏ အရေအတွက်​သည် ပင်လယ်ကမ်းခြေ​ရှိ သဲပွင့်​နှင့်အမျှ များပြား၏။