150 Diosan suma chuymanïtapat Biblian jiskʼa tʼaqanakapa

Tatitojj takenir munasiriwa, takpach luratanacaparojj munasiñampiw uñji.

Tatitojj munasiñaniwa, qhuyapayasiñapajj wiñayawa, cheka cancañapasti jan tucusquiriwa.

Tatitur yuspagarapjjam, munasiñanïtap laycu, qhuyapayasiñapajj wiñayawa.

“Tatitur yuspagarapjjam, jupasti sumawa, munasiñapasa wiñayataquiwa.

Yant'apjjam, uñjapjjaraquim, Tatitun munasir cancañapa, jupar take chuymamp maqhatirejj cusisiñan jakewa.

Tatitusti Moisesan nayrakatapanjja jach'atwa aqham sas art'asïna: —¡Dios Tatitusti, wiñay jaquiriwa, uqhamarac qhuyapayasiriraqui. Janiw janc'aqui colerasirïquiti, jan ucasti jach'a munasiriwa, uqhamarac chekaraqui!

Tatay, jumajj munasiñanïtawa, juch pampachiriraquïtawa, jumar art'asirinacataquejj qhuyapayasirïtawa.

Tatitun munasiñapasti, qhuyapayasiñapasa jan tucusquiriraquiwa. Sapärmanthiw machakar tucuraqui, ¡cunja jach'as Tatitun chekapätapajja!

Tatitojj munasiriwa, qhuyapayasiriraquiwa, k'apisiñapajj c'achhaquiwa, munasiñapasti jilarquiriwa.

Munasiñamamp qhuyapayasiñamampejj sapürupuniw nayamp chicäsqui, Tatay, utamansti wiñayapuniw jacä.

Tatitur yuspagarapjjam, munasirïtap laycu, qhuyapayasiñapajj wiñayawa,

Nayajj Tatitun munasiñapatwa parlañ munta, yupaychaña k'ochunacap k'ochuña, take cuntejj jupajj jiwasanacatac lurqui ucanacata, Israelan wawanacapataquejj qhuyapayasiñapajj jach'ätapata, cuntejj qhuyapayasiñapanjja lurqui, uqhamaraqui jach'a munasiñapansa, take ucanacata.

Ucampis Diosajj jach'a qhuyapayasiñaniwa, walrac munasiraquistu. Ucatwa Cristomp chica jacañ churistu, juchanacasan jiwatascchïyätan ucasa. Uqhamajj jumanacajj Diosan qhuyapayasiñapatwa khespiyatäpjjtajja.

“Janiw yakha Diosajj jumjam utjquiti, jumasti pampachtawa ñankha luratanacapjja, juma contra sayt'asitanacapsa armaractawa, qhitinacatï marcamatjja jilt'apqui uca juc'aniru. Jumaw munasiñamjja uñacht'ayapjjesta, colerasiñamsti janiraquiw wiñayatac catjjäsctati. Nanacatsti wasitatay qhuyapt'ayasipjjeta, ñankha luratanacajjsti jach'a kotar jakontjjam.

Janiw jupanacajj ist'aña munapcänti, ni cuna jach'a luräwinactejj jupanac laycu lurcta ucsa amtañ munapcänti. Jupanacajj chuymanacapa kalarayasisajja mä jilïrwa ajllisipjjäna Egiptoru wastatampi esclavöñaru irpañapataqui. Ucampis jumajj juchanac pampachasiri Diosätawa, mä suma qhuyapayasiriraqui, c'achaquiraqui colerasiñataqui, uqhamarac wali munasiriraqui, ucatjja janiw jaytanucctati jupanacarojja.

Tatitojj asquiwa, chekaparaquiwa, jupaw jucharar jakenacarojj asqui thac uñachayi;

¿Jan ucajj Diosan munasiñapjja, jan tucusquir llamp'usiñapsa janich yäkcta? Chekpachansa uca Diosan llamp'u tucutapajja juman take ucanac arrepientisisa apanucuñamataquiwa.

Takenin nayranacapaw jumarojj uñch'uquisipctam, jumaw waquisitarjam mank'añ jupanacar churtajja. Jumaw amparam lokatattajja, take jaquirinacarusti asquinac jilarquir churtajja.

Ucampis Diosajj munasiñapwa uñacht'ayistu, cunapachatejj jiwasanacajj juchanïscäyätan ucapachaw Cristojj jiwasanac laycu jiwawayi.

Tatitur yuspagarapjjam, jupajj munasiñaniwa, qhuyapayasiñapajj wiñayawa.

Tatitojj asquimpir chekapampiruw munasi, qhuyapayasiñapajj orakpacharuw phokhanti.

