Rut 1:13 - Qullan Arunaka DC

¹³ jumanakax, ¿jupanakamp jaqichasiñatak jilsupxañapkam suyapxasmati? ¿Jupanak suyañ laykukit wasitat jan jaqichasipkasmasti? Wawanaka, janiw ukhamäkaspati. Tatitux nayar wali llakisiñanak apayanitu, nayax juk'ampi llakisirista jumanakar t'aqhisir uñjasaxa —sasa.

Aymar Bibliia 1986

¹³ jumanacajj, ¿suyapjjasmati jilsuñapcama jumanacampi casarasiñataquisti? ¿Jumanacasti suyt'apjjasmati jan yakhampi casarasisasti? Janiw uqhamäcaspati, wawanaca. Diosasti nayarojj wali llaquisiñanacwa apayanitu, nayajj juc'amp llaquisirista jumanacar t'akhesir uñjasajja.

Qullan Arunaca

¹³ jumanacajj, ¿suyapjjasmati jilsuñapcama jumanacampi casarasiñataquisti? ¿Jumanacasti suyt'apjjasmati jan yakhampi casarasisasti? Janiw uqhamäcaspati, wawanaca. Diosasti nayarojj wali llaquisiñanacwa apayanitu, nayajj juc'amp llaquisirista jumanacar t'akhesir uñjasajja.

Rut 1:13 Jak'a apnaqawi uñst'ayäwi

Génesis 38:11

Ukhamasti Judá chachax Tamar yuxch'aparux sänwa: —Jichhax ijma warmjam awkiman utapan jakam, Selá yuqaxan jilsuñapkama —sasa. Chiqpachansa, Judá chachax chuymapan lup'isïna inampis Selá yuqapax jilanakapjam jiwxarakispa uka. Ukhamasti Tamar warmix awkipan utapar jakiriw sarxäna.

Job 19:21

Jilatanaka jumanakakisay nayat khuyapt'ayasipxita, Diosax q'apisiñapampiw chhuxriñchjitu.

Salmos 32:4

amparamax uruy arumaw jatxattasin t'aqhisiyitäna. Lupin suwantir panqarjamaw wañsurakiyäta.

Salmos 38:2

2 (3) Mich'inakamax nayaruw chhuqhuntitu; ¡amparamax walpun nayar t'aqhisiyitu!

Deuteronomio 2:15

Tatitun jach'a ch'amapaw jupanakxar purïna taqinir jiwarayasa.

Jueces 2:15

Israelitanakax sapa kuti nuwasir sarapkän ukkhaxa, Tatitux janiw jupanakampïkxänti, ukhamïpansti jupanakax jan walt'añan jikxatasipxäna, ukhama jan walt'apxañapatakisti Dios pachpaw arsüna. Ukampis Tatitux israelitanakar walja jan walt'añanak apayankchïn ukasa,

Rut 1:12

Sarxapxam, utanakamar kutt'xapxam. Nayax wasitat jaqichasiñatakix taykäxtwa, jichha arumpach jaqichasirista, ukat wawanakanïrista ukasa,

Rut 1:14

Uk ist'asasti yuxch'anakapax juk'amp jachapxäna. Ukatsti, Orfá warmix taykch'ipar jamp'att'asin kutt'awayxäna. Ukampis Rut warmix taykch'ipamp chikaw qhiparxäna.

Rut 1:21

Aka markatxa, taqi kun phuqt'ataw mistuwayta, Tatitun ukham munatapatxa, jichhax jan kunaniw kutt'anta. ¿Kunatarak Noemí sasipkakitätasti? Nayarux taqi ch'aman Tatituw juchañchitu, llakinak apayanirakitu —sasa.

1 Samuel 5:11

Ecrón markankirinakax jiwañ wal axsarapxäna, ukat filisteonakan jilïrinakapar jawsayasin jupanakar sapxarakïna: “¡Uka arca akat apasipxam. Kawkhattix apanipkta ukkhar apapxam, jan ukasti taqiniw jiwarañäni!” sasa.