Tito 2:2 - Qullan Arunaka DC

² Chuyman jilïrinakasti jan kamskayäpxpan, axsart'añani, suma amuyuni, suma iyawsañani, munasiñani, yant'anakar saykatañatakis ch'amañcht'ata.

Aymar Bibliia 1986

² Chuyman jilïrinacasti jan camscayäpjjpan, ajjsart'añani, suma amuyuni, suma iyawsañani, munasiñani, uqhamarac llamp'u chuymani.

Qullan Arunaca

² Chuyman jilïrinacasti jan camscayäpjjpan, ajjsart'añani, suma amuyuni, suma iyawsañani, munasiñani, uqhamarac llamp'u chuymani.

Tito 2:2 Jak'a apnaqawi uñst'ayäwi

Job 12:12

Ch'ama qarit jaqinakax, yatiñ kankañanïpxiwa, walja maranakanïtapaw jupanakar amuyt'a kankañ churi.

Salmos 92:14

14 (15) ch'ama qarita tuqirus achu churasipkakiniwa, wali ch'amani, k'umarakïsipkaniwa,

Proverbios 16:31

Janq'u ñik'utanïxañax suma pillur uñtatawa, ukasti axsartañ chuymamp sarnaqatata jikxatatawa.

Isaías 65:20

Wawanakax ukan janiw jisk'pach jiwarapkaniti, janirakiw chuymani jaqinakas janïra maranakap phuqkasax jiwapkaniti. Patak marani jiwañasti, waynpach jiwañäniwa, janïra patak mara phuqkas jiwañasti mä ñanqhäniwa.

Levítico 19:32

“Kayut sayt'asisin chuyman jaqinakar mä suma yäqañampi uñjam. Tatit Diosamar axsartatamsa uñacht'ayarakim. Nayätwa Tatituxa.

Marcos 5:15

Jesusan ukar purinisinsti, ñanqha ajayun mantat jaqirux suma isthapt'ata, suma amuyunirak jikxatapxäna. Jaqinakasti wali mulljataw jikxatasipxäna,

Lucas 8:35

Jaqinakasti kunatix luraskatayna uk uñjiriw mistunipxäna. Jesusan jak'apar purinisinsti, ñanqha ajayunakax mistkän uka jaqirux Jesusan jak'apar qunt'at jikxatapxäna, isthapita, suma amuyuniraki, uk uñjasasti jupanakax wal axsarapxäna.

Hechos 24:25

Pablox chiqa askin sarnaqañat parläna, jiwaspach amuyasis sarnaqañata, taripañ uru utjkani ukat parlarakïna, ukapachasti, Félix jilïrix wal mulljasïna, ukat sarakïna: —Jichhax sarxakim; wakisin ukkhaw wasitat jawsayarakïma —sasa.

Romanos 12:3

Diosax munasiñapan iwxa arunak nayar churatap laykuw taqi jumanakar sapxsma, jan maynis jumanak pachpax jilankatam amuyasipxamti, jan ukasti, kunatix wakiski ukhamak amuyasipxam, kuntix Diosax waxt'äwinak iyawsañamp chika churki ukarjama.

1 Corintios 15:34

Jumanakax sum amuyasipxam, janirak juch lurkxapxamti, jumanakat yaqhipanakax janïraw Diosar uñt'apkiti. Uksti jumanakan p'inqa tukuñamatakiw sapxsma.

1 Corintios 9:25

Khitinakatix mä anatañan atipt'añatak wakichasipki ukanakax, kunatix jan walt'aykaspa ukanak q'al apanukupxi. Uksti, mä pillu katuqañatakiw lurapxi, ukat ukspachaw uka pillux pharsuwayxi; ukatsipana, jiwasax jan pharsur pillu katuqañ laykuw jaltanxa.

2 Corintios 5:13

Nanakatix luqhir uñtatäpxsta ukaxa, Dios laykuw ukham sarnaqapxta; janitix luqhinakjamäpkstxa, jumanakan askimatakirakiwa.

Gálatas 5:23

alt'at chuyma, janchin munañapar atipjañ chuyma. Ukanakar juchañchir kamachisti janiw utjkiti.

