1 ЛЕТАПІСАЎ 11:8 - Біблія (пераклад В. Сёмухі)

І ён забудаваў горад навакол, ад Міло, усю ваколіцу, а Ёаў аднавіў астатні горад.

Біблія (пераклад А.Бокуна)

І ён забудаваў горад навокал, ад Міло і навокал, а Ёаў аднавіў рэшту гораду.

Кнігі Святога Пісання - Біблія - Біблія — пераклад Чарняўскага (выданне 2017 года)

І пабудаваў ён горад навокал ад Мэло аж да ваколіц; Ёаб жа аднавіў астатак горада.

1 ЛЕТАПІСАЎ 11:8 Крыжаваныя спасылкі

3 ЦАРСТВАЎ 11:27

І вось прычына, чаму ён падняў руку на цара: Саламон будаваў Міло, рамантаваў пашкоджаньні ў горадзе Давіда, бацькі свайго.

3 ЦАРСТВАЎ 9:15

Вось распараджэньне пра падатак, які наклаў цар Саламон, каб пабудаваць храм Гасподні і дом свой, і Міло і сьцяну Ерусалімскую, Гацор і Мэгідо і Газэр.

4 ЦАРСТВАЎ 12:20

І паўсталі слугі ягоныя, і забілі Ёаса ў доме Міло, на дарозе да Сілы.

1 ЛЕТАПІСАЎ 11:7

Давід жыў у той крэпасьці, таму і называлі яе горадам Давідавым.

1 ЛЕТАПІСАЎ 11:9

І меў посьпех Давід, і ўзвышаўся больш і больш, і Гасподзь Саваоф быў зь ім.

НЭЭМІІ 4:2

і гаварыў пры братах сваіх і пры Самарыйскіх вайсковых людзях, і сказаў: што робяць гэтыя нікчэмныя Юдэі? няўжо ім гэта дазволяць? няўжо яны будуць прыносіць ахвяры? няўжо яны калі-небудзь скончаць? няўжо яны ажывяць камяні з груды пылу, і прытым папаленыя?

СУДЗЬДЗЯЎ 9:20

а калі не, дык хай выйдзе агонь з Авімэлэха і хай папаліць жыхароў Сіхемскіх і ўвесь дом Міло, і хай выйдзе агонь з жыхароў Сіхемскіх і з дома Міло і хай папаліць Авімэлэха.

СУДЗЬДЗЯЎ 9:6

І сабраліся ўсе жыхары Сіхемскія і ўвесь дом Міло, і пайшлі і паставілі царом Авімэлэха каля дуба, што паблізу Сіхема.