AmaHubo 138:3 - IsiZulu 2020

³ Ngosuku engakhala ngalo, wangiphendula; waqinisa umoya wami, ngaba namandla.

IBHAYIBHELI ELINGCWELE

³ Ngosuku engakhala ngalo wangiphendula; wangiqunga isibindi, wangipha amandla emphefumulweni wami.

Contemporary Zulu Bible 2024

³ Ngosuku engamemeza ngalo, wangiphendula, wangiqinisa ngamandla emphefumulweni wami.

AmaHubo 138:3 Jak'a apnaqawi uñst'ayäwi

AmaHubo 18:6

Ekuhluphekeni kwami ngakhala kuSimakade, ngakhala, uNkulunkulu walizwa izwi lami esethempelini lakhe; ukukhala kwami, kwafinyelela ezindlebeni zakhe.

AmaHubo 27:14

Lindela uSimakade, uqine, inhliziyo yakho ime isibindi. Yebo, lindela uSimakade.

AmaHubo 28:7

USimakade ungamandla ami, nesihlangu sami, inhliziyo yami yethembele kuye, yingakho ngisizakele, inhliziyo yami iyethaba. Ngizomdumisa ngehubo lami.

AmaHubo 29:11

USimakade uzokupha abantu bakhe amandla. USimakade uzobusisa isizwe sakhe ngokuthula.

AmaHubo 34:7

Ingelosi kaSimakade ikanisa nxazonke kulabo abamesabayo, ibakhulule.

AmaHubo 63:8

Umphefumulo wami ubambelele kuwe, esokunene sakho singisekele.

U-Isaya 12:2

UNkulunkulu uyinsindiso yami; ngiyakumethemba, angiyukwesaba, ngokuba uSimakade, Yena ungamandla ami nezikhwepha zami; uyinsindiso yami.”

U-Isaya 41:10

Ungesabi, ngokuba Mina nginawe; ungabi naluvalo, ngokuba Mina nginguNkulunkulu wakho; ngiyakuqinisa, futhi ngiyakusiza, yebo, ngiyakusekela ngesandla sokunene sokulunga kwami.

U-Isaya 65:24

Kuyakuthi bengakangibizi, ngibaphendule; besakhuluma, ngiyokuzwa.

IsiLilo 3:57

Lapho ngikubiza, ngicela usizo, weza kimi, wathi: “Ungesabi.”

UDaniyeli 10:18

Wabuye wangithinta obonakala njengomuntu, wangiqinisa.

UDaniyeli 10:19

Wathi: “Ungesabi, muntu othandekayo; ukuthula makube kuwe; qina, yebo, mawuqine.” Lapho ekhuluma kimi, ngaqiniswa, ngathi: “Mayikhulume inkosi yami, ngokuba ungiqinisile.”

UZakariya 10:12

Ngiyakubaqinisa kuSimakade; bahambe egameni lakhe,” kusho uSimakade Wamabandla.

Kwabase-Efesu 3:16

ukuba ngokwengcebo yenkazimulo yakhe aninike ukuba niqiniswe emandleni kumuntu wangaphakathi ngoMoya wakhe.

Kwabase-Efesu 6:10

Elokugcina, qinani eNkosini nasemandleni ayo amakhulu.

KwabaseFilipi 4:13

Ngingakwenza konke ngaye ongiqinisayo.

KwabaseKolose 1:11

niqiniswe ngokuqiniswa konke ngokwamandla enkazimulo yakhe, ukuze nikwazi ukuqinisela kukho konke, nibekezela ngokujabula,

1 kaPetru 5:10

Kepha uNkulunkulu womusa wonke owanibizela enkazimulweni yakhe yaphakade ngoKhristu, emva kokuhlupheka isikhashana, Yena luqobo uyakunihlumelela, anisekele, aniqinise, animise nisimeme.

1 Samuweli 30:6

UDavide wayekhathazekile kakhulu, ngoba abantu base bebhunga ngokumkhanda ngamatshe, lokhu izinhliziyo zabo bonke abantu zazinomunyu, ngenxa yamadodana namadodakazi abo. Kepha uDavide wathola amandla kuSimakade uNkulunkulu wakhe.