Filipenses 4:8

Tukuyañatakisti, jilatanaka, kunatix chiqäki, kunatix maynir aski uñjañäki, kunatix sumäki, kunatix q'umäki, kunatix munkañäki, kunatix aytat luräwinakäki, taqi ukanakatay lup'ipxam. Taqi kunatix sumäki, jach'ar aptañäki ukanakatay lup'ipxam.

1 Tesalonicenses 5:6

ukat mayninakjam jan ikiñasäkiti, jan ukasti taqi amuyusan p'arxtatäñasawa.

1 Tesalonicenses 5:8

ukampis jiwasanakax urunkirjamax amuyasiñasapuniwa. Iyawsäwimpi, munasiñampix mä qhawampjam uskuntataw jark'aqasiñasa, qhispiyasiñ suyt'äwimpisti mä cascompjamaw asxatasiñasa.

1 Timoteo 1:10

wachuq juchan sarnaqirinakataki, chachapur wachuq juchan sarnaqirinakataki, jaq lunthatirinakataki, k'arinakataki, k'ari juramento luririnakataki; mä arunxa, khitinakatix aski yatichäwinak jan phuqhapki ukanakatak uskutawa.

1 Timoteo 1:14

Tatitun munasiñapasti nayatakix jilarkirïnwa, jupaw iyawsañampi, munasiñampi Jesucristonkatax layku churitu.

1 Timoteo 1:5

Aka arunakan amtäwipax, maynit maynikam q'uma chuymat mistki uka munasiñampi, suma chuymampi, chiqpach iyawsañampi munasiñasawa.

1 Timoteo 3:11

Warminakasti uka kipkarakiw sum sarnaqañapa, janiw aru apnaqirïñapäkiti, taqi kunan askïñapawa, arsutap phuqhirïñapawa.

1 Timoteo 3:2

Uka irpiristi, jan khitinsa kamskay jaqïñapawa, mä sapa warmini, q'uma chuymani, amuyt'ir chuymani, yäqasir chuymani, qurpacht'ir chuymani, yatichañatakis suma wakicht'atäñapawa,

1 Timoteo 3:4

Utap sum apnaqirïñapawa, wawanakaparus axsart'añamp ist'asir yatichirïñapawa;

1 Timoteo 3:8

Diacononakax aytat jaqit uñt'atäñapawa, jupanakax janiw arsutap p'akintirïñapäkiti, janiw machañar chuyma churatäñapäkiti, janirakiw jan wali tuqit yänak jikxatirïñapäkisa.

1 Timoteo 5:1

Chuyman awkinakarux jan tuqimti, jan ukasti, awkimäkaspas ukham suma iwxanak churam; waynanakarusti jilamarjam uñjam.

Tito 1:13

Ukax chiqapunïskiwa, jupanakarusti iyawsäwipan chiqäñapatakix wal tuqinuqam.

Tito 1:8

Jan ukasti, utapar sart'irir katuqañatakix jank'akïñapawa, taqirus khuyapt'ayirïñapawa, suma amuyun jaqi, chiqapa, Tatitur katuyat aski jaqi, suma yatichatarakïñapawa.

Tito 2:7

Juma pachparaki mä suma uñtäwi taqi kunansa uñacht'ayam. Yatichañansti, chiqa kankañampi phuqhasarak yaticham,

Filemón 1:9

ukampis munasiñat jumarux achikt'asiñ munsma. Naya, Pablox niya chuymanïxtwa, jichhasti Cristor arkatax laykuw katuntatäsin,

1 Pedro 1:13

Ukatpï jilatanaka, kuntix lurapkäta ukanakat wal amuyt'asipxam, mä suma jakañan sarnaqapxarakim. Taqi chuyma suyt'apxam, kuntix Diosax khuyapayasiñapan jumanakar churapkätam Jesucristox jutkani ukkhaxa.

1 Pedro 4:7

Taqi kunan tukusiñapax jak'ankxiwa, ukatpï jumanakax wali amuyt'amp sarnaqapxañamaxa, Tatiturus mayisipxañamaxa.

1 Pedro 5:8

Wal amuyt'asipxam, jank'akïpxarakim, jumanakar uñisir supayasti mä leonar uñtataw warart'asis khitir manq'antañatak thaqhaski.

2 Pedro 1:6

amuyt'asiñarusti, jumanakpach suma sarnaqañampi; jumanakpach suma sarnaqañarusti, llamp'u chuymampi; llamp'u chuymarusti, Diosar munañampi;