1 kaPetru 1:13 - IsiZulu 2020

¹³ Ngakho-ke hluzani izingqondo zenu, nime ngomumo, nizithibe, niwethembe ngokupheleleyo umusa enizakuwabelwa mhla kwembulwa uJesu Khristu.

IBHAYIBHELI ELINGCWELE

¹³ Ngalokho zibopheni izinkalo zengqondo yenu, nizithibe, nethembe ngokupheleleyo umusa enizakuwabelwa ekwambulweni kukaJesu Kristu.

Baasraak Zulu New Testament Bible

¹³ Ngakho-ke bophani izinkalo zengqondo yenu, nizithibe, nithembele kuze kube sekupheleni umusa ozolethwa kini ekwambulweni kukaJesu Kristu;

Contemporary Zulu Bible 2024

¹³ Ngakho-ke bophani izinkalo zengqondo yenu, nizithibe, nithembele kuze kube sekupheleni umusa ozolethwa kini ekwambulweni kukaJesu Kristu;

1 kaPetru 1:13 Jak'a apnaqawi uñst'ayäwi

1 AmaKhosi 18:46

Isandla sikaSimakade sasiku-Eliya; wabopha ukhalo lwakhe, wabaleka phambi kuka-Ahabi, waze wayofika ekungeneni kwaseJizreyeli.

2 AmaKhosi 4:29

Wathi kuGehazi: “Bopha ukhalo lwakho, uthathe udondolo lwami ngesandla sakho, uhambe; uma uhlangana nomuntu, ungambingeleli; uma umuntu ekubingelela, ungamphenduli, uyobeka udondolo lwami ebusweni bomntwana.”

UJobe 38:3

Bopha ukhalo lwakho njengendoda, ngizokubuza, wena ungazise.

UJobe 40:7

“Bopha ukhalo lwakho njengendoda, ngizokubuza, wena ungazise.

UEksodusi 12:11

Niyakulidla kanje: izinkalo zenu ziboshiwe, nifake izimbadada ezinyaweni zenu, niphethe izindondolo zenu ngezandla, nilidle ngokuphangisa, liyiphasika likaSimakade.

U-Isaya 11:5

Ukulunga kuyoba yibhande okhalo lwakhe, ukwethembeka kube yibhande lamanyonga akhe.

UJeremiya 1:17

“Ngalokho-ke wena, bopha ukhalo lwakho, usuke uyokhuluma kubo konke engiyakukuyala ngakho. Ungapheli amandla ngenxa yabo, funa ngikuqede amandla phambi kwabo.

Mathewu 20:4

nakubo wathi: ‘Hambani nani niye esivinini; ngiyakuninika okufaneleyo.’

NgokukaLuka 12:35

“Izinkalo zenu mazihlale ziboshiwe, nezibani zenu zivutha.

NgokukaLuka 17:30

Kuyakuba njalo-ke ngosuku eyakubonakaliswa ngalo iNdodana yomuntu.

NgokukaLuka 17:8

Kunalokho akayukusho yini kuyo, athi: ‘Faka iphinifa lakho, ungilungisele engizokudla, ngidle, ngiphuze, andukuba wena udle, uphuze’ na?

KwabaseRoma 13:13

Asiziphathe kahle njengasemini, kungabi ngokuminza nokudakwa, kungabi ngobufebe namanyala, kungabi ngokuxabana nomhawu.

KwabaseRoma 8:19

ngokuba okudaliweyo kulindele ngokulangazelela ukwembulwa kwabantwana bakaNkulunkulu.

1 kwabaseKorinte 1:7

ukuze ningasesweli nesisodwa nje isiphiwo somusa, njengokuba nikulindele ngokushisekela ukwambulwa kweNkosi yethu uJesu Khristu.

1 kwabaseKorinte 13:13

Manje-ke, kumi lokhu okuthathu: ukukholwa, ithemba, nothando, kodwa okukhulu kulokhu wuthando.

Kwabase-Efesu 6:14

Ngakho-ke yimani izinkalo zenu ziboshiwe ngeqiniso, nifakile isivikelo sesifuba sokulunga,

KwabaseKolose 3:4

nxa ebonakaliswa uKhristu ongukuphila kwethu, nani-ke niyakubonakaliswa kanye naye enkazimulweni.

2 kwabaseThesalonika 1:7

bese nina enihluphekayo aniphe ukuphumula kanye nathi ekwambuleni kweNkosi uJesu, ivela ezulwini, inezingelosi zamandla ayo,

2 kuThimothewu 4:5

Kepha wena zithibe ezintweni zonke, ubekezele ebunzimeni, wenze umsebenzi womvangeli, futhi uwufeze umsebenzi wakho ngokupheleleyo.

2 kuThimothewu 4:8

manje sengibekelwe umqhele wokulunga eyakungipha wona ngalolo lusuku iNkosi, umehluleli olungileyo, kungeyimi ngedwa, kodwa bonke abakuthandile ukubonakala kwayo.

KumaHeberu 10:35

Ngakho-ke ningayeki ukuba neqholo, elinomvuzo omkhulu.

KumaHeberu 3:6

Kepha uKhristu uthembekile njengendodana phezu kwendlu yakhe, esiyindlu yakhe thina, uma sibambisisa ngeqholo nangokuzigabisa ngethemba kuze kube sekupheleni.

KumaHeberu 6:19

Leli themba sinalo linjengehange lomphefumulo, liqinile, ligxilile, lingena kokungaphakathi kwesihenqo,

KumaHeberu 9:28

kanjalo noKhristu, wanikelwa kwaba kanye ukuba athwale izono zabaningi, uyakubonakala ngokwesibili engenasono, kulabo abamlindele ngokulangazelela, kube ngukusindiswa.

1 kaPetru 1:10

Mayelana nensindiso, abaphrofethi bafunisisa becwaningisisa ngomusa okwaphrofethwa ngawo ebenizakwenzelwa wona.

1 kaPetru 3:15

Kodwa mngcweliseni uKhristu njengeNkosi ezinhliziyweni zenu, nihlale nilindele ukubaphendula bonke abanibuza ngethemba eninalo.

1 kaPetru 4:7

Kepha ukuphela kwezinto zonke sekusondele, ngakho zikhuzeni, nizithibe, ukuze nikhuleke.

1 kaPetru 5:12

NgoSilvanu, umzalwane othembekile kithi, nginibhalele ngamafuphi ukunikhuthaza, nokufakaza ukuthi yiwo ngokwempela umusa kaNkulunkulu enimi kuwo.

1 kaPetru 5:8

Zithibeni, nilinde. Isitha senu, uSathane, siyahamba njengebhubesi elibhodlayo, sifuna esingamdwengula.

1 kaJohane 3:3

Bonke abanalelo themba kuye, bayazihlambulula, njengokuba Yena ehlambulukile.