Ucampis cunapachatejj Khespiyir Diosajj qhuyapayasiñapa, munasiñapsa take jakenacaru uñacht'ayistojja, janiw cuna asqui luratas laycuti, jan ucasti qhuyapayasiñap laycuwa khespiyistu jarekäwi toke. Kollan Ajayu toke machakat naciyaraquistu machak jacañ churasa.

Maynitejj jach'a jach'a tucuñ munchejja, nayar uñt'atapat jach'a jach'a tucpan, nayan Tatitütajj yatitapata, aca oraken munasiñampi, asquiru, chekaparuraqui luratajjata, ucaraquiw nayatacjamajja. Naya Tatituw ucjja arsta.”

“Diosajj acapachar wal munatap laycuw mä sapa Yokapar qhitani, take qhitinacatejj jupar iyawsapqui ucanacajj jan chhakañapataqui, jan ucasti wiñay jacañanïñapataqui.

Diosaw khant'ayistu, imaraquistu; jupaw qhuyapayasiñampi, aytat cancañamp churi. Jan camscay asqui jaquir jakenacarojj, Tatitojj munasiwa, jach'aruw apti, asquinacap churaraqui.

Yatiractanwa Diosajj jupar munirinacarojj take cunsa asquitaquiw waquicharapi qhitinacatejj jupan amtataparjam jawsatäpqui ucanacataquejja.

Tatitojj llamp'u chuymaniwa, asquiraquiwa, Diosasajj qhuyapayasiriwa;

Tatitojj wali suma Diosawa, llaquisiñ horasansti arjjatasiriraquiwa; jupasti arjjataraquiw qhitinacatejj jupar iyawsapqui ucanacarojja.

munasiñamajj jacañat sipan juc'ampiwa, lacajjajj jumaruw k'ochütam.

Jach'a kollunacajj yakha chekarusay sartasipcpan, kollunacas aynacharusay jutasipcpan, ucampis munasiñajjajj jumataquejj janipuniw tucuscaniti, uqhamaraqui sumar mantäwi arust'äwejjajj janiw t'unjatäcaniti.” Uqham siwa jumar qhuyapayiri Tatitojja.

chekpachansa Tatitun sumätapa yatipjjsta ucqhajja.

Jumajj asquïtawa, asqui luraractajja; leyinacamay yatichita.

Khapak marcamajj wiñay khapak marcawa, khapak apnakäwimajj wiñay apnakäwiraquiwa. Tatitojj arsutanacap phokheriwa, take luräwinacapan munasiñaniwa.

Nayasti yatiractwa cuna amtäwinacatejj jumanacataqui utjquitu ucanacjja, uca amtäwinacasti jumanacan asquinacamataquiwa, janiw jumanacan jan walt'apjjañanacamataquïquiti, uqhamat khepa urunacanjja wali suma jacasipjjañanacamataqui, suyt'añanacansa phokhantataraqui. Naya Tatituw ucjja arsta.

Uñtamaya cunja sumas Diosajja, ucampis khoruwa chekaparaquiwa. Jumasti janiw jupat jithektañamäquiti, jan ucajj jumajj qhuchhokataraquïyätawa.

Alajjpachanquir Diosar yuspagarapjjam, qhuyapayasiñapajj wiñayawa.

Acsti luriwa khepa pachanacan uñacht'ayañataqui, cunja jach'a munasiñapampis munistu ucata, uqhamarac qhuyapayasiñapas jiwasatac utjatapata Cristo Jesús laycu.

Tatay, jumar wakaychirinacataquejj jach'a munasiñ imaraptajja, jumar maqhatirinacarusti taken uñjcañaw qhuyapayasiñam uñachaytajja;

Tatitojj qhuyapayasiñamp asqui cancañampipuniw irpi, arusjäwipamp arsutanacapamp imir jakenacarojja.

Yatipjjam, Tatitu Diosasti jupa sapaquiwa cheka Diosajja, jupaquiraquiwa take suma arust'äwinacapsa munasiñampi wawanacapan wawanacapampi phokharaqui, qhitinacatï take munasiñ chuymampi munapqui uqhamaraqui camachi arunacapsa phokhapcaraqui ucanacaru.

Tatitur wakaychirinacataquisti munasiñapajj wiñayawa, asqui cancañapajj allchhin allchhipataquis utjascaquiwa:

Diosasti uñachayistuwa qhuyapayasiñapjja khespiyasiñap apanisa take jaketaqui.

Tatituw tincurinacarojj catjjäsisqui, t'uqhasirinacarusti ch'amañchascaraqui.

Cunjämatejj mä awatirejj ovejanacap ant'ata jutejja, uqhamaraquiw jupajj juti, amparapar ovejanac icht'ata, ichjjarusiwa ovejanacaparojja, uqha wawachat ovej kallunacarusti sum uñjaraqui.

