AmaHubo 119:1 - IBHAYIBHELI ELINGCWELE

¹ Babusisiwe abaqotho endleleni, abahamba ngemithetho kaJehova.

IsiZulu 2020

¹ Babusisiwe abandlela iqotho, abahamba ngomthetho kaSimakade.

Contemporary Zulu Bible 2024

¹ I-ALEPH. Ubusisiwe osendleleni engenabala, ohamba emthethweni kaJehova.

AmaHubo 119:1 Jak'a apnaqawi uñst'ayäwi

2 Samuweli 22:22

Ngokuba ngizigcinile izindlela zikaJehova; angimukanga kuNkulunkulu wami ngokushinga.

2 AmaKhosi 20:3

“Ngiyacela, Jehova: ake ukhumbule ukuthi ngihambile phambi kwakho ngeqiniso nangenhliziyo epheleleyo, ngenzile okuhle emehlweni akho.” Wayesekhala uHezekiya ngokukhala okukhulu.

UJobe 1:1

Kwakukhona umuntu ezweni lase-Uzi ogama lakhe lalinguJobe; lowo muntu wayengenasici elungile, wayemesaba uNkulunkulu, wabalekela okubi.

UJobe 1:8

Wayesethi uJehova kuSathane: “Inhliziyo yakho iyiqaphele inceku yami uJobe na? Ngokuba akakho onjengaye emhlabeni, umuntu ongenasici nolungileyo, omesaba uNkulunkulu, obalekela okubi.”

AmaHubo 101:2

Ngizakuqaphelisisa indlela engenacala. Uyakuza nini kimi na? Ngizakuhamba endlini yami ngenhliziyo engenacala.

AmaHubo 101:6

Amehlo ami akwabathembekileyo bomhlaba ukuba bahlale nami; ohamba endleleni engenacala uyakungikhonza.

AmaHubo 112:1

Haleluya! Ubusisiwe umuntu omesabayo uJehova, othokoza kakhulu ngemithetho yakhe.

AmaHubo 128:1

Babusisiwe bonke abamesabayo uJehova, abahamba ngezindlela zakhe.

IzAga 11:20

Abanhliziyo ephambeneyo bayisinengiso kuJehova, kepha abapheleleyo endleleni yabo bayintokozo kuye.

IzAga 13:6

Ukulunga kuyamlondoloza ondlela yakhe iphelele, kepha ububi buyachitha isoni.

IzAga 29:18

Lapho kungekho mbono khona, abantu bayadlubulunda, kepha ogcina umthetho ubusisiwe.

UHezekeli 11:20

ukuba bahambe ngezimiso zami, bagcine izahlulelo zami, bazenze, babe ngabantu bami, mina ngibe nguNkulunkulu wabo.

Hoseya 14:9

Ngubani ohlakaniphile, aqonde lezi zinto; ngubani onomqondo, azazi, na? Ngokuba izindlela zikaJehova zilungile; abalungileyo bayakuhamba ngazo, kepha abaphambukayo bayakukhubeka ngazo.

NgokukaLuka 1:6

Babelungile bobabili phambi kukaNkulunkulu behamba ngayo yonke imiyalo nezimiso zeNkosi, bengasoleki.

NgokukaLuka 11:28

Kepha yena wathi: “Yebo, kodwa kakhulu babusisiwe abalizwa izwi likaNkulunkulu, balilondoloze.”

Johane 1:47

UJesu wabona uNathanayeli eza kuye, wathi ngaye: “Bheka, umIsrayeli uqobo okungekho nkohliso kuye.”

Johane 13:17

Uma nazi lokho, nibusisiwe uma nikwenza.

IzEnzo 24:16

Kulokhu nami ngiyazama ukuba njalo ngibe nonembeza ongenacala phambi kukaNkulunkulu nabantu.

2 kwabaseKorinte 1:12

Ngokuba ukuzibonga kwethu yilokhu, okungubufakazi bukanembeza wethu, ukuthi sahamba ezweni kakhulu maqondana nani ngobungcwele nangobuqotho bukaNkulunkulu, kungengokuhlakanipha kwenyama kodwa ngomusa kaNkulunkulu.

EkaJakobe 1:25

Kepha obukisisa emthethweni opheleleyo wenkululeko nohlala kuwo, engesiye ozwayo nje akhohlwe, kodwa engowenzayo asebenze, lowo uzakuba ngobusisiweyo ekwenzeni kwakhe.

IsAmbulo 22:14

“Babusisiwe abahlanza izingubo zabo ukuba bathole ilungelo labo emthini wokuphila, bangene emzini ngamasango.