UNumeri 28:1 - IsiZulu 2020

¹ USimakade wakhuluma kuMose, wathi:

IBHAYIBHELI ELINGCWELE

¹ UJehova wakhuluma kuMose, wathi:

Contemporary Zulu Bible 2024

¹ UJehova wakhuluma kuMose, wathi:

UNumeri 28:1 Jak'a apnaqawi uñst'ayäwi

1 iziKronike 23:31

ukunikela njalo kuSimakade, ngayo yonke iminikelo yokushiswa, ngamasabatha, ngokwethwasa kwenyanga, nangemikhosi emisiweyo, njengokubalula komthetho wabo phambi kukaSimakade.

2 iziKronike 2:4

Ngizokwakhela igama likaSimakade uNkulunkulu wami indlu, ukuba ngimngcwelisele yona, ngishise phambi kwakhe impepho enuka kahle, njalo kubekwe izinkwa zokubukwa, kunikelwe ngeminikelo yokushiswa ekuseni nakusihlwa ngamasabatha, ngokwethwasa kwenyanga, nangemikhosi emisiweyo kaSimakade uNkulunkulu wethu. Lokhu kungumthetho kwa-Israyeli kuze kube phakade.

2 iziKronike 23:18

UJehoyada wabeka abaphristi nabaLevi ukuba bagade indlu kaSimakade. UDavide wayebehlukanisele indlu kaSimakade ukuba banikele ngeminikelo yokushiswa kuSimakade, njengalokhu kulotshiwe emthethweni kaMose; bakwenze ngentokozo nangokuhuba, njengalokhu uDavide ayehlelile.

2 iziKronike 31:3

Isabelo senkosi emfuyweni yayo kwakuba ngesokwenza iminikelo yokushiswa, eyasekuseni neyakusihlwa, iminikelo yokushiswa yamasabatha, eyokwethwasa kwenyanga neyemikhosi emisiweyo, njengokulotshiweyo emthethweni kaSimakade.

2 iziKronike 8:13

njengalokhu kufanele, imihla ngemihla. Wayenikela njengokomyalo kaMose, ngamasabatha, ngokwethwasa kwenyanga, nangemikhosi emisiweyo. Wayenikela kathathu ngonyaka: ngomkhosi wesinkwa esingenamvubelo, ngomkhosi wamasonto, nangomkhosi wamadokodo.

U-Ezra 6:9

Noma yini abayidingayo: amaduna, izinqama, amawundlu abazokwenza ngakho iminikelo yokushiswa kuNkulunkulu wasezulwini, nokolo, usawoti, iwayini, namafutha, njengokusho kwabaphristi abaseJerusalema, mabanikwe lokho nsuku zonke, kungaphuthi,

UNehemiya 10:33

eyosetshenziselwa ukubhaka isinkwa esibekwa ethempelini, neminikelo yansuku zonke yokusanhlamvu neyokushiswa, neminikelo yangeSabatha, nemikhosi yokwethwasa kwenyanga, neminye imikhosi emisiweyo, neminikelo yesono eyenzelwa inhlawulo yezono zika-Israyeli, nawo wonke umsebenzi wasendlini kaNkulunkulu wethu.

U-Isaya 1:13

Khawulani ukungilethela iminikelo engasho lutho; impepho iyisinengiso kimi. Imikhosi yenu yokwethwasa kwenyanga namasabatha, nokubiza imihlangano; anginakuyibekezelela imihlangano yenu emibi.

UHezekeli 44:24

“ ‘Kuyakuthi uma kunombango, basukume ukuba behlulele. Bayakwehlulela ngokwezehlulelo zami, bagcine imithetho yami nezimiso zami emikhosini yonke yami, futhi balingcwelise isabatha lami.

UHezekeli 45:17

Kuyakuba ngumsebenzi wesikhulu ukunikela ngeminikelo yokushiswa, iminikelo yokusanhlamvu, iminikelo yokuphuzwayo emikhosini, ekwethwaseni kwenyanga nangamasabatha, emikhosini yonke emisiweyo yendlu yakwa-Israyeli. Isikhulu siyakuletha umnikelo wesono, umnikelo wokusanhlamvu, umnikelo wokushiswa neminikelo yokuthula, ukuba kwenzelwe indlu yakwa-Israyeli ukubuyisana.

UHezekeli 46:11

“ ‘ “Emikhosini nasemihlanganweni emisiweyo, umnikelo wokusanhlamvu uyakuba yi-efa ngenkunzi ne-efa ngenqama; ngamawundlu, kube ngangamandla aso, nehini lamafutha nge-efa.

ULevitikusi 9:15

Wayeseletha umnikelo wabantu, wathatha impongo yomnikelo wesono ongowabantu, wayihlaba, wabahlanza ngayo, njengaphambilini.

UNumeri 27:23

Wabeka izandla zakhe phezu kwakhe, wamgunyaza, njengalokhu uSimakade ayemyalile uMose.

UNumeri 28:2

“Yala abantu bakwa-Israyeli, uthi kubo: ‘Anoqikelela ukuba umnikelo wami, isinkwa sami seminikelo yami yomlilo yephunga elimnandi kimi, ninikele ngawo kimi ngesikhathi sawo.’

UNumeri 7:15

iduna, inqama, nemvu yeduna enonyaka, ukuze kube ngumnikelo wokushiswa,

KwabaseGalathiya 4:10

Senigcina izinsuku, izinyanga nezikhathi, neminyaka.

KwabaseKolose 2:16

Ngakho-ke makungabi bikho muntu onehlulela ngokudla, nangokuphuzwayo, noma ngemikhosi, noma ngokwethwasa kwenyanga noma ngamasabatha,