Ucampis jumanacajj uñisirinacamarojj munapjjañanacamawa, asqui lurapjjañamaraquiwa, uqhamarac mayt'apjjañamaw jan cuns catokañampi. Uqhamatwa jumanacan catokañanacamajj jach'äni, jumanacasti Alajjpach Dios Awquin wawanacapäpjjätawa. Diosajj qhuyapayasiriraquiw, jupar jan yuspagaririnacatsa, juchararanacatsa.

Tatay, janiquiy chuymam nayatac jist'antasimti, qhuyapayasiñamamp asqui cancañamampejj imapunitpan,

Diosajj jach'a munasiñapatwa Yokapan jiwäwipa toke khespiyistu, juchanacassa perdonasaraqui.

Yupaychañäni Jesucristo Tatitusan Dios Awquiparu. Jupaw jiwasar qhuyapayasir Awquisajja, uqhamarac chuymachirisasa. Take t'akhesiñanacasanwa Diosajj chuymachistu, jiwasajj t'akhesirinacar chuymachañasataqui, cunjämtï Diosajj jiwasar chuymachquistu uqhama.

¡Tatitojj jach'añchatäpan! Tatitur yuspagarapjjam, munasiñanïtap laycu, qhuyapayasiñapajj wiñayawa.

Ucampis Tatitojj jumanacat qhuyapayasiñataquiw suyasipctam, jupasti walipuniw munasiñapjja uñacht'ayañ munapjjtam, Tatitusti qhuyapayasiri chekapa Diosaraquiwa. ¡Cusisiñanïpjjew jupar suyt'irinacajja!

Uca laycuw iyawsañasampi jac'achasiñasa munasir Dios Awquisan tronoparojja, jiwasat qhuyapt'ayasiñapataqui, uqhamarac munasiñapata jiwasar yanapt'añapataqui, p'ist'ayasctan uca horasanacana.

Uca suyt'añ churiri Diosajja, cusisiñampi, sumancañampi jumanacar phokhantpan juparu iyawsapjjatam laycu, uqhamat uca suyt'añanjja phokt'atäpjjañamataqui Kollan Ajayun ch'amap toke.

Tatitojj janiw armt'asquiti arunacapar phokhañjja, cunjämtï mayninacajj amuyapqui uqhama, jan ucasti jupajj suma chuymampiw suyt'asquistu; jupasti janiw munquiti qhitin chhakañapsa, jan ucasti muniwa takeninsa Diosar cutcatañapa.

Tatay, acapachajj munasiñamamp phokhantatawa; leyinacamay yatichita.

Nayätwa suma awatirejja. Suma awatirejj jacañapwa apt'asi ovejanacap laycojja.

qhuyapayasiñam laycuw cusista, c'uchirasiracta. Jumaw llaquinacajj amuyistajja, jacañajjan chijinacap uñjaractajja;

Diosan munasiñapatwa jumanacajj khespiyatäpjjtajja iyawsañ laycu. Acasti janiw jumanacan luräwinacamäquiti, jan ucasti Diosaw jumanacar churapjjtam. Janiraquiw cuna luräw tokëquisa, uqhamat jan qhitis jach'achasiscañapataqui.

Khoru jakejj sarnakäwipjja apanucpan, ñankha amtañan jakesti amtañanacapjja apanucpan; Tatitun ucar cuttanjjapjjam, jupasti jumanacatjja qhuyapayasipjjätamwa; Diosasar maqhatjjapjjam, jupasti perdonañataquejj janc'aquiwa.

Diosan thaquipajj chekapawa, Tatitun arsutanacapajj take chuymamp iyawscayawa, Diosajj jupar take chuymamp alcatirinacarojj imascapuniwa.

Ch'aman sayt'asipjjañäni, jan pächasisa, iyawsäwisanjja cuntejj suyt'ctan ucanjja, Diosasasti phokhaniwa cuntejj arsuwayquistu ucjja.

Diosasti suma chuymanïtap laycojj janiw jaytanucupcätamti ni t'unjapcätamsa, janiraquiw armascaniti cawquïri arust'äwirutï awquinacamampi mantawayqui ucanacsa, ni arupampi arsuwayqui ucanac phokhañsa.

Davidar munasitajjsti janiw jaytanuccäti, janiraquiw jupar arsutajj phokhañs armascäti. Janiw jupamp lurat arust'äwirojj p'aquintcäti, janiraquiw arsutanacajjs mayjt'aycäti.

Uca suyt'äwinsti janiw cuna mayjt'añas utjquiti, Diosasti jiwasan chuymanacasarojj munasiñapwa phokhantistu Kollan Ajayu churquist uca toke.

chhekhanacapampiw imjjatätam, chhekhanacap mankhäjjan imantasïta. Amparapajj jarc'acasiñar uñtataw imätam.

