ІСУСА 15 - Кнігі Святога Пісання - Біблія - Біблія — пераклад Чарняўскага (выданне 2017 года) Кнігі Святога Пісання - Біблія - Біблія — пераклад Чарняўскага (выданне 2017 года)
ІСУСА 15

¹ Жэрабя пакалення сыноў Юды па родах яго было такое: аж да мяжы Эдома, да пустыні Сін, насупраць Нагэба, аж да найдалейшых краёў на паўднёвым баку.

² Яго мяжа паўднёвая ідзе ад канца мора Салёнага і ад яго мыса, што глядзіць на поўдзень,

³ і выходзіць яна на подступах да Акрабіма, і праходзіць праз Сін, і бяжыць на поўдні да Кадэс-Барнэ, і прыходзіць да Эсрона, падымаючыся да Адара, і паварочвае да Каркі;

⁴ і далей, праходзячы Асэмон, даходзіць да ручая Егіпецкага; будуць у яе выхады да Вялікага мора: гэта будзе мяжа паўднёвага боку для вас.

⁵ А мяжа ўсходняя — мора Салёнае аж да вусця Ярдана. Мяжа паўночная пачынаецца ад марскога мыса і ад вусця Ярдана

⁶ да Бэтаглі і праходзіць ад поўначы да Бэт-Арабы, падымаючыся да каменя Баэн сыноў Рубэна,

⁷ і падымаючыся да Дабіра ад лагчыны Ахор, і заварочваючы на поўнач да Галілота, што насупраць узвышша Адамім, якое ідзе ад паўднёвага боку ручая; далей мяжа ідзе да водаў, што называюцца крыніцаю Сонца, і будуць у яе выхады да крыніцы Рагель;

⁸ і мяжа падымаецца лагчынай Бэн-Гэном на поўдзень з боку евусеяў, гэта значыць праз Ерузалім, і адтуль, уздымаючыся да вяршыні гары, што насупраць лагчыны Гэном да захаду і ў крайняй частцы лагчыны Рэфаім на поўнач;

⁹ і з вяршыні гары спускаецца мяжа аж да крыніцы вады Нэфтоа і вядзе да паселішчаў гары Эфрон, і заварочвае да Баалы, або Карыят-Ярыма.

¹⁰ І з Баалы мяжа заварочвае на захад аж да гары Сэір і праходзіць ля схілу гары Ярым на поўнач, гэта значыць Хеслон, і зыходзіць да Бэтсамэса, і пераходзіць у Тамну,

¹¹ і даходзіць да паўночнага хрыбта Акарона, і заварочвае да Сэхрона, і пераходзіць праз гару Баалы, і набліжаецца да Ібнээля, і спыняецца ля мора.

¹² Мяжой заходняй з’яўляецца Вялікае мора. Гэта межы вакол зямлі сыноў Юды па родах іх.

¹³ А Калеб, сын Ефоны, атрымаў частку між сыноў Юды, як загадаў Госпад Ешуа, — Карыят-Арбу, галоўны горад бацькі Анака, значыць Геброн.

¹⁴ І адсюль Калеб знішчыў трох сыноў Анака: Сэсая, і Ахімана, і Талмая з роду Анака.

¹⁵ І адтуль выправіўся ён супраць жыхароў Дабіра, які раней называўся Карыят-Сэфэр.

¹⁶ І Калеб сказаў: «Таму, хто здабудзе Карыят-Сэфэр і захопіць яго, я дам сваю дачку Аксу за жонку».

¹⁷ І здабыў яго Атаніэль, сын Кенэза, брат Калеба, і той даў яму Аксу, дачку сваю, за жонку.

¹⁸ Калі яна прыбыла, то пераканала мужа свайго, каб той прасіў поля ў бацькі яе; і злезла яна з асла, а Калеб у яе спытаўся: «Чаго ты хочаш?»

¹⁹ Яна ж адказала: «Дай мне дабраславенне; даў ты мне Нагэб, зямлю сухую, дык дай мне і зямлю з крыніцамі водаў». Дык даў ёй Калеб напоеныя крыніцамі узвышша і даліну.

²⁰ Гэта ўласнасць пакалення сыноў Юды па родах іх.

