Rut 1:17 - Qullan Arunaka DC

¹⁷ Nayasti kawkhantix jumax jiwkäta ukkhan jiwä, uka chiqanarak p'amp'achatäñ munta. ¡Dios Tatitusti taqi ch'amapamp mutuyitpan, nayatix jumar jaytanuküma ukaxa. Jiwañakiw jumampiru, nayampirux jaljtayistani!”

Aymar Bibliia 1986

¹⁷ Nayasti, cawqhantï jumajj jiwcäta ucqhanwa jiwaraquï, uca chekanaracwa imt'atäñ munta. ¡Dios Tatitusti take ch'amapampi mutuyitpan, nayatejj jumat jithektirista ucapachajja. Jiwañaquiw jumampiru, nayampirojj jaljtayistani! —sasa.

Qullan Arunaca

¹⁷ Nayasti, cawqhantï jumajj jiwcäta ucqhanwa jiwaraquï, uca chekanaracwa imt'atäñ munta. ¡Dios Tatitusti take ch'amapampi mutuyitpan, nayatejj jumat jithektirista ucapachajja. Jiwañaquiw jumampiru, nayampirojj jaljtayistani! —sasa.

Rut 1:17 Jak'a apnaqawi uñst'ayäwi

2 Samuel 15:21

Itai chachasti reyir sarakïnwa: —Tatitun sutipxaru, juma reyin sutimxaruw juramentompi arsta, kawkhantix juma reyix jikxatasïtaxa, ukan nayax jikxatasirakï, jiwañansa jakañansa jumamp chikapunïyäwa —sasa.

2 Samuel 19:13

13 (14) Ukxarusti saskakïnwa Amasá jaqir sapxañapataki: “Jumax wilaxat wilanïtawa, ukhamasti jichhürut uksarux jumaw Joab lanti ejercitoxan jach'a jilïripat sayt'äta. Janitix aka arsutaxar phuqkäma ukax, Tatituy nayar jan khuyapt'ayasis mutuyitpan” sasa.

2 Samuel 3:35

Ukatsti taqiniw Davidar jak'achasisin achikt'apxäna janïr jayp'untkipan manqt'asiñapataki, ukampis Davidax juramento luräna, akham sasa: —¡Diosax wal mutuyitpan nayatix mä t'ant'sa, jan ukax kunsa janïra inti jalantkipan mallt'ä ukapachaxa! —sasa.

2 Samuel 3:9

¡Tatitux mutuyitpan, Davidar juramentompi arskäna uk phuqhasiñapatak jan kuns lurkä ukaxa! Tatituw jupar arsuwayi

1 Reyes 13:31

Imt'xasinsti wawanakaparuw säna: —Nayax jiwkä ukapachax, Diosan wawapax imantatäki uka pachparuw imt'xapxitäta, ch'akhanakaxsa jupan ch'akhanakap thiyaruw uchxapxäta,

1 Reyes 19:2

Ukat Jezabel warmix maynir khithäna Eliasar akham sañapataki: “Nayax jiwayämawa, kunjämtix jumax Baal diosan profetanakapar lurkta ukhama. Janitix qharür akapachax jumax jupanakjam jiwat uñjaskät ukaxa, diosanakax jan khuyapt'ayasis nayar jiwayitpan” sasa.

1 Reyes 2:23

Ukham sasinsti, Salomón reyix Tatit laykuw juramento luräna: “¡Diosax nayar jan khuyapt'ayasis mutuyitpan, janitix Adoniasar uka mayïwipat jakañapamp phuqhañapatak kuns lurkä ukkhaxa.

1 Reyes 20:10

Ben-adad reyisti Ahab reyir yaqha yatiyäwi apayarakïna, akham sasa: “¡Samaria markarux q'alpun tukjä, diosanakax nayar mutuyitpan nayatix markan mä juk'a laq'aksa, sapa mayni arkirinakaxar mä juk'akam churañatakjam jilt'aykä ukaxa!” sasa.

2 Reyes 6:31

Ukat reyix jach'at arsüna: “¡Diosax nayar jan khuyapt'ayasis mutuyitpan, janitix jichhürpach Safat chachan Eliseo yuqapar p'iqip apaqkä ukaxa!” sasa.

Salmos 45:10

10 (11) Phuchhaxay, uñtanim; jinchum alkatanisin ist'ita: Markamat armasxam, wila masinakamat armasxarakim,

Hechos 11:23

Antioquiar purisinsti, Bernabeax wal kusisïna, Diosan jupanakar aski waxt'äwinakamp phuqt'katayna uk uñjasa. Jupanakarusti iwxt'arakïnwa, taqi chuymamp Tatitur arkapxañapataki.

Hechos 20:24

Uk yatiskasinsa, janiw llakisiykituti. Nayatakix janiw jakañaxas kuna jach'äkisa, nayax kusisitaw tukuykam jalañ munta, kuna lurañtix Tatit Jesusax churkitu uk kusisiñamp phuqhañakiw wakt'itu, ukatsti Diosan munasiñapat suma yatiyäwi arunak jaqinakar qhanañchaña.

Rut 1:16

Ukampis Rut warmix taykch'iparux sarakïnwa: “Jumar jaytjañ jan mayistati, kawkharutix jumax sarkäta ukkharuw nayax sarä, kawkhantix jumax jakkäta ukkhan jakä. Juman markamax markaxäniwa, Diosamasti, Diosaxarakïniwa.

Rut 4:15

Jupax kusisiyätamwa, taykäxäta ukkhasa khuyapt'ayätamwa, yuxch'aman wawapawa, jupasti jumarux walpun munastamxa, jumatakix wali askiwa, paqallqu wawat sipansa juk'ampi —sasa.

1 Samuel 14:44

Saúl reyix jach'at arsüna: —¡Jonatán, janitix jumax jiwkäta ukkhaxa, Tatitux taqi ch'amapampi nayar jiwayitpan! —sasa.

1 Samuel 20:13

Ukampisa, awkixatix jumar jan wal lurañ amtanixa, ukat janirak juman jaltxañamatak yatiykäma ukkhaxa, Tatitux nayar mutuyitpan. ¡Tatituy jumarux yanappan kunjämtix awkixar yanapkän ukhama!

1 Samuel 25:22

Ukhamasti Davidax mä juramento luräna: “Tatitux nayarux mutuyitpan janitix qharürkam jupan wila masinakapat taqi chachanakar jiwaraykä ukkhaxa” sasa.

1 Samuel 3:17

Elí sacerdotex jiskt'arakïnwa: —¿Kuns Tatitux parlawaytam? Jan kuns imt'istati, taqpach yatiyita. ¡Janitix phuqhatpach yatiykitätaxa, Tatituw jumarux mutuyätam! —sasa.