UGenesise 2:7 - IsiZulu 2020

⁷ USimakade uNkulunkulu wabumba umuntu ngomhlabathi, wayesemphefumulela ngomoya wokuphila emakhaleni, umuntu waba yisidalwa esiphilayo.

IBHAYIBHELI ELINGCWELE

⁷ UJehova uNkulunkulu wambumba umuntu ngomhlabathi, waphefumulela emakhaleni akhe umoya wokuphila; kanjalo umuntu waba umphefumulo ophilayo.

Contemporary Zulu Bible 2024

⁷ INkosi uNkulunkulu yabumba umuntu ngothuli lomhlaba, yaphefumulela emakhaleni akhe umoya wokuphila; umuntu waba ngumphefumulo ophilayo.

UGenesise 2:7 Jak'a apnaqawi uñst'ayäwi

UGenesise 1:27

UNkulunkulu wamdala umuntu waba ngumfanekiso wakhe, wamenza ukuba afuze Yena, wabadala owesilisa nowesifazane,

UGenesise 2:6

Kepha kwakuqubuka amanzi evela phansi komhlaba awuswakamise wonke umhlabathi.

UGenesise 3:19

Uyokujulukela ukudla oyokudla, uze ubuyele emhlabathini owathathwa kuwo, njengoba uwuthuli, uyobuyela othulini.”

UGenesise 3:23

USimakade uNkulunkulu wayesemxosha umuntu ensimini yase-Edeni, wamkhipha ukuba ayolima umhlabathi ayebunjwe ngawo.

UGenesise 7:22

Konke okuphefumulayo okwakusezweni, kwafa.

UJobe 27:3

inqobo nje uma ngisaphefumula, nomoya kaNkulunkulu usesemakhaleni ami,

UJobe 33:4

UMoya kaNkulunkulu ungenzile, nokuphefumula kukaSomandla kunginika ukuphila.

UJobe 33:6

Bheka, phambi kukaNkulunkulu ngifana nawe nje, nami ngibunjwe ngodongwe.

UJobe 4:19

Kakhulu kangakanani-ke labo abahlezi ezindlini zodaka, abasisekelo sabo sisothulini, abachotshozwa njengenundu na?

AmaHubo 100:3

Yazini ukuthi uSimakade unguNkulunkulu; nguYena osidalileyo, asizidalanga thina, singabantu bakhe, nezimvu zedlelo lakhe.

AmaHubo 103:14

Ngokuba uyazi ukuthi sibunjwe kanjani, uyakhumbula ukuthi siluthuli nje.

IzAga 20:27

Isibani sikaSimakade sihlola umoya womuntu; siphenyisisa izibilini zomuntu.

UmShumayeli 12:7

uthuli lubuyele emhlabathini, njengoba lwalunjalo, umphefumulo ubuyele kuNkulunkulu owawuvele kuye.

UmShumayeli 3:7

isikhathi sokudabula, nesikhathi sokuthunga; isikhathi sokuthula, nesikhathi sokukhuluma;

U-Isaya 2:22

Bayekeni abantu abamphefumulo usemakhaleni abo, ngokuba bayini nje nempela?

U-Isaya 64:8

Kodwa manje, Simakade, unguBaba, thina siyibumba, Wena ungumbumbi wethu, sonke singumsebenzi wesandla sakho.

IsiLilo 4:20

Ogcotshiweyo kaSimakade, ongukuphila nomphefumulo wethu, wakhalakathela emigodini yabo, esathi ngaye: “Uyoba ngumthunzi wethu wokukhosela phakathi kwezizwe.”

UHezekeli 37:5

Isho kanje iNkosi uSimakade kulawa mathambo, ithi: Bhekani, ngiyakufaka umoya kini, niphile.

UHezekeli 37:6

Ngiyakubeka imisipha phezu kwenu, ngihlumise inyama phezu kwenu, nginimboze ngesikhumba, ngifake umoya kini, niphile, niyakukwazi ukuthi nginguSimakade.’ ”

UZakariya 12:1

Isiphrofetho. Izwi likaSimakade ngo-Israyeli. USimakade wendlale izulu, wabeka isisekelo somhlaba, wabumba umoya womuntu ezibili zakhe, uthi:

UNumeri 16:22

UMose no-Aroni bawa bathi mbo ngobuso phansi, bathi: “Nkulunkulu! Nkulunkulu! Mthombo wokuphila konke, usuzothukuthelela yonke inhlangano ngenxa yesono somuntu oyedwa nje?”

UNumeri 27:16

“USimakade, uNkulunkulu wemimoya yonke, makamise umuntu phezu kwenhlangano,

Johane 20:22

Esekushilo lokho, wabaphephetha, wathi kubo: “Yamukelani uMoya oNgcwele.

IzEnzo 17:25

futhi akakhonzwa ngezandla zabantu, kube sengathi udinga utho oluthile. NguYena obapha ukuphila nokuphefumula nakho konke.

KwabaseRoma 9:20

Maye, muntu ndini! Ungubani-ke wena ukuba uqagulisane noNkulunkulu na? Okubunjiweyo kungasho yini kumbumbi ukuthi: “Wangenzelani ngaba njena na?”

1 kwabaseKorinte 15:45

Kulotshiwe futhi ukuthi umuntu wokuqala u-Adamu waba ngumuntu ophilayo. U-Adamu wokugcina waba ngumoya ophilisayo.

1 kwabaseKorinte 15:47

Umuntu wokuqala wavela emhlabeni, enziwe ngomhlabathi; umuntu wesibili uvela ezulwini.

2 kwabaseKorinte 4:7

Kepha le ngcebo sinayo ezitsheni zebumba, ukuze ubukhulu bamandla obukhulu kakhulu bube ngobukaNkulunkulu, hhayi obuvela kithi.

2 kwabaseKorinte 5:1

Ngokuba siyazi ukuthi uma idokodo eliyindlu yethu yasemhlabeni lidilizwa, thina sinesakhiwo esivela kuNkulunkulu, indlu engenziwanga ngezandla, engeyaphakade, esezulwini.

1 kuThimothewu 2:13

Ngokuba u-Adamu wabunjwa kuqala, kwase kulandela u-Eva,

KumaHeberu 12:9

Futhi-ke sasinobaba bethu begazi ababesiyala, futhi sibahlonipha. Pho singemthobele ngani kakhulu uYise wawomoya kunobaba, siphile na?