²¹ І былі гарады ад ускраін сыноў Юды каля межаў Эдома ў Нагэбе: Кабсээль, і Эдэр, і Ягур,

²² і Кіна, і Дымона, і Адада,

²³ і Кадэс, і Асор, і Ятнан,

²⁴ і Зіф, і Тэлем, і Балот,

²⁵ і Асор-Хадата, і Карыят, Эсрон — гэта Асор,

²⁶ і Амам, і Сама, і Малада,

²⁷ і Асаргада, і Гасэмон, і Бэтпэлет,

²⁸ Асарсуал, Бээр-Сэба, Базіётыя,

²⁹ і Баала, і Ійм, і Эсэм,

³⁰ і Эльталад, і Хэсіль, і Хорма,

³¹ і Сікэлаг, і Мадмена, і Сэнсэна,

³² і Лебаот, і Селім, і Эн-Рэмон — усіх гарадоў дваццаць дзевяць з вёскамі іх.

³³ А на раўнінах вось гэтыя: Эстаол, і Цора, і Асэна,

³⁴ і Заноэ, і Эн-Ганім, і Тафуа, і Энайм,

³⁵ і Ярмут, і Адалам, і Соха, і Азэка,

³⁶ і Саарым, і Адзітаім, і Гадэра, і Гадэратаім: чатырнаццаць гарадоў з вёскамі іх.

³⁷ І Санан, і Гадаса, і Магдал-Гад,

³⁸ і Дэлеан, і Міцпа, і Ецэтэль,

³⁹ і Лахіс, і Баскат, і Эглон,

⁴⁰ і Хэбон, і Лехемас, і Кэтліс,

⁴¹ і Гадэрот, Бэтдагон, і Наама, і Македа: шаснаццаць гарадоў з вёскамі іх.

⁴² Лебна, і Этэр, і Асан,

⁴³ і Ефта, і Эсна, і Нэсіб,

⁴⁴ і Кэйла, і Ахзіб, і Марэса: дзевяць гарадоў з іх вёскамі.

⁴⁵ Акарон з яго навакольнымі гарадамі і вёскамі;

⁴⁶ ад Акарона аж да мора: усё, што знаходзіцца на баку Азота і вёсак яго,

⁴⁷ Азот разам з яго гарадамі і вёскамі, Газа з залежнымі ад яе гарадамі і вёскамі аж да ручая Егіпецкага і Вялікага мора, што з’яўляецца мяжою.

⁴⁸ І на гары: Самір, і Ятэр, і Соха,

⁴⁹ і Дан, і Карыят-Сэна, або Дабір,

⁵⁰ і Анаб, і Эстэмо, і Анім,

⁵¹ і Госэн, і Алон, і Хелон: адзінаццаць гарадоў з іх вёскамі.

⁵² Араб, і Дума, і Эсаан,

⁵³ і Янум, і Бэт-Тапуа, і Афэка,

⁵⁴ і Амата, і Карыят-Арба, значыць Геброн, і Сіор: дзевяць гарадоў з іх вёскамі.

⁵⁵ Маон, і Кармэль, і Зіф, і Юта,

⁵⁶ і Езрагэль, і Юкадам, і Заноэ,

⁵⁷ Акаін, Габа і Тамна: дзесяць гарадоў з іх вёскамі.

⁵⁸ Галгал, Бэтсур, і Гэдор,

⁵⁹ і Марэт, і Бэтанот, і Эльтэкон: шэсць гарадоў з іх вёскамі. Тэкуэ, і Эфрата, значыць Бэтлехэм, і Пэгор, і Этам, і Кулон, і Татам, і Сорэс, і Карэм, і Галім, і Бэтэр, і Манагат: адзінаццаць гарадоў з іх вёскамі.

⁶⁰ Карыят-Баал, значыць Карыят-Ярым, і Арэба: два гарады з іх вёскамі.

⁶¹ У пустыні: Бэт-Араба, Мэдын і Сахаха,

⁶² і Нэбсан, і горад Сонца, і Эн-Гадзі: шэсць гарадоў з вёскамі іх.

⁶³ Сыны Юды не маглі, аднак, знішчыць евусеяў; евусеі з сынамі Юды пражываюць у Ерузаліме да сённяшняга дня.