IsiLilo 3:25 - IBHAYIBHELI ELINGCWELE

²⁵ UJehova muhle kwabamethembayo, kumphefumulo omfunayo.

IsiZulu 2020

²⁵ USimakade muhle kulowo omlindelayo, kulowo omfunayo.

Contemporary Zulu Bible 2024

²⁵ UNkulunkulu unguJehova kwabamthembayo, umphefumulo omfunayo.

IsiLilo 3:25 Jak'a apnaqawi uñst'ayäwi

UGenesise 49:18

“Ngiyihalele insindiso yakho, Jehova.

1 iziKronike 28:9

“Wena Solomoni, ndodana yami, yazi uNkulunkulu kayihlo, umkhonze ngenhliziyo epheleleyo nangenhliziyo ethokozayo, ngokuba uJehova uhlola izinhliziyo zonke, uqonda zonke izizindlo zemicabango; uma umfuna, uyakufunyanwa nguye; kepha uma umshiya, uyakukulahla kuze kube phakade.

2 iziKronike 15:2

waphuma ukuhlangabeza u-Asa, wathi kuye: “Ngizweni, Asa, noJuda wonke, noBenjamini, uJehova unani, uma ninaye; uma nimfuna, uyakufunyanwa yinina; kepha uma nimshiya, uyakunishiya nani.

2 iziKronike 19:3

Nokho kufunyaniswa kuwe nezinto ezinhle, ngokuba ususile o-Ashera* ezweni, wabhekisa inhliziyo yakho ukuba ifune uNkulunkulu.”

2 iziKronike 30:19

bonke ababebhekisa izinhliziyo zabo ukufuna uNkulunkulu, uJehova uNkulunkulu wawoyise, noma kungenjengokuhlanjululwa kwendlu engcwele.”

2 iziKronike 31:21

Emisebenzini yonke ayiqalayo enkonzweni yendlu kaNkulunkulu, nasemthethweni, nasemiyalweni, ukuba afune uNkulunkulu wakhe, wakwenza ngayo yonke inhliziyo yakhe, waphumelela.

U-Ezra 8:22

Ngokuba nganginamahloni ukucela enkosini impi nabamahhashi ukuba basisize ezitheni zasendleleni, ngokuba sasikhulumile enkosini, sathi: “Isandla sikaNkulunkulu wethu siphezu kwabo bonke abamfunayo ukuba kube kuhle, kepha amandla akhe nentukuthelo yakhe kuphezu kwabo bonke abamshiyayo.”

AmaHubo 105:3

Zibongeni egameni lakhe elingcwele; mazithokoze izinhliziyo zabamfunayo uJehova.

AmaHubo 119:2

Babusisiwe abagcina ubufakazi bakhe, abamfuna ngenhliziyo yonke,

AmaHubo 22:26

Abamnene bayakudla, basuthe; abafuna uJehova bayakumdumisa; inhliziyo yenu mayiphile kuze kube phakade.

AmaHubo 25:8

UJehova muhle, ulungile; ngalokho ufundisa izoni indlela.

AmaHubo 27:14

Lindela uJehova, uqine, inhliziyo yakho ime isibindi; yebo, lindela uJehova.

AmaHubo 27:8

Kuwena othi: “Funani ubuso bami,” inhliziyo yami ithi: “Ubuso bakho, Jehova, ngiyabufuna.”

AmaHubo 37:34

Lindela uJehova, ulonde indlela yakhe; uzakukuphakamisa, udle ifa lomhlaba, ubukele lapho ababi bechithwa khona.

AmaHubo 37:7

Thula phambi kukaJehova, ulindele yena; ungakhathazeki ngonenhlanhla endleleni yakhe, ngomuntu osongoza amacebo amabi.

AmaHubo 39:7

“Kalokhu-ke, Nkosi, ngilindele ntoni na? Ithemba lami likuwe.

AmaHubo 61:1

Yizwa, Nkulunkulu, ukukhala kwami, ulalele umkhuleko wami.

AmaHubo 61:5

Ngokuba wena Nkulunkulu uzizwile izithembiso zami, wabanika ifa abalesaba igama lakho.

AmaHubo 69:32

Kuyakuthi abayizivi bekubona, bajabule; nina enifuna uNkulunkulu, inhliziyo yenu mayiphile.

AmaHubo 71:14

Mina kodwa ngiyakwethemba njalo, ngengeze ukudumisa ekudunyisweni kwakho.

U-Isaya 25:9

Kuyakuthiwa ngalolo suku: “Bheka, lo unguNkulunkulu wethu; simhlalele, uyakusisindisa; lo unguJehova; simhlalele; siyakujabula, sithokoze ngensindiso yakhe.”

U-Isaya 26:9

Ngomphefumulo wami ngikulangazelela ebusuku, yebo, ngomoya wami ophakathi kwami ngiyakufunisisa, ngokuba lapho izahlulelo zakho zisemhlabeni, abakhileyo bezwe bafunda ukulunga.

U-Isaya 30:18

Ngalokho uJehova uyakulindela ukuba abe nomusa kini; nangalokhu uyakuphakama ukuba abe nesihe kini, ngokuba uJehova unguNkulunkulu wokwahlulela; babusisiwe bonke abamhlalelayo.

U-Isaya 40:31

kepha abamethembayo uJehova bayathola amandla amasha, bayakhuphuka ngamaphiko njengezinkozi, bagijime bengakhathali, bahambe bengapheli amandla.

U-Isaya 55:6

Mfuneni uJehova esenokutholwa, nimbize eseseduze.

U-Isaya 64:4

Kusukela endulo abantu abezwanga, abacoshanga nangendlebe, futhi iso alibonanga uNkulunkulu ngaphandle kwakho osebenzela omhlalelayo.

IsiLilo 3:26

Kuhle ukumethemba nokulindela ngokuthula ukusindisa kukaJehova.

Hoseya 10:12

Zihlwanyeleleni ngokulunga, niyakuvuna ngomusa; qathani umqatho wenu; sekuyisikhathi sokumfuna uJehova, aze afike, anise ukulunga phezu kwenu.

UZefaniya 3:8

Ngalokho, ngilindeleni,” usho uJehova, “kuze kube lusuku engivuka ngalo ukuba ngiphange, ngokuba kuyisinqumo sami ukubutha izizwe ukuba ngiqoqe imibuso, ukuze ngithulule phezu kwabo intukuthelo yami, lonke ulaka lwami oluvuthayo, ngokuba wonke umhlaba uyakudliwa ngumlilo womhawu wami.

1 kwabaseThesalonika 1:10

nilindele iNdodana yakhe ivela ezulwini, ayivusa kwabafileyo, uJesu osihlangulisa olakeni oluzayo.

EkaJakobe 5:7

Ngakho bekezelani, bazalwane, ize ifike iNkosi. Bhekani, umlimi uyalindela isithelo somhlaba esiyigugu, ebekezelela sona, size sithole imvula yokuqala neyamuva.