1 Samuweli 29:4 - IsiZulu 2020

⁴ Abakhuzi bempi yamaFilisti bamthukuthelela, bathi kuye: “Mbuyisele emuva lowo muntu, makabuyele endaweni yakhe ombeke kuyo, angehli nathi aye empini, funa abe yisitha sethu empini. Yini lo angazincengela ngayo enkosini yakhe uma engezincengele ngamakhanda alawo madoda na?

IBHAYIBHELI ELINGCWELE

⁴ Kepha izikhulu zamaFilisti zamthukuthelela; izikhulu zamaFilisti zathi kuye: “Buyisa lowo muntu ukuba abuyele endaweni yakhe ommise kuyo, angehleli nathi empini, funa abe yisitha sethu empini, ngokuba lona ubeyakuyigculisa ngani inkosi yakhe kungengamakhanda alawo madoda na?”

Contemporary Zulu Bible 2024

⁴ Izikhulu zamaFilisti zamthukuthelela; izikhulu zamaFilisti zathi kuye: “Lowo muntu makabuyele emuva, abuyele endaweni yakhe owammisela yona, angehli nathi ukulwa, funa ukulwa nathi empini.” hhayi. Ngoba ubeyakuzibuyisa ngani enkosini yakhe? Akufanele yini kube ngamakhanda alaba bantu?

1 Samuweli 29:4 Jak'a apnaqawi uñst'ayäwi

1 iziKronike 12:19

Kwafika ingxenye yabakwaManase kuDavide, ngesikhathi izolekelela amaFilisti ukulwa noSawule, kodwa abawalekelelanga ngokuba abaholi bamaFilisti babonisana, bamkhomba indlela bethi: “Lo uyakuhlubukela enkosini yakhe uSawule, adayise ngathi, asibulale.”

1 iziKronike 12:20

Ngesikhathi eya eZikilagi, abakwaManase abaqembuka beza kuye yilaba: u-Adina, uJozabhadi, uJediyayeli, uMikhayeli, uJozabhadi, u-Elihu, uZilethayi, nezinhloko zezinkulungwane zabakwaManase.

UEksodusi 1:10

Masibaphathe ngesihluku, ngaphandle kwalokho bazokwanda kakhulu, bese kuthi uma kusuka impi bahlangane nezitha zethu, balwe nathi, qede bahambe kuleli lizwe.”

NgokukaLuka 16:8

“Inkosi yayibabaza induna engathembekile, ngokuba yenza ngokuhlakanipha, ngokuba abantu balesi sikhathi esizukulwaneni sabo bahlakaniphile kunabantwana bokukhanya.

1 Samuweli 14:21

Nalawo maHebheru ayekade eseqembukele kumaFilisti nawo akhuphukela enkanjini ayizungeza nxazonke, ayeseba nabakwa-Israyeli ababenoSawule noJonathani.

1 Samuweli 27:6

U-Akhishi wamnika iZikilagi ngalolo lusuku, ngalokho-ke iZikilagi lingelamakhosi akwaJuda kuze kube namuhla.

1 Samuweli 29:9

U-Akhishi waphendula, wathi kuDavide: “Ngiyazi ukuthi umuhle emehlweni ami, ufana nengelosi kaNkulunkulu, nokho abakhuzi bempi yamaFilisti bathe: ‘Akayukukhuphuka nathi, aye empini.’

1 Samuweli 30:1

Kwathi ngosuku lwesithathu lapho uDavide nabantu bakhe befika eZikilagi, bathola ukuthi ama-Amaleki ayehlasele eNegevu naseZikilagi, alinqoba, alishisa ngomlilo.