Nayasti jacañ oraken Tatitump cusisiñataquiw suyt'ascta.

nayan jumar munatajj laycu, jumajj wali jila alanïtawa, nayasti wal munassma. Jumajj nayancañamataqui jacañam khespiyañataquisa, nayajj jakenacwa, uqhamaraqui marcanacwa catuyta.

Uqhamanwa yattanjja, iyawsaractan Diosajj jiwasanacar munatapa. Diosajj munasiñawa; qhititejj munasiñan jacqui ucajja Diosanwa jaqui, Diosasti jupanaraqui.

“Jan ajjsarapjjamti, jisc'a tama ovejanacajja, ucampis alajjpach Awquimajj qhuyapayasiñapana reinop churaña munapjjtam.

Munasiñamajj chuymachitpan, nayatac arscäyätajj ucarjam phokhasiñapataqui.

“Tatitun ajayupajj nayjjanquiwa, Tatituraquiw nayarojj yakhachasitu; pobrenacaru suma yatiyäwinac yatiyiriw qhitanitu, llact'atanacaru chuymachañataqui, preso catuntatanacaru khespiyat sarnakasiñ yatiyiri, carcelanquirinacarusti khespiyat sarnakasiñ chuririraqui, “¡Tatituncjjasinjja cunjsa cusistjja! Diosajjancatajjatsti cusisiñan phokt'atätwa nayar khespiyatap laycu, atipjañsa churatap laycuraqui. Cunjämatejj mä casarasir waynajj coronap uchasejj uqhamätwa, jan ucajj cunjämatejj mä casarasir tawakojj c'achacht'asejj uqhamätwa. Cunjämatejj oraketjja alinacajj sartanejja, mä pankar yapun ayrunacajj ch'ichtanejja, uqhamracwa Tatitojj atipjañapjja sartayani, take marcanacasti yupaychaña k'ochunac k'ochupjjani.” Tatitun suma amtäwip mara yatiyiri, cawquïri uruntejj jiwasan Diosasajj uñisirinacasata phoksuscani ucqha. Take llact'atanacar chuymachiriw qhitanitu, Sión kolluna llact'atanacarojj khella lanti mä corona churañataqui, jachañ lantsti suma k'apquir cusisiñ kollanaca, chuyma cawcst'ata sarnakaña lantsti, yupaychañ k'ochunaca. “Atipt'iri roble kokanaca” sasaw sutichapjjaraquïtam, pachpa Tatitun ayrutanaca c'ajquir cancañapa uñacht'ayañataqui.

Qhitintejj munasiñajj utjqui ucajj llamp'u chuymaniwa, suma jakewa, janiw envidiasirïquiti, janiw jach'a jach'a tucurïquiti. Janiw cuna jan walsa lurquiti, janiraquiw cunsa jupataquiqui munirïquiti, janiw colerasquiti, janiraquiw colerasitapsa imjjäsisquiti. Janiw cunatejj jan walïqui ucatjj cusisiñ yatquiti, jan ucasti cunatejj chekapäqui ucat cusisiñ yati. Take cun t'akhesi, take cun iyawsi, take cun llamp'u chuymampi suyt'araqui.

Tatitojj sapür jach'añchatäpan, Diosaw jan walt'añanacas apasqui, jupaw Diosasajja, khespiyasiñasasa.

amtascay muspharcañanac jupajj luri. Tatitojj munasiñaniwa, qhuyapayasiriraquiwa:

Jumasti, Tatay, qhuyapayasir Diosätawa, llamp'u chuymani, munasiñani, asqui Diosätawa.

Jan ajjsaramti, nayaw jumampïscta, jan ajjsaramti, nayäsctwa juman Diosamajja. Nayaw ch'amañchascäma, nayaraquiw yanapascäma, atipjiri amparajjampiraquiw uywascäma.

Janipuniw jupajj tincuñam muncaniti, janipuniw jumar uñjirejj iccaniti. Janiw jupajj icquisa, samart'quisa, Israel marcar uñjirejj janipuniw icquiti.

Janiw juc'ampi jach'a munasiñanejj utjcaspati cawquïritejj amigonacap laycu jacañap apt'asquis ucat sipanjja.

Alajjpachanquir Take atipirin imat sarnaker jakejja, Chijejj janiw jac'achascätamti, usus janiraquiw utamar purincaniti, Diosajj angelanacaparuw qhitanini, sarnakäwim imañataqui. Amparapjjaruw apapjjätam, cayuman kalar jan lanctasiñapataqui; catarinacarusa, asïrunacarus takjjatascaquïtawa, leonanac taypinsa, ajjsarcañ animalanac taypinsa, sarnakascaquïtawa. “Nayar munasitap laycusti, juparojj khespiyäwa, nayar uñt'atap laycusti, juparojj imaraquïwa. Nayar art'asitan ucapachajja, mayisitaparojj jaysäwa. Jupamp chicaw t'akhesiñancä, llaquisiñat irpsü, jach'aruw aptä; walja maranacaw jacayä, ¡khespiyäwejjampiw jupar cusisiyaraquï!” Tatiturojj siwa: “Jumätaw imantasiñajjajja, jarc'akasiñajjasa, Diosajjay, jumaruw takpach chuymamp alcatsma” sasa.

