UNumeri 11:10 - IBHAYIBHELI ELINGCWELE

¹⁰ UMose wezwa abantu bekhala emindenini yabo, kwaba yilowo nalowo muntu ngasemnyango wetende lakhe; intukuthelo kaJehova yavutha kakhulu; kwakukubi emehlweni kaMose.

IsiZulu 2020

¹⁰ UMose wezwa abantu bekhala emindenini yabo ngasemnyango wethende lakhe. Intukuthelo kaSimakade yavutha kakhulu, lokhu kwamdabukisa kakhulu uMose.

Contemporary Zulu Bible 2024

¹⁰ UMose wezwa abantu bekhala ngemindeni yabo, kwaba yilowo nalowo ngasemnyango wetende lakhe; ulaka lweNkosi lwavutha kakhulu; UMose naye akazange ajabule.

UNumeri 11:10 Jak'a apnaqawi uñst'ayäwi

AmaHubo 106:25

Bakhonona besematendeni abo; babengalaleli izwi likaJehova.

AmaHubo 139:21

Jehova, angibazondi abakuzondayo na? Anginengwa ngabakuvukelayo na?

AmaHubo 78:21

Ngalokho uJehova ekuzwa lokho wathukuthela, kwavutha umlilo ngoJakobe, ulaka lwavuka ngo-Israyeli;

AmaHubo 78:59

UNkulunkulu ekuzwa lokho wathukuthela, wamlahla impela u-Israyeli.

U-Isaya 5:25

Ngalokho intukuthelo kaJehova iyavuthela isizwe sakhe; welulela isandla sakhe kuso, uyasishaya; izintaba ziyathuthumela, nezidumbu zabo ziyimfucumfucu phakathi ezitaladini; kukho konke lokhu intukuthelo yakhe ayibuyi, isandla sakhe siseluliwe.

UJeremiya 17:4

Uyakuyeka ngokwakho ifa lakho engakunika lona, ngikwenze ukuba ukhonze izitha zakho ezweni ongalaziyo, ngokuba niphembile umlilo olakeni lwami oyakuvutha kuze kube phakade.”

UNumeri 11:1

Kwathi abantu bakhonona, kwabakubi ezindlebeni zikaJehova; esekuzwile uJehova, yavutha intukuthelo yakhe; umlilo kaJehova washa phakathi kwabo, wabaqeda abasemkhawulweni wekamu.*

UNumeri 11:11

UMose wathi kuJehova: “Uyiphatheleni kabi inceku yakho na? Angifumananga ngani umusa emehlweni akho ukuba ubeke umthwalo wabo bonke laba bantu phezu kwami na?

UNumeri 11:9

Nxa amazolo elala phezu kwekamu* ebusuku, imana* lawela phezu kwawo.

UNumeri 12:3

Kodwa lowo muntu uMose wayemnene kunabo bonke abantu ababesebusweni bomhlaba.

UNumeri 12:9

Intukuthelo kaJehova yabavuthela; wayesemuka.

UNumeri 16:27

Base bekhuphuka ekamu* likaKora nelikaDathani nelika Abiramu nxazonke; oDathani no-Abiramu baphuma, bema ngasemnyango wamatende abo kanye nawomkabo, namadodana abo, nezingane zabo.

UNumeri 21:5

Abantu bakhuluma kabi ngoNkulunkulu nangoMose, bathi: “Nisikhuphuleleni eGibithe ukuba sifele ehlane na? Ngokuba akukho sinkwa, akukho manzi; umphefumulo wethu uyanengwa yilesi sinkwa esilulana.”

NgokukaMarku 10:14

Kodwa uJesu ekubona wathukuthela, wathi kubo: “Vumelani abantwana beze kimi, ningabenqabeli, ngokuba umbuso kaNkulunkulu ungowabanjalo.

NgokukaMarku 3:5

Waqalaza ebabuka ngokuthukuthela, edabukile ngobulukhuni benhliziyo yabo; wayesethi kulowo muntu: “Yelula isandla.” Waselula, saphiliswa isandla sakhe.

UDuteronomi 32:22

Ngokuba umlilo uphenjiwe entukuthelweni yami; uyasha kuze kube sendaweni yabafileyo engaphansi, uqede umhlaba nezithelo zawo, wokhele izisekelo zezintaba.