ВЫХАД 17:9 - Біблія (пераклад В. Сёмухі)

Майсей сказаў Ісусу: выберы нам мужоў і ідзі біцца з Амалікіцянамі: заўтра я стану на вяршыні пагорка, і жазло Божае будзе ў руцэ маёй.

Біблія (пераклад А.Бокуна)

I сказаў Майсей Егошуа: «Выбяры нам мужоў і ідзі, каб ваяваць з Амалекам. Заўтра я стану на вяршыні ўзгорку, і кій Божы [будзе] ў руцэ маёй».

Кнігі Святога Пісання - Біблія - Біблія — пераклад Чарняўскага (выданне 2017 года)

І Майсей сказаў Ешуа: «Выберы нам мужчын і ідзі, ваюй з Амалекам; заўтра я стану на вяршыні гары, трымаючы кій Божы ў руцэ сваёй».

ВЫХАД 17:9 Крыжаваныя спасылкі

1 ЛЕТАПІСАЎ 7:27

Нон, сын ягоны, Ісус, сын ягоны.

ВЫХАД 17:13

І скінуў Ісус Амаліка і народ ягоны лязом мяча.

ВЫХАД 18:21

а ты нагледзь з усяго народу людзей здольных, якія баяцца Бога, людзей праўдзівых, якія ненавідзяць карысьлівасьць, і пастаў над ім тысячнікамі, сотнікамі, пяцідзясяцкімі;

ВЫХАД 24:13

І ўстаў Майсей зь Ісусам, службітам сваім, і пайшоў Майсей на гару Божую,

ВЫХАД 33:11

І гаварыў Гасподзь з Майсеем вока на вока, як бы гаварыў хто зь сябрам сваім; і ён вяртаўся ў табар; а служка ягоны Ісус, сын Наваў, хлопец, не адлучаўся ад скініі.

ВЫХАД 4:17

і посах гэты вазьмі ў руку тваю; ім ты будзеш тварыць азнакі.

ВЫХАД 4:2

І сказаў яму Гасподзь: што гэта ў руцэ ў цябе? Ён адказваў: посах.

ВЫХАД 4:20

І ўзяў Майсей жонку сваю і сыноў сваіх, пасадзіў іх на асла і выправіўся ў зямлю Егіпецкую. І посах Божы Майсей узяў у руку сваю.

ЛІКІ 11:28

У адказ на гэта Ісус, сын Наваў, службіт Майсееў, адзін з выбраных ягоных, сказаў: спадару мой Майсею! забарані ім.

ЛІКІ 13:16

з племені Гадавага Геуіл, сын Махіеў.

ЛІКІ 13:8

з племені Ісахаравага Ігал, сын Язэпаў,

ЛІКІ 27:18

І сказаў Гасподзь Майсею: вазьмі сабе Ісуса, сына Нава, чалавека, у якім ёсьць Дух, і пакладзі на яго руку тваю,

ДЗЕІ 7:45

Бацькі нашыя зь Ісусам, узяўшы яе, унесьлі ў валоданьні народаў, прагнаных Богам ад аблічча бацькоў вашых. Так было да дзён Давідавых;

ДРУГІ ЗАКОН 32:44

І прыйшоў Майсей і прамовіў усе словы песьні гэтай у слых народу, ён і Ісус, сын Наваў.

ГАБРЭЯЎ 4:8

Бо калі б Ісус сын Нава даў ім спачын, дык ня было б сказана пасьля таго пра іншы дзень.

ІСУСА 8:18

Тады Гасподзь сказаў Ісусу: падымі дзіду, якая ў руцэ тваёй, на Гай, бо Я аддам яго ў рукі твае. Ісус падняў дзіду ў руцэ ягонай на горад.

ІСУСА 8:3

Ісус і ўвесь народ, здольны ваяваць, устаў, каб ісьці да Гаю, і выбраў Ісус трыццаць тысяч чалавек адважных і паслаў іх уначы,