Diosajj jumanacarojj take casta bendicionanacwa jilarquir churapjjeristamjja, uqhamat jumanacajj take cunampis phokt'atäpjjañamataqui, ucat take asqui luräwinacan yanapt'asipjjañamataqui.

Nayan Diosajjawa take cunatejj jumanacan jan utjquisa ucjja churapjjätam Cristo Jesusan walja c'ajquiri kamir cancañaparjama.

Jupaw karitarojj ch'am churi, pisi ch'ama jakerusti ch'am yapt'araqui.

¿Cun sañänisa take acanacarojja? Diosatejj jiwasampïchejja, ¿qhitirac jiwas conträspasti? Diosajj janiw Wawaparus perdonquiti, ucatpï Wawaparojj jiwañaru catuyejja jiwasanacan juchanacas laycu. Uqhamasti ¿janiquit take cuns churquistani Wawapamp chicjja?

Takenin nayranacapaw jumarojj uñch'uquisipctam, jumaw waquisitarjam mank'añ jupanacar churtajja. Jumaw amparam lokatattajja, take jaquirinacarusti asquinac jilarquir churtajja. Tatitojj take sarnakäwipan chekap uñjiriwa, take luräwinacapan munasiñaniwa. Tatitojj art'asirinacapan jac'apancasquiwa, takpach chuymamp jupat art'asirinacan jac'apanquiwa. Jupar arquirinacan munataparjamaw phokhe, arnakasitanacap ist'i, khespiyaraqui.

ucapachaw nayajj juparojj jayatpacha uñstta. Wiñay munasiñampiw nayajj munsma, ucataracwa qhuyapayasiñampi jichhacam uñjascsma.

Tatitojj jaken sarnakäwinacap sarayasqui, jupar cusisiyir thaquiruw ucharaqui, lanctasin ucasa, janiw tinccaniti, Tatituw amparapat wayjjäsisqui.

Munasiñamajj alajjpachat juc'amp jach'awa; asqui cancañamajj alajjpachcamaw puri.

Jumanacajj uqham jan walïcasinsa, sumäquis ucwa wawanacamarojj churapjjtajja. ¡Alajjpachanquir Awquimasti ucatsa juc'ampiwa qhitinacatejj jupar mayqui ucanacar sumanaca churañataquejja!

“¿Janit pheska jamach'inacajj pä moneda kollker aljasquejja? Diosasti ucanacatjja janiw maynits armt'asquiti. Ñic'utanacamasa mayat maya jaqhutawa. Janiy ajjsarapjjamtejja; jumanacajj walja jisc'a jamach'inacat sipansa juc'ampi alanïpjjtawa.

diosanacan Diosapar yuspagarapjjam: qhuyapayasiñapajj wiñayawa. Basán orakenquir Og reyir jiwayiriru: qhuyapayasiñapajj wiñayawa. Reyinacan orakenacap marcapar catuyiriru: qhuyapayasiñapajj wiñayawa. Uywat Israel marcapar catokäwip churjjeriru: qhuyapayasiñapajj wiñayawa. Aynacht'añasan jiwasanacat amtasiriru: qhuyapayasiñapajj wiñayawa. T'akhesiyirinacasat khespiyiriru: qhuyapayasiñapajj wiñayawa. Jakenacarusa, uywanacarus mank'añ chuririru: qhuyapayasiñapajj wiñayawa. Alajjpachanquir Diosar yuspagarapjjam, qhuyapayasiñapajj wiñayawa. Munañaninacan Munañanipar yuspagarapjjam: qhuyapayasiñapajj wiñayawa.

Cunjämatejj mä awquejj wawanacapat qhuyapayasquejja, uqhamaw Tatitojj iyawsirinacapat qhuyapayasi; jupajj jiwasanacan lak'ätas yati, ñek'it luratäpjjatas yatiraqui.

Take cunasa Diosat juti, jupan lurataraquiwa, jupataquiraquiwa. Uqhamajj Diosajj wiñayataqui jach'achatäpan. Uqhamäpan.”

Take llaquisiñanacamsti Diosar jaytapjjaraquim, jupasti jumanacatjja llaquisiraquiwa.

Takeniw jach'a kamir cancañapatjja catoktanjja, bendicionat bendicionjjaru.

Israel marca, Tatituruy suyt'am, qhuyapayasiñajj Tatitut juti, khespiyäwipajj jilarquiriw jutaraqui.

