ULevitikusi 2:3 - IsiZulu 2020

³ Okuseleyo emnikelweni wokusanhlamvu kuyakuba ngokuka-Aroni namadodana akhe, kuyingxenye yeminikelo yomlilo kaSimakade engcwelengcwele.

IBHAYIBHELI ELINGCWELE

³ okuseleyo komnikelo wempuphu kuyakuba ngokuka-Aroni nokwamadodana akhe; kungcwelengcwele eminikelweni yomlilo kaJehova.

Contemporary Zulu Bible 2024

³ Okuseleyo komnikelo womlilo kuyakuba ngokuka-Aroni namadodana akhe; kuyingcwelengcwele yeminikelo yomlilo kaJehova.

ULevitikusi 2:3 Jak'a apnaqawi uñst'ayäwi

U-Ezra 2:63

Umbusi wabatshela ukuthi bangakudli okungcwelengcwele, kuze kuvele umphristi one-Urimi neThumimi.

UEksodusi 29:37

I-althare uyolenzela ukubuyisana izinsuku eziyisikhombisa, ulingcwelise, libe ngcwele kakhulu, ukuze kuthi konke okulithintayo nakho kube ngcwele.”

UHezekeli 44:29

Bayakudla umnikelo wokusanhlamvu, umnikelo wesono, nomnikelo wecala, konke lokho okwehlukanisiweyo kwa-Israyeli kuyakuba ngokwabo.

UHezekeli 46:20

Wathi kimi: “Nansi-ke indawo lapho abaphristi beyakuphekela khona umnikelo wecala nomnikelo wesono, futhi babhakele lapho umnikelo wokusanhlamvu, ukuze bangawukhipheli egcekeni elingaphandle, bangcwelise abantu.”

ULevitikusi 10:15

Mabalethe umlenze wokuzungeziswa, nesifuba sokuzungeziswa, neminikelo yomlilo yamanoni ukuba bakuzungezise, kube ngumnikelo wokuzungeziswa phambi kukaSimakade. Kuyoba ngokwakho nokwamadodana akho, kuyisabelo senu saphakade, njengalokhu uSimakade eyalile.”

ULevitikusi 14:13

Uyoyihlaba imvu yeduna lapho kuhlatshelwa khona umnikelo wesono nomnikelo wokushiswa, endaweni engcwele, ngokuba umnikelo wecala njengomnikelo wesono, ungowomphristi; ungcwelengcwele.

ULevitikusi 2:10

Okusale emnikelweni wokusanhlamvu kuyokuba ngokuka-Aroni namadodana akhe; kungcwelengcwele eminikelweni yomlilo kaSimakade.

ULevitikusi 21:22

Uyakusidla isinkwa sikaNkulunkulu wakhe esingcwelengcwele nesingcwele.

ULevitikusi 5:13

Umphristi uyakumenzela ukubuyisana mayelana nesono sakhe asenze kunoma yiyiphi kulezo zinto, athethelelwe; okuseleyo kube ngokomphristi, kungumnikelo wokusanhlamvu.’ ”

ULevitikusi 6:26

Umphristi onikela umnikelo wesono, uyowudla endaweni engcwele, egcekeni lethende lokuhlangana.

ULevitikusi 6:9

“Yala u-Aroni namadodana akhe, uthi: ‘Nansi indlela engumthetho wokwenza umnikelo wokushiswa: umnikelo wokushiswa uyakuhlala e-althare ubusuku bonke kuze kube ngakusasa, umlilo ose-althare uhlale njalo uvutha.

ULevitikusi 7:7

“ ‘Uma kwenziwa umnikelo wesono njengomnikelo wecala kuyolandelwa indlela yomthetho efanayo; umphristi owenza ukubuyisana ngawo kuyoba ngowakhe.

ULevitikusi 7:9

Yonke iminikelo yokusanhlamvu ebhakwe kuhhavini, naleyo elungiselwe okhambeni nasemqengeleni ombozwayo iyakuba ngeyomphristi onikele ngayo.

UNumeri 18:9

Lokhu kuyakuba ngokwenu ezintweni ezingcwelengcwele ezisale emlilweni, kuyo yonke iminikelo yabo, nakuyo yonke iminikelo yabo yokusanhlamvu, nakuyo yonke iminikelo yabo yesono, nayo yonke iminikelo yabo yecala abayonikela ngayo kimi, iyoba ngcwelengcwele kuwe nakumadodana akho.

1 Samuweli 2:28

Ngamkhetha kuzo zonke izizwana zakwa-Israyeli ukuba abe ngumphristi wami, anikele e-althare lami, ashise impepho kulo, embathe ingubo yamahlombe phambi kwami, ngayinika indlu kayihlo yonke iminikelo yomlilo yabantu bakwa-Israyeli.