Tito 3:3 - Qullan Arunaka DC

³ Nayrapachasti jiwasanakax ukham jan amuyt'anïpxäyätanwa, Tatitur jan jaysiri, chhaqtata, kunayman jan wali munañanakan t'aqhisiyatapäyätanwa. Ñanqha lurañanakana, munapayañanakana, uñisita, jiwaskam uñisis jakaskarakïyätan.

Aymar Bibliia 1986

³ Jiwasajj nayrajj uqham jan amuyt'anïpjjaraquïyätanwa, Diosar jan jaysiri, chhaktata, uqhamarac cunayman jan wali munañanacan esclavopäyätanwa. Ñankha lurañanacana, envidiasiñanacana jacascaraquïyätan uñisita, uqhamaraqui jiwascam uñisisisa.

Qullan Arunaca

³ Jiwasajj nayrajj uqham jan amuyt'anïpjjaraquïyätanwa, Diosar jan jaysiri, chhaktata, uqhamarac cunayman jan wali munañanacan esclavopäyätanwa. Ñankha lurañanacana, envidiasiñanacana jacascaraquïyätan uñisita, uqhamaraqui jiwascam uñisisisa.

Tito 3:3 Jak'a apnaqawi uñst'ayäwi

Génesis 38:9

Ukampis Onán chachax amuyasïnwa kawkïr wawanakatix jilapan ijmapampi wawanïkasapän ukanakaxa, janiw jupan wawapa satäkasapänti. Ukat sapa kuti jilapan ijmapampi mayachaskän ukkhax janiw usuriptayañ munkänti, ukhamat jilapan jan jupa tuqi wawanïñapataki.

Génesis 39:16

Ukatsti jupax Josean isipxa chachapan utar puriniñapkam imantäna.

Salmos 36:2

2 (3) Jupax aytat jaqïkaspas ukham amuyasi, ñanqha luratapan jan walïtapsa janiw amuykiti.

Proverbios 8:5

Jan yatiñ kankañan waynanaka, ch'ikhi kankañanïñ yatiqapxam, pisi chuymanaka, amuyt'asirïñ yatiqapxam.

Proverbios 9:6

Jan amuyt'asis sarnaqañat jithiqtapxam, ukat jakapxäta; ch'ikhi kankañan jaqinakjam sarnaqapxam” sasa.

Isaías 44:20

Chiqpachansa, qhillsa manq'apkaspa ukhamawa. Uka lurañax k'ari amuyunakampi sallqjayasiñawa. Uka jaqinakasti janiw qhispiyasipkaniti. Kunatix amparanakapan utjki ukax k'arikamakïtapsa janiw amuyapkaniti.

Abdías 1:3

Jach'a jach'a tukutamaw sallqjtamxa. ‘Janiw khitis liwiqkitaspati sistawa: Nayax qarqa p'iyanakan jakasta, alay qullunakan utjasirakta’ sasa.

Mateo 21:29

Yuqapasti juparux sänwa: ‘¡Janiw sarkiristti!’ sasa. Ukampis qhipat amuyt'asisin saräna.

Lucas 21:8

Jesusasti sänwa: —Amuyasipxam, jan sallqjayasipxamti. Waljaniw sutixar jutapxani: ‘Nayätwa Cristoxa’ jan ukax, ‘Uka urux purinxiwa’ sasa. Ukampis jan ukanakar arkapxamti.

Juan 8:34

Jesusasti jupanakarux sänwa: —Qhanak sapxsma, jucha luririnakax juchan uywatapawa.

Romanos 11:30

Nayra pachanxa, jumanakax janiw Diosarux jaysapkäyätati, jichhasti judionakan jan jaysirïtap laykuw Diosax jumanakat khuyapt'ayasipxtam.

Romanos 6:12

Ukhamasti juchax janiy jumanakan jiwir janchimar apnaqkpanti, janchin munañanakapar jaysasa.

Romanos 6:17

Jumanakax nayrax juchan t'aqhisiyat jaqinakäpxäyätawa, Diosasti yuspagaratäpan, yatichäwinak taqi chuyma katuqasin phuqhapxatamata.

