AmaHubo 116:5 - IsiZulu 2020

⁵ USimakade unomusa, ulungile, uNkulunkulu wethu unobubele.

IBHAYIBHELI ELINGCWELE

⁵ Unomusa uJehova, ulungile; uNkulunkulu wethu unobubele.

Contemporary Zulu Bible 2024

⁵ UJehova ulesihawu futhi ulungile; yebo, uNkulunkulu wethu ulesihawu.

AmaHubo 116:5 Jak'a apnaqawi uñst'ayäwi

U-Ezra 9:15

Simakade Nkulunkulu ka-Israyeli, Wena ulungile, kodwa thina usiphunyukisile, sasala sayinsali njengoba kunje namuhla. Siphambi kwakho necala lethu, nakuba kungekho namunye ongama phambi kwakho ngenxa yalokho.”

UNehemiya 9:17

Benqaba ukukulalela, abaze bazikhumbula izimangaliso owazenza phakathi kwabo, kepha baqinisa amakhanda, bazimisela ukubuyela ebugqileni. Kodwa Wena unguNkulunkulu othethelelayo; onomusa nesihe, uyephuza ukuthukuthela, ugcwele isihawu, ngakho-ke awuzange ubalahle,

UNehemiya 9:31

Nokho ngomusa wakho omkhulu, awubabhubhisanga, futhi awubalahlanga, ngokuba unguNkulunkulu onesihawu nomusa.

UNehemiya 9:33

Nokho bewufanele ukusehlisela zonke lezo zinto; wenze okulungileyo, thina senza okubi.

UNehemiya 9:8

Wayithola inhliziyo yakhe yethembekile kuwe, wenza isivumelwano naye, wethembisa ukwabela abozalo lwakhe izwe lamaKhanani, amaHithi, ama-Amori, amaPherizi, amaJebusi namaGirigashi, wakufeza owawukwethembisile ngokuba ulungile.”

AmaHubo 103:8

USimakade unobubele nesihawu, uyephuza ukuthukuthela, uvame umusa.

AmaHubo 112:4

Ukukhanya kuyovela ebumnyameni kwabalungileyo: Yena unomusa, nobubele nokulunga.

AmaHubo 115:1

Ayingabi kithina Simakade, ayingabi kithina, kodwa yinike igama lakho inkazimulo, ngenxa yomusa wakho neqiniso lakho.

AmaHubo 119:137

Wena Simakade ulungile; izehlulelo zakho ziqotho.

AmaHubo 145:17

USimakade ulungile ezindleleni zakhe zonke, unomusa emisebenzini yakhe yonke.

AmaHubo 86:15

Wena Nkosi unguNkulunkulu ohawukelayo, unomusa nokubekezela, uvame ubumnene nokwethembeka.

AmaHubo 86:5

Wena, Nkosi umuhle, ungothethelelayo, unomusa omkhulu kubo bonke abakhala kuwe.

U-Isaya 45:21

Kumemezeleni, nikuveze; yebo, mabaxoxe. Ngubani owakubikezela lokhu endulo, wakumemezela esikhathini sasemandulo na? AkusiMina Simakade na? Akekho uNkulunkulu ngaphandle kwami, uNkulunkulu olungileyo noMsindisi, akekho ngaphandle kwami.

UJeremiya 12:1

Wena, Simakade, ulungile, noma ngikumangalela. Nokho ngiyakukhuluma nawe ngokwehlulela: kungani indlela yezikhohlakali ichuma na? Kungani banethezeke abakhohlisi boqobo na?

UDaniyeli 9:14

USimakade uyilungiselele inhlekelele, wayeseyehlisela kithi, ngokuba uSimakade uNkulunkulu wethu ulungile emisebenzini yakhe yonke ayenzayo, kodwa asililalelanga izwi lakhe.

UDaniyeli 9:7

“Kuwena Nkosi kukhona ukulunga, kepha thina sinamahloni njenganamuhla: kubantu bakwaJuda, nezakhamuzi zaseJerusalema, nakuye wonke u-Israyeli, abaseduze nabakude, kuwo onke amazwe obahlakazele kuwo ngenxa yezeqo zabo abeqe ngazo kuwe.

UDaniyeli 9:9

Kepha kuyo iNkosi, uNkulunkulu wethu, kukhona umusa nokuthethelela, ngokuba simhlubukile,

Kwabase-Efesu 2:4

Kepha uNkulunkulu ecebile ngesihawu, nangenxa yothando lwakhe olukhulu asithanda ngalo,

1 kuThimothewu 1:14

Kepha umusa weNkosi yethu wachichima nokukholwa kanye nothando olukuKhristu uJesu.

1 kaJohane 1:9

Kepha uma sizivuma izono zethu, uthembekile, ulungile ukuba asithethelele izono, asihlambulule kukho konke ukungalungi.