2 Samuweli 23:3 - IsiZulu 2020

³ UNkulunkulu ka-Israyeli ukhulumile, iDwala lika-Israyeli lathi kimi: ‘Obusa abantu ngokulunga, abuse ngokwesaba uNkulunkulu,

IBHAYIBHELI ELINGCWELE

³ UNkulunkulu ka-Israyeli wathi, iDwala lika-Israyeli lakhuluma kimi ukuthi: ‘Obusa abantu ngokulunga, abuse ngokumesaba uNkulunkulu,

Contemporary Zulu Bible 2024

³ UNkulunkulu kaIsrayeli wathi: Idwala likaIsrayeli lakhuluma kimi, lathi: Obusa abantu uzakuba ngolungileyo, abuse ngokumesaba uNkulunkulu.

2 Samuweli 23:3 Jak'a apnaqawi uñst'ayäwi

UGenesise 33:20

Wakha i-althare lapho, walibiza ngokuthi yi-Eli Elohe Israyeli.

2 Samuweli 22:32

“Ngubani onguNkulunkulu ngaphandle kukaSimakade, ngubani oyidwala ngaphandle kukaNkulunkulu wethu na?

2 Samuweli 8:15

UDavide wabusa wonke u-Israyeli, wenzela bonke abantu bakhe ubulungiswa nokulungileyo.

1 AmaKhosi 10:9

Makabongwe uSimakade uNkulunkulu wakho okwenamele wakubeka esihlalweni sobukhosi sakwa-Israyeli, ngokuba uSimakade wamthanda u-Israyeli kuze kube phakade, ngalokho wakubeka ukuba ube yinkosi ukuze wenze ukwehlulela nokulunga.”

UNehemiya 5:14

Kusukela ngosuku inkosi u-Arithahishashitha eyangibeka ngalo ngaba ngumbusi wabo ezweni lakwaJuda, ngonyaka wama-20 wokubusa kwayo, kuze kube ngunyaka wama-32, okuyiminyaka eli-12 isiyonke, mina nabafowethu asidlanga sabelo sombusi.

UJobe 34:17

Imbala ozonda ubulungiswa uyakubusa yini na? Uyakumlahla yini olungileyo nonamandla,

AmaHubo 110:2

USimakade eseZiyoni uyakuyelula intonga yamandla akho, Wena busa phakathi kwezitha zakho.

AmaHubo 42:9

Ngizakuthi kuNkulunkulu, iDwala lami: “Ungikhohlweleni na? Ngihambelani ngilila, ngicindezelwe yisitha na?”

AmaHubo 72:1

Nkulunkulu, yipha inkosi ubulungiswa nenkosana ukulunga kwakho.

AmaHubo 72:2

Iyokwehlulela isizwe sakho ngeqiniso, nabampofu bakho, ngobulungiswa.

UEksodusi 18:21

Zifunele phakathi kwabo amadoda ahloniphekile, amesabayo uNkulunkulu, amadoda athembekile, akuzondayo ukuthola inzuzo ngokungalungile, uwabeke abe yizinduna zezinkulungwane, zamakhulu, zama-50, nezeshumi.

UEksodusi 20:2

“NginguSimakade uNkulunkulu wakho owakukhipha eGibhithe, indlu yobugqila.

UEksodusi 3:15

UNkulunkulu wabuye wathi kuMose: “Uyakusho kubantu bakwa-Israyeli uthi: ‘USimakade uNkulunkulu woyihlo, uNkulunkulu ka-Abhrahama, uNkulunkulu ka-Isaka, noNkulunkulu kaJakobe ungithumile kini.’ Leli yigama lami kuze kube phakade, engiyakukhunjulwa ngalo ezizukulwaneni ngezizukulwane.

IzAga 31:9

Vula umlomo wakho wehlulele ngokulunga, uvikele amalungelo abampofu nabantulayo.”

U-Isaya 32:1

Kuyoba khona inkosi eyobusa ngokulunga, nezikhulu zibuse ngobulungiswa.

UJeremiya 23:5

“Bheka, izinsuku ziyeza,” kusho uSimakade, “lapho ngiyakumvusela uDavide iHlumela elilungileyo; liyakubusa njengenkosi, libe nokuhlakanipha, lenze ubulungiswa nokulunga ezweni.

UZakariya 9:9

Thokoza kakhulu ndodakazi yaseZiyoni, hlokoma ngenjabulo ndodakazi yaseJerusalema. Uyabona-ke, iNkosi yakho iza kuwe, ilungile, inqobile, ithobekile, igibele imbongolo, ithole, inkonyane yembongolokazi.

UDuteronomi 32:4

“Uyidwala, umsebenzi wakhe uphelele, zonke izindlela zakhe zingukulunga; unguNkulunkulu wokwethembeka ongenakonakala; ulungile, uqotho Yena.

KumaHeberu 1:8

Kepha ngeNdodana, uthi: “Isihlalo sakho sobukhosi, Nkulunkulu, simi kuze kube phakade; nentonga yokulunga, iyintonga yombuso wakho.