Naya, juman Tatitu Diosamaw, jumarojj amparat wayjjarsma, irparacsma; nayaw saracsma: ‘Jan ajjsaramti, nayaw yanapascäma.’ ”

Nayasti sum yattjja, Diosajj cuna suma luräwinactï jumanacampi kalltqui ucanacajj lurascaquiniwa, Jesucriston jutañapcama.

Uqhamatwa jumanacajj alajjpachanquir Awquiman wawanacapäpjjätajja. Jupasti takenitaquiw intsa jalsuyani, uqhamarac asqui jakenacataquisa, jan asqui jakenacataquisa jallsa puriyaniraqui.

Uru tokerojj Tatituw qhuyapayasitu, arum tokerusti janiw k'ochuñ karjascti, janiraquiw jacayir Diosajjat mayisiñs armascti.

Take cunatejj asquïqui uqhamarac chekäqui ucajj alajjpachatwa juti, qhititejj alajjpach khananac lurqui uca Diosawa churistu. Diosajj pachpaquipunïsquiwa, janiraquiw jupanjja sarir ch'iwir uñtatas utjquiti.

“Samarañwa jaytapjjsma. Nayan samarañajjwa churapjjsma, ucampis janiw nayajj samarañjj churcti cunjämtejj acapachajj churqui uqhama. Jan llaquisipjjamti ni ajjsarapjjaraquimsa.

Llaquisiñajjan Tatitur art'asta, jupasti ist'ituwa, khespiyaraquituwa. Tatitojj nayampïsquiwa: janiw ajjsarayascäti; ¿camächaraquitan jakesti?

Jupasti qhuyapayasipuniniw take jupar ajjsaririnacarojja.

Jupaw jiwasan arjjatirisajja; luräwipasa chekaparaquiwa, luratapasa chekaraquiwa. Jupasti chekapa Diosawa, janiw jupanjja cunatejj jan chekapäqui ucajj utjquiti, ¡jupasti chekapawa, asquiraquiwa!

Jumaw jacañ thac uñacht'ayitäta, nayrakataman jach'a cusisiñaw utji; jac'amansti wiñay cusisiñaw utjaraqui.

Jiwasanacajj Tatituruw take chuymamp iyawsapjjtan: jupaw arjjatirisajja, jarc'akerisasa. Jupampiw chuymanacasajj cusisi, kollan sutiparuw take chuymamp iyawsapjjtan. Tatay, qhuyapayasiñamajj nanacjjar purinpan, camisatejj jumat suyapcsma uqhämarjama.

Ucampis: “¿Mä taycajj wawanacaparojj armasiti, munasiñaps janiraquich churqui? Inas uca taycajj armaschispa, ucampis nayajj janipuniw armascäti. Nayajj amparajjan kellkt'atpuni irpsma, perkanacamatsti amtasipuntwa.

jumanac iyawsir purajj suma chuymamp jacapjjañanacamataqui, Criston munasiñapajj take tokeru sinti jach'ätapa amuyt'apjjañamataqui. Mayiractwa, Criston uca munasiñap uñt'apjjañamataqui uca munasiñapajj take cuntejj uñt'ctan ucat sipansa sinti jach'awa jan tucusquiriraquiwa, uqhamat Diosampi phokhantatäpjjañamataqui.

chuymaman munataparjam phokpan, take amtäwinacam phokhasiypan.

Diosajj arsutanacaparojj phokhapuniwa. Juparaquiw Jesucristo Tatitusampi chekäpjjañamataqui jawsapjjtamjja.

Janirac kollkerus munapjjamti; cunatejj utjapjjtam ucampejj cusisitaquïpjjam, Diosajj siwa: “Janiw cunapachas jaytcämati ni armt'ascämasa” sasa. Uqhamajj jichhajja, take iyawsañampiw arssnajja: “Tatituw yanapt'irejjajja; janiw cuntejj jakejj lurquitaspa ucjj ajjsarcäti” sasa.

Tatay, sutim yatirinacajj jumaruw iyawsapjjtam, jumar thakerinacarojj janipuniw apanucctati.

Muspharcañ khapak cancañamat jupanacarojj yatiyasini, nayasti muspharcañ luratanacamat parlaraquï. Ajjsarcay ch'aman luratanacamat yatiyasini, nayasti jach'a luräwinacamat parlaraquï. Jach'a qhuyapayasiñamat amtasaw yatiyapjjani, juman asqui cancañamat jach'at jallallapjjani.

“Nayan ucar jutapjjam, nayaw khespiyapjjäma, orake tucusin utjir marcanaca, nayaquïtpï Diosajja, janiw yakhajj utjquiti.

