Números 20:1 - Qullan Arunaka DC

¹ Israelitanakax marat nayrïr phaxsi saraqataruw Sin sat wasarar puripxäna; ukatsti Cadés chiqan mä qawqha pacha qamarapxäna. Ukan Mariax jiwxäna, ukanarak p'amp'atäxäna.

Aymar Bibliia 1986

¹ Marat mä phajjsi sarakquipansti, israelitanacajj Zin sat wasararuw puripjjäna; take marcpachaw Cades sat chekana kamarapjjäna. Ucanwa Mariajj jiwjjäna, ucanaracwa imantatäjjäna.

Qullan Arunaca

¹ Marat mä phajjsi sarakquipansti, israelitanacajj Zin sat wasararuw puripjjäna; take marcpachaw Cades sat chekana kamarapjjäna. Ucanwa Mariajj jiwjjäna, ucanaracwa imantatäjjäna.

Números 20:1 Jak'a apnaqawi uñst'ayäwi

Génesis 14:7

Kuttanxasin Quedorlaómer reyimpi, jupampïpkän ukanakasti, En-mispat chiqaruw puripxäna, kawkha chiqatix Cadés satäkäna ukaru. Ukansti amalecitanakan uraqip tuqin taqi kuntix thakhin jikxatapkän ukanak t'unjapxäna, uka kipkarakiw Hasesón-tamar sat uksa tuqin jakir amorreonakampix lurapxäna.

Salmos 29:8

Tatitun arupax ch'usa wasararuw khathatiyi; ¡Tatituw Cadés wasararux khathatiyi!

Éxodo 15:20

Ukat Aaronan kullakapa, María profetisa warmix pandereta aptasin q'uchüna, ukatsti mayni warminakax panderetanakamp thuqt'asisarakiw jupar arkapxäna.

Éxodo 2:4

Ukatsti uka wawan kullakapampiw jaya chiqat uñch'ukiyäna, kunatix wawar kamachkaspa uk uñjañapataki.

Éxodo 2:7

Ukat uka wawan kullakapax faraonan phuchhapar jikxatasin säna: —¿Jumatak walïspati hebrea warminak taypit mayni irpanirista aka wawar uñjañapataki? —sasa.

Ezequiel 47:19

“Aynach tuqinkir qurpasti Tamar sata markat qalltani, Meribá-cadés sata uka suma uraqi chiqa sarakipasa, Egipto jawiranjama, Mediterráneo jach'a qutaru puriñkama.

Miqueas 6:4

Nayaw Egipto markat irpsunsma, t'aqhisiñat qhispiyanisa; nayaw Moisesaru, Aaronaru, Mariarus khithanta, jumar irpsuniñapatakiw khithanta.

Números 12:1

Mariampi, Aaronampix Moisés jilapat jan wal parlapxäna, jupan mä etiope warmimpi jaqichasitap layku.

Números 12:10

Qinayax qullan utjäwit jithiqtawayxän ukapachasti, Mariax lepra usuniw uñstäna, janchipax khunjam janq'uw tuküna. Aaronax Mariar uñtañatakiw kutikipstäna, lepra usun jupar uñkatasinsti,

Números 12:15

Ukhamaw Mariax paqallq uru campamentot jaqunukut uñjasïna. Ukchañkamasti, markax janiw ukawjat sartkänti.

Números 13:21

Uka chachanakasti sarasin uka uraq uñakipapxäna, aynach tuqit qalltapxäna, Sin sat wasarata, ukawjatsti Rehob chiqakamaw sarapxäna, ukasti Hamat jak'ankiwa.

Números 13:26

Parán wasaran Cadés sat chiqaruw kuttanxapxäna. Ukan Moisesampi, Aaronampi, taqpach israelitanakampix jikxatasipxäna. Ukatsti kuntix yatxatanipkatayna taqi ukanak jupanakar yatiyapxäna, uka uraqit apanipkatayna uka achunaksa uñacht'ayapxarakïnwa.

Números 20:16

ukat nanakax Tatitur yanap mayisipxta, jupasti arnaqasitanakaxar ist'apxituwa, angelap khithanipxitu, jupaw Egipto uraqit irpsunipxitu; jichhasti Cadés markan jikxatasipxta, markamampi qurpa uraqina.

Números 20:22

Israelitanakax Cadés chiqat sartawayasax, Hor sat qullu tuqiruw sarxapxäna,

Números 20:28

Aaronax jiwxän ukkhasti, Moisesax sacerdote isip issuyxäna, ukatsti Eleazar yuqaparuw ukamp isthapiyäna. Uka qhipatsti, Moisesampi, Eleazarampix qullut saraqanxapxäna.

Números 26:59

Amram chachax Leví chachan mä phuchhapampiw jaqichasïna, jupasti Jocabed satänwa. Uka phuchhapasti kunapachatix Leví chachax Egiptonkaskän ukapachaw yuritayna. Amram chachampi, Jocabed warmimpix pä yuqall wawani, mä imill wawanïpxänwa: Aarón, Moisés, María jupanaka.

Números 27:14

jumanak paninix Sin sat wasaran nayar jan jaysapkistati, markax nayatak sartkän ukapacha, janirakiw jumanakax uma mayipkän ukkhax jupanak nayraqatan jach'añchapkistati, —sasa. (Akasti Cadés chiqankir Meribá uma jalsut parli, Sin wasarana).

Números 33:36

Esión-guéber chiqawjat sartawayasasti Cadés chiqan utjnuqtapxäna, Sin sat wasarana.

Deuteronomio 1:46

Ukat jumanakax Cadés chiqan qhiparapxtaxa, walja maranakaw ukan utjasipxaraktaxa.

Deuteronomio 2:14

“Kunapachatix Cadés-barnea chiqat mistunipktan, ukat Zéred sat jisk'a jawir makhatapktan uka urkamaxa, kimsa tunka kimsaqallqun maraw mäkipxäna. Ukchañkamasti campamenton jikxatasipkän uka nuwasiñatak wakichat jaqinakax jiwarxapxänwa, Tatitux juramentomp arskatayna uka arsutarjama.

Deuteronomio 32:51

Jumanak panix Israel marka nayräxan janiw jaysapkistati, Meribá uma jalsu jak'an jikxatasipkäyät ukapacha, Cadés uraqina, Sin sat wasarana.

Jueces 11:16

Kunapachatix Egiptot mistunipkta ukkhaxa, wasaranjam sarakipasaw Mar Rojo qutakam purinipxta, ukatsti Cadés chiqaruw puripxta.