Rut 1:16 - Qullan Arunaka DC

¹⁶ Ukampis Rut warmix taykch'iparux sarakïnwa: “Jumar jaytjañ jan mayistati, kawkharutix jumax sarkäta ukkharuw nayax sarä, kawkhantix jumax jakkäta ukkhan jakä. Juman markamax markaxäniwa, Diosamasti, Diosaxarakïniwa.

Aymar Bibliia 1986

¹⁶ Ucampis Rut warmejj juparojj saraquïnwa: —Jan mayistati jumat sarjjañajja, nayasti arcämaw cawqharutï sarcäta ucqharu, uqhamaraquiw jacä cawqhantejj jaccäta ucqhana. Juman marcamajj marcajjäniwa, Diosamasti, Diosajjaraquïniwa.

Qullan Arunaca

¹⁶ Ucampis Rut warmejj juparojj saraquïnwa: —Jan mayistati jumat sarjjañajja, nayasti arcämaw cawqharutï sarcäta ucqharu, uqhamaraquiw jacä cawqhantejj jaccäta ucqhana. Juman marcamajj marcajjäniwa, Diosamasti, Diosajjaraquïniwa.

Rut 1:16 Jak'a apnaqawi uñst'ayäwi

2 Samuel 15:21

Itai chachasti reyir sarakïnwa: —Tatitun sutipxaru, juma reyin sutimxaruw juramentompi arsta, kawkhantix juma reyix jikxatasïtaxa, ukan nayax jikxatasirakï, jiwañansa jakañansa jumamp chikapunïyäwa —sasa.

Salmos 45:10

10 (11) Phuchhaxay, uñtanim; jinchum alkatanisin ist'ita: Markamat armasxam, wila masinakamat armasxarakim,

Proverbios 17:17

Mä jilat masix, taqi pachan munasiripuniwa; llakisiñansti, jilamäkaspa ukham chuymachasi.

Isaías 14:1

Israel markat khuyapt'ayasitapatxa, Tatitux wasitat jupan ajllisit markapat uñt'asxistani. Tatitux uraqisaruw kuttayanxistani. Yaqha markan utjir jaqinakasti markas taypin jawsayasiñatakiw jutapxani, ukatsti markasampiw mayachasxapxani.

Daniel (hebreo) 2:47

Danielarusti sarakïnwa: —Chiqpachapuniw jumanakan Tatitumax taqi diosanakan Diosapaxa; ¡taqi reyinakansa reyipawa! Jupax taqi kun yati, ukat jumax aka jan amuyt'kay samksa qhanañcharakistaxa —sasa.

Daniel (hebreo) 3:29

Jichhasti nayax arstwa, khiti jaqitix aka waynanakan Diosap tuqi jan wali arunak parlkani ukax kharinuqatäpan, utapasa mayjaru t'unthapitarakïpan, khitïskpasa, kawki markankirïskpasa, kuna arut parlasirïskpasa; ukham qhispiyir yaqha diosax janiw utjkiti” sasa.

Daniel (hebreo) 4:37

37 (34) “Ukat jichhaxa, naya, Nabucodonosor reyix alaxpachankir Reyiru yupaychta, jach'añchta, waqaycharakta, jupan luräwinakapax chiqapapuniwa, jach'a jach'a tukurinakarusti jisk'achjarakiwa.”

Oseas 13:4

Tatitux Israel markaparux siwa: “Naya Tatituw juman Diosamätxa, Egiptonkkäyätas ukkhatpacha; naya sapakiw juman qhispiyir Diosamätxa.

Zacarías 8:23

Khä urunxa, tunka yaqha markankir jan uñt'at jaqinakaw mä judío jaqirux isipat katuntasipxani, ukat sapxarakini: ‘¡Nanakax jumanakamp chikaw sarañ munapxta, Tatitun jumanakampïtap ist'apxta!’ ” sasa.

Mateo 8:19

Ukapachaw kamachi yatichirinakat maynix Jesusar jak'achasisin säna: —Yatichiri, kawkharutix sarkäta ukkharux arkapunïmawa —sasa.

Juan 13:37

Pedrosti saskakïnwa: —Tatay, ¿kunatarak jichhasti jan arkkirismasti? Nayax jakañax juma layku churañatakix jank'akïtwa —sasa.

Hechos 21:13

Ukampis Pablox sänwa: —¿Kunatsa jachapxta? Ukham jachasax nayar llakisiyapxistawa. Nayax ñach'antayasiñatakisa, Jerusalén markan Tatit Jesús layku jiwañatakis wakicht'atakïsktwa —sasa.

1 Tesalonicenses 1:9

Jan ukasti jupanak pachpaw nanakan purinitaxat arsusipki, kunjämtix jumanakax yaqha diosanak apanukusax jakkir chiqpach Diosar luqtañatak kutikipstapkta,

Josué 24:18

Juparakiw thakhinjam jutkäyätan ukkhax, jiwasan nayraqatasat uka markanakar jaqunuküna, ukhamarak ukan jakir amorreo jaqinakarusa. Taqi uka luräwinakatsti, nanakax Tatituruw luqtapxarakï, jupakiw nanakan Diosasaxa —sasa.

Apocalipsis 14:4

Jupanakasti janiw k'ari diosanakar yupaychas q'añuchasipkataynati, jupanakax taqpachaniw Corderor arkapxäna, kawkirutix jupax sarkän ukaru. Jupanakax jaqinak taypit qhispiyatäpxataynawa, nayrïr churäwi Diosampir Corderompir luqtañataki.

Rut 1:15

Ukat Noemí mamax Rut yuxch'apar säna: —Uñtam, yuxch'a masimax markaparu, diosanakapan ukaruw kuttawayxi, jumasti jupamp chik sarxarakim —sasa.

Rut 1:17

Nayasti kawkhantix jumax jiwkäta ukkhan jiwä, uka chiqanarak p'amp'achatäñ munta. ¡Dios Tatitusti taqi ch'amapamp mutuyitpan, nayatix jumar jaytanuküma ukaxa. Jiwañakiw jumampiru, nayampirux jaljtayistani!”

Rut 2:6

Yawthapirinakan jilïripasti sänwa: —Uka tawaqux Moab markankiriwa, Noemí mamamp chikaw purini.

Rut 4:15

Jupax kusisiyätamwa, taykäxäta ukkhasa khuyapt'ayätamwa, yuxch'aman wawapawa, jupasti jumarux walpun munastamxa, jumatakix wali askiwa, paqallqu wawat sipansa juk'ampi —sasa.