UNumeri 35:19 - IsiZulu 2020

¹⁹ Umphindiseli wegazi lapho ehlangana nombulali uyakumbulala.

IBHAYIBHELI ELINGCWELE

¹⁹ Umphindiseli wegazi uyakumbulala umbulali uqobo lwakhe; lapho ehlangana naye, uyakumbulala.

Contemporary Zulu Bible 2024

¹⁹ Othanda igazi uyobulala umbulali; uma ehlangana naye, uzombulala.

UNumeri 35:19 Jak'a apnaqawi uñst'ayäwi

UGenesise 4:14

Bheka, namuhla usungixoshile emhlabeni, sengingumhambuma nozulane ezweni, ngethuswa wubala, noma ngubani ohlangana nami uzofuna ukungibulala.”

2 Samuweli 14:11

Wayesethi yena: “Inkosi ake ikhumbule uSimakade uNkulunkulu wayo ukuba umphindiseli wegazi angaqhubeki nokubulala, nokuthi bangayibulali indodana yami.” Yathi: “Ngifunga ngiyagomela phambi kukaSimakade, akukho nolulodwa unwele lwendodana yakho oluyakuwela phansi.”

2 Samuweli 14:7

Manje umndeni wonke usuvukele incekukazi yakho; uthi: ‘Letha lowo owabulala umfowabo ukuba simbulale naye ngenxa yomphefumulo womfowabo, siyakuyibhubhisa indlalifa.’ Bayakulicima kanjalo-ke ilahle lami eliseleyo, bangabe besayishiyela indoda yami igama nensali ebusweni bomhlaba.”

2 Samuweli 3:27

U-Abhineri esebuyele eHebhroni, uJowabe wambizela eceleni ngasesangweni ukuze akhulume naye ngasese. Wamgwaza esiswini wafela lapho, ngenxa yegazi lika-Asaheli umfowabo.

2 Samuweli 3:30

UJowabe no-Abhishayi, umfowabo, bambulala u-Abhineri, ngoba wayebulele umfowabo, u-Asaheli, empini eGibheyoni.

UNumeri 35:12

Kini iyokuba yimizi yokuphephela kumphindiseli, ukuze umbulali angafi engakemi phambi kwenhlangano, ahlulelwe.

UNumeri 35:18

Uma ephethe isikhali sokhuni amshaye ngaso, aze afe, ungumbulali; umbulali uyobulawa.

UNumeri 35:20

Noma ngubani okuthi ngokuzonda omunye bese emdudula noma amcuthele, amjikijele ngokuthile, afe,

UNumeri 35:21

noma ngobutha, amshaye ngesibhakela, aze afe; ungumbulali. Umphindiseli wegazi lapho ehlangana nombulali uyakumbulala.

UNumeri 35:24

inhlangano iyokwehlulela phakathi koshayileyo nomphindiseli wegazi, ilandela lezi zehlulelo.

UNumeri 35:27

aficwe ngumphindiseli wegazi ngaphandle kwemingcele yomuzi wokuphephela, bese umphindiseli embulala umbulali, akayukuba nacala legazi,

UDuteronomi 19:12

amalunga akulowo muzi ayothumela, alandwe lapho, amnikele esandleni somphindiseli wegazi ukuba abulawe.

UDuteronomi 19:6

Kungenzeka umphindiseli wegazi amlandele umbulali esagcwele intukuthelo enhliziyweni yakhe, amfice, ngoba umuzi ukude, amshaye aze afe, noma ebengafanele ukufa, lokhu ebengazange amzonde phambilini.

UJoshuwa 20:3

ukuze lowo obulala umuntu ngephutha engahlosile abalekele kuyo; iyokuba kini yindawo yokuphephela kumphindiseli wegazi.

UJoshuwa 20:5

Uma umphindiseli wegazi emlandela, ngeke neze amnikele kuye umbulali, ngokuba wambulala umakhelwane wakhe ngephutha, kwakungekho nzondo phakathi kwabo ngaphambilini.

AbAhluleli 8:19

UGideyoni wathi: “Ayengabafowethu, sizalwa mfazi munye nawo. Ngiyafunga ngithi ukuba nawasindisa, nami bengingeke nginibulale.”