AmaHubo 27:14 - IsiZulu 2020

¹⁴ Lindela uSimakade, uqine, inhliziyo yakho ime isibindi. Yebo, lindela uSimakade.

IBHAYIBHELI ELINGCWELE

¹⁴ Lindela uJehova, uqine, inhliziyo yakho ime isibindi; yebo, lindela uJehova.

Contemporary Zulu Bible 2024

¹⁴ Lindela uJehova, ube nesibindi, uyakuqinisa inhliziyo yakho; lindelani uJehova.

AmaHubo 27:14 Jak'a apnaqawi uñst'ayäwi

UGenesise 49:18

Nkulunkulu, ngiyilindele ngokulangazelela insindiso yakho.

AmaHubo 130:5

Ngizolindela uSimakade, umphefumulo wami uzolinda, ngiyalethemba izwi lakhe.

AmaHubo 138:3

Ngosuku engakhala ngalo, wangiphendula; waqinisa umoya wami, ngaba namandla.

AmaHubo 25:21

Ukulunga nobuqotho makungilondoloze, ngokuba ngethembele kuwe.

AmaHubo 25:3

Impela, akuyukujabha noyedwa kwabathembele kuwe; mabajabhe labo abaphambuka ngeze.

AmaHubo 31:24

Qinani, inhliziyo yenu ime isibindi, nina nonke enethembela kuSimakade.

AmaHubo 33:20

Umphefumulo wethu ulindele uSimakade; uwusizo lwethu nesihlangu sethu.

AmaHubo 37:34

Lindela uSimakade, ugcine indlela yakhe, Yena uzokuphakamisa udle ifa lomhlaba, uyobona lapho sebebhujiswa ababi.

AmaHubo 37:7

Thula phambi kukaSimakade, umlindele ngesineke; ungakhathazeki ngonempumelelo endleleni yakhe, ngomuntu oceba amacebo amabi.

AmaHubo 40:1

Ngamlinda ngesineke uSimakade, wayesephendukela ngakimi, wakuzwa ukunxusa kwami.

AmaHubo 62:1

Mphefumulo wami, thula, ulindele uNkulunkulu kuphela, ngokuba insindiso yami ivela kuye.

AmaHubo 62:5

Mphefumulo wami, thula, ulindele uNkulunkulu kuphela, ngokuba ithemba lami livela kuye.

IzAga 20:22

Ungasho uthi: “Ngiyakuphindisela okubi;” lindela uSimakade, uyakukusindisa.

U-Isaya 25:9

Kuyothiwa ngalolo lusuku: “Bheka, lo unguNkulunkulu wethu; simlindele, futhi uyakusisindisa, sisinde. Masijabule, sithokoze ngensindiso yakhe.”

U-Isaya 26:8

Simakade siyakulindela endleleni yezehlulelo zakho. Umphefumulo wami ulangazelela igama lakho, nezikhumbuzo zakho.

U-Isaya 30:18

Ngalokho uSimakade ulindele ukuba abe nomusa kini; ngalokho uyakuphakama abe nesihawu kini, ngokuba uSimakade unguNkulunkulu wobulungiswa; babusisiwe bonke abamlindelayo.

U-Isaya 40:31

kepha abamethembayo uSimakade bayakuthola amandla amasha, bayakukhuphuka ngamaphiko njengezinkozi, bagijime bengakhathali, bahambe bengapheli amandla.

U-Isaya 8:17

Ngiyokumlindela uSimakade ositheze ubuso bakhe kuyo indlu kaJakobe, ngimlindele ngokwethemba.

IsiLilo 3:26

Kuhle ukulindela ngokuthula ukusindisa kukaSimakade.

UHabakuki 2:3

Ngokuba umbono usalokhu ungowesikhathi esinqunyiweyo, uyakushesha ufike esiphethweni, awuyukukhohlisa; nakuba uyakubambezeleka, ulinde, ngokuba impela uyakufika, awuyukwephuza.

NgokukaLuka 2:25

Kwakukhona umuntu eJerusalema, ogama lakhe kunguSimeyoni. Lo muntu wayelungile, futhi emesaba uNkulunkulu, elindele induduzo ka-Israyeli, uMoya oNgcwele wayephezu kwakhe.

NgokukaLuka 2:38

Naye-ke wafika ngaleso sikhathi, wamtusa uNkulunkulu, wabatshela ngaye bonke ababebheke ukukhululwa kweJerusalema.

IzEnzo 28:15

Kuthe abazalwane sebezwile ngathi basuka khona, beza kithi bezosihlangabeza, baze bafika e-Aphiyo Foru naseThresi Thaberne. Kwathi ebabona uPawula, wabonga uNkulunkulu, wama isibindi.

KwabaseRoma 8:25

Kepha uma sithemba lokho esingakuboniyo, siyakulindela ngokubekezela.

1 kwabaseKorinte 16:13

Lindani, nime niqinile ekukholweni, nime isibindi, nibe namandla.

Kwabase-Efesu 3:16

ukuba ngokwengcebo yenkazimulo yakhe aninike ukuba niqiniswe emandleni kumuntu wangaphakathi ngoMoya wakhe.

Kwabase-Efesu 6:10

Elokugcina, qinani eNkosini nasemandleni ayo amakhulu.

KwabaseFilipi 4:13

Ngingakwenza konke ngaye ongiqinisayo.

KwabaseKolose 1:11

niqiniswe ngokuqiniswa konke ngokwamandla enkazimulo yakhe, ukuze nikwazi ukuqinisela kukho konke, nibekezela ngokujabula,