Números 5:18 - Qullan Arunaka DC

¹⁸ Ukatsti, sacerdotex Tatitun nayraqatapar warmir irpkatasax, ñik'utap jararani, ukatsti warmin amparaparux ch'uxña lurasiñ tuqit jucha qhanar uñstayañatak waxt'äwïki uk uchani; ukchañkamasti jupax amparapan katuni, jucha luririnakar jan walt'ayir uka k'allk'u uma.

Aymar Bibliia 1986

¹⁸ Ucapacharaquiw sacerdotejj warmirojj Tatitu nayrakataru uñstayasinjja ñic'utapa jararani, ucatsti amparaparojj ofrenda uchani, celasiñ toketa mä jucha khanaru uñstayañataqui; sacerdotejj amparaparojja maldición apanqui uca c'allc'u uma caturaquini,

Qullan Arunaca

¹⁸ Ucapacharaquiw sacerdotejj warmirojj Tatitu nayrakataru uñstayasinjja ñic'utapa jararani, ucatsti amparaparojj ofrenda uchani, celasiñ toketa mä jucha khanaru uñstayañataqui; sacerdotejj amparaparojja maldición apanqui uca c'allc'u uma caturaquini,

Números 5:18 Jak'a apnaqawi uñst'ayäwi

Proverbios 5:4

Ukampis qhiparux mullat sipan juk'amp k'allk'uwa, purapar arini espadat sipan juk'amp arirakiwa.

Eclesiastés 7:26

Jiwañat sipansa kunatix juk'amp jan walïki uk jikxatta: warmix chuymampi sallqxasax amparapampiw qhumanti. Diosar munirix ukham warmit jaltxaniwa, ukampis jucharar jaqix sipitanakaparuw jalt'ani.

Isaías 38:17

Uñtapxam, t'aqhisiñat sipansa, jichhax samarañaw utjitu. Aynacht'añanakatxa, jumarakiw imista, taqi juchanakaxsa pampacharakistawa.

Jeremías 2:19

Pachpa ñanqha luratamaw mutuyätam, jan taqi chuymampi sarnaqatamaw juchañchaskätam. Amuyt'asim, ukat uñjarakïta, kunja jan walïkataynatix nayar apanukuñaxa, kunja llakïkataynatix nayar jan yäqatamasa, naya, Tatitu Diosamar apanukutamata. Naya, taqi ch'aman Tatituw uk arsta.

Levítico 13:45

“Khititix lepra usunïki ukax ch'iyanuqat isimpiw uchasini, p'iqipasti q'arakiraki, ajanupas chikat imt'ataw akham sas arnaqasini: ‘¡Q'añütwa! ¡Q'añütwa!’ sasa.

Números 5:15

Ukhamäni ukapachasti, chachax sacerdoten nayraqataparuw warmipar irpani, ukatsti Tatiturux pä kilo cebada jak'u waxt'a warmipat churani. Ukampis janiw jak'u patxar aceitempi warxatkaniti, janirakiw incienso uchkaniti, uka waxt'an chuyma mayjt'at chachan waxt'apätap layku, warmipan juchap qhanstayañ munatap laykuraki.

Números 5:17

Ukxarusti Tatitur luqtat uma ñiq'i chatur aptanini, ukarusti qullan utjäwit mä juk'a laq'a aptasin jach'intani.

Números 5:19

Ukapachaw sacerdotex warmir mä juramento lurayani, juparusti sarakiniwa: ‘Janitix yaqha chachamp sarnaqksta, chachamarus ch'uxña lurksta, janirak q'añu lurañamp atipayasksta ukapachax, aka ñanqha apanir k'allk'u uma umantkäta ukkhaxa, janiw kunas kamachkätamti.

Números 5:22

Ñanqhachäwi apanir uma umt'kät ukapachaw uka mutuyäwi katuqäta’ sasa. Warmisti saniwa: ‘Ukhamäpan’ sasa.

1 Corintios 11:15

ukatsipana, warmitakix ñik'utap jilayasiñax jach'at uñt'atäñawa, juparuw jach'a ñik'utax p'iqip imxatasiñapatak churasi.

1 Corintios 11:6

Ukampis mä warmitix p'iqip jan ch'uqt'askchixa, walïspawa mäpit ñik'utap q'al mururasxañapa. Ukampis warmitix ñik'ut mururasiñan p'inqätap amuychixa, p'iqip ch'uqt'aspan.

Deuteronomio 29:18

18 (17) Jumanak taypinsti janiy utjpati, chachasa, warmisa, wila masinakasa, ayllusa, Tatit Diosasar apanukusin uka markanakan diosanakapar yupaychirixa. Janirak khitis jumanak taypit jiwayasir k'allk'u saphini alinakar uñtatäpati.

Hebreos 13:4

Chacha warmi jaqichasit sarnaqäwirux taqinipun waqaychapxam, chachasa, warmisa jan yaqhanakampix wachuqan sarnaqapxamti; wachuq juchan sarnaqirirux Diosaw taripani.

1 Samuel 15:32

Ukspachaw Samuelux sarakïna: —Amalecita jaqinakan Agag reyip akar irptanirapipxita —sasa. Agag reyisti jan kunakiw Samuel nayraqatarux uñstäna, juparux janiw khitis jiwaykxaniti ukham amuyäna.