Rut 1:14 - Qullan Arunaka DC

¹⁴ Uk ist'asasti yuxch'anakapax juk'amp jachapxäna. Ukatsti, Orfá warmix taykch'ipar jamp'att'asin kutt'awayxäna. Ukampis Rut warmix taykch'ipamp chikaw qhiparxäna.

Aymar Bibliia 1986

¹⁴ Jupanacasti wasitat juc'ampi jachapjjäna. Ucatsti, Orfajj taycch'iparojj ajanupat jamp'att'asaw cutt'awayjjäna. Ucampis Rut warmejj Noemí taycch'ipamp chicaw kheparjjäna.

Qullan Arunaca

¹⁴ Jupanacasti wasitat juc'ampi jachapjjäna. Ucatsti, Orfajj taycch'iparojj ajanupat jamp'att'asaw cutt'awayjjäna. Ucampis Rut warmejj Noemí taycch'ipamp chicaw kheparjjäna.

Rut 1:14 Jak'a apnaqawi uñst'ayäwi

Génesis 31:28

Jumasti janiw phuchhanakaxarusa, allchhinakaxarus jamp'att'aykistati. ¡Jan walpun lurtaxa!

Génesis 31:55

55 (1)Qhipärmanthisti, Labanax willjtaw sartasïna, ukatsti allchhinakaparu, phuchhanakaparu jamp'att'asin aski waxt'äwinakap waxt'awayäna, ukat uraqipar kuttawayxarakïna.

2 Samuel 19:39

39 (40) Ukatsti jaqinakax taqpachaniw Jordán jawir makhatxapxäna, reyisti makhatarakïnwa, jamp'att'asaw Barzilai jaqirux khithanukxäna. Barzilai jaqisti utjäwiparuw kuttawayxäna.

1 Reyes 19:20

Eliseosti ukspachaw yuntanak apanukusin Eliasan qhipap jaläna, juparusti sänwa: —Sarxañatak awkixampir taykaxampir jamp'att'ir sarä, ukatsti nayax arkaskämawa —sasa. Eliasasti sänwa: —Saraskakim, ukampis kuntix jumamp lurkta uk amtasim —sasa.

Proverbios 17:17

Mä jilat masix, taqi pachan munasiripuniwa; llakisiñansti, jilamäkaspa ukham chuymachasi.

Proverbios 18:24

Yaqhip masinakax jank'akiw apanukusi, ukampis mayni masinakax jilasat sipan juk'ampiwa.

Isaías 14:1

Israel markat khuyapt'ayasitapatxa, Tatitux wasitat jupan ajllisit markapat uñt'asxistani. Tatitux uraqisaruw kuttayanxistani. Yaqha markan utjir jaqinakasti markas taypin jawsayasiñatakiw jutapxani, ukatsti markasampiw mayachasxapxani.

Zacarías 8:23

Khä urunxa, tunka yaqha markankir jan uñt'at jaqinakaw mä judío jaqirux isipat katuntasipxani, ukat sapxarakini: ‘¡Nanakax jumanakamp chikaw sarañ munapxta, Tatitun jumanakampïtap ist'apxta!’ ” sasa.

Mateo 10:37

“Khititix awkiparu, taykaparu nayar munasiñat sipan juk'ampi munki ukaxa, janiw nayatakjamäkiti; khititix yuqaparusa, phuchhaparusa nayar munañat sipan juk'ampi munki ukaxa, janiw nayatakjamäkiti;

Mateo 16:24

Jesusasti yatiqirinakaparux sarakïnwa: —Maynitix nayar arkañ munchituxa, jupa kipkat armt'aspan, cruzap q'ipxarpan, ukatsti nayar arkitpan.

Mateo 19:22

Waynasti uka arunak ist'asin, wali llakt'ataw sarxäna, wali qamirïtap layku.

Hechos 17:34

Ukampis yaqhip jaqinakax jupar arkasin iyawsapxarakïnwa. Ukanak taypin mä warmiw ukankäna Dámaris sata, ukhamaraki Dionisio, jupasti Areópago sat tantachasïwinkir jaqinakat maynïrïnwa.

Deuteronomio 10:20

“Tatit Diosamar jach'añchapxam, jupa saparuk yupaychapxarakim; jupar jaysirïpxam, juramento lurapkäta ukkhasti Diosan sutipxar lurapxam.

Deuteronomio 4:4

Ukampis jumanakat khitinakatix Tatit Diosamar taqi iyawsañampi arkapkta ukanakax jakasipktawa.

2 Timoteo 4:10

Demasax jaytanukuwayxituwa, jupasti aka uraqin yänakaparuw juk'amp munäna, ukat Tesalónica markar sarawayxi. Crescentex Galacia tuqiruw sarxi. Titosti Dalmacia tuqiruw sarxaraki.

Hebreos 10:39

Jiwasanakasti janiw qhipar kutt'irinakäpktanti, janirakiw juchañchäwir saririnakäpktansa, jan ukasti, iyawsas qhispiyasiñ jikxatirinakäpxtanwa.

Rut 1:13

jumanakax, ¿jupanakamp jaqichasiñatak jilsupxañapkam suyapxasmati? ¿Jupanak suyañ laykukit wasitat jan jaqichasipkasmasti? Wawanaka, janiw ukhamäkaspati. Tatitux nayar wali llakisiñanak apayanitu, nayax juk'ampi llakisirista jumanakar t'aqhisir uñjasaxa —sasa.

Rut 1:15

Ukat Noemí mamax Rut yuxch'apar säna: —Uñtam, yuxch'a masimax markaparu, diosanakapan ukaruw kuttawayxi, jumasti jupamp chik sarxarakim —sasa.

Rut 1:7

Ukat Noemí mamax Judá markar kuttxañ amtäna. Kawkhantix jakapkäna uka chiqat yuxch'anakapamp chikaw sarxäna.

Rut 2:11

Booz chachasti juparux sänwa: —Chachaman jiwatapat kunanaktix taykch'imatak jumax lurkta ukanak nayar yatiyapxitu, awkimaru, taykamaru, markamar apanukunitamsa yatiraktwa, aka markan jumatak jan uñt'at jaqinakamp chik jakañataki.