AbAhluleli 16:5 - IsiZulu 2020

⁵ Amakhosi amaFilisti akhuphukela kuye, athi: “Yenga uSamsoni, uthole ukuthi yini amandla akhe emakhulu kangaka, nokuthi singamehlula kanjani ukuze simbophe, simnqobe; siyakukunika ngamunye izinhlamvu zesiliva eziyi-1 100.”

IBHAYIBHELI ELINGCWELE

⁵ Amakhosi amaFilisti enyukela kuye, athi kuye: “Myenge, ubone ukuthi amandla akhe amakhulu aphi nokuthi singamahlula ngani ukuba simbophe, simnqobe; siyakukunika, kube yilowo nalowo, izinhlamvu eziyinkulungwane nekhulu zesiliva.”

Contemporary Zulu Bible 2024

⁵ Zase zifika kuye izikhulu zamaFilisti, zathi kuye: “Mlinge, ubone ukuthi amandla akhe amakhulu akuphi, nokuthi singamehlula kanjani, ukuze simbophe, simcindezele; siyakukunika, kube yilowo nalowo amashekeli esiliva ayishumi nekhulu.

AbAhluleli 16:5 Jak'a apnaqawi uñst'ayäwi

UGenesise 33:16

Ngalolo lusuku u-Esawu waphindela emuva, wabamba indlela ebheke eSeyiri.

UMikha 7:3

Izandla zabo zenza kahle okubi. Isikhulu sinesicelo, umehluleli ubheka umfumbathiso; omkhulu ukhuluma ngesifiso somphefumulo wakhe; benze itulo ngalokho.

Mathewu 26:15

wathi: “Niyakunginika ini, uma ngimkhaphela kini na?” Base bemkalela, bamnika izinhlamvu zesiliva ezingama-30.

UJoshuwa 13:3

kusuka eShihori elisempumalanga yeGibhithe kuya enyakatho emngceleni we-Ekhroni, elaziwa ngokuthi yiKhanani; kunababusi abayisihlanu bamaFilisti, abaseGaza, e-Ashidodi, e-Ashikeloni, e-Githi, nase-Ekhroni, nalabo base-Avimu ngasenyakatho,

AbAhluleli 14:15

Ngosuku lwesikhombisa zathi kumkaSamsoni: “Mnxenxe umyeni wakho ukuba asichazele imfumbe, kungenjalo sizokushisa ngomlilo wena nendlu kayihlo. Ngabe usimemele lapha ukuba nizosiphundla sibe mpofu, akunjalo na?”

AbAhluleli 16:4

Emveni kwalokho wathanda owesifazane wasesigodini iSoreki, igama lakhe kunguDelila.

AbAhluleli 16:6

UDelila wathi kuSamsoni: “Ake ungitshele ukuthi yini ekwenza ube namandla amakhulu kangaka, nokuthi ungaboshwa kanjani ukuze unqotshwe, na?”

AbAhluleli 17:2

Wathi kunina: “Izinhlamvu zesiliva eziyi-1 100 ezathathwa kuwe, waqalekisa ngenxa yazo, ngikuzwa; uyabona-ke, lelo siliva likimi, yimi engalithatha.” Unina wathi: “Sengathi indodana yami ingabusiswa nguSimakade!”

AbAhluleli 3:3

Kwakuyilezi izizwe: amakhosi ayisihlanu amaFilisti, nawo wonke amaKhanani, amaSidoni, amaHivi ayehlala entabeni iLebhanoni, kusukela entabeni iBhali Hermoni kuze kube seHamathi.

1 Samuweli 29:6

U-Akhishi wambiza uDavide, wathi kuye: “Ngifunga ngiyagomela phambi kukaSimakade, wena uqotho; ngikubone kukuhle emehlweni ami ukuba uphume futhi ubuye nami empini, ngokuba angifumananga bubi kuwe kusukela ngosuku owafika ngalo kimi kuze kube namuhla, kodwa amakhosi awakuboni kukuhle ukuba uhambe nathi.