Romanos 6:22

Jichhasti, juchan t'aqhisiyatat antutatäxasaxa, Diosatak irnaqiriw tukxapxtaxa. Ukapï jumanakatak askixa, tukuyapasti q'uma jakañawa wiñay jakañarakiwa.

Romanos 6:6

Jiwasax yattanwa, nayra jakäwisan Cristomp chika ch'akkatatäxatapa, ukhamat jiwasan ñanqha luräwisan t'unjatäñapataki, juchampix jan juk'ampi t'aqhisiyatäñasataki.

2 Corintios 12:20

Mä tuqitxa axsararaktwa, jumanakar tumpir jutkä ukkhax, inas jan kunjämtix nayax munkta ukham jikxatapkchïmati, janirak jumanakas kunjämtix munapkta ukham nayar jikxatapkchitätati. Jumanak taypin inas utjaskchi ch'axwañanaka, uñisisiñanaka, thithiñanaka, sapak kunsa munirïñanaka, k'umisiñanaka, jach'a jach'a tukuñanaka, pixtusiñanaka.

Gálatas 6:3

Maynitix jan kunäkasin jach'achaschixa, jupa pachpaw sallqjasi.

Colosenses 1:21

Jumanakasti nayrax Diosat jayarst'ataw jakapxäyäta, jan wali luratanakam laykusti, chuymanakaman jupan uñisiripäpxäyätawa,

Colosenses 3:7

jumanakasti nayra jakäwiman ukanak lurapxäyätaxa.

2 Timoteo 3:13

ukampis salqjir jan wali jaqinakax jan walit juk'amp jan waliruw puripxani, sallqjasina, ukhamarak sallqjayasisina.

2 Timoteo 3:6

Jupanakasti, uka jucharara, luqhi warminakar sallqjiriw utanakapar mantañ yatipxi, uka warminakasti janchin munañap lurañamp phuqhantatäpxiwa,

Tito 1:16

Jupanakax: “Tatiturux uñt'apxtwa” sapxiwa. Ukatsti luräwinakapampix janiw ukham uñacht'ayapkiti, jupanakax uñisirinakäpxiwa, jan yäqasiñan qhuru jaqinakäpxiwa, janirakiw kuna sumsa lurirjamäpkiti.

Tito 2:12

Uka khuyapayasiñapaw juchampi, akapachar munañampi apanukuñ yatichistu, ukat aka uraqinxa mä suma amuyumpi, chiqapa, Tatit chuymaraki sarnaqañasa,

Santiago 1:26

Maynitix Diosar sum arkatap amuyaschi ukatsti kuns parlaskakchi ukaxa, jupa pachpaw k'arintasiski, Diosar arkatapasti inamayakiwa.

1 Pedro 1:14

Ist'asir wawanakjamaxa, jan munañanakamarjam sarnaqapxamti, kunjämtix Tatitur janïra uñt'kasax sarnaqapkäyäta ukhama.

Apocalipsis 12:9

Uka jach'a dragonasti alaxpachat jaqunukutaw uñjasïna, ukax nayratpach utjir katariwa, supaya, Satanás satarakiwa, jupaw aka uraqin jaqinakar sallqanti. Jupampi angelanakapampisti aka uraqir jaquqanitaw uñjasipxäna.

Apocalipsis 13:14

Nayrïr axsarkañ animalan churata munañanïñ kankañampiw aka axsarkañ jach'a animalax muspharkañanak luratap tuqi uraqin jakir jaqinakar sallqantäna. Ukatsti nayrïr jach'a axsarkañ animalar uñtat lursuyarakïna, kawkïritix espadampi chhuxriñchjatäsin jakaskatayna ukar uñtata.

Apocalipsis 18:2

Wali jach'at art'asirakïna: “¡Aynacht'xiwa, jach'a Babiloniax t'unjatawa! ¡Supayanakan utjäwiparuw tukuwayi, kunayman ñanqha ajayunakan putuparuw tukuwayi, kunayman q'añu jamach'inakan tapaparuw tukuwayi, q'añu qhuru uñisit animalanakan tapaparuw tukuwayxaraki!