UNumeri 21:6 - IsiZulu 2020

⁶ USimakade wathumela izinyoka ezinesihlungu phakathi kwabantu bakwa-Israyeli, zabaluma, kwafa abantu abaningi kwa-Israyeli.

IBHAYIBHELI ELINGCWELE

⁶ UJehova wathuma izinyoka ezinesihlungu phakathi kwabantu, zabaluma abantu; abantu abaningi bakwa-Israyeli bafa.

Contemporary Zulu Bible 2024

⁶ INkosi yasithuma izinyoka ezinesihlungu phakathi kwabantu, zabaluma abantu; kwafa abantu abaningi bakwa-Israyeli.

UNumeri 21:6 Jak'a apnaqawi uñst'ayäwi

U-Isaya 14:29

Ungathokozi wena Filistiya namaphethelo, ngokuthi intonga ekushayileyo yephukile, ngokuba esiqwini senyoka kuyophuma ibululu, nenzalo yalo ibe yinkanyamba endizayo.

U-Isaya 30:6

Isiphrofetho maqondana nezilwane zaseNegevu. Badabula ezweni losizi nenhlupheko, elebhubesi nebhubesikazi, elebululu nenkanyamba; umcebo wabo bawethwesa izimbongolo, ingcebo yabo bayibeka emalundeni amakameli, bayiyisa kubantu abangenakubasiza ngalutho.

UJeremiya 8:17

“Bheka, ngizothumela phakathi kwenu izinyoka, izinyoka ezinesihlungu esibi, ezingenakulunjwa; ziyoniluma,” kusho uSimakade.

UHezekeli 14:15

“Uma ngithumela izilwane zasendle ezweni ukuba zilenze lingabi nabantwana, libe yincithakalo, kungadluli umuntu kulo ngenxa yezilwane,

1 kwabaseKorinte 10:9

Masingamlingi uKhristu njengokuba abanye babo bamlinga, babhujiswa yizinyoka.

UDuteronomi 8:15

wakuhola ehlane elikhulu nelesabekayo elinezinyoka ezinesihlungu nofezela nomhlabathi owomileyo, lapho kwakungekho manzi khona; wakuvezela amanzi edwaleni lensengetsha.