Tito 2:3 - Qullan Arunaka DC

³ Uka kipkaraki chuyman warminakas suma sarnaqirïpxpan, jaqxat jan parlasirïpxpati, janirak machirïpxpasa. Mayninakatakisti mä suma uñtäwïpxañapawa,

Aymar Bibliia 1986

³ Uqhamaraqui jilïri warminacajj suma sarnakerïpjjpan. Janiraqui aru apnakerïpjjpati ni machirïpjjpasa. Mayninacataquisti mä sumar uñtatäpjjañapawa.

Qullan Arunaca

³ Uqhamaraqui jilïri warminacajj suma sarnakerïpjjpan. Janiraqui aru apnakerïpjjpati ni machirïpjjpasa. Mayninacataquisti mä sumar uñtatäpjjañapawa.

Tito 2:3 Jak'a apnaqawi uñst'ayäwi

Romanos 1:29

Jupanakasti jan chiqapar uñjañampi, ñanqha lurañampi, jan wali lurañampi phuqhantatäpxiwa. Jupanakax akhamäpxiwa: uñisirinaka, jiwayirinaka, ch'axwayirinaka, sallqjirinaka, jan walt'ayirinaka, aru apnaqirinaka.

Romanos 16:2

Tatitun sutipxar sum katuqt'apxam, kamisatix iyawsir jilatanak taypin katuqasiñäki ukarjama. Juparusti taqi kunan yanapt'apxam, jupax waljaniruw yanapt'i, nayarus yanapt'arakituwa.

Efesios 5:3

Jumanakasti qullan markankirjamaw sarnaqapxañama: wachuq jucha lurañatsa, yaqha q'añu lurañanakatsa, mich'asiñatsa janipun parlapxamti.

1 Timoteo 3:11

Warminakasti uka kipkarakiw sum sarnaqañapa, janiw aru apnaqirïñapäkiti, taqi kunan askïñapawa, arsutap phuqhirïñapawa.

1 Timoteo 3:8

Diacononakax aytat jaqit uñt'atäñapawa, jupanakax janiw arsutap p'akintirïñapäkiti, janiw machañar chuyma churatäñapäkiti, janirakiw jan wali tuqit yänak jikxatirïñapäkisa.

1 Timoteo 5:23

Purak usumpi sapa kuti t'aqhisitam laykusti, jan uma sapak umamti, jan ukasti, mä juk'a vinomp umt'am.

Tito 1:7

Khititix jilïr irpirit uchatäki ukax Tatitun yänakap uñjirit uchatawa, ukat chiqap jakañapax wakisi. Janiw jalta chuymäñapäkiti, janirakiw jan wali chuymanïñapäkisa, janiw machirïñapäkiti, ch'axwañ munirïñapäkisa, janirakiw lunthatasiñampi qullqsa jikxatañ munirïñapäkiti.

Tito 2:4

ukhamat tawaq warminakarus chachapar munañ yatichañataki, wawanakapar munañ yatichañatakiraki,

Hebreos 5:12

Jichhakamax niyaw jumanakax yatichirinak tukupxañamäna; ukampis wakisiskakiw Diosan yatichäwinakapat jumanakar yatichañaxa. Wali t'ukhartatäpxtawa, waña manq'a lantisti, lechek umasipktaxa.

Apocalipsis 2:20

Ukampis jumatak arsuñaxaw utjitu. Jumax uka Jezabel warmirux janiw kamsktasa. Uka warmix ‘Diosaw khithanitu’ sasaw sarnaqi, yatichäwipampix luqtirinakaxaruw pantjayaski, wachuqa juchan jakayasa, idolonakar luqtatäkis ukanak manq'ayasa.