Tatay, jumar wakaychirinacataquejj jach'a munasiñ imaraptajja, jumar maqhatirinacarusti taken uñjcañaw qhuyapayasiñam uñachaytajja; naya tokeruy jinchum alcatanita, janc'aquiy nayar khespiyirejj jutita, nayan imantasiñ karkajjaruy tucum, khespiyasiñ utajjaruy tucuraquim, jupanacamp chic utjatam laycuw ñankha luririnacan jan wali amtäwinacapat khespiytajja; timanacapamp jan tokeyañataquisti utamaruw jupanac imanttajja.

Jesusaruy uñtañäni, jupatwa iyawsañasajj juti, juparaquiw uca iyawsañasjja phokhachani. Jesusasti crusanwa t'akhesi, jan uca casta jiwañaru p'enkasisa. Jupajj yatisïnwa uca t'akhesitapatjja khepürunjja cusisiñ jicjjatañapata; ucatsti Diosan tronopan cupëjjaparuw kont'asi.

Acjj sapjjsmawa jumanacajj samarañ jicjjatapjjañamataqui nayaru iyawsatanacam laycu. Acapachanjja jumanacajj t'akhesipjjätawa, ucampis ch'am catjjatapjjam, nayajj acapacharojj atipjtwa —sasa.

Tatitut mä mayisiñajjaquiw utji, ucaquirac thakä: jacañ urunacajjan utapan utjasiña; utapan jupar yupaychañataqui, khapak cancañap uñjasin cusisiñataqui.

Jumajj pobrenacan arjjatiripätam laycu, qhititejj aynacht'atäqui ucarus arjjataractawa, jan walt'añanjja jumaw arjjattajja lupinsa jumaw ch'iwiñcht'aractajja. Khoru jakenacan samananacapasti thaya horasan jach'a thayar uñtatawa,

Uqhamajj jichhajj yattwa, janiwa cunas Diosan munasiñapatjja apakquistaspati, janiw jiwañasa, ni jacañasa, ni angelanacasa, ni alajjpach ch'amanacasa, ni jichhasa, ni jutcani ucasa, ni patancqui ucasa, ni mankhancqui ucasa, ni cuna yakha yänacasa Diosan munañapatjja apakquistaspati, uca munasiñsti Cristo Jesús Tatitus tokwa uñacht'ayistu.

Diosaw nayar khespiyirejja, juparuw iyawsta, janiw cunsa ajjsarcäti. Tatituw nayan arjjatirejjajja, nayar ch'amañchirejjasa, jupaw khespiyirejjajja.”

“Nayar munasitap laycusti, juparojj khespiyäwa, nayar uñt'atap laycusti, juparojj imaraquïwa. Nayar art'asitan ucapachajja, mayisitaparojj jaysäwa. Jupamp chicaw t'akhesiñancä, llaquisiñat irpsü, jach'aruw aptä;

Yatipjjam Dios Awquejj kawksa munasistu wawanacapat uñt'atäñasataqui, jïsa wawanacapapunïsctanwa. Ucatpï Diosar jan iyawsirinacajj jan uñt'quistutejja, Diosar jan uñt'apjjatap laycu.

ucampisa take qhitinacatejj Tatitur iyawsapqui ucanacasti machak ch'amanacanïpjjaniwa; pacalinacar uñtataraquiw thoktapjjani, jalanakasinsti janiw karipcaniti, sarnakasas janiraquiw ch'amtayapcaniti.

Tatituw ch'amajjajja, arjjatirejjasa: juparuw takpach chuymamp iyawsta, jupasti yanapt'ituwa. Chuymajjajj cusisitawa, Tatituruw k'ochü, yuspagararaquï.

Yupaychañäni Diosaru, Tatit Jesucristosan Awquiparu, Cristompi mayachasitas laycuwa jupajj bendiciwayistu take casta ajayun bendicionanacampi alajjpachanacana.

Ucatwa nayataquejj Tatitun bendicionapajj wali jach'änjja, uqhamarac iyawsañasa munasiñasa jiwasan utji Tatit Jesucristoncatas laycu.

Warank mita jakenacas saraquipascpan, janipuniw arust'äwipajj armatäcaniti:

Diosajjay, juman amtatanacamajj jan amuycayawa, ucanacajj jan tucusquiriwa. Ucanactejj jact'añ muniristjja, ch'allat sipan juc'ampïspawa; jaqhuñ tucuyirist ucasa, jumamp chicaquïsquiristwa.

Umanjam maqhatañamächejja, nayaw jumampïscäjja, jawiranac maqhatañamächejja, janiw jalantasin jiwcätati; ninanjam pasañamächejja, janiw naqhantcätati, ninas janiw jumanjja naccaniti.

Janiraquiw yakha yakhäñajj utjquiti judionacataquejja, ni yakhanacampisa, jupaquiraquiw takenin Tatitupajja take jupar art'asqui ucanacarusti take cuns churaraquiwa. Kellkataraquiwa: “Take qhititejj Tatitun sutipa art'asqui ucajj khespiyatäniwa.”

Jakenacajj wawanacapan wawanacapcamaw luratanacam aytani, muspharcañ luratanacam yatiyapjjani.

Nayasti yuspagar churäma, arsutam phokherïtamatsti, jumataquiw arpa jachsuyä; Diosajjay, Israel marcan Kollanapa.

Yupaychañäni Diosaru, Jesucristo Tatitun Awquiparu, jupasti jach'a qhuyapayasiñap laycuwa jiwasarojj machakat naciyistu, Jesucriston jiwatanac taypit jactatap toke. Ucasti jiwasanacarojj suyt'añanwa jacayaraquistu, uqhamaraquiw jumanacarojj cuntï Diosajj imarapquistus uca herencia alajjpachanjja catokayapjjätam, ucajj janiw tucjatäcaspati, ni k'añuchatäcaspasa, janiraquiw mä pankarjamas wañscaspati. Jumanacarusti Diosajj jupar iyawsapjjatam laycojja, jach'a ch'amapampiw take cunatsa imasipcaractam, cuna khespiyasiñatejj jumanacataqui waquichatäqui uca catokapjjañamcama. Uca khespiyasiñsti khepa urunacaw jumanacajj catokasjjapjjäta.

Uca quipca Ajayuraquiw jiwasan ajayusamp chica Diosan wawanacapätas khanañchi. Wawanacapätas laycojja Diosatjja herencia catokaraquiñäni jupan arsutaparjama. Uca herenciajja Cristompiraquiw catokañäni, jiwasanacatejj jupamp chica take cunans t'akhesiñäni ucajja, ucat alajjpachan jupampiraquiñäni.

Janiw Diosarojj jan iyawsañampejj cunapachas cusisiycsnati, jupar jac'achasiñataquejja maynejj iyawsañapawa Diosajj utjatapa, uqhamaraqui jupar thakerinacarojj bendicirïtapa.

Utjistuwa Diosar iyawsañasajja, yatiractanwa cuntejj Diosarojj mayiñäni munañaparjama ucjja jupajj ist'istuwa. Cunjämtï yattanjja Diosajj oracionanacasarojj ist'istuwa, uca pachparaquiw yattanjja cuntejj mayctanjja ucajj niyaw utj-jjestu.

Jupanaracwa take Diosan arsutanacapajj phokhasejja. Ucatpï cunapachatejj Diosar yupaychctan ucqhajj “Uqhamäpan” sistanjja, Cristo Jesús toke.

“Lunthatajj jutiwa lunthatasiñataqui, jiwayañataqui, tucjañataqui, ucampis nayajj juttwa jacañanïpjjañamataqui, uqhamarac jilarquir jacañanïpjjañamataquiraqui.

Janiw esclavo tucuyir ajayu catokapctati ajjsaratac sarnakascañataqui, jan ucasti catokapjjtawa Diosan wawapa tucuyquistu uca Ajayu, ucat jupajj arsuyistu: “Nayan Awquejja” sasa.

Diosajj jach'añchatäpan, mayisitajjarojj janiw inar tucuyquiti, janiraquiw munasiñaps jithektayquituti.

Tatiturojj qhuyapayasiñapat yuspagarapjjam, jakenacatac muspharcañanac luratapata.

Jan walt'añ urunac purincan ucapachajj, Tatituw utapan imantitani; ch'iwipampiw imjjäsitani; mä karka patjjaruw sayt'ayitani,

Marcajjasti mä suma samarañ chekanwa jacani, suma utanacana, samarata jacañ utanacana,

Ucampis llamp'u cancañampi chuymachasiñampi churir Diosajja jumanacan jacäwimana yanappan sumaqui mayninacajj mayninacampi jacapjjañamataqui, Tatit Jesusanquirinacjama, uqhamata takenisa mayaqui jach'a Dios Awquisaru yupaychañataqui, jupasti Jesucriston Awquiparaquiwa.

Jesusasti jupanacarojj sänwa: —Nayätwa jacañ churir t'ant'ajja. Qhititejj nayaru jutqui ucajja, janiw mayampis awtjayascaniti. Qhititejj nayaru iyawsquitani ucajja, janiw mayampis pharjayascaniti.

“Acapï Tatit Diosasajja” sasa. Jupaw wiñay irpirisajja.

Ucatpï jiwasanacajja, ajanunacasajj jan uca velompi imantatäjjatap laycojj mä espejor uñtatjamaw Tatitun jach'a cancañapatjja c'ajtanjja. Uqhamaraquiw jiwasajj juc'ampi juc'ampi Cristjama tucusctan juc'ampi khanapajj jiwasancatap laycu. Ucwa Ajayüquis uca Tatitojj jiwasanacataquejj luri.

Tatitojj jach'apuniwa, jach'ar aptatäñapajj waquisiwa, jach'a cancañapajj jan amuyt'cayawa.